តាមការផ្សាយរបស់ NASA នៅថ្ងៃអង្គារទី៧ខែមេសាឆ្នាំ២០២៦ ក្រុមអវកាសយានិក៤នាក់ បានធ្វើដំណើរលើសចម្ងាយកំណត់ត្រាចាស់កាលពី ៥៦ ឆ្នាំមុន បង្កើតឡើងដោយក្រុម Apollo 13 ក្នុងខែមេសា ឆ្នាំ ១៩៧០ ដែលចេញពីផែនដី ៤០០ ១៧១ គីឡូម៉ែត្រ។

ឥឡូវយានអវកាស Orion បានទៅដល់ចម្ងាយអតិបរមាប្រហែល ៤០៦ ៨០០ គីឡូម៉ែត្រពីភពផែនដីហើយ ខណៈកំណត់ថ្មីត្រូវបានចារជាប្រវត្តិសាស្រ្តនៅម៉ោង ៧:០២ យប់ (ម៉ោងនៅអាមេរិក)។

មុនពេលទៅដល់ចំណុចកំណត់ត្រា ក្រុមការងារបានទទួលសារជាសំឡេងដែលថតទុកពីលោក Jim Lovell ជាមេបញ្ជាការ Apollo 13 ដែលបានទទួលមរណភាពនៅខែសីហាឆ្នាំ២០២៥ ក្នុងអាយុ៩៧ ឆ្នាំ។ លោកបានស្វាគមន៍ពួកគេមកកាន់តំបន់ចាស់ របស់លោក និងជូនពរឲ្យពួកគេទទួលបានជោគជ័យ។

ក្រុមអវកាសយានិកទាំងនេះ បានក្លាយជាមនុស្សដំបូងគេដែលមើលឃើញផ្ទៃខាងក្រោយនៃព្រះចន្ទដោយផ្ទាល់ភ្នែក ហើយអ្វីដែលកាន់តែអស្ចារ្យគឺអវកាសយានិក ក៏បានទស្សនាសូរ្យគ្រាសពេញលេញផងដែរ ដែលបាតុភូតនេះមិនអាចមើលឃើញបានឡើយពីភពផែនដី។

សូមជម្រាបថា Artemis II គឺជាបេសកកម្មហោះហើរជុំវិញព្រះចន្ទ ដោយនាំមនុស្សទៅកាន់ផ្នែកម្ខាងទៀតនៃព្រះចន្ទ (Far side of the Moon) ជាលើកដំបូងចាប់តាំងពីយុគសម័យ Apollo។

ខុសពី Apollo 13 ដែលត្រូវបង្ខំចិត្តហោះក្នុងគន្លងនេះដោយសារបញ្ហាបច្ចេកទេសអាសន្ន, Artemis II បានសម្រេចចម្ងាយនេះតាមផែនការដែលបានកំណត់ទុកជាមុន៕

អត្ថបទ៖ សុខ សុវណ្ណ

The post ទីបំផុត Artemis II បង្កើតប្រវត្តិសាស្រ្តថ្មី នៃការធ្វើដំណើររបស់មនុស្សជាតិ បានឆ្ងាយបំផុតពីភពផែនដី appeared first on Kampuchea Thmey Daily.

យោង​តាម​ FirstPost ផ្សាយ​ថ្ងៃ​ទី​០១ខែមេសា បេសកកម្មដែល​មានមនុស្សលើក​​ដំបូងរបស់ NASA ឆ្ពោះ​ទៅ​ឋាន​ព្រះចន្ទក្នុង​រយៈពេលជាង​ប្រាំទសវត្សរ៍របស់​ Artemis II ត្រូវ​បានរចនាឡើង ​ដើម្បីរៀប​ចំផ្លូវសម្រាប់បេសកកម្ម​នាពេលអនាគត​​ ជា​ពិសេស​មានគោល​បំណងបញ្ជូន​អវកាសយានិក​ទៅកាន់​ផ្ទៃឋានព្រះចន្ទនៅ​ពេលក្រោយ​ៗ​ទៀត​។

