យ៉ាងណាមិញ មនុស្សជំនាន់នេះ ក៏អាចសម្គាល់ចរិតលក្ខណៈមនុស្សបានភ្លាមៗដែរ​ ទោះបីមិនត្រឹមត្រូវ ១០០ភាគរយ ​ហោចណាស់ក៏យើងអាចស្គាល់ពួកគេបានខ្លះ ដើម្បីប្រុងប្រយ័ត្នចំពោះមនុស្សដែលមានបុគ្គលិកលក្ខណៈសម្បូរល្បិចកិច្ចកល និងបង្កភាពក្ដៅដល់យើង និងគ្រួសារយើង។

១. ភ្នែកស្រលៀង

ស្ត្រីប្រភេទនេះ មិនងាយនឹងស្មោះត្រង់ក្នុងផ្លូវស្នេហានោះទេ។ ពេលខ្លះពួកគេថែមទាំងចូលចិត្តជ្រៀតជ្រែកសុភមង្គលរបស់អ្នកដទៃទៀតផង។ ក្រៅ​ពី​ជំនាញ​ខាង​ផិតក្បត់ស្នេហា​ ​បុរស​ៗ​មិន​គួរ​ពាក់​ព័ន្ធ​នឹង​ស្ត្រី​ប្រភេទនេះ ​ក្នុង​ការ​សហការ​​រកស៊ី ឬ​ជំនួញ​ឡើយ។

២. ភ្នែកស្រទន់

តាម​នរវិទ្យា ស្ត្រី​ដែល​មាន​ភ្នែក​ស្រទន់​ ច្រើន​តែ​ត្រូវ​បាន​គេ​ភ្ជាប់​ជាមួយ​នឹង​ពាក្យ​ពីរ​ម៉ាត់​គឺ «​ស្រើបស្រាល​»។ ស្ត្រីប្រភេទនេះមើលទៅដូច ទន់ខ្សោយ និងមនោសញ្ចេតនាច្រើន ប៉ុន្តែភាគច្រើននៃពួកគេគឺជាមនុស្សស្រីអាត្មានិយម តណ្ហាក្រាស់ មិនចេះគិតពីសុភមង្គលអ្នកក្បែរខ្លួនទេ។

ជាពិសេស នាងមានចរិតចែចង់ប្រុសៗ បើទោះបីជាគេមានប្រពន្ធកូនហើយ ក៏មិនប្រកាន់ខ្វល់ឡើយ។ ដោយសារចរិតចែចង់ពីកំណើត នាងជះមន្តស្នេហ៍ចំពោះភេទផ្ទុយយ៉ាងរហ័ស ហើយក៏ជាមនុស្សស្រីគ្រោះថ្នាក់សម្រាប់បុរស ព្រោះនាងមិនត្រឹមតែពូកែទាក់ទាញ ក៏ពូកែក្បត់ក្នុងមួយប៉ព្រិចភ្នែក។

៣. ចិញ្ចើមក្រាស់

ថ្វីត្បិតតែពួកនាងមានកកាយ សម្ផស្សស្រស់ស្អាត និងមានសមត្ថភាពមិនធម្មតាក៏ដោយ យោងទៅតាមនរវិទ្យា មនុស្សស្រីដែលមានចិញ្ចើមក្រាស់ មានចរិតមិនល្អ និងសម្បូរល្បិចផងដែរ។ ជាប្រភេទមនុស្សស្រីចូលចិត្តបង្កបញ្ហា ជាពិសេសតែងតែរំខានសេចក្តីសុខរបស់អ្នកដទៃ។

លើសពីនេះទៀត ពួកនាងចូលចិត្តទាក់ទងតែជាមួយមនុស្សប្រុសមានគ្រួសារ ហើយមិនថា បុរសនោះមានកូនប៉ុន្មានក្ដី នាងនៅតែពេញចិត្តយកជាគូ ទោះត្រូវលួចលាក់ក៏ដោយ។

៤. បបូរមាត់​ស្តើង

បន្ថែមពីលើលក្ខណៈទូទៅទាំងបីខាងលើ នរវិទ្យាក៏ជឿថា ស្ត្រីដែលមានបបូរមាត់ស្តើងអាចមានគ្រោះថ្នាក់ខ្លាំងដែរ ហើយសុភាពបុរសត្រូវប្រុងប្រយ័ត្ន។ ថ្វីត្បិតតែស្ត្រីដែលមានបបូរមាត់ប្រភេទនេះជាប្រភេទមនុស្សដែលមានប្រតិកម្មរហ័ស និងមានមានចិត្តស្ងប់ ប៉ុន្តែនាងមិនសូវស្មោះត្រង់ក្នុងអាពាហ៍ពិពាហ៍ និងគ្រួសារទេ។

លើសពីនេះ អ្នកមានបបូរមាត់ស្តើង ជាសញ្ញានៃស្ត្រីផិតក្បត់ ងប់ងល់នឹងការរួមភេទផងដែរ។ មនុស្សប្រភេនេះតែងតែមានចំណង់ផ្លូវភេទខ្ពស់ ដូច្នេះទោះបីជានាងមានគូហើយ នាងនៅតែពុះកញ្ជ្រោលទៅរកការរួមខាងក្រៅ ដោយមិនគិតខ្វល់ថា បុរសនោះជានរណា ​មានឬគ្មានគ្រួសារឡើយ៕

អត្ថបទ៖ សន្យា

ចុចអាន៖ បុគ្គលិកលក្ខណៈ ៤យ៉ាងនៃបុរសពូកែរកក្រៅ ហើយផិតក្បត់សង្សារឬប្រពន្ធ

ចុចអាន៖ ៨ ចំណុចពិសេស ជានិមិត្តរូបហុងស៊ុយនៃមនុស្សឆ្លាតលើសគេ

The post ៤ ចំណុច សម្គាល់មនុស្សស្រីចរិតកែមិនឡើង appeared first on Kampuchea Thmey Daily.

១. ចរិយាមាយាទថ្លៃថ្នូ

មនុស្សស្រីដែលស្អាតជាងគេលើលោក ជាមនុស្សស្រីដែលមានចរិយាសម្បត្តិល្អប្រពៃ ​ចរិតស្លូតបូត ចុះចំណោមអ្នកផង ហើយក៏ស្គាល់ចាស់ទុំ។ នាងមិនចេះនាំភាពក្ដៅក្រហាយដល់អ្នកណា ចេះតែចែករំលែកក្ដីស្រឡាញ់ និងចូលចិត្តជួយអ្នកដទៃ។ បុរសណាបាននាងជាគូ ទោះបីក្រីក្រ ក៏គង់មានសុភមង្គលមិនខ្វះ។

២. ចំណេះដឹងសមរម្យ

ស្ត្រីមានចំណេះដឹងទោះតិចឬច្រើន រមែងមានឬកពារថ្លៃថ្នូរ ធ្វើអ្វីចេះគិតគូរវែងឆ្ងាយ បង្កប់ក្រមសីលធម៌ក្នុងខ្លួនជានិច្ច។ ជាពិសេសនាងជាមនុស្សស្រីដែលប្រើចំណេះដឹងជាប្រយោជនសម្រាប់ខ្លួនឯង គ្រួសារ និងសង្គមជាតិ។ ចំណេះដឹងរបស់នាងជួយជ្រោមជ្រែងឱ្យនាងមានអាជីពពិតប្រាកដ និងមិនងាយចាញ់បោកគេ។ នារីបែបនេះជួយយឹតយោងកិត្តិយសស្វាមី និងអាចអប់រំកូនឱ្យក្លាយជាក្មេងល្អ។

៣. ទំនុកចិត្តលើខ្លួនឯង

ជា​មនុស្ស​ស្រី​ដែល​មាន​ភាព​រឹង​ពឹង ​អាច​ដោះស្រាយ​នូវ​បញ្ហា​ចំពោះ​មុខ​ដោយ​ខ្លួនឯង​បាន មិនទម្រន់ឬដំអក់រង់ចាំជំនួយពីលើមេឃឡើយ។ មនុស្សស្រីប្រភេទនេះ នរណាបាននៅក្បែរ ស្គាល់តែភាពកក់ក្ដៅ មិនសូវចេះគិតខ្វល់ច្រើន និងមានកម្លាំងចិត្តពុះពារឧបសគ្គជានិច្ច។

៤. ទឹកចិត្តបរិសុទ្ធ

នាងជាស្ត្រីមានភាពទន់ភ្លន់ តាំង​ពីកំណើត ដោយ​សារ​តែ​និស្ស័យ​បែប​នេះ​ ​ទើប​ធ្វើឱ្យមនុស្សជុំវិញខ្លួនជា​ច្រើន​ផ្តល់​តម្លៃ និងចូល​ចិត្តខ្លាំង​បំផុត។ ​នាងតែងតែផ្ដល់ការព្រួយ​បារម្ភ​ចំពោះ​អ្នកដទៃ ហើយហុចដៃជួយគេមិនដែលខាន។ ជាស្រ្តីពោរពេញក្ដីសប្បុរស ស្មោះត្រង់​ និងមិនចេះគុំគួន។ មនុស្សប្រុស​ជាច្រើន​ប្រាថ្នា​ចង់​បាន​មនុស្ស​ស្រី​បែបនេះជាគូវាសនា ហើយបើនាងក្លាយជាភរិយារបស់បុរសណា គេមុខតែញញឹមបិទមាត់មិនជិត ព្រោះត្រូវប្រុសផ្សេងច្រណែនច្រើនណាស់៕

ប្រែសម្រួល៖ សន្យា

ចុចអាន៖ ៤ យ៉ាង បង្រៀនខ្លួនឯងឱ្យក្លាយជាមនុស្សស្រីរឹងមាំ មិនផ្ដេកផ្ដួលតាមយថាកម្ម

ចុចអាន៖ គុណសម្បត្តិ​ ៤យ៉ាង ពីការនៅ Single របស់មនុស្សស្រីឯករាជ្យ

The post ប្រភេទនារី បុរសមិនខ្លាចនាំទៅជួបចាស់ទុំ ហើយហ៊ានកាន់ដៃចូលរោងជ័យ appeared first on Kampuchea Thmey Daily.

