អ្នកនិពន្ធ ម៉ីសន សុធារី បានបង្ហោះសារនៅលើបណ្តាញសង្គមហ្វេសប៊ុកផ្ទាល់ខ្លួន នៅថ្ងៃទី​១៨ ខែ តុលានេះដោយបញ្ជាក់ថា៖«ប្រសិនបើបងប្អូនបានឃើញឈ្មោះ ឬរូបភាពរបស់ខ្ញុំ ស្នាដៃ និងអ្វីៗទាក់ទងនឹងខ្ញុំនៅទីណាផ្សេងៗពាក់ព័ន្ធនឹងការកៀរគរមនុស្ស​ សន្យាផ្តល់ការបណ្តុះបណ្តាលអ្វីជាដើម សូមបញ្ជាក់ថា នោះអាចជាការបោកប្រាស់ ​និងសូមមេត្តាផ្តល់ដំណឹងមកក្រុមការងាររបស់ខ្ញុំជាបន្ទាន់»។

អ្នកនិពន្ធ ម៉ីសន សុធារី សង្កត់ធ្ងន់ថា ការងាររបស់អ្នកនាងរួមមាន និពន្ធសៀវភៅ ការផលិតអត្ថបទវិដេអូ និងបទសម្ភាសន៍ និងការបង្វឹកអ្នកនិពន្ធថ្មីៗ ដែលត្រូវបានចេញផ្សាយតែនៅកាសែត KampucheaThmey និងតាមរយៈគេហទំព័រ MeysanSotheary.com ប៉ុណ្ណោះ។

គួរកត់សម្គាល់ថា អ្នកនិពន្ធជើងចាស់ ម៉ីសុន សុធារី បានទទួលការកោតសរសើរយ៉ាងទូលំទូលាយពីសាធារណជន និងអ្នកអានចំពោះការសរសេរយ៉ាងទូលំទូលាយ ដែលបាននិពន្ធរឿងជាច្រើនប្រភេទ រឿងប្រលោមលោក រឿងអប់រំ រឿងខ្លី និងរឿងភាគល្បីៗជាច្រើន៕

The post អ្នកនិពន្ធ ម៉ីសន សុធារី បានចេញការជូនដំណឹងមួយដើម្បីបង្ការទប់ស្កាត់ការបោកប្រាស់ appeared first on Kampuchea Thmey Daily.

អ្នកនិពន្ធ ម៉ីសន សុធារី  ដែលប្រើនាមប៉ាកាសុភាប្រុសលើរាល់បទនិពន្ធប្រលោមលោកស៊ើបអង្កេត នឹងធ្វើឱ្យអ្នកអានប៉ាន់ស្មានមិនបាន មុជមិនជ្រៅរហូតដល់ទីបញ្ចប់!

តើត្រៀមខ្លួនហើយឬនៅ សម្រាប់សាកល្បងកម្រិតស៊ីជម្រៅនៃការអង្កេតរឿង?

«គម្រោងការសម្ងាត់២០៣៥» ជាប្រលោមលោកឧក្រិដ្ឋកម្មថ្មី ផ្តើមចេញពីបទល្មើសចាក់ស្រេះ កើតមានឡើងនៅចំកណ្តាលទីក្រុងភ្នំពេញ។ អ្នកអានមុនៗ បានសន្យាថា នេះជាប្រលោមលោកដែលអ្នកស្នេហាអំណានគួរតែបានអានសម្រាប់យល់ដឹងអំពីល្បិចនៃសំណេរដ៏មានភាពចាក់ស្រេះនិងជ្រៅជ្រះ។

អ្នកគាំទ្របានលើកឡើងអំពីភាពស្រពិចស្រពិល អាថ៌កំបាំង និងភាពងងឹតគ្មានតម្រុយ។

នៅក្នុងពិភពលោកថ្មីមួយដែលគ្មានអ្វីអាចធានាបានជាក់លាក់ អ្នកស៊ើបអង្កេតម្នាក់នៅឈរចន្លោះយុត្តិធម៌ និងគ្រោះមហន្តរាយ។

អាថ៌កំបាំងនៃគម្រោងសម្ងាត់២០៣៥ ត្រូវបានអ្នកនិពន្ធ ម៉ីសន សុធារី ចាត់ទុកថា ជារឿងនិទានមុះមុតដែលបញ្ចូលនូវស្នៀតបញ្ឆោត គ្រោះថ្នាក់ និងសេចក្តីប្រុងប្រយ័ត្នមិនឈ្នះអំពើទ្រុស្ត។ ទោះយ៉ាងណា  សៀវភៅនេះសំបូរទៅដោយអ្វីគ្រប់យ៉ាងដែលអ្នកអានចូលចិត្តស្វែងរកនៅក្នុងរឿងប្រតិដ្ឋប្រភេទឧក្រិដ្ឋកម្ម សកម្មភាពរហ័ស តួអង្គរឹងមាំ អ្នកលាក់មុខជាឃាតក ដែលបញ្ចេញទម្រង់ធ្វើការស្មុគស្មាញ និងបទពណ៌នាបត់បែនដែលនឹងធ្វើឱ្យអ្នកអានដកដង្ហើមធំ។

សង្ខេបរឿង៖

គម្រោងការសម្ងាត់កំពូលមួយ ដែលបង្កើតឡើងប្រើឈ្មោះថា ២០៣៥ បានធ្វើឱ្យមានកូនស្រីអភិជនជាច្រើនបាត់ខ្លួនបន្តគ្នាត្រឹមគម្លាតជាងម្ភៃម៉ោង។ ឧត្តមសេនីយ៍ ឌិតសាម៉ុនដែលមានកូនស្រីម្នាក់វ័យដូចគ្នានឹងអ្នកបាត់ខ្លួនមុនៗ បានរកកូនប៉ូលិសសក្តិបួនមកនៅក្បែរនាងគ្រប់វិនាទី។ ខ្លួនគាត់បានទទួលបន្ទុកបំបែកក្តី២០៣៥នេះ។  ប្រលោមលោកដែលរុញប្រទេសកម្ពុជាចូលទៅក្នុងយុគសម័យបច្ចេកវិទ្យាដ៏អន្តរកម្មស្មុគស្មាញ បានចោទចេញជាសំណួរថា ហេតុអ្វីឧត្តមសេនីយ៍កំពូលផ្ញើវាសនាកូនស្រីតែមួយគត់ទៅលើដៃកូនប៉ូលិសគ្មានកេរ្តិ៍ឈ្មោះម្នាក់?

