លោក Supakit Sirilak អគ្គនាយក DMS បាននិយាយថា Deltacron ត្រូវបានរកឃើញនៅក្នុងការធ្វើតេស្តហ្សែនប្រចាំសប្តាហ៍របស់ក្រសួង ហើយការរកឃើញនេះ ត្រូវបានដាក់ជូនទៅ Gisaid ដែលជាមូលដ្ឋានទិន្នន័យហ្សែនអន្តរជាតិ។

យោងតាមលោកវេជ្ជបណ្ឌិត Supakit បានឲ្យដឹងថា អង្គការសុខភាពពិភពលោក (WHO) កំពុងតាមដានមេរោគ Deltacron ហើយមិនមានភ័ស្តុតាងបង្ហាញថា វាឆ្លងខ្លាំងជាង អាចបង្កឲ្យមានជំងឺកាន់តែធ្ងន់ធ្ងរ ឬអាចគេចចេញពីប្រព័ន្ធភាពស៊ាំនោះទេ។

ករណី Deltacron ជាង ៤,០០០ ករណីទូទាំងពិភពលោក ត្រូវបានបញ្ជូនទៅ Gisaid រួមទាំង ៧៣ករណីពីប្រទេសថៃផងដែរ។

លោក Supakit បញ្ជាក់ថា “វាមិនចាំបាច់ភ័យស្លន់ស្លោទេ។ ប្រសិនបើករណីនៃវីរុសបំប្លែងខ្លួន Delta ធ្លាក់ចុះបន្ថែមទៀត នោះឱកាសនៃប្រភេទវីរុសទាំងពីររួមបញ្ចូលគ្នាក៏ធ្លាក់ចុះដែរ។ យ៉ាងណាក្តី ប្រសិនបើ Deltacron ឆ្លងខ្លាំង វាអាចជំនួស Omicron បាន។ ប៉ុន្តែមិនមានសញ្ញាបែបនោះទេ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ អ្នកវិទ្យាសាស្រ្តព្រមាន ជំងឺមួយនឹងចាប់ផ្តើមឆ្លងរាលដាល បន្ទាប់ពី កូវីដ១៩

The post កូវីដបំប្លែងខ្លួនកូនកាត់ កំពុងរាលដាលនៅ ថៃ (មានវីដេអូ) appeared first on Kampuchea Thmey Daily.

“ដែលតាក្រុង” ដែលមានសមត្ថភាពឆ្លងកាន់តែខ្លាំង ត្រូវបានគេគិតថា វិវត្តនៅក្នុងខ្លួនអ្នកជំងឺដែលឆ្លងវីរុសបំប្លែងខ្លួនទាំងពីរក្នុងពេលតែមួយ ប៉ុន្តែគេមិនច្បាស់ទេថាតើមេរោគនេះត្រូវបាននាំចូលពីក្រៅ ឬមានប្រភពនៅក្នុងប្រទេសអង់គ្លេស។

ស្របពេលជាមួយគ្នានោះ មន្ត្រីទីភ្នាក់ងារសន្តិសុខសុខភាពរបស់ចក្រភពអង់គ្លេស (UKHSA) ក៏មិនទាន់ដឹងដែរថា មេរោគដែលទើបនឹងវិវត្តថ្មីនេះមានសមត្ថភាពឆ្លងខ្លាំង ឬធ្ងន់ធ្ងរកម្រិតណា ឬថាតើវានឹងប៉ះពាល់ដល់ប្រសិទ្ធភាពវ៉ាក់សាំងដែរឬអត់។

ប្រភពមួយនៅ UKHSA បានលើកឡើងថា ពេលនេះ ក្រុមមន្ត្រីមិនមានការព្រួយបារម្ភចំពោះវីរុសកូនកាត់នេះទេ ព្រោះចំនួនករណីឆ្លង នៅមានកម្រិតទាបនៅឡើយ។