ពីមុនមក NASA បានបាញ់បង្ហោះបេសក​កម្ម Artemis I ដែល​គ្មាន​មនុស្សបើក​ទៅកាន់ឋានព្រះចន្ទក្នុងឆ្នាំ២០២២។ ខាង​ក្រោម​នេះ​ជា​ដំណើរ​ការ​ឆ្ពោះ​ទៅ​ឋាន​ព្រះ​ចន្ទ​របស់​ក្រុម​អវកាសយានិក​ទាំង​៤នាក់​។

ចំណុច​ចាប់​ផ្តើម​បង្ហោះ ​៖ នៅ​ថ្ងៃ​ទី​០១ ខែមេសា យានអវកាស Artemis II គ្រោងនឹងបាញ់​បង្ហោះ​ចេញ​ពី​មជ្ឈមណ្ឌលអវកាស Kennedy របស់ NASA ក្នុងរដ្ឋ Florida ជាមួយ​នឹងប្រព័ន្ធ​បាញ់បង្ហោះ Space Launch System ដែល​ជារ៉ុក្កែត​ដ៏មាន​ឥទ្ធិពល​បំផុតដែល​អង្គការនេះធ្លាប់បាន​បាញ់បង្ហោះ តែការ​ប្រតិបត្តិ​ការ​នេះ​អាស្រ័យ​លើ​អាកាស​ធាតុ​ដែរ។

ថ្ងៃ​ទី​១-២៖ ការត្រួត​ពិនិត្យ​គន្លង​ផែនដី ក្រុមនាវិកនឹងចំណាយ​ពេល​មួយទៅពីរថ្ងៃ​ដំបូងនៅក្នុងគន្លងផែនដី​ខ្ពស់ ដោយធ្វើការត្រួតពិនិត្យ​ប្រព័ន្ធ​ដ៏​ធំ​ទូលាយ​។ បេសកម្មនេះ​មាន​ទាំង​ការ​សាក​ល្បង​នៃ​ប្រព័ន្ធ​ទ្រទ្រង់ជីវិត រុញច្រាន រុករក និងប្រព័ន្ធ​ទំនាក់ទំនង​របស់យាន Orion ដើម្បី​ធានាថា​យានអវកាសត្រៀមខ្លួនរួចជាស្រេច​ ក្នុង​ការ​ធ្វើដំណើរ​ទៅកាន់​លំហអាកាសជ្រៅ។

ការ​ចូល​​តាម​​​ព្រះចន្ទ​៖ ​ពេលការត្រួត​ពិនិត្យ​ត្រូវ​បាន​បញ្ចប់ ​ប្រព័ន្ធ​រុញច្រានយាន​ Orion នឹង​អនុវត្តការដុត​ម៉ាស៊ីន​ដ៏សំខាន់មួយ ​ដែល​គេស្គាល់ថាជា«ការចាក់​បញ្ចូល​តាមចន្ទគតិ» ដោយ​បញ្ជូនយាន​អវកាស​ចេញពីគន្លងផែនដី ចូលទៅក្នុង​គន្លងឆ្ពោះទៅ​កាន់​ឋាន​ព្រះចន្ទ​។

ថ្ងៃទី ៣-៤៖ ដំណើរ​ឆ្ពោះ​ទៅកាន់ឋានព្រះចន្ទ អំឡុងពេល​ធ្វើដំណើរ​ឆ្លងកាត់ឋានព្រះចន្ទច្រើនថ្ងៃ អវកាសយានិក​នឹង​បន្ត​តាម​ដាន​ប្រព័ន្ធ​យានអវកាសក្នុងដំណើរ​ទៅ​កាន់ប្រតិបត្តិការឆ្ងាយ​ពីផែនដីជាង​ការ​ហោះហើរអវកាសរបស់មនុស្សពីមុនៗ​។