មិនថាគ្នាយើងមានរូបរាងបែបណា យើងនៅតែអាចស្អាតបានទាំងអស់ ទោះបីធាត់ ឬស្គមក៏ដោយ។ ភាពស្រស់ស្អាតមិនមែនជាស្តង់ដារទូទៅទេ វាអាស្រ័យលើភ្នែកគ្រប់គ្នាមើលមក។ រូបរាងនីមួយៗសុទ្ធតែមានភាពស្រស់ស្អាតផ្សេងពីគ្នា។

១- ចង្កេះអង្ក្រង

ស្រីៗមានរូបរាងប្រភេទ Hourglass figures ចាត់ទុកថាជារាងស្អាតបំផុត។ សម្រាប់ស្រីៗមានរាងបែបនេះ មាន ចង្កេះរៀវតូច តែត្រគាក និងដើមទ្រូងទំហំប៉ុនគ្នា មើលទៅសិចស៊ី គួរឲ្យគយគន់បំផុត ឬយើងហៅថា ចង្កេះអង្ក្រង។

២- រាងត្រីកោណបញ្ច្រាស

រាងកាយស្ត្រីល្អលំដាប់ទី២ ជាមួយត្រគាក និងចង្កេះតូចល្មម សមគ្នាជាមួយដើមទ្រូង និងស្មាធំទូលាយ ហើយជើងវែងស្រលូន រឹតតែបង្កើនភាពទាក់ទាញបំផុត។

៣- រាងដូចផ្លែប៊ឺរ

ស្ត្រីមានរាងបែបនេះ មានទំហំដើមទ្រូងតូចជាងទំហំត្រគាក ហើយចង្កេះរៀវស្អាត។ ជើងខ្លី ខ្លួនខ្លី ស្មាតូចចង្អៀត ភ្លៅធំ និងគូទរាងមូលក្លំ។

៤- រាងចតុកោណ

ស្ត្រីមានរូបរាងបែបនេះ មានរាងបួនជ្រុងស្មើដើមទ្រូង ត្រគាកមានទំហំស្មើគ្នា ចំណែកជើង និងដៃតូចៗ។ ដើមទ្រូងសមនឹងរាងកាយ ដងខ្លួនជើងវែង និងកំប៉េះគូទរាងសំប៉ែត។

៥- រាងធាត់

រូបរាងពិសេសទូទៅមួយ មានចង្កេះមូល ក្បាលពោះប៉ោង ឬផត ត្រគាកធំទូលាយ ហើយផ្នែកខាងលើភ្លៅធំៗ។ ចំណុចដែលលេចធ្លោ គឺស្មា ចង្កេះ និងត្រគាក។ ស្រីៗអាចមានការប្រែប្រួលពីរាងកាយតូចស្ដើង ទៅជារាងធាត់នៅពេលណាមួយ។

ចុះគ្នាយើងវិញ​មានរាងយ៉ាងម៉េច? ប្រភេទមួយណា?

អត្ថបទផ្ដល់ដោយ៖ Hello Krupet

The post រាងស្រីៗមាន ៥ ប្រភេទនេះ តើគ្នាយើងស្ថិតក្នុង ប្រភេទមួយណា? appeared first on Kampuchea Thmey Daily.

ពេលនេះ ប្រសិនបើអ្នកជាមនុស្សស្រីដែលតែងតែរឹងមាំរហូតមក យើងចង់ប្រាប់ថា អ្នកធ្វើត្រឹមត្រូវបំផុតហើយ។ ប៉ុន្តែបើអ្នក កំពុងគិតថា ខ្លួនអន់ ឬគិតថាខ្លួនគ្មានតម្លៃ ពេលគ្មានគេជួយជ្រោមជ្រែង អ្នកគួរតែបង្រៀនខ្លួនឯងតាមរបៀបទាំង ៤ ខាងក្រោម ដើម្បីក្លាយជាមនុស្សស្រីរឹងមាំម្នាក់ តតាំងជាមួយជោគវាសនាមិនល្អទាំងឡាយ។

១. ស្វែងរកស្ត្រីឆ្នើមម្នាក់ដើម្បីយកគំរូតាម

នៅលើលោកនេះ មានស្ត្រីរឹងមាំច្រើនណាស់ សុទ្ធតែធ្លាប់ដើរលើផ្លូវទន់ខ្សោយមុនយើង។ មិនថានៅអាមេរិក អាស៊ី ឬកម្ពុជាឡើយ។ ​ពួកគេអាចជាអ្នកនយោបាយ សិល្បការិនី កីឡាការិនី ជនពិការ ឬសកម្មជនសប្បុរសធម៌ជាដើម។  

សំឡឹងមើលខ្សែជីវិតពួកគាត់ តើពួកគាត់ ធ្វើបែបណាខ្លះ ទម្រាំមានមហាជនស្ញប់ស្ញែងយ៉ាងនេះ? បន្ទាប់មក យើងអាចអនុវត្តតាមពួកគាត់ ដូច្នេះយើងនឹងមានភាពក្លាហាន និងទទួលបាននូវបទពិសោធន៍ល្អៗ តាមរយៈការអានសៀវភៅ ស្ដាប់ និងមើលវីដេអូរបស់ពួកគាត់ ជាក់ជាមិនខាន។

២. កុំខ្វល់ជាមួយពាក្យនិយាយដើម

មនុស្សភាគច្រើន តែងកើតទុក្ខ បើសិនបានដឹងបានឮថា អ្នកដទៃនិយាយដើមមិនល្អពីក្រោយខ្នង បើទោះបីការពិត មិនដូចអ្នកនិយាយក៏ដោយ។ បើខ្លួនយើងស្អាតស្អំ យើងជឿជាក់ខ្លួនយើងថាមិនបានធ្វើអ្វីដូចពាក្យគេថានោះទេ យើងត្រូវបំភ្លេចវាចោល ធ្វើដូចគ្មានរឿងអីកើតឡើងទៅចុះ។ ជឿថា ចំពោះមនុស្សស្រីសម្បូររឿងខ្សឹបខ្សៀវ ឬអេចអូចពីគ្នាណាស់។ ប៉ុន្តែមនុស្សរឹងមាំហើយអស្ចារ្យ នាងមិនទម្លាប់ស្តាប់ ឬខ្វល់ខ្វាយនឹងរឿងបែបនេះនោះទេ។

៣. ព្យាយាមចូលសង្គមឱ្យបានច្រើន

ចូលសង្គមស្គាល់ និងរាប់អានមនុស្សថ្មី ជាគន្លឹះកសាងបណ្ដាញយ៉ាងរឹងមាំសម្រាប់អាជីព ក៏ដូចជាទំនាក់ទំនងផ្សេងទៀត។  រីឯការចូលរួមកម្មវិធីនានា ឬសិក្ខាសាលាជាដើម នឹងជួយជំរុញភាពក្លាហាន ស្វែងយល់ចំណេះដឹងថ្មី ព្រមទាំងរៀនបានបទពិសោធន៍ល្អៗ ពីសង្គមខាងក្រៅកាន់តែជ្រៅជ្រះ ក៏ដូចជាថ្នឹកជាមួយបរិយាកាសគ្រប់ប្រភេទ។ មិនតែប៉ុណ្ណោះ យើងនឹងក្លាយជាមនុស្សស្រីឆ្លាតវៃ ចេះបត់បែនតាមកាលៈទេសៈបានល្អទៀតផង។

៤. មិនចាត់ទុកនរណាជាសត្រូវ

លើផែនដីនេះ គ្មាននរណាអាចល្អជាមួយយើងគ្រប់គ្នានោះទេ។ ប៉ុន្តែរឿងសំខាន់ដែលមនុស្សស្រីរឹងប៉ឹង ត្រូវរៀនឱ្យចេះ គឺមិនចាត់ទុកម្នាក់ណាជាសត្រូវឡើយ។ បើគេស្អប់យើង ឬមិនពេញចិត្តយើង យើងត្រូវតែរឹងមាំ និងហ៊ានប្រឈមមុខជាមួយនឹងគេ។ ធ្វើអ្វី និងនិយាយអ្វី ដែលជាការពិត យើងនឹងឈ្នះដោយសន្តិវិធី៕

ប្រែសម្រួល៖ សន្យា

ចុចអាន៖ អត្ថន័យពិតនៃពាក្យថា “សិចស៊ី” ដែលមនុស្សស្រីជាច្រើនភ័ន្តច្រឡំ

ចុចអាន៖ គុណសម្បត្តិ​ ៤យ៉ាង ពីការនៅ Single របស់មនុស្សស្រីឯករាជ្យ

The post ៤ យ៉ាង បង្រៀនខ្លួនឯងឱ្យក្លាយជាមនុស្សស្រីរឹងមាំ មិនផ្ដេកផ្ដួលតាមយថាកម្ម appeared first on Kampuchea Thmey Daily.

