ក្រុមហ៊ុនឱសថយក្សមួយនេះនិយាយថា ខ្លួនបានរួមបញ្ចូលគ្នានូវសរសៃប្រូតេអ៊ីននៃវីរុសកូវីដ១៩បំប្លែងខ្លួនជាមួយនឹងវីរុសកូវីដទម្រង់ដើម ដើម្បីសាកល្បងវ៉ាក់សាំងរបស់ខ្លួន ហើយថា ក្រុមហ៊ុនបានបង្កើតមេរោគបំប្លែងខ្លួនក្លាយពូជថ្មីៗដើម្បីធ្វើតេស្តថ្នាំប្រឆាំងមេរោគរបស់ខ្លួនឈ្មោះ Paxlovid។

ក្រុមហ៊ុនបន្តថា “នៅក្នុងចំនួនមានកំណត់, មេរោគបែបនេះអាចត្រូវបានបង្កើតឡើងដើម្បីបើកការវាយតម្លៃសកម្មភាពប្រឆាំងមេរោគនៅក្នុងកោសិកា។ យ៉ាងណាក្តី ការងារនេះត្រូវបានអនុវត្តនៅក្នុងមន្ទីរពិសោធន៍ដែលមានសុវត្ថិភាពបំផុត។ ការងារនេះ ក៏បានព្យាយាមបង្កើតប្រភេទវីរុសដែលខ្លាំងៗផងដែរ”។

សេចក្តីថ្លែងការណ៍របស់ Pfizer បានកើតឡើងពីរថ្ងៃ បន្ទាប់ពីលោក Jordon Trishton Walker នាយកប្រតិបត្តិដែលពាក់ព័ន្ធនឹងផ្នែក mRNA របស់ក្រុមហ៊ុននេះ បានប្រាប់អ្នកយកព័ត៌មានថា ក្រុមហ៊ុនកំពុងស្វែងរកវិធីដើម្បីបំប្លែងមេរោគកូវីដដោយខ្លួនឯង ដូច្នេះយើងអាចបង្កើតវ៉ាក់សាំងថ្មី ទុកការពារជាមុនឲ្យហើយ។

លោក Walker ថែមទាំងបានបញ្ជាក់ផងដែរថា ក្រុមអ្នកវិទ្យាសាស្ត្រកំពុងពិចារណាលើការចម្លងសត្វស្វា ជាមួយនឹងប្រភេទវីរុសដែលនឹងអាចឆ្លងបន្តគ្នាទៅវិញទៅមក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ក្រុមហ៊ុន Pfizer ប្រកាសប្រមូលថ្នាំដែលអាចបង្ក ជំងឺមហារីក មកវិញ

The post ក្រុមហ៊ុន Pfizer សារភាពថា ខ្លួនជាអ្នកបង្កើតវីរុសកូវីដ១៩បំប្លែងថ្មី (មានវីដេអូ) appeared first on Kampuchea Thmey Daily.

សាស្ត្រាចារ្យ Lawrence Young អ្នកជំនាញខាងមេរោគមកពីសាកលវិទ្យាល័យ Warwick បានប្រាប់គេហទំព័រ The Observer ថា “ការគិតដែលថា វីរុសបំប្លែងខ្លួននានា នឹងបន្តមានសភាពស្រាលជាងនេះគឺខុសហើយ”។

ទ្រឹស្ដីដែលថា វីរុសបំប្លែងខ្លួននឹងកាន់តែស្រាល ត្រូវបានលើកឡើងយ៉ាងទូលំទូលាយចាប់តាំងពី អូមីក្រុង បានមកជំនួស ដែលតា ក្នុងនាមជាវីរុសកូវីដបំប្លែងថ្មីលេចធ្លោខ្លាំងក្នុងរដូវរងានេះ។

ប៉ុន្តែសាស្រ្តាចារ្យ Young បានអះអាងថា “វីរុសបំប្លែងខ្លួនថ្មី អាចសាហាវជាង ដែលតា ទៅទៀត”។

ស្របពេលជាមួយគ្នានោះ លោក David Nabarro បេសកជនពិសេសរបស់អង្គការសុខភាពពិភពលោកទទួលបន្ទុកផ្នែកមេរោគ បាននិយាយថា “នឹងមានវីរុសកូវីដបំប្លែងខ្លួនបន្ថែមទៀតបន្ទាប់ពី អូមីក្រុង ហើយប្រសិនបើពួកគេអាចឆ្លងកាន់តែខ្លាំង ពួកគេនឹងគ្របដណ្តប់”។

លើសពីនេះ ពួកវាអាចបណ្តាលឲ្យមានទម្រង់ជំងឺផ្សេងៗគ្នា ម្យ៉ាងទៀត ពួកគេអាចនឹងកាន់តែសាហាវ ឬមានផលវិបាករយៈពេលវែងជាង៕

ប្រែសម្រួល៖ Vann Vann

ប្រភព៖ Sky

ចុចអាន៖ អូមីក្រុង ពួតដៃ ដែលតា បង្កើតវីរុសកូនកាត់ ចេញមកអុកឡុកទៀតហើយ

The post វីរុសបំប្លែងខ្លួនថ្មី អាចគ្រោះថ្នាក់ជាង ដែលតា ទៅទៀត appeared first on Kampuchea Thmey Daily.

ឈាម និងសំណាកយកពីច្រមុះពីសត្វក្តាន់ចំនួន១៣១ក្បាលនៅលើកោះ Staten នៃទីក្រុងញូវយ៉ក បានបង្ហាញថា​ ជិត១៥ភាគរយមានអង់ទីគ័រប្រឆាំងមេរោគ។

ក្រុមអ្នកស្រាវជ្រាវដែលដឹកនាំដោយក្រុមអ្នកវិទ្យាសាស្ត្រនៃសាកលវិទ្យាល័យរដ្ឋ Pennsylvania បាននិយាយថា ការរកឃើញនេះបានបង្ហាញថា សត្វទាំងនោះមានការឆ្លងមេរោគកូវីដ-១៩ ពីមុន និងងាយរងគ្រោះក្នុងការឆ្លងមេរោគប្រភេទបំប្លែងខ្លួន ថ្មីទៀត។

លោក Suresh Kuchipudi អ្នកជំនាញខាងសត្វពាហនៈក្នុងរដ្ឋ Pennsylvania បានឲ្យដឹងថា “ការចរាចរណ៍នៃមេរោគនៅក្នុងហ្វូងសត្វ តែងតែបង្កើនលទ្ធភាពនៃការឆ្លងមកមនុស្ស ប៉ុន្តែអ្វីដែលសំខាន់ជាងនេះទៅទៀតគឺថា វាផ្តល់ឱកាសកាន់តែច្រើនសម្រាប់មេរោគ ក្នុងការវិវត្តទៅជាប្រភេទបំប្លែងថ្មី។ នៅពេលដែលវីរុសផ្លាស់ប្តូរទាំងស្រុង នោះវាអាចគេចផុតពីការការពារពីវ៉ាក់សាំងបច្ចុប្បន្ន។ ដូច្នេះយើងត្រូវតែផ្លាស់ប្តូរវ៉ាក់សាំងម្តងទៀត”។

គួរបញ្ជាក់ថា ការរកឃើញនេះកើតឡើងចំពេលដែល ករណីឆ្លងមេរោគកូវីដ១៩ ដែលជំរុញដោយវីរុសបំប្លែងខ្លួនប្រភេទ អូមីក្រុង កំពុងថយចុះក្នុងចំណោមប្រជាជនអាមេរិក។

ថ្វីបើមិនមានភ័ស្តុតាងបង្ហាញថា សត្វកំពុងចម្លងវីរុសមកមនុស្សក៏ដោយ ប៉ុន្តែការឆ្លងមេរោគភាគច្រើន ត្រូវបានរាយការណ៍នៅក្នុងប្រភេទសត្វដែលមានទំនាក់ទំនងជិតស្និទ្ធជាមួយមនុស្សផ្ទុកកូវីដ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ អ្នកវិទ្យាសាស្រ្តព្រមាន៖ មនុស្សអាចឆ្លងវីរុសកូវីដបំប្លែងខ្លួន ថ្មីដ៏សាហាវ ៣ប្រភេទ ពីសត្វក្តាន់

The post លើកនេះ អាមេរិកបារម្ភខ្លាំង វីរុសកូវីដបំប្លែងខ្លួនប្រភេទថ្មីទៀត អាចផ្ទុះចេញពីសត្វក្តាន់ (មានវីដេអូ) appeared first on Kampuchea Thmey Daily.

តើ Florona ជា​អ្វី?