ការហោះហើរឆ្លងកាត់ឋានព្រះចន្ទ៖ យាន Orion នឹងឆ្លងកាត់​ក្រោយឋានព្រះចន្ទលើគន្លង និង​ត្រឡប់មកវិញ​ដោយ​គ្មាន​ការ​បញ្ជា​ណាមួយ​ ដែល​ជាផ្លូវសម្រាប់​បង្វិលយានអវកាសត្រឡប់ទៅផែនដីវិញ​ដោយ​ធម្ម​ជាតិ​ដោយមិនចាំបាច់ប្រើកម្លាំងរុញច្រានបន្ថែម។ យាន​អវកាសនឹង​ទៅ​ដល់ចម្ងាយឆ្ងាយ​បំផុតពីផែនដី​ក្នុង​ដំណាក់កាលនេះ។​

ថ្ងៃទី៥–៨៖ ត្រឡប់មកផែនដីវិញ បន្ទាប់ពីការហោះហើរកាត់​ឋានព្រះ​ចន្ទ ក្រុមអវកាសយានិកនឹងចំណាយពេលច្រើនថ្ងៃ ដើម្បីធ្វើដំណើរ​ត្រឡប់មក​វិញ។

ការចូលផែន​ដី​ និងការបាញ់ទម្លាក់៖ នៅពេលដែល​យាន Orion ខិត​ជិតផែនដី វានឹងបំបែកសមាស​ធាតុសំខាន់ៗមុនពេលធ្លាក់​ចូល​ទៅ​ក្នុងបរិយាកាស​ក្នុងល្បឿនជាង​ ៤០ ២៣៣ គីឡូ​ម៉ែត្រ​ក្នុងមួយម៉ោង។

គួរ​បញ្ជាក់​ថា​យានអវកាស​នេះ​អាចនឹងធ្លាក់ចូល​ទៅក្នុងមហា​សមុទ្រ​ប៉ាស៊ីហ្វិក ជាកន្លែងដែល​ក្រុមអ្នករុករក​នឹងទៅយកក្រុមអវកាសយានិក​៕

ប្រែសម្រួល៖ ណឺ មិនា

The post NASA ​​បង្ហោះ​​យានអវកាសបញ្ជូនអវកាសយានិក​​ទៅ​ភព​ព្រះចន្ទដោយ​ប្រើ​៧ដំណាក់កាល​ appeared first on Kampuchea Thmey Daily.

យោង​តាម​ភ្នាក់​ងារ​រ៉យ​ទ័រ​ផ្សាយ​ថ្ងៃ​ទី​៣០ ខែមីនា ឆ្នាំ​២០២៦ អវកាស​យានិក​អាមេរិក៣រូប​ និងកាណាដាម្នាក់ គ្រោង​នឹង​ហោះ​​នៅលើ​យាន Orion capsule និង Space Launch System របស់​អង្គការ NASA នៅ​ថ្ងៃ​ពុធ​ ទី​០១ ខែមេសា ឆ្នាំ​២០២៦។

បេសកកម្មសាកល្បងលើក​​នេះ​មាន​រយៈពេល ១០ថ្ងៃ ជុំវិញ​ឋានព្រះចន្ទនិងត្រ​ឡប់​មកវិញ វា​ជាដំណើរដ៏វែងឆ្ងាយ​មួយ ដែល​នាំពួកគេ​ទាំង​៤​នាក់​ចូលទៅ​ក្នុងលំហអាកាសកាន់​តែជ្រៅ​ជាងអ្វី​ដែល​អវកាស​យានិក​ធ្លាប់​​ធ្វើ​ដំណើរ​ពី​មុន​មក។

គួរ​បញ្ជាក់​ថា​បេសកកម្ម​ខាង​លើ​​​គឺជាការហោះហើរ​សាកល្បងលើក​ដំបូងដែល​មាន​មនុស្សបើកយន្ត​ហោះ​នៅ​ក្នុងកម្មវិធី Artemis របស់ ​NASA វា​ជាការ​ខិតខំប្រឹងប្រែងដ៏​សំខាន់មួយ​​របស់សហរដ្ឋអាមេរិក​ ដើម្បី​ចាប់ផ្តើមជើង​ហោះហើរជា​ប្រចាំទៅកាន់ឋានព្រះចន្ទ ដោយ​ចំណាយ​​ទឹក​ប្រាក់​អស់​ជាង​ ៩៣ប៊ីលានដុល្លារ​ចាប់តាំងពីឆ្នាំ ២០១២ ។

ចាប់តាំងពីបេសកម្ម​ Apollo-១៧ ក្នុងឆ្នាំ ១៩៧២ មក មនុស្ស​មិន​បាន​ចុះ​ចត​លើ​ផ្ទៃឋាន​ព្រះចន្ទទេ ការងារ​នេះ​ជាស្នាដៃ​ដ៏លំបាកមួយ​របស់​ NASA ​មានគោលបំណងធ្វើម្តង​ទៀត​នៅ​ឆ្នាំ ២០២៨ នៅ​ប៉ូលរដិបរដុបខាងត្បូង​នៃឋានព្រះចន្ទ។​

មិន​តែ​ប៉ុណ្ណោះ​ សហរដ្ឋអាមេរិក​គឺជាប្រទេស​តែមួយគត់ដែល​បាន​ដាក់​មនុស្ស​នៅ​លើផ្ទៃ​ភពមួយផ្សេងទៀត​ ជាមួយ​នឹងការចុះចត​ចំនួន​៦លើកនៃ​កម្មវិធី​ Apollo ​។

ថ្មីៗនេះ មន្ត្រី​សហរដ្ឋអាមេរិកផ្តោតលើប្រទេសចិន​ជា​គូ​ប្រជែង​បច្ចេកវិទ្យា​ដ៏ខ្លាំងក្លា​មួយមានវឌ្ឍនភាព​ជាលំដាប់​នៅក្នុងកម្មវិធី​ឋាន​ព្រះចន្ទក្នុង​រយៈពេលប៉ុន្មានឆ្នាំ​ចុង​ក្រោយ​ ជាមួយនឹង​ការចុះចត​ដោយ​មនុស្សយន្ត​ជាបន្តបន្ទាប់នៅលើឋានព្រះចន្ទ និង​គោលដៅ​ឆ្នាំ ២០៣០ ដើម្បី​ដាក់ក្រុមអវកាសយានិក​ផ្ទាល់ខ្លួន​នៅលើ​ផ្ទៃ​ភព៕

ប្រែសម្រួល៖ ណឺ មិនា​

The post NASA រៀបចំ​​បញ្ជូន​អវកាសយានិក​​​ទៅ​​ឋាន​ព្រះចន្ទ បន្ទាប់​ពី​​៥៣ឆ្នាំ appeared first on Kampuchea Thmey Daily.

លោក Jared Isaacman នាយកគ្រប់គ្រង NASA បានថ្លែងកាលពីថ្ងៃសុក្រ​ថា ក្រុមការងារសម្រេចបាន «វឌ្ឍនភាពដ៏សំខាន់» បន្ទាប់ពីការធ្វើតេស្តសាកល្បងលើកទីពីរបានបញ្ចប់ដោយជោគជ័យ ដោយគ្មានការលេចធ្លាយឧស្ម័នអ៊ីដ្រូសែន ក្រោយពេលដែលបញ្ហានេះបានបង្កការរំខានដល់ការសាកល្បងលើកដំបូង និងធ្វើ​ឲ្យ​ខកខានការបង្ហោះក្នុងខែកុម្ភៈ។

លោក Isaacman បានបញ្ជាក់នៅលើបណ្តាញសង្គម X ថា «ការធ្វើតេស្តនេះគឺជាជំហានដ៏ធំមួយឆ្ពោះទៅរកការវិលត្រឡប់របស់អាមេរិកទៅកាន់បរិយាកាសឋាន​ព្រះចន្ទ»។ ដើម្បីត្រៀមលក្ខណៈ​ឲ្យបានរួចរាល់ អវកាសយានិកអាមេរិក៣រូប និងកាណាដា១រូប បានចាប់ផ្តើមធ្វើ​ចត្តាឡីស័ក ដើម្បីតាមដានសុខភាពរយៈពេល​២សប្តាហ៍។ NASA មានរយៈពេលត្រឹមតែ​៥ថ្ងៃប៉ុណ្ណោះក្នុងខែមីនា ដើម្បីបង្ហោះរ៉ុក្កែត Space Launch System មុនពេលត្រូវពន្យារពេលទៅដល់ខែមេសា៕

ប្រែសម្រួល៖ ឈាង

The post NASA នឹងបញ្ជូន​អវកាសយានិកទៅភពព្រះចន្ទក្នុងខែមីនា ក្រោយជោគជ័យតេស្តចាក់អ៊ីដ្រូសែន appeared first on Kampuchea Thmey Daily.

ណាសាបានចេញការព្រមាននេះ បន្ទាប់ពីសង្កេតឃើញព្រះអាទិត្យមានលេចចេញនូវតំបន់ខ្មៅ ដែលជាធម្មតាតំបន់បែបនេះគឺជាកន្លែងប្រមូលផ្តុំកម្លាំងមុនពេលបញ្ចេញជាព្យុះកម្តៅម៉ាញ៉េទិច ជះឥទ្ធិពលមកលើផែនដី បង្កផលប៉ះពាល់ចាប់ពីច្រើននាទីរហូតដល់ទៅរាប់ម៉ោងឯណោះ។

កាលពីសប្តាហ៍មុន ព្រះអាទិត្យបានលេចចេញចំណុចខ្មៅជាមួយការផ្ទុះអណ្តាតភ្លើងដែលគេហៅថា X2.7 ក្នុងកម្រិតខ្ពស់រួចទៅហើយ ដោយកាលនោះវាបានជះឥទ្ធិពលដល់តំបន់នានាចាប់ពីអឺរ៉ុប អាស៊ី និងមជ្ឈិមបូព៌ា ព្រមទាំងភាគខាងកើតសហរដ្ឋអាមេរិក ផងដែរ។

យ៉ាងណា សកម្មភាពរបស់ព្រះអាទិត្យមិនថមថយឡើយ ដោយវានៅតែកញ្ជ្រោលខ្លាំង ដូច្នេះទើបអង្គការណាសា ព្រមានឲ្យមានការប្រុងប្រយ័ត្ន ទោះមិនបញ្ជាក់ពេលវេលាច្បាស់លាស់ក៏ដោយ។

ទន្ទឹមនឹងការវាយប្រហារនេះ ព្យុះអាទិត្យក៏នឹងបង្កើតឲ្យមានបាតុភូតពន្លឺពណ៌បៃតង «Northern Lights» នៅរដ្ឋមួយចំនួនរបស់អាមេរិកផងដែរ ដូចជា Alaska, Washington, Idaho, Montana, North Dakota, South Dakota, Minnesota, Michigan, Wisconsin, Maine និង New York។ 

សូមជម្រាបថា រាល់ឆ្នាំ ព្យុះកម្តៅតែងវាយប្រហារភពផែនដីជានិច្ច ជាពិសេសនៅខែមេសាដល់ខែឧសភា ជាពេលវដ្តព្រះអាទិត្យ ឈានដល់ចំណុចកំពូល។

ឥទ្ធិភពរបស់វាតែងរំខានដល់ប្រព័ន្ធទំនាក់ទំនង ក៏ដូចជា GPS ហើយក៏បណ្តាលឲ្យសីតុណ្ហភាពភពផែនដី ហក់ឡើងខ្ពស់ផងដែរ៕

អត្ថបទ៖ សុខ សុវណ្ណ

ចុចអាន៖ ព្យុះព្រះអាទិត្យជះឥទ្ធិពលមកផែនដី, ទ្វីបអាហ្វ្រិក រងគ្រោះខ្លាំងជាងគេ

The post ណាសា ព្រមានពីព្យុះព្រះអាទិត្យ ដែលនឹងជះឥទ្ធិពលមកផែនដី ប៉ុន្មានថ្ងៃទៀត appeared first on Kampuchea Thmey Daily.

លោកស្រី Williams និង​លោក Wilmore ដើម​ឡើយ​មាន​គម្រោង​ធ្វើ​បេសកកម្ម​នៅ​ក្នុង​​លំហ​ត្រឹម​តែ​៨​ថ្ងៃ​ប៉ុណ្ណោះ តែ​​ត្រូវ​បាន​ជាប់​​គាំង​ខ្លួន​នៅ​ទីនោះ​ព្រោះ​បញ្ហា​បច្ចេកទេស​​រហូត​ដល់ ២៨៦​ថ្ងៃ គិត​ចាប់​តាំង​ពី​ថ្ងៃ​ធ្វើ​ដំណើរ​កាល​ពី​ថ្ងៃ​ទី​៥​ខែ​មិថុនា​ឆ្នាំ​២០២៤ រហូត​ដល់​ថ្ងៃ​វិល​ត្រឡប់​មក​ផែនដី​វិញ​នៅ​ថ្ងៃ​ទី​១៩​ខែ​មីនា​ឆ្នាំ​២០២៥។​

ថ្វី​ត្បិត​ជាប់​គាំង​ខ្លួន​នៅ​លើ​លំហ​ក៏​ដោយ ក៏​លោកស្រី Williams និង​លោក Wilmore នៅ​តែ​អាច​ទទួលបានប្រាក់ខែប្រចាំឆ្នាំ​របស់ពួកគេ​ដដែល ដែលមានចាប់ពី ១២៥ ០០០​ដុល្លារ ដល់ ១៦៣ ០០០​ដុល្លារ អាស្រ័យលើបទពិសោធន៍ និងឋានៈរបស់ពួកគេ។ យ៉ាង​ណា បន្ថែមពីលើប្រាក់បៀវត្សរ៍​នេះ អង្គការ​ណាសា បាន​ផ្តល់ឲ្យ​អវកាសយានិកនូវប្រាក់ឧបត្ថម្ភប្រចាំថ្ងៃចំនួន ៥​ដុល្លារ ក្នុងអំឡុងពេល​ពួកគេ​ជាប់​ខ្លួន​នៅក្នុងលំហ។ ចំពោះ​បេសកកម្មរយៈពេល ២៨៦​ថ្ងៃរបស់ពួកគេ គឺ​ស្មើនឹង ១ ៤៣០​ដុល្លារ​សម្រាប់​អវកាស​យានិក​ម្នាក់ៗ។

វាជារឿងសំខាន់ក្នុងការកត់សម្គាល់ថា អវកាសយានិកមិនទទួលបានប្រាក់ឈ្នួលបន្ថែមសម្រាប់ការបន្ថែមម៉ោង ឬថ្ងៃឈប់សម្រាកក្នុងអំឡុងពេលបេសកកម្ម​នោះ​ឡើយ។ ប្រាក់ឈ្នួលគឺផ្អែកលើម៉ោងធ្វើការធម្មតា ហើយពួកគេទទួលបានប្រាក់បន្ថែមមួយចំនួនសម្រាប់ការចំណាយដោយចៃដន្យនៅពេលបំពេញបេសកកម្មរបស់ពួកគេ​​តែ​ប៉ុណ្ណោះ៕

ដោយ៖ ឈាង

ចុចអាន៖ អវកាសយានិក​២រូប​ដែល​ជាប់ខ្លួន​នៅ​លើ​យាន ISS អស់​៩ខែ ត្រឡប់​មក​ផែនដីវិញ​ដោយ​ជោគជ័យ

The post NASA ឲ្យម្នាក់​​៥ដុល្លារ​ក្នុង​១ថ្ងៃ សម្រាប់​អវកាសយានិក​២រូប​ដែល​ជាប់​ខ្លួន​លើ​យាន ISS អស់៩ខែ appeared first on Kampuchea Thmey Daily.