នៅពេលដែលមន្ត្រីរដ្ឋាភិបាលព្យាយាមរកមធ្យោបាយមកគ្រប់គ្រងលើសំណុំរឿងនេះ អ្នកស៊ើបអង្កេតទាំងឯកជននិងផ្លូវការបានប្រជែងគ្នា ជាមួយកម្រិតប្រាក់រង្វាន់មហាសាលដែលគ្រួសារអ្នកបាត់កូនស្រីម្នាក់ៗបានដាក់ចេញឱ្យ។

តម្រុយដ៏គួរឱ្យរំខានជាច្រើន ត្រូវបានអ្នកនិពន្ធ ម៉ីសន សុធារី បង្ហាញចេញជាការពង្វៀង ខណៈសត្រូវដ៏សំខាន់របស់ច្បាស់នៅសំងំលាក់មុខយ៉ាងមានប្រសិទ្ធភាព។ រាល់ជំហានខិតទៅជិតការពិតនាំ មកនូវគ្រោះថ្នាក់កាន់តែច្រើន ដោយបង្ខំឱ្យអ្នកអានត្រូវប្រឈមមុខនឹងបណ្តាញនៃការភូតកុហក និងគំនុំសងសឹកដែលលាតសន្ធឹងដល់កម្រិតខ្ពស់បំផុតនៃផ្ទៃរឿង។

ការសម្រេចចិត្តមួយ ដែលអាចមានន័យថា មានជីវិតទៅផ្ទះវិញ ឬស្លាប់ បានធ្វើឱ្យអ្នកអានចំហរមាត់។

មិនគួរខកខានអានសៀវភៅនេះឡើយ ។ អាថ៌កំបាំងនៃគម្រោង២០៣៥ បង្កប់មកជាមួយនូវវប្បធម៌ដ៏សម្បូរបែប និងបរិយាកាសសន្តិសុខដ៏រស់រវើកនាអនាគតកាល ដែលញាំងឱ្យមិត្តអ្នកអានឃើញខ្លួនឯងបានជ្រមុជខ្លួននៅក្នុងសាច់រឿងដ៏មានអនុភាព។

អ្នកនិពន្ធរំលឹកដែរថា៖ «ជំពូកនីមួយៗ ខ្ញុំតែងតែដកម្តងបន្តិចៗនូវស្រទាប់អាថ៌កំបាំងមួយជាន់ហើយមួយជាន់ទៀត នាំទៅដល់ការសន្និដ្ឋានដ៏គួរឱ្យភ្ញាក់ផ្អើលមួយ ហើយខុសជានិច្ច!»

បេះដូងនៃអ្នកស៊ើបអង្កេត មិនមែនគ្រាន់តែប្រដេញតាមឧក្រិដ្ឋជនប៉ុណ្ណោះទេ តែគេកំពុងប្រយុទ្ធជាមួយសីលធម៌ ប្រយោជន៍ផ្ទាល់ខ្លួន ភាពភ័យខ្លាច និងសម្ពាធនៃទំនាក់ទំនងស្នេហា ។

ដើម្បីផ្តល់យុត្តិធ​ម៌ តើប៉ូលិសអាចបាត់បង់មនុស្សដែលគេស្រលាញ់ដែរទេ?

ប្រលោមលោក រឿង គម្រោងការសម្ងាត់២០៣៥ ថែមមកជាមួយនូវប្រភេទនៃភាគនិទានដ៏អស្ចារ្យដែលនឹងធ្វើឱ្យអ្នកអានស្រេកឃ្លានកាន់តែច្រើនឡើងមិនចង់ឱ្យចប់។

ប្រលោមលោកនេះ មានជិតមួយពាន់ទំព័រ និងបោះពុម្ពជាពីរភាគ ដាក់លក់ តម្លៃសរុប៧២០០០រ។

The post រន្ធត់ កំប្លែង ប្រទាក់ជ្រៅមុតប្រចាំឆ្នាំ៖ គម្រោងការសម្ងាត់ ២០៣៥ appeared first on Kampuchea Thmey Daily.

ការសម្រេចផ្សាយនូវស្នាដៃប្រលោមលោកមនោសញ្ចេតនាមួយនេះ ស្របតាមការលើកឡើងរបស់អ្នកគាំទ្រលោកស្រី ម៉ីសន សុធារី ក្នុងពេលដែលអ្នកអានសាច់រឿង “ថ្ងៃមុនស្អប់ថ្ងៃនេះស្រលាញ់”  មានការយល់ច្រឡំថា ជាការបោះផ្សាយវគ្គទី៣​ទៅវិញ។

យ៉ាងណាក៏ដោយ ដើម្បីកុំឲ្យមានការយល់ច្រឡំ​ម្ចាស់ស្នាដៃរឿង ​“ថ្ងៃមុនស្អប់ថ្ងៃនេះស្រលាញ់” ឬ​ Hate & Love បានមានប្រសាសន៍ថា ដោយសារតែសៀវភៅចាស់មានចំនួន២ក្បាលហើយកម្រាស់ក្រាស់ពេក ដូច្នេះទើបអ្នកនិពន្ធសម្រេចបោះពុម្ពផ្សាយក្នុងទ្រង់ទ្រាយថ្មី ក្រោមការសម្រួលចេញសៀវភៅចំនួន​៣ក្បាលថ្មី ដោយមានវគ្គ១និងវគ្គ២ដដែល ប៉ុន្តែរាងតូចច្រឡឹងជាងមុន រីឯទំងន់ក៏ស្រាលខ្លាំង ដែលអ្នកអានអាចដាក់តាមខ្លួនបានយ៉ាងងាយថែមទៀត។

ថ្វីដ្បិតតែ រឿង Hate & Love បានសម្រេចបោះសាជាថ្មីក៏ពិតមែន ប៉ុន្តែអ្នកនិពន្ធបានបញ្ចាក់ថា សូមកុំឲ្យអ្នកអានមានការភ័យព្រួយ ចំពោះសាច់រឿងគឺនៅតែដដែលមិនការប្ដូរផ្លាស់ ឬបង្កើតវគ្គ៣ក្នុងប្រលោមលោក ​“ថ្ងៃមុនស្អប់ថ្ងៃនេះស្រលាញ់” ឡើយ។

អ្វីដែលកាន់តែពិសេសសម្រាប់អ្នកគាំទ្រ​ដែលស្រលាញ់ពេញចិត្តចង់បានសៀវភៅកាន់ក្នុងដៃឆាប់ៗ ក្រុមការងារ meysansotheary នឹងផ្ដល់ជូន​​ ប្រសិនអ្នកអានជាវឬកក់មួយឈុត Hate & Love (៣ក្បាល) នោះនឹងទទួលបានតម្លៃយ៉ាងពិសេសក្នុងឱកាសទិវាក្ដីស្រលាញ់នាពេលខាងមុខផងដែរ។

សូមរម្លឹកផងដែរថា កាលពីឆ្នាំ២០១៩ដដែល ស្ថានីយ៍ទូរទស្សន៍ PNN​ បានជាវនូវកម្មសិទ្ធបញ្ញានៃខ្សែរឿងដ៏ល្បីមួយនេះ ទៅផលិតក្នុងទ្រង់ទ្រាយធំមិនធ្លាប់ពីមុនមក ក្នុងន័យសម្រិតសម្រាំងសម្រាប់អ្នកគាំទ្រ Hate & Love ។កាលណោះវាទទួលបានភាពល្បីល្បាញយ៉ាងគគ្រឹកគគ្រេង ព្រមទាំងមានអ្នកគាំទ្រជាច្រើនសុទ្ធតែពោលសរសើរថា សាច់រឿងក្នុងសៀវភៅល្អណាស់ទៅហើយ ក្នុងពេលដែលយកមកផលិតជាភាពយន្ត រឹតតែធ្វើឲ្យអ្នកទស្សនាជក់ជិតដិតអារម្មណ៍យ៉ាងខ្លាំងសឹងតែមិននឹកស្មានថា​​ “ថ្ងៃមុនស្អប់ថ្ងៃនេះស្រលាញ់” អាចជាប្រលោមលោកដែលនៅតែដក់ជាប់ក្នុងក្រអៅបេះដូងមកទល់សព្វថ្ងៃនេះ៕

សួមទស្សនាឈុតឆាកខ្លះៗក្នុងប្រលោមលោក ​“ថ្ងៃមុនស្អប់ថ្ងៃនេះស្រលាញ់” ឬ​ Hate & Love ដែលបានកម្លាយជាភាពយន្តកាលពីឆ្នាំ២០១៩លើទូរទស្សន៍ PNN​ នាខាងក្រោមនេះ

អត្ថបទ៖ សាង ស្រីល័ក្ខ

ចុចអាន៖ឯកឧត្ដម ឌី វិជ្ជា ជួយជ្រោមជ្រែងការចូលអានព្រីមៀមមិនគិតថ្លៃ សម្រាប់គ្រូបង្រៀននិងកម្មករ-កម្មការិនីទូទាំងប្រទេស

The post អ្នកនិពន្ធ ម៉ីសន​ សុធារី សម្រេចបោះពុម្ពផ្សាយរឿង “ថ្ងៃមុនស្អប់ថ្ងៃនេះស្រលាញ់” ក្នុងទម្រង់ថ្មីតូចច្រឡឹង ត្រឹម២វគ្គដដែល appeared first on Kampuchea Thmey Daily.

មិនត្រឹមតែ​ប៉ុណ្ណោះ​ កម្មការិនីកម្មករ​ក៏ទទួលបាននូវលក្ខខណ្ឌដ៏ពិសេសនេះ គឺអានមិនគិតថ្លៃ​ពេញមួយឆ្នាំ​ដូចៗគ្នា។

នៅក្នុង​បទសម្ភាសន៍​មួយ​អ្នកនិពន្ធម៉ីសន​ សុធារី បានលើកឡើងថា “ខ្ញុំមានបំណងជាយូរមកហើយ ថា​ត្រូវ​ធ្វើអ្វី​ម្យ៉ាងដើម្បីជាការតបស្នងទៅដល់គ្រូបង្រៀនរបស់ខ្ញុំ។ ខ្ញុំអាចសរសេរ​តួ​អក្សរ​នីមួយៗរហូតដល់ក្លាយ​ជាឃ្លាពេញលេញ មានបែបបទ​ណែងណង មាន​អត្ថន័យ អត្ថរូបនិងអត្ថរស មានគេហៅ​ថាជា​អ្នកនិពន្ធ មាន​ឈ្មោះតិចតួច គឺជាញើសឈាម កម្លាំងកាយ​ពលកម្ម កម្លាំងចិត្ត​ដែលលោកគ្រូអ្នកគ្រូ​របស់ខ្ញុំ​បានខិតខំបង្ហាត់បង្រៀនតាំងពីក្មេង”។

ឥឡូវនេះជាការតបស្នងក្រុមការងារ meysansotheary.com បានសម្រេចចិត្តថា នឹងជូន​គណនេយ្យ​នៃ​ការ​ចូលអាន​មិនគិតថ្លៃ ចំពោះគ្រូបង្រៀនទូទាំងប្រទេស។

អ្នកស្រីបន្ថែមទៀតដែរថា ដោយឃើញថា បញ្ហា​ព័ត៌មានក្លែងបន្លំ និងមាតិកា​ឥតគុណតម្លៃ កំពុងកើនមានច្រើននៅលើ​បណ្ដាញ​សង្គម បង្កាត់​ចលាចល​គំនិត ភាព​តានតឹង ហើយមាន​អ្នក​ចំណាយ​ពេល​ច្រើន​ហួសហេតុ​ទៅ​លើ​បណ្ដាញ​មួយ​នោះ ដូច្នេះក៏​បន្ថែម​ក្រុម​កម្មករកម្មការិនី​មួយ​ក្រុម​ទៀត ដែលមានសិទ្ធិទទួលការអានមិនគិតថ្លៃពេញ១២ខែ ដើម្បីឲ្យគាត់​រៀន​សិក្សា​ពី​សារៈសំខាន់​នៃ​ការអាន។

«យ៉ាងហោចណាស់​ យើងមានអ្នកនិពន្ធពីរបីរូបដែល​មានប្រភពចេញមកពីក្រុមកម្មករ-កម្មការិនី! ខ្លះក្នុងនោះ​ផងដែរ បានក្លាយ​ទៅជាអ្នកនិពន្ធ ដោយសារតែគាត់ចូលចិត្តការអាន តស៊ូអាន ដែល​ជា​ធម្មតា​ការ​អាន​បង្កើន​ចំណេះ បណ្ដុះ​និង​បំផុស​នូវស្មារតី​នៃការ​ចាប់ផ្ដើម​សរសេរ​របស់​គាត់! គាត់​សរសេរ​បាន​ល្អទៀត!»

អ្នកនិពន្ធម៉ីសនសុធារី បានបង្កើតឡើងនូវមាតិកា meysansotheary.com ដែលជាវេទិកាអានប្រលោមលោកឌីជីថលដ៏ជោគជ័យមួយនៅកម្ពុជា ក្នុងនោះមានមាតិកាមួយចំនួនអ្នកចង់អានតម្រូវ​ឱ្យបង់ប្រាក់និងមាតិកាខ្លះអានដោយមិនគិតថ្លៃ។

ជាទូទៅ ទៅមាតិកា​បង់ប្រាក់ឬព្រីមៀម គឺបង្កប់ទៅដោយរឿងឬសៀវភៅអនឡាញ ដែលបានជាវពីអ្នកនិពន្ធល្បីៗមានតម្លៃខ្ពស់ រួមជាមួយស្នាដៃរបស់អ្នកស្រីផ្ទាល់។ ចំណែកអានមិនគិតថ្លៃ គឺជាស្នាដៃរបស់ប្អូនៗយុវវ័យជំនាន់ថ្មី។

នៅក្នុងការអានព្រីមៀមនេះ អ្នកអានតម្រូវឲ្យបង់ប្រាក់ចំនួនមួយម៉ឺនប្រាំពាន់រៀលនៅក្នុងមួយខែ ស្មើនឹងប្រាំរយរៀលក្នុងមួយថ្ងៃ ឬដប់ម៉ឺនរៀលក្នុងមួយឆ្នាំ ដូច្នេះតម្លៃដប់ម៉ឺននេះគឺ ផាត់ចោលទាំងស្រុងសម្រាប់មិត្តអ្នកអានណាដែលមកចុះឈ្មោះហើយមានកាតជាគ្រូបង្រៀនឬមួយជាកម្មករកម្មការិនីរោងចក្រ ។ នៅពេលសួរអំពីអ្នកសារព័ត៌មាន អ្នកស្រីយល់ស្របថា អ្នកសារព័ត៌មាន​ទូទាំងប្រទេស​នឹង​ទទួលបាននូវ​លក្ខខណ្ឌនេះផងដែរ។

យ៉ាងណាមិញ នេះមិនមែនជាលើកទីមួយទេដែល អ្នកនិពន្ធ ម៉ីសន សុធារី បានធ្វើសកម្មភាពសង្គមជាច្រើនដោយអ្នកស្រីបានចំណាយញើសឈាមពេលវេលានិងថវិកាផ្ទាល់ខ្លួន ក្នុងការបណ្ដុះបណ្ដាលអ្នកនិពន្ធជាច្រើនជំនាន់ថែមទាំងរហូត ដល់ទទួលយកស្នាដៃនិងផ្តល់រង្វាន់ជូនជារៀងរាល់ខែ។

អ្នកស្រីបញ្ជាក់ថា មានសប្បុរសជនជាច្រើន បានរួមចំណែកលើការងារនេះ​ព្រោះស្រលាញ់វិស័យអំណាន ដែលក្នុងនោះ ឯកឧត្តម ឧត្តមសេនីយ៍ឯក​ ឌី វិជ្ជា និងលោកជំទាវ បាន​ចូលរួមជ្រោមជ្រែងជាដរាបមកទើបអាចដំណើរការបាន។

គួរបញ្ជាក់ដែរថា នេះគឺជាសកម្មភាពសង្គមលើកកម្ពស់វិស័យអំណានដ៏ធំមួយ ដែលមិនធ្លាប់មាន ដែលអ្នកស្រីសង្ឃឹមថា នឹងនាំឲ្យមានការផ្លាស់ប្តូរជាវិជ្ជមាន​ទៅក្នុងរវាងរយៈពេលប្រាំឆ្នាំទៅមុខទៀត។ «ខ្ញុំយល់ថា កាលណា​មាន​ការអានច្រើន អ្នកនិពន្ធនិងលេចចេញពីក្រុមអ្នកអានកាន់តែផុលផុសថែមទៀត ដើម្បីជួយជ្រោមជ្រែងដល់វិស័យនេះ»។