ជាក់​ស្ដែង Florona ជា​ឈ្មោះ​ដែល​ត្រូវ​បាន​ផ្ដល់​ឲ្យ​សម្រាប់​ស្ថានភាព​នៅ​ពេល​ដែល​អ្នក​ជំងឺ​កើត កូវីដ-១៩ផង និង​កើត​ជំងឺ Influenza ផង ឬ​ខ្មែរ​យើង​ស្គាល់​ថា​ជា​ជំងឺ​ផ្ដាសាយ​ធំ។ ករណី​ដំបូង​នៃ​វីរុស Florona ត្រូវ​បាន​រក​ឃើញ​លើ​ស្ត្រី​ទើប​សម្រាល​កូន​ម្នាក់​ក្នុង​មន្ទីរពេទ្យ​នៅ​ទី​ក្រុង Petah Tikva ភាគ​កណ្ដាល​នៃ​ប្រទេស​អ៊ីស្រាអែល។ យោង​តាម​ការ​រាយការណ៍​ដំបូង​ឲ្យ​ដឹង​ថា ស្ត្រី​រូប​នេះ​មិន​ទាន់​បាន​ចាក់​វ៉ាក់សាំង​ការពារ​កូវីដ-១៩ ទេ ហើយ​ចំពោះ​រោគ​សញ្ញា​ក៏​មាន​សភាព​ស្រាល ហើយ​គេ​រំពឹង​ថា​នាង​នឹង​បាន​ចេញ​ពី​មន្ទីរពេទ្យ​ក្នុង​ពេល​ឆាប់​ៗនេះ។

រោគ​សញ្ញា​នៃ Florona

រោគ​សញ្ញា​នៃ Florona រួម​មាន​គ្រុន​ក្ដៅ​ខ្លាំង ឈឺ​ទ្រូង​ជាប់​គ្នា ឬ​តឹង​ទ្រូង ដក​ដង្ហើម​ខ្លី និង​បាត់បង់​ចំណង់​អាហារ។ វា​ក៏​អាច​នាំ​ឲ្យ​មាន​ស្ថានភាព​នៃ​ការ​ភ័ន្ត​ច្រឡំ និង​ការ​ថប់​បារម្ភ​ផង​ដែរ។

យោង​តាម​អង្គការ​សុខភាព​ពិភព​លោក រោគ​សញ្ញា​ស្រាល​នៃ​ការ​ឆ្លង​ជំងឺ​កូវីដ-១៩ និង​ជំងឺ​គ្រុន​ផ្ដាសាយ​ អាច​ព្យាបាល​នៅ​ផ្ទះ​ដោយ​ខ្លួន​ឯង​បាន ដោយ​មិន​ចាំបាច់​សម្រាក​ព្យាបាល​នៅ​មន្ទីរពេទ្យ​ឡើយ។ ក្នុង​ករណី​ធ្ងន់ធ្ងរ រោគសញ្ញា​របស់ Florona ក៏​អាច​រួម​មាន​រលាក​សួត និង​រលាក​សាច់​ដុំ​បេះដូង​ផង​ដែរ។

តើ​ធ្វើ​ដូច​ម្ដេច​ដើម្បី​ការពារ​ខ្លួន​ពី Florona?

អនុវត្ត​តាម​វិធានការ​រក្សា​គម្លាត​ពី​មនុស្ស​ជុំ​វិញ​ខ្លួន ការ​ពាក់​ម៉ាស និង​ការ​ចាក់​វ៉ាក់សាំង​ទាំង​វ៉ាក់សាំង​កូវីដ-១៩ និង​វ៉ាក់សាំង​​ផ្ដាសាយ គឺ​ជា​មធ្យោបាយ​តែ​មួយ​គត់​ដើម្បី​ការពារ​ខ្លួន​ពី Florona ។

បន្ថែម​ពី​លើ​នេះ យើង​ត្រូវ​ដឹង​ថា Florona មិន​មែន​ជា​វីរុស​បំប្លែង​នៃ​ជំងឺ​កូវីដ-១៩ ថ្មី​ទេ។ វីរុស​បំប្លែង​ថ្មី​ចុង​ក្រោយ ដែល​ត្រូវ​បាន​រក​ឃើញ​គឺ Omicron ហើយ​មិន​មាន​វីរុស​បំប្លែង​ថ្មី​ណា​មួយទៀត ​ត្រូវ​បាន​សម្គាល់​ដោយ​អង្គការ​សុខភាព​ពិភពលោក​នោះ​ទេ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ Breaking News! អ្នកវិទ្យាសាស្ត្ររកឃើញ វីរុសកូវីដបំប្លែងខ្លួនថ្មី មួយប្រភេទទៀតហើយ

The post វីរុស Omicron មិនទាន់បាត់ផង ចេញ Florona មួយទៀតហើយ appeared first on Kampuchea Thmey Daily.

