ព័ត៌មានអន្ដរជាតិ
អ្នកវិទ្យាសាស្ត្ររកឃើញ វីរុសកូវីដបំប្លែងខ្លួនថ្មី មួយប្រភេទទៀតហើយ (មានវីដេអូ)
បើយោងតាមកាសែតមួយដែលបានបង្ហោះលើគេហទំព័រ medRxiv បានឲ្យដឹងថា វីរុសកូវីដបំប្លែងខ្លួនថ្មីមួយទៀតត្រូវបានគេរកឃើញនៅប្រទេសបារាំង ហើយមានការប្រែប្រួលចំនួន ៤៦ ដង និងត្រូវបានគេជឿថាងាយឆ្លង និងធន់ជាមួយវ៉ាក់សាំង ។
វីរុសបំប្លែងខ្លួនប្រភេទ B.1.640.2. ត្រូវបានរកឃើញដំបូងដោយអ្នកវិទ្យាសាស្ត្រនៅវិទ្យាស្ថានមន្ទីរពេទ្យសាកលវិទ្យាល័យមេឌីទែរ៉ាណេ (IHU) កាលពីថ្ងៃទី ១០ ខែធ្នូឆ្នាំមុន ។ ពួកគេបានប្រកាសនៅលើ Twitter ថា ពួកគេបានរកឃើញវីរុសបំប្លែងខ្លួនថ្មីនៅក្នុងអ្នកជំងឺមកពីតំបន់ Forcalquier ក្នុងទីក្រុង Alpes-de-Haute-Provence ។
លោកសាស្ត្រាចារ្យ Philippe Colson ដែលជាប្រធាននាយកដ្ឋានរបស់សាកលវិទ្យាល័យ IHU ដែលបានរកឃើញវីរុសបំប្លែងខ្លួនថ្មីនេះបានសរសេរថា “យើងពិតជាមានករណីជាច្រើននៃវីរុសបំប្លែងខ្លួនថ្មីនេះមែននៅក្នុងតំបន់ភូមិសាស្ត្រ Marseilles ហើយយើងបានដាក់ឈ្មោះវាថា “វីរុសបំប្លែងខ្លួន IHU” ។
ការធ្វើតេស្តបានបង្ហាញថា វីរុសកូវីដបំប្លែងខ្លួនថ្មីនេះនាំឲ្យមានការបំប្លែងទៅជាប្រភេទ E484K ដែលវាត្រូវបានគេជឿថាមានភាពធន់នឹងវ៉ាក់សាំង ហើយនឹងវិវត្តទៅជាប្រភេទ N501Y ដែលត្រូវបានរកឃើញដំបូងនៅក្នុងវីរុសបំប្លែងខ្លួន Alpha ។
គួរបញ្ជាក់ថា រហូតមកដល់ពេលនេះវីរុសបំប្លែងខ្លួនប្រភេទ B.1.640.2. មិនទាន់ស្ថិតក្រោមការស៊ើបអង្កេតដោយអង្គការសុខភាពពិភពលោក (WHO) ឬចាត់ថ្នាក់ថាជា “វីរុសបំប្លែងខ្លួនគួរឲ្យព្រួយបារម្ភ” នៅឡើយទេ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore