សកម្មភាពនេះត្រូវបានរៀបចំឡើង ដើម្បីឆ្លើយតបទៅនឹងស្ថានភាពរដូវប្រាំង ដែលមានអាកាសធាតុក្តៅហួតហែងខ្លាំង ដែលអាចបណ្តាលឱ្យដើមឈើលម្អតាមទ្រូងផ្លូវក្រៀមស្វិត ឬងាប់ ប្រសិនបើខ្វះការថែទាំ និងការផ្គត់ផ្គង់ទឹកមិនបានគ្រប់គ្រាន់។

គួរជម្រាបជូនថា អត្ថប្រយោជន៍នៃការស្រោចស្រពទឹក ក្នុងដំណាក់កាលនេះ រួមមាន៖ ការសង្គ្រោះជីវិតដើមឈើ៖ ការផ្តល់សំណើមចំពេលដែលអាកាសធាតុក្តៅខ្លាំង ជួយឱ្យដើមឈើរក្សាបាននូវភាពស្រស់បំព្រង និងបន្តលូតលាស់បានល្អ បញ្ជៀសការខូចខាតទ្រព្យសម្បត្តិសាធារណៈ , ការកាត់បន្ថយកម្តៅ និងធូលី៖ ការស្រោចទឹកមិនត្រឹមតែជួយដើមឈើប៉ុណ្ណោះទេ ប៉ុន្តែថែមទាំងជួយកាត់បន្ថយកម្តៅហួតហែងលើដងផ្លូវ និងកាត់បន្ថយធូលីហុយ ដែលផ្តល់ផាសុកភាពដល់អ្នកធ្វើដំណើរ

ការរក្សាសោភ័ណភាពខេត្ត៖ ដើមឈើដែលរស់រវើកនៅតាមទ្រូងផ្លូវជាតិលេខ៥ គឺជាមុខមាត់របស់ខេត្តពោធិ៍សាត់ បង្ហាញពីការយកចិត្តទុកដាក់ខ្ពស់លើបរិស្ថានបៃតង និងការទទួលស្វាគមន៍យ៉ាងកក់ក្តៅដល់ភ្ញៀវទេសចរដែលឆ្លងកាត់។

ក្នុងឱកាសនោះដែរ លោក អភិបាលខេត្ត ក៏បានអំពាវនាវដល់ប្រជាពលរដ្ឋ ដែលមានលំនៅឋានតាមសងខាងផ្លូវ សូមចូលរួមជួយថែរក្សា និងស្រោចទឹកដើមឈើនៅមុខផ្ទះរៀងៗខ្លួនបន្ថែមទៀត ដើម្បីរួមគ្នាធ្វើឱ្យខេត្តពោធិ៍សាត់ ក្លាយជាខេត្តដែលមានបរិស្ថានស្អាត និងមានភាពទាក់ទាញគ្រប់រដូវកាល៕

The post អភិបាលខេត្តពោធិ៍សាត់ ដឹកនាំកម្លាំងអន្តរាគមន៍ស្រោចស្រពសង្គ្រោះដើមឈើលម្អទ្រូងផ្លូវតាមបណ្តោយផ្លូវជាតិលេខ៥ appeared first on Kampuchea Thmey Daily.

ដើម្បីបង្ការពីផលប៉ះពាល់បង្កដោយកម្តៅ អង្គការយូនីហសេហ្វ បានប្រាប់ពីប្រការគួរធ្វើ និងមិនគួរធ្វើ ដើម្បីការពារកុមារ ក្នុងរដូវក្តៅនេះ។

១.ប្រការគួរធ្វើ

-តាមដានឱ្យជាប់៖ សង្គេតមើលអាការៈស្រេកទឹកខ្លាំង បែកញើសជោក វិលមុខ ក្អួត ឈឺក្បាល ឬហត់នឿយខុសធម្មតា។ បើអាការៈមិនធូរស្រាល ត្រូវប្រញ៉ាប់រកគ្រូពេទ្រ។  

-ស្លៀកពាក់ស្រាសលៗ៖ ជ្រើសរើសសម្លៀកបំពាក់រលុងៗខ្យល់ចេញចូលបានល្អ ដើម្បីកាត់បន្ថយការឡើងកម្តៅខ្លាំង។