អ្នកនិពន្ធ ម៉ីសនសុធារី ត្រូវបានគេស្គាល់ច្រើនតាមរយៈប្រលោមលោកទំនើបកម្ម និងតថភាពនៃដំណើរសង្គម បង្កប់ជាមួយខ្លឹមសារអប់រំ ទេពកោសល្យពិបាកស្មានលើគ្រប់ស្នាដៃ។ ជានិច្ចជាកាលអ្នកអានរបស់គាត់ តែងតែជក់ចិត្ត​ស្លុង​ក្នុង​បណ្តាបទពិពណ៌នា ប្រៀបដូចកំពុងស្ថិតនៅក្នុងហេតុការណ៍។ អ្នកនិពន្ធរូបនេះបានកសាងកេរ្តិ៍ឈ្មោះជាមួយសាច់រឿងស៊ើបអង្កេត ឧក្រិដ្ឋកម្ម ដោយប្រើនាមប៉ាកា #សុភាប្រុស ផ្សាយចេញនូវកម្រង​វណ្ណកម្មមិនរុះរោយ ដូចជា #ម៉ោង១២អាធ្រាត្រនៅសង្កាត់លេខមួយ #ស្ទូឌីយោលេខ៣ #BlankblackPicture #សំណុំឯកសារZ22 #គម្រោងការ២០៣៥.ល។

គាត់ក៏ត្រូវបានទទួលស្គាល់ខ្លាំងឡើង សម្រាប់និទានជីវិតនិងមនោសញ្ចេតនាជ្រាលជ្រៅ កក់ក្តៅមានជាអាថ៌ #កិច្ចសន្យាស្នេហាយើង #ថ្ងៃមុនស្អប់ថ្ងៃនេះស្រលាញ់ #អធិរាជបេះដូង #ស្រទន់មន្តស្នេហ៍ #បេះដូងមេគង្គ និង #ស្រលាញ់បងជ្រៅជាងសមុទ្រ។

ចំនែកអ្នកដែលមានបំណងចង់អានសៀវភៅទស្សនៈ អាចរកជាវចំណងជើងធំពីររបស់អ្នកស្រីម៉ីសនសុធារី គឺ #ពេលវេលា #ការឈឺចាប់ និង #ទម្រាំក្លាយជាអ្នកនិពន្ធ។ មានប្រលោមលោកពិសេសពីរខ្សែរទៀតដែលអ្នកនិពន្ធរូបនេះ យកបានបេះដូងវ័យជំទង់គឺ #ស្នាមសាក់រូបខ្លា និង #ថ្ងៃណាមួយ BL។

ក្រៅពីកម្រងវណ្ណកម្មខាងលើ លោកអ្នកក៏អាចរកជាវឬចូលអានកម្រងប្រលោមលោករន្ធត់ព្រឺព្រួចរបស់អ្នកស្រី #ម៉ីសនសុធារី ដែលប្រើនាមប៉ាកា #ពេជ្របណ្ឌិត ដូចជា #អាគមបរព្រៃ #ផ្ទះគ្រូទាយ #អ្នកសម្បួរជួរ #របៀនងងឹត #តួស្រីក្នុងរឿងព្រេង #សីម៉ាអំបោះលឿង #គាថាបុរាណ #យប់ទី៣១ ។ល។

ចុចអាន៖ឯកឧត្ដម ឌី វិជ្ជា និងលោកជំទាវ ហ៊ុន ម៉ាណា ផ្ដល់អំណោយដល់ក្មួយៗ ២ នាក់បងប្អូន ដែលខ្វះខាតជីវភាព និងសម្រេចសង់ផ្ទះទេវតាជូន ១ ខ្នង

The post ឯកឧត្ដម ឌី វិជ្ជា ជួយជ្រោមជ្រែងការចូលអានព្រីមៀមមិនគិតថ្លៃ សម្រាប់គ្រូបង្រៀននិងកម្មករ-កម្មការិនីទូទាំងប្រទេស appeared first on Kampuchea Thmey Daily.

ស្រប​ពេលដែលអ្នក​និពន្ធ​ដដែល​បាន​ប្រកាស​ស្វែងរក​រកអ្នកគាំទ្រ ដោយអ្នកស្រីបានមាន​ប្រសាសន៍​ថា “នាងខ្ញុំ ម៉ីសន សុធារី ម្ចាស់​ស្នាដៃសៀវភៅ ស្រទន់​មន្ត​ស្នេហ៍, ពេលវេលា និង ថ្ងៃណាមួយ សរុបប្រមាណ ៥០០០ក្បាល ដែល​ជា​បទនិពន្ធ​បាន​សម្រិតសម្រាំង ផ្ដល់​គុណ​តម្លៃ​និង​ពុទ្ធិ​ដល់​ចលករ​លើកកម្ពស់​ការ​អាន​និង​សរសេរ​នៅ​កម្ពុជា។ នាងខ្ញុំ​ទទួលខុសត្រូវ ពេញទំហឹងលើ​ការ​ជះ​ឥទ្ធិពល​អវិជ្ជមានណាមួយ​ពី​សំណេរ​នេះ ទៅលើ​មជ្ឈដ្ឋាន​អ្នកអាន​ទូទៅ”។