ភាពស៊ិចស៊ីមិនសំដៅលើការ​ស្លៀករឹបរាងឬ​ធ្វើដំណើរ​ពាក់កណ្តាលអាក្រាត តែ​វាជាចរិត​លក្ខណៈ នៃភាពជឿជាក់ដែលធ្វើឱ្យមនុស្សស្រីម្នាក់ ឡូយឆាយមិនថា​ ដេក ដើរ ឈរ អង្គុយ ​និងទោះក្នុងសម្លៀកបំពាក់បែបណាក្តី។

ពេល​អ្នកកង្វះទំនុកចិត្ត វា​ជះឥទ្ធិពលដល់វិស័យផ្សេងៗក្នុងជីវិតរួមមានការប៉ះពាល់ដល់ទំនាក់ទំនង និង​សកម្មភាពសង្គមឈាន​ដល់អាជីព។

មនុស្ស​ស្រីដែលគ្មាន​ភាពជឿជាក់​នាង​តែងតែ​មានអារម្មណ៍​ថា ខ្លួនឯងមិនទំនង​ជានិច្ច នឹងមិនសូវ​ចូលរួមសកម្មភាពនានា​ទេ។

អ្នកខ្លះ​យល់ថាការហាត់ប្រាណ ឬ​ការលត់រាងឱ្យស្គម តែតាមពិត “សិចស៊ី” ជាសកម្មភាព ដែលកើតចេញពីចិត្ត​ខាងក្នុងដើម្បីទាមទារអំណាចនៃ​ភាព «ជាខ្លួនឯង»។

ចិត្តគំនិតសិចស៊ីចាប់ផ្តើមជាមួយផ្នត់គំនិតរបស់អ្នក

ការបង្វឹកខួរក្បាលអ្នកឡើងវិញមិនមានអ្វីប្លែកទេ។ ចិត្តគំនិតសិចស៊ីចាប់ផ្តើមចេញពីផ្នត់គំនិតដែលនាំឱ្យមានការទទួលយកខ្លួនឯង «ជាខ្លួនឯង »​ ដែលនាំឱ្យមានទំនុកចិត្ត និង​ស្លៀកអ្វី​ក៏​ត្រូវ ពាក់អ្វី​ក៏សម​។

ដំបូងអ្នកត្រូវទទួលថា អ្នកមានអំណាចក្នុងការផ្លាស់ប្តូរគំនិត ភាពពិតក្នុងកែវភ្នែកអ្នកដទៃហើយ​ថា​ពួកគេ​នឹង​ឃើញអ្វី​ដែល​អ្នកកំពុង​មានជំនឿ បើអ្នកគ្មានជំនឿ​គេនឹង​ឃើញ​ភាពគ្មានជំនឿនោះ។

ការកាន់កាប់ជីវិត​អ្នកដោយជំនឿចិត្ត​

ឧទាហរណ៍មួយ ចន្ធូ ត្រូវបានគេប្រាប់ថា នាងមានជំងឺ ត្រូវពិការ ហើយនឹងមិនអាច​ដើរបានទៀតទេ។ នាងបដិសេធដាច់ខាតលើរឿងអកុសលនេះ ចន្ធូប្រឆាំងនឹងដំបូន្មានវេជ្ជសាស្រ្ត ហើយ​នាង​បានប្រែជាឥតឈប់ឈរទៅកាន់សុខភាពល្អប្រសើរ។ នាងចាប់ផ្តើមចិញ្ចឹមចិត្ត គំនិត និងព្រលឹងខ្លួនឯង​ជាមួយពាក្យ​ ថា​នាង​នឹង​ដើរវិញបាន។ នាងចាប់ផ្តើមឈ្លក់វង្វេងនឹងការស្វែងរកព័ត៌មានឱ្យបានច្រើនតាមដែលអាចធ្វើបាន អំពីរបបអាហារដែលមានសុខភាពល្អ និងលត់ដំភាពវិជ្ជមាន​នៃ​ផ្នត់គំនិតទៀតផង ព្រោះថាសេចក្តីជំនឿគឺជាគ្រឿងផ្សំដ៏សំខាន់នៃកម្លាំងកាយចិត្ត។ ទីបំផុត​នាង​ដើរបាន រៀបការថែមទាំងមានកូនតូចៗបីនាក់ទៀតផង។

មានអ្នកណាធ្លាប់ប្រាប់អ្នកថា អ្នកមិនអាចធ្វើអ្វីបានទេ? ហើយអ្នកមិនបាច់ខឹងទេ ចូរប្រឹងឡើង ដើម្បីបង្ហាញ​ថា​ពួកគេគិតខុស?

ចិត្តគំនិតសិចស៊ី គឺដឹងពីតម្លៃនៃជីវតិរបស់យើង ដែលមិនមែនសម្រាប់កំណត់ព្រំដែន​តាមគំនិតអ្នកដទៃ​ឡើយ៕

អត្ថបទ៖ ឡាហ្សូលី

ចុចអាន៖ ជឿទេថា សុភាពបុរស មើលទៅសិចស៊ីខ្លាំង?

ចុចអាន៖ មនុស្សនិយមឡូយឆាយលើសម្ភារៈនិយម គឺដោយសារតែហេតុផលនេះ

The post អត្ថន័យពិតនៃពាក្យថា “សិចស៊ី” ដែលមនុស្សស្រីជាច្រើនភ័ន្តច្រឡំ appeared first on Kampuchea Thmey Daily.