-បំពេញជាតិទឹកឱ្យបានញឹកញាប់៖ កុមារមិនងាយដឹងថាខ្លួនខ្វះជាតិទឹកទេ។ ទារកក្រោម ៦ខែ គួរបៅដោះម្តាយតែមួយមុខគត់។ កុមារវិញត្រូវញ៉ាំទឹកឱ្យបានច្រើន ចំណែកអ្នកម្តាយបំបៅដោះកូនក៏ត្រូវញ៉ាំទឹកឱ្យបានច្រើនដូចគ្នា។

-ជ្រកក្រោមម្លប់៖ នៅកន្លែងដែលមានម្លប់ត្រជាក់ និងប្រើមួក ឬឆត្រ នៅពេលចេញទៅខាងក្រៅ។

២.ប្រការមិនគួរធ្វើ

-កុំឱ្យថ្នាំផ្តេសផ្តាស៖ ហាមឱ្យទារក ឬកុមារញ៉ាំថ្នាំដោយគ្មានការពិគ្រោះ ឬការណែនាំពីគ្រូពេទ្យ។

-កុំទុកក្មេងក្នុងកន្លែងបិទជិត៖ ហាមទុកកុមារចោលក្នុងឡាន ឬក្នុងបន្ទប់ដែលហប់គ្មានខ្យល់ចេញចូលជាដាចខាត។

-កំណត់ការលេងខាងក្រៅ៖ ជៀសវាងឱ្យកុមារចេញលេងនៅខាងក្រៅ ក្នុងអំឡុងពេលដេលកម្តៅឡើងខ្លាំងបំផុត(ចន្លោះម៉ោង ១១ព្រឹក ដល់ ៤រសៀល)

-កុំលេងជាប់មិនឈប់៖ ត្រូវឱ្យកុមារសម្រាករៀងរាល់ ៣០នាទី ក្នុងអំឡុងពេលធ្វើសកម្មភាពខាងក្រៅ និងត្រូវញ៉ាំទឹកឱ្យបានច្រើន។

-ចៀសវាងសកម្មភាពកម្លាំងខ្លាំងក្រោមកម្តៅខ្លាំង៖ ការហាត់ប្រាណ ឬលេងកីឡាក្រោមដំបូលមេឃក្តៅខ្លាំង ងាយនឹងបង្កឱ្យរាងកាយខ្វះជាតិទឹកធ្ងន់ធ្ងរ។

បើតាមអង្គការយូនីសេហ្វ នៅពេលសីតុណ្ហភាពខាងក្រៅឡើងដល់ ៣៥°C ឬលើសពីនេះ ពិសេសក្នុងអំឡុងពេលមានរលកកម្ដៅ កុមារដែលនៅខាងក្រៅផ្ទះ ក្រៅម្លប់ អាចនឹងប្រឈមខ្ពស់ទៅនឹងកម្តៅ ដែលអាចបណ្ដាលឱ្យកើតមាន ការរងផលប៉ះពាល់ដោយសារកម្តៅ (Heat stress)។ ការរងផលប៉ះពាល់ដោយសារកម្តៅ (Heat stress) កើតឡើងនៅពេលដែលរាងកាយមិនអាច បញ្ចះកម្តៅបាន ហើយការចេញញើសពុំមានប្រសិទ្ធភាព ពិសេសក្នុងបរិយាកាសមានសំណើមខ្លាំង (ក្តៅសើម) ឬនៅពេលធ្វើសកម្មភាព៕

The post តើគួរធ្វើបែបណា ដើម្បីបង្ការកុំឱ្យកុមារ រងផលប៉ះពាល់បង្កដោយកម្តៅខ្លាំង? appeared first on Kampuchea Thmey Daily.

