កូវីដបំប្លែងខ្លួនកូនកាត់ កំពុងរាលដាលនៅ ថៃ (មានវីដេអូ)

ប្រទេសថៃកាលពីថ្ងៃពុធទី២៣ខែមីនា បានរាយការណ៍ថា មានករណីវីរុសកូវីដ១៩បំប្លែងខ្លួនកូនកាត់ Deltacron ចំនួន៧៣ករណី ទោះបីជាយ៉ាងណា អ្នកជំងឺទាំងអស់បានជាសះស្បើយហើយ។ នេះបើយោងតាមនាយកដ្ឋានវិទ្យាសាស្ត្រវេជ្ជសាស្ត្រ (DMS)។

លោក Supakit Sirilak អគ្គនាយក DMS បាននិយាយថា Deltacron ត្រូវបានរកឃើញនៅក្នុងការធ្វើតេស្តហ្សែនប្រចាំសប្តាហ៍របស់ក្រសួង ហើយការរកឃើញនេះ ត្រូវបានដាក់ជូនទៅ Gisaid ដែលជាមូលដ្ឋានទិន្នន័យហ្សែនអន្តរជាតិ។

យោងតាមលោកវេជ្ជបណ្ឌិត Supakit បានឲ្យដឹងថា អង្គការសុខភាពពិភពលោក (WHO) កំពុងតាមដានមេរោគ Deltacron ហើយមិនមានភ័ស្តុតាងបង្ហាញថា វាឆ្លងខ្លាំងជាង អាចបង្កឲ្យមានជំងឺកាន់តែធ្ងន់ធ្ងរ ឬអាចគេចចេញពីប្រព័ន្ធភាពស៊ាំនោះទេ។

ករណី Deltacron ជាង ៤,០០០ ករណីទូទាំងពិភពលោក ត្រូវបានបញ្ជូនទៅ Gisaid រួមទាំង ៧៣ករណីពីប្រទេសថៃផងដែរ។

លោក Supakit បញ្ជាក់ថា “វាមិនចាំបាច់ភ័យស្លន់ស្លោទេ។ ប្រសិនបើករណីនៃវីរុសបំប្លែងខ្លួន Delta ធ្លាក់ចុះបន្ថែមទៀត នោះឱកាសនៃប្រភេទវីរុសទាំងពីររួមបញ្ចូលគ្នាក៏ធ្លាក់ចុះដែរ។ យ៉ាងណាក្តី ប្រសិនបើ Deltacron ឆ្លងខ្លាំង វាអាចជំនួស Omicron បាន។ ប៉ុន្តែមិនមានសញ្ញាបែបនោះទេ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ អ្នកវិទ្យាសាស្រ្តព្រមាន ជំងឺមួយនឹងចាប់ផ្តើមឆ្លងរាលដាល បន្ទាប់ពី កូវីដ១៩