អ្នក​និពន្ធ​ ម៉ីនសន សុធារី ក៏បាន​និយាយ​បន្ថែម​ទៀត​ថា សូម​ប្រកាស​ទទួល​យក​ជំនួយ​ពី​រដ្ឋាភិបាល វិស័យ​ឯកជន បុគ្គល ក្រុម ឬ​សហគមន៍​ណា​ក្ដី ក្នុង​ការ​ទម្លាក់​តម្លៃ​ដើម​នៃ​សៀវភៅ​ទាំង​បី​ចំណង​ជើង ឬ​ចែក​ជូន​ហ្វ្រី​ទាំងស្រុង ដល់ដៃ សិស្ស និស្សិត មន្ត្រីរាជការ ឬ​សហគមន៍​ជនជាតិ​ដើម សហគមន៍​នានាដែល​ត្រូវការ​អាន​និង​ខ្វះ​លទ្ធភាព ដោយគ្រាន់តែទាក់ទងមកក្រុមការងាររបស់អ្នកនិពន្ធតាមរយៈ ប្រអប់សារលើផេកម៉ីសន សុធារី អ្នកនិពន្ធ ឬតេឡេក្រាម ហើយទាំងនេះគឺដើម្បី​រួមចំណែក​ចែកចាយសៀវភៅ​ទៅកាន់តែទូលំទូលាយ និង​មានផលវិជ្ជមាន រយៈ​ពេលវែង។

សូមបញ្ចាក់ដែរថា​ ប្រលោមលោក “ស្រទន់មន្តស្នេហ៍” និង “ថ្ងៃណាមួយ” សុទ្ធតែទទួលបានការគាំទ្រយ៉ាងក្រាស់ក្រែលពីសំណាក់អ្នកអានគ្រប់ខេត្តក្រុង ហើយដោយសារតែអ្នកនិពន្ធចង់សម្របសម្រួលដល់អ្នកពុំមាន​លទ្ធភាព អាចមានសៀវភៅក្នុងដៃដោយមិនចាំបាច់ចំណាយច្រើន ទើបម្ចាស់ស្នាដៃ “ពេលវេលា” បានខិតខំប្រឹងប្រែងធ្វើយ៉ាងម៉េចឲ្យអ្នកអានមកពីគ្រប់ទិសទី នឹងទទួលបានសៀវភៅល្អៗពីអ្នកនិពន្ធ៕

នេះ​ជា​ឱកាស​ល្អ​ សម្រាប់​អ្នក​ស្រលាញ់​ការ​អាន ​ជា​ពិសេស​ប្រលោមលោក​ដ៏​ល្អ​មួយ​នេះ​ពី​អ្នក​និពន្ធ ម៉ីសន សុធារី! សូមទាក់ទងឥលូវនេះឆាប់ទទួលបានសៀវភៅ!

ចុចអាន៖ប្រលោមលោកដ៏ល្បីល្បាញ “ស្រទន់មន្តស្នេហ៍” នឹងចេញលក់ផ្លូវការ ក្នុងថ្ងៃពិព័រណ៍សៀវភៅកម្ពុជា

ចុចអាន៖អ្នកនិពន្ធទាត់ចោលគំនិតថា ប្រលោមលោកមិនបានការ ស្មើសៀវភៅជោគជ័យ

The post អ្នកនិពន្ធ ម៉ីសន សុធារី ប្រកាសសម្រួលគ្រប់វិធី ដើម្បីឲ្យសៀវភៅល្អៗបានដល់ដៃអ្នកអាន appeared first on Kampuchea Thmey Daily.

អ្នកនិពន្ធ​ដែល​បាន​ជោគជ័យ​គួរ​ឱ្យ​កត់សម្គាល់​លើ​ប្រលោមលោក​ ស្រទន់មន្តស្នេហ៍ កម្រង​ស៊ើបអង្កេត​ចាក់ស្រេះ​នៃ​សំណុំ​ក្ដី​ព្រហ្មទណ្ឌ​ល្បី​កក្រើក​បួន​ខ្សែ«ស្ទូឌីយោលេខ​៧»«ម៉ោង១២អាធ្រាតនៅ​សង្កាត់លេខ១» «សំណុំឯកសារz22» «គម្រោងការសម្ងាត់២០៣៥» ក៏ដូចម្ចាស់សៀវភៅ​ទស្សនៈ «ពេលវេលា»លក់ដាច់បំផុតនៅគ្រឹះស្ថានតម្រា ពេលនេះបាន​ដាក់​ចេញ​កម្រង​សៀវភៅប្រលោមលោក BL ដំបូងដែលធ្វើឱ្យអ្នកគាំទ្រគ្រាំគ្រាចិត្ត​ស្រក់ទឹកភ្នែក​អាណិត​តួអង្គប្រុស«ជេមស៍»។ នៅ​មុន​ប៉ុន្មាន​ថ្ងៃ​នៃកម្មវិធីជួបហ្វេន​នៅ​បណ្ណាល័យ​ខេត្តកំពង់ស្ពឺ អ្នកនិពន្ធបាន​បង្ហោះ​ឡើង​ថា «ខ្ញុំ​ចង់​ដឹង​ថា ខ្ញុំជាអ្នកនិពន្ធដែលអាច​បង្កើត​រូបរាងក្មេងប្រុស​មាន​បញ្ហា​ម្នាក់ និងអាច​ចូល​ដើរ​លើ​ស្បែកជើង​របស់គេ​ក្នុងនាមមនុស្ស​ស្រលាញ់ភេទដូចគ្នា​ ហើយ​ដោះស្រាយ​ឌីប្រេស្សិន​របស់​គេបាន​សម​ទំនង​កម្រិត​ណា?»

អ្នកស្រីបរិយាបន្ថែមទៀតផងដែរថា ក្នុងនាមជាអ្នកនិពន្ធម្នាក់ អ្នកស្រីម៉ីសនសុធារី បានសួរ​ខ្លួនឯង ខ្ញុំ​អាច​បង្ហាញ​ភាព​ល្អបរិសុទ្ធ មានតម្លៃ និង​ការ​តស៊ូ​ទាមទារ​សិទ្ធិ​របស់​ក្រុម​មនុស្ស​ភាគតិច​មួយ​ក្រុមដែលកំពុង​ប្រឈម​នឹង​ការ​រើសអើង​ដោយវិធីណា? តើអ្នកអានរបស់ខ្ញុំ​នៅតែ​ជឿជាក់​លើ​ទឹក​ដៃ​របស់​ខ្ញុំ​ដែលឬទេ?