ដើមឡើយ គម្រោង​​បេសកកម្ម​របស់​ពួក​គេ​​​នៅ​ក្នុង​លំហ​មាន​​រយៈពេល​ត្រឹម​តែ​៨​ថ្ងៃ​ប៉ុណ្ណោះ ដើម្បីសាកល្បងយានអវកាស Starliner របស់ក្រុមហ៊ុន Boeing។ ប៉ុន្តែ​ បេសកកម្ម​នេះ​ត្រូវបានអូសបន្លាយ​ពេល ដោយសារបញ្ហាបច្ចេកទេសជាមួយនឹងឧបករណ៍របស់យានអវកាស ដែលធ្វើ​ឲ្យ​វាគ្មានសុវត្ថិភាពសម្រាប់ការត្រឡប់មកវិញរបស់ពួកគេ។

អាស្រ័យហេតុនេះ អង្គការ NASA បាន​ដាក់​ឲ្យ​លោក Wilmore និង​លោកស្រី Williams ទៅក្នុងក្រុមនាវិក Expedition 71/72 របស់ ISS ជាកន្លែងដែលពួកគេបានរួមចំណែកដល់គម្រោងស្រាវជ្រាវផ្សេងៗ និងការងារថែទាំស្ថានីយ។

ការត្រឡប់មកវិញរបស់អវកាសយានិក ត្រូវបានសម្របសម្រួលដោយបេសកកម្ម Crew-9 របស់​ក្រុមហ៊ុន SpaceX ដែលបានដឹកពួកគេត្រឡប់មកវិញតាម​យាន Dragon។ អមដំណើរ​ពួកគេ​ មាន​អវកាសយានិក​​២​រូប​ទៀតដូចជា លោក Nick Hague និង​​លោក Aleksandr Gorbunov ដែល​អ្នក​ទាំងពីរ​បាន​នៅលើ ISS តាំងពី​ខែកញ្ញាឆ្នាំ​២០២៤។

សូម​បញ្ជាក់​ថា ដំណើរ​ត្រឡប់​​មក​ផែនដី​វិញ​នេះ ចំណាយ​ពេល​អស់​ ១៧​ម៉ោង ហើយ​ការ​ចុះ​ចត​ធ្វើ​ឡើង​នៅ​ក្នុង​ទឹក​​សមុទ្រ​នៃ​រដ្ឋ Florida។ អវកាសយានិក​ទាំង​៤រូប ត្រូវ​បាន​​​ក្រុម​អ្នក​ជំនាញ​​ធ្វើ​ការ​វាយ​តម្លៃ​ផ្នែក​វេជ្ជសាស្ត្រ ដើម្បី​ឲ្យ​ស៊ាំ​ទៅ​នឹង​ទំនាញ​របស់​ផែនដី ក្រោយ​ស្នាក់នៅ​ក្នុង​លំហ​រយៈពេល​យូរ៕

ដោយ៖ ឈាង

ចុចអាន៖ ថា​ទៅ​តែ​៨​ថ្ងៃ​ទេ តែ​អវកាសយានិក​២​រូប​ជាប់​​ក្នុង​លំហ​​ដល់ឆ្នាំ​២០២៥​ទើប​ត្រឡប់​​វិញ​បាន

The post អវកាសយានិក​២រូប​ដែល​ជាប់ខ្លួន​នៅ​លើ​យាន ISS អស់​៩ខែ ត្រឡប់​មក​ផែនដីវិញ​ដោយ​ជោគជ័យ appeared first on Kampuchea Thmey Daily.

ដ្បិតតែនេះជាដំណឹងល្អសម្រាប់ភពផែនដីក៏ពិតមែន ប៉ុន្តែអង្គការណាសា បែរជាបង្ហាញក្តីបារម្ភមួយទៀតថា អាចម៍ផ្កាយដែលមានរហ័សនាម «ពេជ្ឃឃាដទីក្រុង» មួយនេះ មានឱកាសហោះបុកព្រះចន្ទប្រមាណ ១%។