១. មានពេលវេលាច្រើនសម្រាប់ខ្លួនឯង

ស្រីៗភាគច្រើនដែលស្ថិតក្នុងទំនាក់ទំនងស្នេហាតែងតែរអ៊ូថា ពួកនាងគ្មានពេលគ្រប់គ្រាន់សម្រាប់ខ្លួនឯង។ ពួកនាងត្រូវមើលថែទាំកូនៗ ធ្វើការកិច្ចការផ្ទះយ៉ាងមមាញឹក រីឯអ្នកមិនទាន់រៀបការក៏ត្រូវតាមថែ យកចិត្តដៃគូថែមទៀត។

ដូច្នេះពេលនៅលីវ នាងមានពេលវេលាច្រើនឲ្យខ្លួនឯង ហើយអាចទៅណាក៏បានដែលខ្លួនចង់ទៅ ព្រោះនាងជាអ្នកទទួលខុសត្រូវក្នុងជីវិតរបស់ខ្លួនឯង។

២. គ្មានសម្ពាធដើម្បីបំពេញតាមការរំពឹងទុករបស់ដៃ

ថ្ងៃបុណ្យនៃក្តីស្រឡាញ់ ថ្ងៃបុណ្យណូអែល ពិធីខួបកំណើត ឬពិធីជួបជុំនានា សុទ្ធតែត្រូវរៀបចំខ្លួនឲ្យបានស្អាតបាតបំផុតពីក្បាលដល់ចុងជើង ។ នេះជាពេលហត់នឿយណាស់ ដែលត្រូវខំតែងខ្លួនដើម្បីឲ្យគេមើលឃើញថាស្អាត ឬមិនស្អាត។

ផ្ទុយទៅវិញ ពេលនៅលីវ នាងមិនចាំបាច់ប្រឹងស្លៀកពាក់ដើម្បីផ្គាប់គេទៀតទេ។ នាងអាចធ្វើគ្រប់យ៉ាងតាមភាពងាយស្រួលចំពោះខ្លួនឯង ដែលវាមិនធ្វើឱ្យនាងមានអារម្មណ៍សម្ពាធ ឬតានតឹងខ្លាំង។

៣. អាចផ្តោតលើអាជីពបានល្អ

ពេលកំពុងភ្ជាប់ចំណងស្នេហ៍ អាចថានារីខ្លះ ខ្វះពេលបែងចែករវាងការងារនិងស្នេហាឲ្យដាច់ស្រេច។ រឿងសំខាន់មួយទៀត ក្រោយទំនាក់ទំនងបែកបាក់ មនុស្សស្រីភាគច្រើនតែងបោះបង់ក្តីសង្ឃឹម និងសុបិនរបស់ខ្លួន ប្រហែលមកពីនាងគ្មានចិត្តតស៊ូ ព្រោះឈឺចិត្តពេក។

យ៉ាណាមិញ ​ចំពោះអ្នកនៅលីវ មិនចាំបាច់ខ្វល់ខ្វាយនូវរឿងទាំងនេះទេ។ បើនាងមានមហិច្ឆិតា នាងអាចផ្តោតអារម្មណ៍បានកាន់តែប្រសើរក្នុងការសម្រេចគោលដៅទាំងនោះ។ ភាពនៅលីវ អាចធ្វើឲ្យនាងទទួលបានជោគជ័យលើអាជីព ជាជាងមានគូក៏ថាបាន។

៤. មានពេលសម្រាប់រឹតចំណងទំនាក់ទំនងផ្សេងទៀត

ស្ថិតក្នុងទំនាក់ទំនងស្នេហា មនុស្សស្រីជាច្រើនគ្មានសេរីគ្រប់គ្រាន់សម្រាប់ខ្លួនឯងទេ! នាងចំណាយពេលជាមួយដៃគូច្រើន ស្ទើរតែមិនមានពេលជាមួយមិត្តភក្តិ និងក្រុមគ្រួសារ ដែលទីបំផុតនាងត្រូវឃ្លាតឆ្ងាយពីពួកគេ។

ប៉ុន្តែពេលនៅម្នាក់ឯង នាងមានពេលវេលា ដើម្បីចំណាយជាមួយមនុស្សជាទីស្រឡាញ់ផ្សេងទៀត ឱ្យបានញឹកញាប់ជាងមុន។ នាងអាចផ្សារភ្ជាប់ភាពស្និទ្ធស្នាលបានកាន់តែល្អផងដែរ។

ភាពនៅលីវជាអំណាច ដែលជួយឱ្យនាងអាចធ្វើដំណើរបានកាន់តែច្រើន ហើយចំណាយពេលដើម្បីស្វែងយល់ពីអ្វីៗដែលថ្មីនៅជុំវិញបានកាន់តែទូលាយ៕

ប្រែសម្រួល៖ សន្យា

ចុចអាន៖ មនុស្សស្រី៧ ប្រភេទដែលបុរសពិបាកទុកជាគូអនាគត ទោះបីស្រលាញ់ស្ទើរលេបក្តី

ចុចអាន៖ មនុស្សស្រី ៤ ប្រភេទ បុរសណាក៏ចង់បានជាគូជីវិត

The post គុណសម្បត្តិ​ ៤យ៉ាង ពីការនៅ Single របស់មនុស្សស្រីឯករាជ្យ appeared first on Kampuchea Thmey Daily.