សំណួរ​ទាំងនេះ​បញ្ជាក់​ជា​ស្រេច​ថា អ្នកស្រី​ជាអ្នកនិពន្ធម្នាក់ដែល​បារម្ភ​និងទទួលខុសត្រួវ ​ចំពោះ​ការ​ចំណាយប្រាក់​របស់អ្នកអាន​ជាយុវវ័យ​ដែល​មិន​មាន​ចំណូល ចាយលុយ​ប៉ាម៉ាក់ តើការ​ចំណាយ​លើ​សៀវភៅ​មួយ​នេះ​ខ្ជះខ្ជាយ​ឬ​មានតម្លៃ។

«ខ្ញុំតែង​យល់​ថា ខ្ញុំត្រូវព្យាយាមអស់ពីលទ្ធភាពលើទិដ្ឋភាពធំបី គឺស្នាដៃមាន​ភាពទទួលខុសត្រូវ ទាត់ចោល​គំនិតរាក់ៗដែលចោទថាប្រលោមលោក​មិនបានការ វាយបកទៅនឹង​ការវាយតម្លៃ​បន្ទោស​បង្អាប់ថាស្នាដៃអ្នកនិពន្ធខ្មែរ​ដដែលៗដូចរឿងភាគ​ដណ្ដើម​ស្នេហា​។ល។»

ថ្មីៗនេះ​អ្នកស្រី​ទើបតែបាន​បញ្ចេញ​នូវប្រលោមលោក ស្រលាញ់បងជ្រៅជាងសមុទ្រ​ដែលជាកម្រង​មនោសញ្ចេតនា​ដ៏​ស៊ីវិល័យ រៀបរាប់អំពី​ឧក្រិដ្ឋកម្ម​លើដែនកោះមួយនៃ​ទាយាទ​ក្រុមត្រីកោណមាស ព្រមទាំងការប៉ះទង្គិច​ស្នេហា​រវាងកូនស្រីគ្រួសារ​ប៉ូលិស និងកូនប្រុស​នៃ​ត្រកូល​អ្នក​ជំនួញដែនកោះ។ ប្រលោមលោក​មួយនេះ​ត្រូវបាន​ឈរមាំលើ​ចំណាត់ថ្នាក់​កំពូល​តារាង​ប្រចាំខែ​ដែ​លមាន​អ្នក​អាន​បង់ប្រាក់ចុចអាន​ច្រើនលើសលប់ពីចំណងជើងផ្សេងៗ​។

«ខ្ញុំអាចសរសេរ​សៀវភៅ​សឹងថាគ្រប់ប្រភេទ ចុះហេតុអ្វីខ្ញុំនៅសរសេរប្រលោមលោក ព្រោះខ្ញុំឱ្យ​តម្លៃ​ការងារ​នេះ ។ ​ប្រលោមលោក​មិន​ត្រឹមត្រូវការ​ទេពកោសល្យ ត្រូវការ​ជំនាញ​សិល្បៈ​លួងលោម សាច់រឿង​ប្រទាក់​ក្រឡា និងការស្រាវជ្រាវ​ត្រឹមត្រូវ​ម៉ត់ចត់ ថែម​ទាំង​ជា​ផ្នត់គំនិត​នៃ​គិត​វិជ្ជមាន​ មាន​សុភមង្គល »អ្នកស្រី​បន្ថែម។​

អ្នកស្រីម៉ីសន សុធារី ជាអ្នកនិពន្ធខ្មែរ អ្នកគ្រប់គ្រងផ្នែកសារព័ត៌មាន ជាគ្រូបង្ហាត់ជំនាញ​ដឹកនាំ និងបទតែងនិពន្ធគ្រប់ប្រភេទ ថែមទាំង​ជាស្ថាបនិក​នៃវេបសាយឌីជីថល meysansotheary.com ផងដែរ៕

ចុចអាន៖ប្រលោមលោកដ៏ល្បីល្បាញ “ស្រទន់មន្តស្នេហ៍” នឹងចេញលក់ផ្លូវការ ក្នុងថ្ងៃពិព័រណ៍សៀវភៅកម្ពុជា

ចុចអាន៖ប្រលោមលោករន្ធត់ “អណ្ដូងខាងលិច” ចេញលក់ផ្លូវការ ត្រៀមអបអរពិព័រណ៍សៀវភៅកម្ពុជា

The post អ្នកនិពន្ធទាត់ចោលគំនិតថា ប្រលោមលោកមិនបានការ ស្មើសៀវភៅជោគជ័យ appeared first on Kampuchea Thmey Daily.

ស្រប​ពេល​ដែរ​ប្រលោមលោក​មួយ​នេះ​ទទួល​បាន​ការ​គាំទ្រយ៉ាង​ភ្ល្លូកទឹកភ្លូកដី​កាលពីឆ្នាំ២០១៧​​ ដោ​យ​កាលណោះ “ស្រទន់​មន្ត​ស្នេហ៍” បាន​ចេញ​ផ្សាយ​លើ​វេបសាយ​សប្បាយ​ដំបូង។ ជាពិសេស​ដោយសារ​តែ​មាន​ការ​ជំរុញ​ពី​បណ្ដា​អ្នក​ស្នេហា​ប្រលោមលោក “ស្រទន់​មន្ត​ស្នេហ៍” ទើប​អ្នកនិពន្ធ​ម៉ីសន សុធារី បាន​សម្រេច​បោះពុម្ព​​ជា​ផ្លូវ​ការ​ចូលរួម​សហការ​ជាមួយ​លោកស្រី ទីវ ចាន់ដេត នាយិកា​ក្រុមហ៊ុន IPML Service ដែល​ជា​ក្រុមហ៊ុន​បោះពុម្ព​សៀវភៅធំ​មួយ​នៅ​ក្នុង​ប្រទេស​កម្ពុជា ។