ទិន្នន័យដែលបានបោះពុម្ពផ្សាយនៅក្នុងទស្សនាវដ្តីវេជ្ជសាស្ត្រ Immunity បង្ហាញថា វ៉ាក់សាំងប្រភេទ mRNA អាចបង្កើតកោសិកាចងចាំ B នៅក្នុងបុគ្គលដែលទទួលបានវ៉ាក់សាំងពេញលេញ។ កោសិកាទាំងនេះ ជាកោសិកាជួយសម្គាល់មេរោគឆ្លង និងបង្អាក់ការផ្លាស់ប្តូរនៃវីរុសនៅក្នុងសរីរាង្គ។

សម្រាប់មនុស្សដែលបានចាក់វ៉ាក់សាំងរួចរាល់ ទាំងអ្នកធ្លាប់និងមិនធ្លាប់ឆ្លងកូវីដ-១៩ វ៉ាក់សាំងនឹងជួយឱ្យរាងកាយមានការឆ្លើយតបខ្លាំងក្លាចំពោះវីរុសបំប្លែងខ្លួនសាហាវៗគ្រប់ប្រភេទ។  មិនតែប៉ុណ្ណោះវ៉ាក់សាំងនឹងបន្ស៊ាំប្រព័ន្ធភាពស៊ាំឱ្យស្គាល់វីរុសបំប្លែងខ្លួន និងបង្រៀនពីរបៀបទប់ទល់នឹងវីរុសថ្មីៗថែមទៀត។ ទោះយ៉ាងណាមិញ បុគ្គលដែលមិនធ្លាប់ឆ្លងកូវីដ-១៩ មានការឆ្លើយតបយឺតចំពោះវីរុសបំប្លែងផ្សេងៗ ពោលគឺប្រព័ន្ធភាពស៊ាំខ្សោយជាងអ្នកធ្លាប់វិជ្ជមានកូវីដ-១៩។

វេជ្ជបណ្ឌិត Anthony Fauci នាយកវិទ្យាស្ថានជាតិអាឡ័កស៊ី និងជំងឺឆ្លងអាមេរិក (NIAID) បានប្រាប់ Bloomberg កាលពីសប្តាហ៍មុនថា វីរុសបំប្លែងខ្លួនគ្រប់ប្រភេទកំពុងធ្លាក់ចុះការរាលដាល ប៉ុន្តែវាអាចកើនឡើងម្ដងទៀត ក្នុងចំណោមអ្នកដែលមិនបានចាក់វ៉ាក់សាំង ហើយចុងក្រោយវាអាចបន្តចម្លងទៅកាន់អ្នកទទួលថ្នាំបង្ការកូវីដ-១៩រួលរាល់ផងដែរ។

ដូច្នេះហើយ ទើបវេជ្ជបណ្ឌិតរូបនេះ អំពាវនាវដល់សាធារណជនទៅចាក់វ៉ាក់សាំងឱ្យបានគ្រប់ៗគ្នា និងបន្តអនុវត្តនូវវិធានការសុខាភិបាលឱ្យបានខ្ជាប់ខ្ជួន៕

ប្រែសម្រួល៖ សន្យា

ប្រភព៖ DeseretNews

ចុចអាន៖ បង្ហាញទិន្នន័យ ប្រភេទវ៉ាក់សាំងដូសជំរុញ អាចការពារកូវីដ-១៩ បានល្អបំផុត

ចុចអាន៖ ទើបចាក់វ៉ាក់សាំង Sinovac ដូសជំរុញរួច បានធ្វើរឿងទាំង ៤នេះឬនៅ?

The post វ៉ាក់សាំងកូវីដ-១៩ជួយឲ្យរាងកាយ ស្គាល់វីរុសបំប្លែងខ្លួនសាហាវៗ appeared first on Kampuchea Thmey Daily.