យ៉ាងណាក្តី ទីភ្នាក់ងារនេះ​មិន​បាន​បង្ហាញ​ថា​តើ រកឃើញប៉ុន្មានករណីហើយនោះទេ។

សាស្ត្រាចារ្យ Paul Hunter អ្នកជំនាញខាងជំងឺឆ្លងនៅសាកលវិទ្យាល័យ East Anglia បានប្រាប់ MailOnline ថា វាមិនគួរបង្កការគំរាមកំហែងខ្លាំងពេកទេ ពីព្រោះចក្រភពអង់គ្លេសមានកម្រិតភាពស៊ាំដ៏ធំប្រឆាំងនឹងប្រភេទ ដែលតា និង អូមីក្រុង ទម្រង់ដើម។

រឿងនេះកើតឡើង បន្ទាប់ពីរបាយការណ៍នៃករណីវីរុសកូនកាត់ ដែលតាក្រុង ពីប្រទេស ស៊ីប កាលពីខែមុន ត្រូវបានច្រានចោល។

ស្របពេលជាមួយគ្នានេះដែរ ប្រធានផ្នែកវេជ្ជសាស្រ្ដអង់គ្លេសប្រចាំនៅក្រុមហ៊ុនផលិតវ៉ាក់សាំង Moderna បានព្រមានអំពីវីរុសកូនកាត់ នៅពេលដែលករណី អូមីក្រុង កំពុងតែកើនឡើងទូទាំងពិភពលោក ហើយចាប់ផ្តើមប្រកួតប្រជែងជាមួយ ដែលតា៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ WHO៖ អូមីក្រុង ក្លាយពូជ BA.2 ទំនងមិនធ្ងន់ធ្ងរជាងវីរុសទម្រង់ដើមទេ

The post អូមីក្រុង ពួតដៃ ដែលតា បង្កើតវីរុសកូនកាត់ ចេញមកអុកឡុកទៀតហើយ (មានវីដេអូ) appeared first on Kampuchea Thmey Daily.

លោក Kidong Park បានបន្ថែមថា “វាគ្រាន់តែជាផ្នែកមួយនៃវីរុសបំប្លែងខ្លួនរបស់ឥណ្ឌាប៉ុណ្ណោះ” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ វីរុសបំប្លែងខ្លួន៧ប្រភេទ កំពុងវាយប្រហារវៀតណាម ក្នុងនោះមាន១ប្រភេទជា វីរុសកូនកាត់ដ៏សាហាវ ឆ្លងតាមខ្យល់

The post ក្ដៅៗ តំណាង WHO ប្រចាំវៀតណាម អះអាងថា មិនមានវីរុសកូនកាត់ដ៏សាហាវឆ្លងតាមខ្យល់ក្នុងប្រទេសនេះនោះទេ appeared first on Kampuchea Thmey Daily.

រដ្ឋមន្រ្តីក្រសួងសុខាភិបាលវៀតណាម លោក ង្វៀន ថាញ់ឡុង មិនបានបញ្ជាក់ពីចំនួនករណីដែលត្រូវបានកត់ត្រាជាមួយវីរុសថ្មីនេះទេ ប៉ុន្តែបានចាត់ទុកវីរុសកូនកាត់នេះ ថាជាវីរុស “មានគ្រោះថ្នាក់បំផុត”។

ខាងក្រោមនេះជាអ្វីដែលអ្នកត្រូវដឹងអំពីវីរុសកូវីដ-១៩កូនកាត់ប្រភេទថ្មី នៅក្នុងប្រទេស វៀតណាម៖

១. វីរុសកូវីដ-១៩ថ្មីនេះ គឺជាការបូកបញ្ចូលគ្នារវាងវីរុសបំប្លែងខ្លួនចំនួនពីរ ដែលត្រូវបានគេរកឃើញដំបូងនៅក្នុងប្រទេសឥណ្ឌានិងចក្រភពអង់គ្លេស

២. លក្ខណៈនៃវីរុសបំប្លែងខ្លួននេះ គឺអាចចម្លងសាហាវជាងវីរុសមុនៗ ហើយរាលដាលយ៉ាងឆាប់រហ័សតាមរយៈខ្យល់អាកាស។