ក្រសួងសុខាភិបាលបានពន្យល់ថា ក្នុងអំឡុងពេលមានការឡើងកម្ដៅក្នុងចន្លោះពី ៣៧°C ទៅ៤១°C បណ្តាលមកពីការប្រែប្រួលអាកាសធាតុ ដែលបង្កឱ្យមានការកើតមានរលកកម្ដៅមិនទៀងទាត់។ អាកាសធាតុក្តៅខ្លាំងអាចបង្កឱ្យបុគ្គលគ្រប់រូប ជាពិសេសមនុស្សចាស់ ទារក កុមារ ស្ត្រីមានផ្ទៃពោះ អ្នកធ្វើការក្រៅផ្ទះ អត្តពលិក និងអ្នកមានជំងឺរ៉ាំរ៉ៃងាយធ្លាក់ខ្លួនឈឺជាយថាហេតុ រួមមាន បញ្ហានៅខួរក្បាល ការខ្សោះជាតិទឹក ជំងឺសរសៃឈាមបេះដូង ជំងឺតម្រងនោម ជំងឺថប់អារម្មណ៍ រមួលក្រពើ រលាកផ្លូវដង្ហើម និងនាំឱ្យមានជំងឺឆ្លងផ្សេងៗដូចជា ជំងឺរាករូស ជំងឺរាកមូល និងជំងឺគ្រុនពោះវៀន។ល។ បណ្តាលមកពីការប្រើប្រាស់ទឹកមិនស្អាត និងចំណីអាហារពុំមានសុវត្ថិភាព។

ក្នុងអំឡុងពេលអាកាសធាតុក្ដៅខ្លាំងនេះ ក្រសួងសុខាភិបាលបានណែនាំឱ្យប្រជាពលរដ្ឋទាំងអស់ ត្រូវពិសាទឹកស្អាត ឬទឹកដោយប្រើធុងចម្លោះ ឬទឹកដាំឱ្យពុះ ឬទឹកដែលបន្សុទ្ធដោយថ្នាំក្លរីន ឬក្លរ៉ាមីន។ ពិសាទឹកឱ្យបានញឹកញាប់ លើស​ពី២លីត្រ ក្នុងមួយថ្ងៃចំពោះមនុស្សពេញវ័យ។ ចៀសវាងស្ថិតក្រោមកម្ដៅថ្ងៃដោយផ្ទាល់យូរពេក ដោយត្រូវរកកន្លែងជ្រក ឬរបាំងការពារកម្ដៅព្រះអាទិត្យ។ ស្លៀកសម្លៀកបំពាក់ដែលអាចជួយការពារកម្ដៅព្រះអាទិត្យដូចជា ពាក់មួក ដែលមានគែមធំ ឬប្រើឆ័ត្រធ្វើជារបាំងការពារកម្ដៅថ្ងៃ។ សម្លៀកបំពាក់ពណ៌ស្រាល រលុង និងកុំងូតទឹកត្រជាក់ភ្លាមៗ បន្ទាប់ពីត្រឡប់ពីកន្លែងដែលមានកម្ដៅខ្លាំង។ រក្សាអនាម័យខ្លួនប្រាណ និងលាងដៃឱ្យបានញឹកញាប់ ជាពិសេសមុនញ៉ាំអាហារ និងក្រោយចេញពីបង្គន់។ទុកដាក់ម្ហូបអាហារដោយមានគម្របត្រឹមត្រូវ។ ចៀសវាងការទទួលទានគ្រឿងស្រវឹង និងភេសជ្ជៈដែលមានជាតិស្ករ អំបិលច្រើន។សមាជិកគ្រួសារត្រូវតែតាមដានមើលឱ្យបានញឹកញាប់ ចំពោះមនុស្សចាស់ ក៏ដូចជាអ្នកកំពុងមានជំងឺ កុមារ ក្រោមអាយុ២ឆ្នាំ អ្នកជំងឺផ្លូវចិត្ត និងអ្នកមានជំងឺរ៉ាំរ៉ៃ។

ប្រសិនបើមានរោគសញ្ញា ដូចជា វិលមុខ ចង្អោរ ក្អួត ឈឺក្បាល រមូលសាច់ដុំ (រមូលក្រពើ) ត្រូវគិតថាជា សញ្ញាដំបូងនៃផលប៉ះពាល់ដោយសារកម្ដៅ ក្នុងករណីនេះត្រូវផ្លាស់ប្តូរទៅរកទីកន្លែងត្រជាក់ និង ត្រូវសម្រាក ២ ទៅ ៣នាទី រួចពិសាទឹកត្រជាក់យឺតៗ ហើយកុំបន្តសកម្មភាព ព្រោះអាចមានហានិភ័យដល់សុខភាព។ចៀសវាងការចោមរោមអ្នកជំងឺដែលមានបញ្ហាសុខភាព និងត្រូវស្វែងរកការព្យាបាលភ្លាមៗនៅមណ្ឌល សុខភាព ឬមន្ទីរពេទ្យដែលនៅជិតលោកអ្នកបំផុត ប្រសិនបើមិនធូរស្រាល។