មន្ទីរពិសោធន៍ហ្សែននិងសំណាក EVT នៅឯមន្ទីរពេទ្យ Louisiana State University Health Shreveport ហៅកាត់ LSUHS បានរកឃើញវីរុសកូវីដ-១៩បំប្លែងខ្លួនថ្មីនេះ កាលពីសប្តាហ៍មុន។

វីរុស B.1.630 ត្រូវបានរកឃើញនៅក្នុងសំណាកមនុស្សពីរនាក់ នៅទីក្រុង Baton Rouge។

វីរុសកូវីដបំប្លែងខ្លួនប្រភេទថ្មីខ្លួននេះ ត្រូវបានគេរាយការណ៍ថា មានធាតុបំប្លែង E484Q ដែលមានន័យថា វាអាចគេចផុតពីប្រព័ន្ធភាពស៊ាំ និងបង្កឲ្យមានការឆ្លងមេរោគ។

ទោះបីជាយ៉ាងណាក៏ដោយ លោក Jeremy Kamil សាស្រ្តាចារ្យផ្នែកមីក្រូជីវសាស្រ្តនិងភាពស៊ាំនៅ LSUHS បានប្រាប់គេហទំព័រ NOLA.com ថា វីរុសនេះមិនមែនជាការគំរាមកំហែងដល់សុខភាពភ្លាមៗទេ។

ស្របពេលជាមួយគ្នានោះ លោកស្រីវេជ្ជបណ្ឌិត Krista Queen នាយកផ្នែកមេរោគហ្សែននិងការឃ្លាំមើលនៃ មជ្ឈមណ្ឌលឧត្តមភាពសម្រាប់ការគំរាមកំហែងមេរោគថ្មីនៅ LSUHS បាននិយាយថា វ៉ាក់សាំងត្រូវបានណែនាំ សម្រាប់ការប្រយុទ្ធប្រឆាំងនឹងវីរុសកូវីដបំប្លែងខ្លួនប្រភេទថ្មីនេះ។

លោកស្រីបញ្ជាក់ថា “ទោះបីជាវីរុសកូវីដបំប្លែងខ្លួនថ្មីនេះ មិនទាន់បង្ហាញភាពលេចធ្លោក៏ដោយ ក៏យើងនឹងបន្តតាមដាននិងឃ្លាំមើលរាល់ការផ្លាស់ប្តូរ ឬប្រសិនបើវាចាប់ផ្តើមកើនឡើង។ ពូជពង្សឬវង្សត្រកូលរបស់ SARS-CoV-2 ដែលមានធាតុបំប្លែង E484Q នេះ ត្រូវបានគេយកចិត្តទុកដាក់ ដោយសារតែលទ្ធភាពនៃការគេចចេញពីភាពស៊ាំ”៕

ប្រែសម្រួល៖ Vann Vann

ប្រភព៖ Deseret

ចុចអាន៖ WHO ព្រមាន ពិភពលោក គ្មានថ្ងៃដឹងប្រភពដើមនៃ វីរុសកូវីដ-១៩ ឡើយ

The post អាមេរិក រកឃើញ វីរុសកូវីដបំប្លែងខ្លួនប្រភេទថ្មី មានសមត្ថភាពគេចផុតប្រព័ន្ធភាពស៊ាំ  appeared first on Kampuchea Thmey Daily.

របាយការណ៍មួយដែលចេញផ្សាយក្នុងប្រទេសអូស្ត្រាលីនៅសប្តាហ៍នេះ បានចង្អុលបង្ហាញពីគ្រោះថ្នាក់រយៈពេលវែង ដែលបង្កឡើងដោយវីរុសកូវីដ-១៩ ហើយនិយាយថា ជំងឺរាតត្បាតនេះ នឹងមិនបញ្ចប់ចំពោះបុគ្គលណាម្នាក់ទេ រហូតដល់វាបញ្ចប់សម្រាប់មនុស្សគ្រប់គ្នា។

យោងតាមឯកសារបានបង្ហាញថា ការស្ទង់មតិលើអ្នកជំនាញខាងរោគរាតត្បាតចំនួន ៧៧ នាក់មកពី ២៨ ប្រទេស បានរកឃើញថា អ្នកជំនាញពីរភាគបីជឿថា កូវីដអាចបំប្លែងខ្លួនទៀតក្នុងរយៈពេលមួយឆ្នាំ ប្រសិនបើអាជ្ញាធរមិនធ្វើសកម្មភាពឲ្យបានលឿនទេនោះ។

របាយការណ៍នេះនិយាយថា ប្រទេសដែលមានប្រាក់ចំណូលទាប នឹងមិនអាចគ្រប់គ្រងការចាក់វ៉ាក់សាំងឲ្យបាន ៧០ ភាគរយនៃប្រជាជនរបស់ពួកគេបានឡើយរហូតដល់ឆ្នាំ ២០៣០ ប្រសិនបើប្រទេសអ្នកមានមិនជួយ។