តាមការចុះផ្សាយរបស់ India Today នៅថ្ងៃសុក្រទី២១ខែកុម្ភៈឆ្នាំ២០២៥, អង្គការណាសា ចេញសេចក្តីប្រកាសថា «តាមរយៈការវាយតម្លៃថ្មី យើងបានចងក្រងទិន្នន័យ និងបន្ទាបឱកាសដែល 2024 YR4 អាចបុកផែនដីមកនៅត្រឹម ០.២៨% វិញ បន្ទាប់ពីឡើងដល់ជាង ៣%កាលពីប៉ុន្មានថ្ងៃមុន។ ក្រុមការពារភពរបស់ណាសា នឹងបន្តតាមដានអាចម៍ផ្កាយនេះ ដើម្បីសិក្សាឲ្យកាន់តែច្បាស់អំពីគន្លងរបស់វា»។

រម្លឹកទៅកាលពីដើមខែកុម្ភៈ អង្គការណាសា បានវិភាគគន្លងរបស់អាចម៍ផ្កាយដែលមានអង្កត់ផ្ចិតចន្លោះ៤០ម៉ែត្រទៅ១០០ម៉ែត្រ ហើយមើលឃើញថា វាអាចហោះមកបុកផែនដីនៅថ្ងៃទី២២ខែធ្នូឆ្នាំ២០៣២។

លោក David Rankin វិស្វករនៃគម្រោង Catalina Sky Survey របស់ ណាសា សន្និដ្ឋានថា យោងតាមគន្លងហោះ, 2024 YR4 អាចធ្លាក់នៅភាគខាងជើងតំបន់អាមេរិកខាងត្បូង ឬអាចនៅទូទាំងមហាសមុទ្រប៉ាស៊ីហ្វិក ភាគខាងត្បូងទ្វីបអាស៊ី សមុទ្រអារ៉ាប់ ឬទ្វីបអាហ្វ្រិក។ 

មិនត្រឹមប៉ុណ្ណឹង អ្នកវិទ្យាសាស្រ្តថែមទាំងចង្អុលចំៗផងដែរថា ទីក្រុងដែលមានហានិភ័យរងគ្រោះដោយអាចម៍ផ្កាយនេះក្នុងឆ្នាំ២០៣២ មានដូចជា Bogotá នៃប្រទេសកូឡុំប៊ី, Abidjan នៃប្រទេសកូតឌីវ័រ, Lagos នៃប្រទេសនីហ្សេរីយ៉ា, Khartoum នៃប្រទេសស៊ូដង់, Mumbai និង Kolkata នៃប្រទេសឥណ្ឌា និង Dhaka នៃប្រទេសបង់ក្លាដែស។

បើក្នុងករណីវាហោះមកបុកផែនដីមែន ក្រុមអ្នកវិទ្យាសាស្រ្ត ជឿថា អាចផ្កាយ 2024 YR4 នឹងបង្កការផ្ទុះនៅលើអាកាស ហើយនៅពេលធ្លាក់លើដី វានឹងបង្កការផ្ទុះមានកម្លាំងស្មើគ្រាប់បែក TNT ៥០លានតោន ដោយនឹងបំផ្លាញអ្វីៗនៅជុំវិញវាក្នុងរង្វង់ ៤៨គីឡូម៉ែត្រ ខណៈអតីតអវកាសយានិកអង្គការណាសាលោក Chris Hadfield សន្និដ្ឋានថា វាកម្លាំងផ្ទុះខ្លាំងជាងគ្រាប់បែកដែលទម្លាក់នៅទីក្រុង Hiroshima ៥០០ដងឯណោះ៕

អត្ថបទ៖ សុខ សុវណ្ណ

ចុចអាន៖ ណាសា បង្ហាញបញ្ជីឈ្មោះទីក្រុង ដែលអាចត្រូវអាចម៍ផ្កាយវាយប្រហារ ក្នុងឆ្នាំ២០៣២

The post ណាសា៖ ផែនដី មានសុវត្ថិភាពពីអាចម៍ផ្កាយឆ្នាំ២០៣២ ប៉ុន្តែព្រះចន្ទ មិនទាន់ផុតគ្រោះថ្នាក់ appeared first on Kampuchea Thmey Daily.