ក្រសួងសុខាភិបាលក៏បានណែនាំពីវិធីសង្គ្រោះបឋមពេលមានមនុស្សសន្លប់ ឬវិលមុខខ្លាំងដោយសារកម្ដៅមានដូចជានាំអ្នកជំងឺទៅកន្លែងដែលមានម្លប់ត្រជាក់ជាបន្ទាន់។បញ្ចុះកម្តៅរាងកាយដោយប្រើកន្សែងជោគទឹកត្រជាក់ជូតខ្លួន ឬដាក់នៅក្រោមក្លៀក ត្រង់ក បើអាចគួរប្រើកង្ហារបក់។ដាក់ជនរងគ្រោះឱ្យដេកផ្ងារ លាតសន្ធឹង និងលើកជើងឱ្យខ្ពស់បន្តិច ដើម្បីឱ្យឈាមរត់ទៅចិញ្ចឹម ខួរក្បាលបានល្អ។ បើជនរងគ្រោះនៅដឹងខ្លួន ឱ្យគាត់ផឹកទឹកត្រជាក់បន្តិចម្តងៗ។ ហាមប្រើទឹកពេលគាត់សន្លប់ ឬ បាត់ស្មារតី ព្រោះអាចបណ្តាលឱ្យឈ្លក់។ បញ្ជូនជនរងគ្រោះទៅមន្ទីរពេទ្យ ប្រសិនបើអាការៈមិនធូរស្រាលក្នុងរយៈពេល ១៥នាទី ឬអ្នកជំងឺ សន្លប់មិនដឹងខ្លួន ត្រូវហៅរថយន្តគិលានសង្គ្រោះជាបន្ទាន់។

ក្រសួងបានណែនាំឱ្យថ្នាក់ដឹកនាំ និងមន្ត្រីសុខាភិបាល ត្រូវសហការឱ្យបានជិតស្និតជាមួយអាជ្ញាធរមូលដ្ឋាន តាមដានស្ថានភាព សុខភាពប្រជាជនក្នុងមូលដ្ឋាន ជាពិសេសជនងាយរងគ្រោះ ដោយចាត់ចែងជាបន្ទាន់ក្នុងករណីប្រជាជន មានបញ្ហាសុខភាពណាមួយកើតឡើង។

យោងតាមក្រសួងធនធានទឹក និងឧតុនិយមចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៦កម្ពុជានឹងមានសីតុណ្ហភាពអាចឡើងដល់ ៤០អង្សារ នៅអំឡុងពេលរដូវចូលឆ្នាំថ្មីប្រពៃណីជាតិខ្មែរ ៕

អត្ថបទ៖ សំអឿន

The post អាកាសធាតុក្តៅខ្លាំង ក្រសួងសុខាភិបាលណែនាំពលរដ្ឋពិសាទឹកឱ្យបានញឹកញាប់ លើសពី២លីត្រក្នុងមួយថ្ងៃបង្ការការកើតជំងឺផ្សេងៗ appeared first on Kampuchea Thmey Daily.

Heatstroke គឺសំដៅ​លើ​ស្ថានភាព​មួយ​ដែល​រាង​កាយ​ឡើង​កម្ដៅ​ខ្លាំង ហើយឈានដល់​សន្លប់ បើ​សីតុណ្ហភាព​រាង​កាយ​កើន​​ដល់ ៤០ អង្សាសេឬ​ខ្ពស់​ជាង​នេះ។

មុននេះ នាយកដ្ឋានឧតុនិយមថៃព្យាករណ៍ថា រដូវប្រាំងឆ្នាំនេះនឹងធ្ងន់ធ្ងរជាងឆ្នាំមុនទៅទៀត ហើយនាយកដ្ឋានសេវាវេជ្ជសាស្ត្រ (DoMS) ក៏ចេញសេចក្តីណែនាំផងដែរ ដោយជំរុញឲ្យប្រជាពលរដ្ឋ និងអាជីវកម្មនានា ត្រៀមលក្ខណៈ ព្រោះរដូវប្រាំងឆ្នាំនេះមានគ្រោះថ្នាក់ខ្លាំង ជាពិសេសក្រុមមនុស្ស៥ប្រភេទដែលប្រឈមហានិភ័យដូចជា៖ មនុស្សវ័យចំណាស់ ក្មេងៗ ស្រ្តីមានផ្ទៃពោះ អ្នកជំងឺរ៉ាំរ៉ៃ និងអ្នកទាំងឡាយណាដែលខ្វះទឹកមិនបាន។