រំពឹងមនុស្សល្អឥតខ្ចោះដូចក្នុងរឿង

ស្រីៗមួយចំនួនរំពឹងមានព្រះអង្គម្ចាស់ជិះសេះសដូចក្នុងព្រេងនិទាន ដែលនឹងលេចមុខមកក្នុងពេលដែលនាងធ្លាក់ដល់ចំណុចទាបបំផុត។ ឯមួយចំនួនរំពឹង មនុស្សប្រុសមានចរិតដូចនឹងតួប្រលោមលោកឬតួកុនដែលខ្លួនលួច Crush អ៊ីចឹងទៅ ទើបមិនធ្លាប់យកភ្នែកមើលមនុស្សប្រុសជិតបង្កើយ។

ការងប់ងុលនឹងភាពឥតខ្ចោះរបស់តួ ធ្វើមនុស្សស្រីយើង មិនអាចមើលឃើញអំពើល្អមនុស្សប្រុសនៅក្នុងពិភពពិត លុះដល់គេធ្វើល្អដាក់ ក៏គិតថា មិនទាន់គ្រប់គ្រាន់ ឬមិនដូចអ្នកនេះ មិនដូចអ្នកនោះ។ល។

ដរាបណាយើងមិនវិលមកស្ថានភាពជាក់ស្ដែងវិញទេ យើងនៅតែមិនអាចរកឃើញសុភាពបុរសនៅក្នុងបច្ចុប្បន្នភាព ទោះបីពួកគេជាបុរសល្អក៏ដោយ។

ចាញ់បោកការវិនិច្ឆ័យមនុស្ស

រូបភាពដ៏សុភាពរាបសារបស់បុរសនៅក្នុងគំនិតរបស់ស្រីៗខ្លះ គឺមានលក្ខណៈជាបុរសស្រស់សង្ហារដែលមើលទៅល្អទាំងព្រម ទាំងសម្ភារប្រើប្រាស់ យានជំនិះ និងការស្លៀកពាក់ជាដើម។ ទោះជាយ៉ាងណាក៏ដោយរូបភាពស្រមៃ រមែងខុសគ្នាពីជីវិតពិត។ ជាញឹកញាប់ បុរសដែលមានមុខមាត់ស្រស់សង្ហារ ចូលចិត្តសម្ញែងទ្រព្យ រមែងជាសុភាពបុរសក្លែងក្លាយប៉ុណ្ណោះ។ នេះក៏ហេតុផលដែលស្រីៗតែងតែចាញ់បោកប្រុសព្រាន រហូតមិនអាចជួបស្នេហ៍ស្មោះ។

ចង់បានប្រុសអ្នកមានៗ

ស្រីៗជាច្រើនជ្រើសរើសសុវត្ថិភាពលុយកាក់ ជំនួសឱ្យស្នេហាពិត ចេញពីបេះដូងខ្លួនឯង។ ពួកគេចូលចិត្តពឹងផ្អែកអ្នកដទៃ និងរំពឹងថា នឹងរៀបការជាមួយវេជ្ជបណ្ឌិត ឬមេធាវី ជាបុរសដែលមានប្រាក់ចំណូលខ្ពស់ ឬកូនសេដ្ឋីណាមួយ។ល។ ប៉ុន្តែរឿងទាំងអស់ដែលប៉ង មិនមែនសុទ្ធតែសមបំណងទេ ព្រោះអ្នកមានៗគេនឹងជ្រើសមនុស្សស្រីដែលមានឋានៈប្រហាក់ប្រហែលគេដែរ។ ម្យ៉ាងទៀត ការរស់នៅរំពឹងអ្នកដទៃ នឹងធ្វើឱ្យយើងដុនដាប នៅថ្ងៃណាមួយដែលគេចាកចោល។

មានឯករាជ្យ និងស្ថេរភាពហិរញ្ញវត្ថុ

ពីបុរាណកាល ស្រ្តីត្រូវបានចាត់ទុក ជាមនុស្សមិនសូវមានតម្លៃ និងពុំមានសិទ្ធិដូចបុរសឡើយ។ នេះជាមូលហេតុដែលស្រ្តីហាក់ចាញ់ប្រៀបបុរសគ្រប់យ៉ាង។ ប៉ុន្តែបច្ចុប្បន្នកាលពុំដូចគ្នាទេ ពួកគេមានសិទ្ធិស្មើនឹងបុរស ហើយអាចធ្វើអ្វីៗបានដោយខ្លួនឯងដោយមិនពឹងផ្អែកលើបុរសទៀតទេ។ ដូច្នេះបានជាស្រីៗសម័យទំនើបខ្លះ មិនសូវយកចិត្តទុកដាក់រឿងស្នេហានោះទេ ព្រោះនាងអាងថា អាចពឹងពាក់ខ្លួនឯងបាន។ ​នាងមានសមត្ថភាពរកលុយចាយខ្លួនឯង នាងមានអាជីពនឹងនរ ហើយក៏មានចំណេះដឹងក្នុងការតទល់ជាមួយបញ្ហាដោយខ្លួនឯង៕

