៤ ចំណុចសំខាន់ៗ ដែលគេព្រួយបារម្ភខ្លាំង អំពីវីរុសកូនកាត់ឆ្លងសាហាវ នៅ វៀតណាម

ប្រទេសវៀតណាម បានរកឃើញវីរុសកូវីដ-១៩បំប្លែងខ្លួនប្រភេទថ្មី ដែលជាការបង្កាត់ពូជរវាងវីរុសបំប្លែងខ្លួនឥណ្ឌា និងចក្រភពអង់គ្លេស។

រដ្ឋមន្រ្តីក្រសួងសុខាភិបាលវៀតណាម លោក ង្វៀន ថាញ់ឡុង មិនបានបញ្ជាក់ពីចំនួនករណីដែលត្រូវបានកត់ត្រាជាមួយវីរុសថ្មីនេះទេ ប៉ុន្តែបានចាត់ទុកវីរុសកូនកាត់នេះ ថាជាវីរុស “មានគ្រោះថ្នាក់បំផុត”។

ខាងក្រោមនេះជាអ្វីដែលអ្នកត្រូវដឹងអំពីវីរុសកូវីដ-១៩កូនកាត់ប្រភេទថ្មី នៅក្នុងប្រទេស វៀតណាម៖

១. វីរុសកូវីដ-១៩ថ្មីនេះ គឺជាការបូកបញ្ចូលគ្នារវាងវីរុសបំប្លែងខ្លួនចំនួនពីរ ដែលត្រូវបានគេរកឃើញដំបូងនៅក្នុងប្រទេសឥណ្ឌានិងចក្រភពអង់គ្លេស

២. លក្ខណៈនៃវីរុសបំប្លែងខ្លួននេះ គឺអាចចម្លងសាហាវជាងវីរុសមុនៗ ហើយរាលដាលយ៉ាងឆាប់រហ័សតាមរយៈខ្យល់អាកាស។

៣. កំហាប់វីរុសក្នុងសារធាតុរាវក្នុងបំពង់ក បានកើនឡើងក្នុងល្បឿនយ៉ាងឆាប់រហ័ស ហើយរាលដាលយ៉ាងខ្លាំងដល់មជ្ឈដ្ឋានជុំវិញ។

៤. មន្ទីរពិសោធន៍បានបង្ហាញថា វីរុសថ្មីនេះបានបំបែកខ្លួនយ៉ាងលឿន ហើយនេះជាមូលហេតុដែលប្រទេសវៀតណាម មានករណីឆ្លងកើនឡើងយ៉ាងខ្លាំងត្រឹមរយៈពេលខ្លី៕

ប្រែសម្រួល៖ Vann Vann

ប្រភព៖ TOI

ចុចអាន៖ វៀតណាម ផ្អាកជើងហោះហើរអន្តរជាតិចូលទីក្រុង ហាណូយ