៣. កំហាប់វីរុសក្នុងសារធាតុរាវក្នុងបំពង់ក បានកើនឡើងក្នុងល្បឿនយ៉ាងឆាប់រហ័ស ហើយរាលដាលយ៉ាងខ្លាំងដល់មជ្ឈដ្ឋានជុំវិញ។

៤. មន្ទីរពិសោធន៍បានបង្ហាញថា វីរុសថ្មីនេះបានបំបែកខ្លួនយ៉ាងលឿន ហើយនេះជាមូលហេតុដែលប្រទេសវៀតណាម មានករណីឆ្លងកើនឡើងយ៉ាងខ្លាំងត្រឹមរយៈពេលខ្លី៕

ប្រែសម្រួល៖ Vann Vann

ប្រភព៖ TOI

ចុចអាន៖ វៀតណាម ផ្អាកជើងហោះហើរអន្តរជាតិចូលទីក្រុង ហាណូយ

The post ៤ ចំណុចសំខាន់ៗ ដែលគេព្រួយបារម្ភខ្លាំង អំពីវីរុសកូនកាត់ឆ្លងសាហាវ នៅ វៀតណាម appeared first on Kampuchea Thmey Daily.

កិច្ចខិតខំប្រឹងប្រែងនេះ គឺដើម្បីឆ្លើយតបទៅនឹងចង្កោមផ្ទុះជំងឺថ្មីមួយ ដែលមានទំនាក់ទំនងទៅនឹងបេសកកម្មសាសនា។

ប្រទេសវៀតណាម ទទួលបានជោគជ័យក្នុងការគ្រប់គ្រងមេរោគកូវីដ-១៩ ប៉ុន្តែករណីជាច្រើនបានកើនឡើងក្នុងរយៈពេលប៉ុន្មានសប្តាហ៍កន្លងមកនេះ។

កាលពីចុងសប្តាហ៍ ក្រុមមន្រ្តីវៀតណាម បានព្រមានអំពីវីរុសបំប្លែងខ្លួនកូនកាត់ឥណ្ឌា-អង់គ្លេសថ្មី ដ៏មានគ្រោះថ្នាក់ដែលឆ្លងតាមខ្យល់អាកាស។

សរុបទៅ ប្រទេសបានចុះបញ្ជីការឆ្លងជាង ៧ពាន់ករណី និងមានអ្នកស្លាប់ចំនួន៤៧នាក់។

ការផ្ទុះឡើងចុងក្រោយបង្អស់នៅក្នុងទីក្រុងហូជីមិញ គឺផ្តើមចេញពីបេសកកម្មរបស់សាសនាគ្រិស្តមួយ ដែលនាំឲ្យមានករណីវិជ្ជមានចំនួន១២៥ករណី ហើយភាគច្រើនគឺជាការឆ្លងរបស់ទីក្រុង។

អ្នកដែលរស់នៅតំបន់ជុំវិញចង្កោមផ្ទុះ ត្រូវបានធ្វើតេស្តរួចទៅហើយ ហើយកំពុងជាប់ក្នុងការបិទខ្ទប់។

ឥឡូវនេះ ក្រុមមន្រ្តីគ្រោងនឹងធ្វើតេស្តមនុស្សចំនួន១៣លាននាក់ ក្នុងទីក្រុងហូជីមិញ។

ជាមួយអត្រាធ្វើតេស្ត ១០០,០០០នាក់ក្នុងមួយថ្ងៃ កិច្ចខិតខំប្រឹងប្រែងនេះ នឹងត្រូវចំណាយពេលជាង៤ខែ ដើម្បីសម្រេចរួចរាល់។

ក្រៅពីការធ្វើតេស្ត ក្រុមមន្រ្តីក៏បានប្រកាសពីវិធានការគម្លាតសង្គមថ្មីៗ នៅទូទាំងទីក្រុងរយៈពេល១៥ថ្ងៃផងដែរ​ ដោយចាប់ផ្តើមពីថ្ងៃទី៣១ខែឧសភាទៅ។