យ៉ាងណា បើតាមការផ្សាយរបស់ Khaosod នៅថ្ងៃព្រហស្បតិ៍ទី២៦ខែកុម្ភៈឆ្នាំ២០២៦, ប្រធាននាយកដ្ឋានវេជ្ជសាស្ត្រ លោក Kriengkrai Tangjitmaneesakda បានព្រមានដល់សាធារណជនអំពីការថែទាំសុខភាពនិងអនាម័យ ក៏ដូចជាគ្រោះថ្នាក់សុខភាពផ្សេងៗ ដែលអាចកើតមានឡើងក្នុងអំឡុងរដូវប្រាំងដោយសារអាកាសធាតុក្ដៅខ្លាំងណាស់។

ស្របពេលជាមួយគ្នានោះ អាជ្ញាធរបានសង្កត់ធ្ងន់ទៅលើក្រុមងាយរងគ្រោះ រួមមាន៖ កុមារតូចៗ, ស្ត្រីមានផ្ទៃពោះ, មនុស្សចាស់ និងអ្នកមានជំងឺប្រចាំកាយ ដែលត្រូវចៀសវាងកុំធ្វើការហត់ នៅក្រោមពន្លឺថ្ងៃខ្លាំងយូរពេក។

តាមប្រភពពីនាយកដ្ឋានឧតុនិយមថៃ, រដូវប្រាំងឆ្នាំនេះ សីតុណ្ហភាពជាមធ្យមទូទាំងប្រទេសត្រូវព្យាករថានឹងមានកម្រិត៣៥អង្សាសេ។ យ៉ាងណា តាមការព្យាករដដែល, តំបន់ភាគខាងជើងនឹងជាកន្លែងអាកាសធាតុក្តៅវាយប្រហារខ្លាំងបំផុត ដោយសីតុណ្ហភាពនឹងកើនលើស ៤២អង្សាសេ ហើយខេត្តធ្ងន់ធ្ងរជាងគេគឺ Mae Hong Son, Lampang និង Tak។

មិនត្រឹមប៉ុណ្ណឹង នាយកដ្ឋានបានចេញការព្រមានថា ក្នុងអំឡុងរដូវក្តៅឆ្នាំនេះ ថៃនឹងជួបព្យុះខែប្រាំង និងភ្លើងឆេះព្រៃ ហើយតំបន់ខ្លះក៏ត្រូវរងគ្រោះដោយគ្រោះរាំងស្ងួតផងដែរ ជាពិសេសចាប់ពីពាក់កណ្តាលខែមីនាដល់ខែមេសា៕

អត្ថបទ៖ សុខ សុវណ្ណ

The post អ្នកក្រុងបាងកក ត្រូវព្រមានឲ្យប្រយ័ត្នការឡើងកម្តៅខ្លាំង ឈានដល់ដាច់សរសៃឈាមខួរក្បាល អំឡុងរដូវប្រាំង  appeared first on Kampuchea Thmey Daily.

តាមការផ្សាយរបស់ Bangkok Post ដែលដកស្រង់ប្រភពពីនាយកដ្ឋានឧតុនិយម, ឆ្នាំនេះរដូវក្តៅនឹងចូលមកដល់យឺតជាងរាល់ឆ្នាំពីរសប្តាហ៍ ពោលគឺរដូវក្តៅនឹងចាប់ផ្តើមនៅចុងខែកុម្ភៈ ហើយសីតុណ្ហភាពជាមធ្យមទូទាំងប្រទេសត្រូវព្យាករថានឹងមានកម្រិត៣៥អង្សាសេ។

យ៉ាងណា តាមការព្យាករដដែល, តំបន់ភាគខាងជើងនឹងជាកន្លែងអាកាសធាតុក្តៅវាយប្រហារខ្លាំងបំផុត ដោយសីតុណ្ហភាពនឹងកើនលើស ៤២អង្សាសេ ហើយខេត្តធ្ងន់ធ្ងរជាងគេគឺ Mae Hong Son, Lampang និង Tak។