ស្របពេលជាមួយគ្នានោះដែរ ក្រុមអ្នកជំនាញបានអំពាវនាវដល់រដ្ឋាភិបាលអូស្រ្តាលី ឲ្យសន្យា ចែករំលែកវ៉ាក់សាំងចំនួន ២០ លានដូសទៀត និងវិនិយោគជាទឹកប្រាក់បន្ថែម ២៥០ លានដុល្លារនៅក្នុងកម្មវិធី Covax។

របាយការណ៍ដដែលបន្តថា “ល្បឿនគឺសំខាន់ណាស់។ ប្រសិនបើយើងចាក់វ៉ាក់សាំងដល់ពិភពលោកកាន់តែលឿន លទ្ធភាពនៃវីរុសដែលបំប្លែងខ្លួននឹងធ្លាក់ចុះ។ វាស្ថិតនៅក្នុងអំណាចរបស់យើងដើម្បីកំណត់ឱកាសនៃការបំប្លែងខ្លួនរបស់វីរុស”។

គួរបញ្ជាក់ថា របាយការណ៍នេះបានបញ្ចេញ ចំពេលដែលប្រទេសជាច្រើន រួមទាំងសហរដ្ឋអាមេរិក អ៊ីស្រាអែលនិងចក្រភពអង់គ្លេសផងដែរ បានចាប់ផ្តើមចាក់វ៉ាក់សាំងការពារជំងឺកូវីដ-១៩ ដូសជំរុញ៕

ប្រែសម្រួល៖ Vann Vann

ប្រភព៖ Mirror

ចុចអាន៖ ទោះជាសះស្បើយពីកូវីដ មនុស្សមួយចំនួន នៅតែមានអាការ ៥យ៉ាងនេះ រយៈពេល៦ខែ

The post វិធានការមួយសំខាន់ បើធ្វើមិនបាន វីរុសកូវីដបំប្លែងខ្លួនថ្មី នឹងលេចចេញនៅឆ្នាំក្រោយ appeared first on Kampuchea Thmey Daily.

ប្រធានមន្រ្តីសុខាភិបាលលោកស្រីវេជ្ជបណ្ឌិត Kerry Chant បានអះអាងបែបនេះ ខណៈពេលផ្តល់ព័ត៌មានថ្មីៗអំពីស្ថានភាពជំងឺកូវីដ-១៩របស់រដ្ឋ New South Wales នៅវេលាម៉ោង ១១ព្រឹកថ្ងៃសុក្រ។

លោកស្រីបានឲ្យដឹងថា “យើងមានកម្មវិធី ឆ្លើយតបទៅនឹងជំងឺរាតត្បាត។ ការស៊ើបអង្កេតទាំងនោះ បានរកឃើញ វីរុសកូវីដបំប្លែងខ្លួន Delta ដែលមានហ្សែនខុសពីវីរុសកូវីដបំប្លែងខ្លួន ដែលកំពុងចរាចរណ៍ក្នុងទីក្រុង ស៊ីដនី នាពេលបច្ចុប្បន្ន”។

បច្ចុប្បន្ន មានករណីវីរុសបំប្លែងខ្លួនទម្រង់ថ្មីនេះចំនួន ៨ ករណីដែលត្រូវបានកំណត់អត្តសញ្ញាណ ដោយក្នុងនោះ មានមនុស្ស ៧ នាក់មកពីគ្រួសារតែមួយ និងករណីបន្ថែមមួយផ្សេងទៀត។

ទោះបីជាយ៉ាងណាក៏ដោយ លោកស្រីវេជ្ជបណ្ឌិត Chant លើកឡើងថា “គ្មានភស្តុតាងណាមួយបញ្ជាក់ថា វីរុសបំប្លែងខ្លួនប្រភេទថ្មីនេះ មានសមត្ថភាពឆ្លងកាន់តែខ្លាំង ធន់នឹងវ៉ាក់សាំង ឬធ្វើឲ្យមនុស្សធ្លាក់ខ្លួនឈឺធ្ងន់ធ្ងរនោះទេ”៕

ប្រែសម្រួល៖ Vann Vann

ប្រភព៖ News.com.au

ចុចអាន៖ ចាក់ Pfizer ២ដូស មានប្រសិទ្ធភាពខ្ពស់ ការពារ Delta បាន ៦ខែ

The post អូស្រ្តាលី រកឃើញ វីរុសកូវីដបំប្លែងខ្លួន Delta ទម្រង់ថ្មី appeared first on Kampuchea Thmey Daily.