ហាងនិងភោជនីយដ្ឋាន ត្រូវបិទទ្វារ ហើយសកម្មភាពសាសនាត្រូវបានផ្អាក៕

ប្រែសម្រួល៖ Vann Vann

ប្រភព៖ BBC

ចុចអាន៖ វីរុសបំប្លែងខ្លួន៧ប្រភេទ កំពុងវាយប្រហារវៀតណាម ក្នុងនោះមាន១ប្រភេទជា វីរុសកូនកាត់ដ៏សាហាវ ឆ្លងតាមខ្យល់

The post វៀតណាម ធ្វើតេស្តមនុស្សជាង ១០លាននាក់ក្នុងទីក្រុងហូជីមិញ ស្របពេលភ័យខ្លាចវីរុសបំប្លែងខ្លួនកូនកាត់ appeared first on Kampuchea Thmey Daily.

ព័ត៌មានអំពីវីរុសកូនកាត់នេះ ត្រូវបានប្រកាសដោយរដ្ឋមន្រ្តីក្រសួងសុខាភិបាល លោក ​Nguyen Thanh Long ហើយលោកបានពណ៌នាថា វីរុសនេះពិតជាមានគ្រោះថ្នាក់ណាស់។

មកទល់ពេលនេះ ប្រទេសវៀតណាម បានរកឃើញវីរុសបំប្លែងខ្លួនចំនួន៧ប្រភេទហើយ ដោយក្នុងនោះមានដូចជា B.1.222, B.1.619, D614G, B.1.1.7 ឬគេស្គាល់ថាជាវីរុសអង់គ្លេស, B.1.351, A.23.1 និង B.1.617.2 ដែលគេស្គាល់ថាជាវីរុសឥណ្ឌា។

គេហទំព័រ VnExpress បានដកស្រង់សម្តីលោក Long ដែលនិយាយថា ក្នុងពេលឆាប់ៗ វីរុសបំប្លែងខ្លួនកូនកាត់នេះ នឹងត្រូវបានដាក់ឈ្មោះឲ្យ ហើយនឹងផ្តល់ព័ត៌មានលម្អិតអំពីវីរុសនេះ។

លោក Long ក៏បាននិយាយផងដែរថា លទ្ធផលនៃមន្ទីរពិសោធន៍បានបង្ហាញថា វីរុសនេះអាចចម្លងបានកាន់តែសាហាវ ហើយវាចម្លងយ៉ាងឆាប់រហ័សតាមរយៈខ្យល់អាកាស។

ស្របពេលជាមួយគ្នានោះដែរ លោកបានស្តីបន្ទោសថាចំពោះវីរុសកូនកាត់ថ្មីនេះ សម្រាប់ការកើនឡើងនៃករណីឆ្លងយ៉ាងឆាប់រហ័ស នៅក្នុងប្រទេសវៀតណាម។

គួរបញ្ជាក់ថា រហូតមកដល់ពេលនេះ អង្គការសុខភាពពិភពលោក (WHO) បានកំណត់វីរុសបំប្លែងខ្លួនចំនួន៤ ថាជាមេរោគដែលត្រូវព្រួយបារម្ភ ក្នុងនោះមានវីរុសដែលមានដើមកំណើតនៅចក្រភពអង់គ្លេស ឥណ្ឌា ប្រេស៊ីលនិងអាហ្វ្រិកខាងត្បូង៕

ប្រែសម្រួល៖ Vann Vann

ប្រភព៖ Sky News

ចុចអាន៖ គួរបារម្ភ វៀតណាម រក ឃើញ វីរុស បំប្លែង ខ្លួន ឥណ្ឌា និង អង់គ្លេស ចម្រុះ គ្នា ឆ្លងកាន់ តែ លឿន

The post វីរុសបំប្លែងខ្លួន៧ប្រភេទ កំពុងវាយប្រហារវៀតណាម ក្នុងនោះមាន១ប្រភេទជា វីរុសកូនកាត់ដ៏សាហាវ ឆ្លងតាមខ្យល់ appeared first on Kampuchea Thmey Daily.