ទន្ទឹមនោះ នាយកដ្ឋានបានចេញការព្រមានថា ក្នុងអំឡុងរដូវក្តៅឆ្នាំនេះ ថៃនឹងជួបព្យុះខែប្រាំង និងភ្លើងឆេះព្រៃ ហើយតំបន់ខ្លះក៏ត្រូវរងគ្រោះដោយគ្រោះរាំងស្ងួតផងដែរ ជាពិសេសចាប់ពីពាក់កណ្តាលខែមីនាដល់ខែមេសា។

អ្វីដែលធ្វើឲ្យថៃបារម្ភខ្លាំងនោះគឺថា អាកាសធាតុក្តៅហួសកម្រិត នឹងបង្កគ្រោះថ្នាក់ដល់មនុស្ស ជាពិសេសកុមារនិងចាស់ជរា ដែលមានហានិភ័យខ្ពស់ចំពោះជំងឺដាច់សរសៃឈាមខួរក្បាល៕

អត្ថបទ៖ សុខ សុវណ្ណ

The post ថៃ នឹងប្រទះអាកាសធាតុក្តៅខ្លាំង ហើយជួបព្យុះខែប្រាំង ខណៈតំបន់ខ្លះប្រឈមគ្រោះរាំងស្ងួត appeared first on Kampuchea Thmey Daily.

យោង​តាម​សារព័ត៌មាន​រ៉យទ័រ, ​កា​រិយា​ល័យ​ Met ក្នុង​ចក្រភព​អង់​គ្លេស​និយាយ​ថា សី​តុណ្ហ​ភាព​ប្រចាំ​ឆ្នាំ​នេះ​ជា​មធ្យម​គឺ ១០.០៩ អង្សាសេ ខ្ពស់​ជាង​កម្រិតមធ្យម​ឆ្នាំ​២០២២ ដែលឈរត្រឹម ១០.០៣អង្សាសេប៉ុណ្ណោះ​។

លោក  Mark McCarthy ប្រធាន​ផ្នែក​តាម​ដាន​អាកាសធាតុនៅ Met Office លើកឡើងថា​៖ «​ទោះ​អាកាស​ធាតុ​ក្តៅ​រាល់​ឆ្នាំ​ វាមិន​មាន​ន័យ​​ថា​​ក្តៅ​រហូត​ដល់​ថ្នាក់​ជាប់​ក្នុង​ចំណាត់​ថ្នាក់​ណា​មួយឡើយ​​​ តែ​ច្បាស់​ណាស់​យើង​នឹង​អង្កេត​ពី​អាកាស​ធាតុ និង​តាម​ដាន​ពី​ភាព​ឡើង​ចុះ​របស់​អាកាស​ធាតុ​ ​ថាវាពិត​ជា​​ការ​ឡើង​កម្តៅ​​ផែន​ដី​ដែល​បណ្តាល​មក​ពីសកម្មភាព​​មនុស្សមែន​ ហើយបាន​​កំពុង​ជះ​ឥទ្ធិពល​យ៉ាង​​ខ្លាំង​​ដល់​បម្រែបម្រួល​អាកាសធាតុក្នុង​ចក្រភព​អង់​គ្លេស»។

គួរ​ឱ្យ​ដឹង​ផង​ដែរ​ថា ​ក្នុង​រយៈ​ពេល២ទសវត្សរ៍​ចុង​ក្រោយ​​ អង់គ្លេសជួបឆ្នាំ​ដែល​ក្តៅ​បំផុត​ចំនួន១០ឆ្នាំ៕

ប្រែសម្រួល៖ ណឺ មិនា​

The post ឆ្នាំ​​២០២៥ ចក្រ​ភព​​អង់​គ្លេស ​​​ទទួល​រង​​អាកាសធាតុ​​ក្តៅ​បំផុត បំបែកកំណត់ត្រាចាស់ appeared first on Kampuchea Thmey Daily.