ប្រែសម្រួល៖ សន្យា

ចុចអាន៖ មនុស្សស្រី ៤ ប្រភេទ បុរសណាក៏ចង់បានជាគូជីវិត

ចុចអាន៖ ប្ដីប្រពន្ធរស់នៅជាមួយគ្នា អាចកាត់បន្ថយហានិភ័យជំងឺដំកាត់ផ្សេងៗ គ្រាន់តែកែសម្រួលរបៀបរស់នៅ

The post ស្អាតក៏ស្អាត ចរិតក៏ល្អ តែឯកាគ្មានគូ មកពីមូលហេតុប៉ុន្មាននេះសោះ appeared first on Kampuchea Thmey Daily.

ជាមនុស្សស្រីដែលមានទំនុកចិត្តខ្ពស់ ចូលចំណោមគេ និងមានភាពរីករាយជាប់ខ្លួនជានិច្ច។ នាងក៏ជាមនុស្សដែលរាប់អានជាមួយមនុស្សថ្មីៗបានងាយ និងលឿនបំផុត។ ចូលចិត្តធ្វើការដោយប្រើបញ្ញា និងដោះស្រាយបញ្ហាដោយសច្ចភាព និងមិនលម្អៀង។

ពាក់ស្បែកជើងលេខ ៣៧

នាង​ជាមនុស្ស​ស្រីសុភាព​រាបសារ ទន់ភ្លន់ និង​មានភាពទាក់ទាញ។ នាងឆេវឆាវបន្តិច ហើយចូលចិត្តនិយាយត្រង់ទៅត្រង់មក ទោះបីជាដឹងថា និយាយចេញមកប៉ះពាល់អ្នកស្តាប់ក៏ដោយ។ នាងចេះគ្រប់គ្រងជីវិតផ្ទាល់ខ្លួន និងជីវិតការងារបានយ៉ាងល្អ។ 

ពាក់ស្បែកជើងលេខ ៣៨

មនុស្សស្រី​ដែលពាក់ស្បែកជើងលេខនេះចូលចិត្ត​បទពិសោធន៍ថ្មីៗ ហើយក៏ជាមនុស្សក្លាហាន និង​និយម​ផ្សងព្រេង​ផងដែរ។

ជាមនុស្សដែលមានមានភាពថ្លៃថ្នូរ ទាន់សម័យ និងមានសុជីវធម៌ខ្ពស់។ នាងចូលចិត្តនិយាយច្រើនបន្តិច ប៉ុន្តែមនុស្សជុំវិញស្រឡាញ់ចូលចិត្តនាងណាស់។

ពាក់ស្បែកជើងលេខ ៣៩

មនុស្សស្រីប្រភេទនេះ ជាទូទៅមានភាពទន់ភ្លន់ សុភាពរាបសារ និងថែមទាំង​រ៉ូមែនទិក​ទៀតផង។ ជាមនុស្សស្រីដែលចូលចិត្តការប្រកួតប្រជែង បង្កើតគម្រោងថ្មីៗ ជាពិសេសជំនាញខាងរាប់អានមិត្តថ្មី និងរក្សាមិត្តភាពបានរឹងមាំ។

ពាក់ស្បែកជើងលេខ ៤០

នាងមាន​អាកប្បកិរិយាបែបធម្មជាតិ និងមានរបៀបរៀបរយក្នុងការរស់នៅ។ នាង​មិន​ចូលចិត្ត​មាន​ការ​ដកពិសោធន៍អ្វីច្រើន​នោះ​ទេ ប៉ុន្តែ​មនុស្សជាទីស្រឡាញ់ចង់បានអ្វី​ដែល​ថ្មីនោះ នាង​ពេញចិត្ត​នៅ​ក្នុង​ការ​គាំទ្រ​គ្នា​ទៅវិញទៅមក។

ជាមនុស្សស្រីមានគេចោមរោមចូលចិត្ត ព្រោះនាង​មាន​សមត្ថភាព​នៅ​ក្នុង​ការ​ផ្ដល់​នូវទំនុកចិត្ត​លើខ្លួនឯង៕

ប្រែសម្រួល៖ សន្យា

ប្រភព៖ Bright Side

ចុចអាន៖ ស្គាល់ចរិតពិតមនុស្សស្រី ៤ ប្រភេទតាមរយៈពណ៌ផ្កាកុលាបដែលនាងស្រឡាញ់

ចុចអាន៖ មនុស្សស្រី ៤ ប្រភេទ បុរសណាក៏ចង់បានជាគូជីវិត

The post ស្គាល់លេខស្បែកជើងមនុស្សស្រី ដូចស្គាល់និស្ស័យពិតរបស់នាង appeared first on Kampuchea Thmey Daily.