តាមការចុះផ្សាយរបស់ Nation, ក្នុងសេចក្តីប្រកាសនោះ សម្រាប់តំបន់ភាគច្រើននៃប្រទេសថៃ, សីតុណ្ហភាពពេលថ្ងៃនឹងឡើងដល់ចន្លោះពី៣៦-៤០អង្សាសេ ជាពិសេសនៅប៉ែកកណ្តាលដូចជាខេត្ត Uthai Thani, Kanchanaburi និង Ratchaburi ជាដើម។

ចំណែកនៅប៉ែកឦសានឯណោះដូចជា Loei, Nong Khai, Bueng Kan, Udon Thani, Sakon Nakhon, Nakhon Phanom, Nakhon Ratchasima, Buriram និង Surin សីតុណ្ហភាពអាចឡើងដល់ ៣៧-៣៩អង្សាសេ។

រីឯនៅប៉ែកខាងកើតដូចជា Prachinburi, Sa Kaeo, Chachoengsao, Chonburi, Rayong, Chanthaburi និង Trat សីតុណ្ហភាពនឹងឡើងដល់ ៣៣-៣៧អង្សាសេ។

ទោះបីជាយ៉ាងណាក៏ដោយ នៅតាមតំបន់ទាំងនោះ ក៏នឹងកើតមានខ្យល់ព្យុះ ខ្យល់កន្ត្រាក់ និងភ្លៀងធ្លាក់លាយឡំជាមួយផ្គររន្ទះផងដែរ។

ចំពោះមូលហេតុដែលបង្កឲ្យមានរលកកម្តៅនេះ ត្រូវបាននាយកដ្ឋានឧតុនិយម បញ្ជាក់ថា គឺបណ្តាលមកពីប្រព័ន្ធសម្ពាធទាបនៅតំបន់ថៃលើ៕

អត្ថបទ៖ សុខ សុវណ្ណ

ចុចអាន៖ ថៃ នឹងក្តៅខ្លាំង មួយសប្តាហ៍ពេញ ដើមខែក្រោយ

The post ចាប់ពីស្អែកទៅ អាកាសធាតុនៅថៃ នឹងក្តៅខ្លាំង ដល់កម្រិតគួរឲ្យបារម្ភ appeared first on Kampuchea Thmey Daily.

តាមការព្យាករដែលចុះផ្សាយដោយសារព័ត៌មាន Khaosod នៅថ្ងៃព្រហស្បតិ៍ទី២៧ខែកុម្ភៈ, ទីក្រុងបាងកក នឹងចាប់ក្តៅមុនគេ បន្ទាប់មកសីតុណ្ហភាពនឹងចាប់ផ្តើមឡើងនៅតំបន់កណ្តាល ភាគខាងកើត និងភាគឦសាន ដោយជាមធ្យមនឹងមានចន្លោះពី៣៧-៣៩អង្សាសេ ខណៈតំបន់ខ្លះ នឹងកើនលើស៤០អង្សាសេឯណោះ។

មូលហេតុគឺដោយសារតែប្រព័ន្ធសម្ពាធខ្ពស់ ឬម៉ាសខ្យល់ត្រជាក់កម្រិតមធ្យម ដែលគ្របដណ្តប់លើសមុទ្រចិនខាងត្បូង នឹងចុះខ្សោយបណ្តាលឲ្យមានខ្យល់បក់ពីទិសខាងកើតនិងភាគអាគ្នេយ៍តិច។

កត្តានេះនឹងធ្វើឲ្យមានភ្លៀងធ្លាក់តិចនៅផ្នែកខាងលើនៃប្រទេសថៃ និងរុញសីតុណ្ហភាពឲ្យឡើងខ្ពស់ជាពិសេសនៅពេលថ្ងៃ។

លើសពីថៃក៏បានចេញការព្រមានអំពីអាកាសធាតុក្តៅខ្លាំងអំឡុងពិធីបុណ្យសង្ក្រាន្តចូលឆ្នាំថ្មីនៅខែមេសាខាងមុខផងដែរ ដោយប្រកាសឲ្យពលរដ្ឋត្រូវប្រុងប្រយ័ត្នព្រោះថា សីតុណ្ហភាពអាចហក់ឡើងដល់ទៅជាង ៤០អង្សាសេឯណោះ៕

អត្ថបទ៖ សុខ សុវណ្ណ

ចុចអាន៖ រលក​កម្តៅ សម្លាប់​មនុស្ស​ជាង​៤៧ ០០០​នាក់​នៅ​អឺរ៉ុប​កាល​ពី​ឆ្នាំ​២០២៣

The post ថៃ នឹងក្តៅខ្លាំង មួយសប្តាហ៍ពេញ ដើមខែក្រោយ appeared first on Kampuchea Thmey Daily.