លើស​ពី​នេះ​ ភាគនិទាន​ស្នេហា​ដ៏​អន្លង់អន្លោច​ស្រទន់ ​ធ្លាប់​បាន​សម្រាយ​ជា​ភាពយន្ត​ល្អឯក​លើ​កញ្ចក់​ទូរទស្សន៍​CNT កាលពីឆ្នាំ២០១៨ និងថែមទាំងមានអ្នក​ទស្សនា​ជា​ច្រើន​ថែមទៀត។

សូម​រម្លឹកដែរ​ថា ​ប្រលោមលោក “ស្រទន់​មន្ត​ស្នេហ៍” គឺជាសាច់រឿងដែលនិយាយពីតួអង្គស្រទន់ជាក្មេងស្រីស្ថិតក្នុងមណ្ឌកុមារកំព្រា តែត្រូវបាន ដេត ភូមិន្ទ​ ដែល​ជា​នាយក​ដ៏​សង្ហា​ និង​ពូកែ​ខាង​កូត​ទ្រ​បាន​យ៉ាង​ពីរោះ បែរជាយកនាង មក​ធ្វើ​ជា​មេ​ពិធីការ​ក្នុង​ក្រុមហ៊ុន ទាំង​ដែល​នាង​គ្មាន​បទ​ពិសោធន៍ ឬ​ចំណេះ​ដឹង​ខាង​ការ​ងារ​នេះ​ទាល់​តែ​សោះ។ រឿង​មិន​ទំនង​នេះ​ បាន​ធ្វើ​ឲ្យបុគ្គលិក​នៅ​ក្នុង​ក្រុមហ៊ុន​ខ្សឹបខ្សៀវ​គ្នា​ពី​មាត់​មួយ​ទៅ​មាត់ ​ផ្កា​ភ្លើង​ក៏​ចាប់​ឆេះ​ឡើង ហើយ​បញ្ហា​កាច់កុង​ខ្វែង​គំនិត​ និង​ជម្លោះ​ប្រជែង​គ្នា​បាន​រីក​ដុះដាល​ឡើង។

ប្រសិនបើមិត្តអ្នកអានចង់ជាវប្រលោមលោក “ស្រទន់​មន្ត​ស្នេហ៍” សូមធ្វើការកក់តាមរយៈផេក ម៉ីសន សុធារីអ្នកនិពន្ធ​ ឬអាចជាវនៅថ្ងៃពិព័រណ៍សៀវភៅកម្ពុជា​ ក្នុងបណ្ដាល័យជាតិ ដែលនឹងប្រព្រឹត្តទៅថ្ងៃទី៩,១០,១១ ខាងមុខនេះ ក្នុងស្តង់លេខ៣៤និង៣៥៕

ចុចអាន៖ប្រលោមលោករន្ធត់ “អណ្ដូងខាងលិច” ចេញលក់ផ្លូវការ ត្រៀមអបអរពិព័រណ៍សៀវភៅកម្ពុជា

ចុចអាន៖តម្រាបញ្ចេញប្រលោមលោក BL “ថ្ងៃណាមួយ” ក្រោយសន្ទុះការគាំទ្រពីអ្នកអានកាន់តែច្រើន (មានវីដេអូ)

​​

The post ប្រលោមលោកដ៏ល្បីល្បាញ “ស្រទន់មន្តស្នេហ៍” នឹងចេញលក់ផ្លូវការ ក្នុងថ្ងៃពិព័រណ៍សៀវភៅកម្ពុជា appeared first on Kampuchea Thmey Daily.

ស្របពេលដែល​ប្រលោមលោក​មួយនេះ ទទួលបាននូវការគាំទ្រ​ជាវិជ្ជមាន នៅក្នុង​ចំណោម​យុវវ័យ​មិត្ត​អ្នកអាន ក៏ដូចជាសហគមន៍​អ្នក​ស្រឡាញ់​ភេទដូចគ្នាថា ជាខ្សែប្រលោមលោក​អប់រំជីវិត​យ៉ាង​ល្អសម្រាប់ឲ្យ​វ័យ​ជំទង់ ឲ្យរឹងមាំ​ឡើង ក៏ដូច​បំណិន​នៃ​ការ​តស៊ូ​ជាមួយ​នឹង​ឧបសគ្គ​នានា​នៅ​ក្នុង​ជីវិត។ “ថ្ងៃណាមួយ” របស់អ្នកនិពន្ធ ម៉ីសន សុធារី ត្រូវបាន​បោះពុម្ពផ្សាយ​ជា Special Editions ដើម្បីចូលរួមអបអរសាទរទិវាពិព័រណ៍សៀវភៅ​កម្ពុជា​លើកទី៩​ នៅបណ្ណាល័យ​ជាតិ រាជធានីភ្នំពេញ។

ដោយឡែក​ កញ្ញា ទូច បុប្ផា នាយិកា​តម្រា​បានឲ្យ​ដឹងថា រយៈពេលជាងពីរឆ្នាំមកនេះ តម្រាបាន​ផ្អាក​សកម្មភាពទាំងអស់របស់ខ្លួនក្រោយវិបត្តិកូវីដ។ ការវិល​មកវិញ​លើក​នេះ ប្រាកដណាស់​បាន​សម្រិតសម្រាំង​មាតិកា​មិនឲ្យ​អ្នកអានជាវទៅខកចិត្ត​នោះទេ។ កញ្ញាបានឲ្យដឹងដូច្នេះថា «ជាទូទៅសៀវភៅយើងតែងតែគិតលើសាច់រឿង ហើយមិនចង់ឲ្យការជាវទៅត្រូវយកទៅទុកចោលអានមិនចប់! ក្រុមការងារបានអានរឿងថ្ងៃណាមួយ ហើយយល់ថា ការបោះពុម្ពសំណៅ Hard Copy ស្នាដៃដ៏ល្អមួយនេះ ជាមោទនភាពថ្មីនៃការវិលមកវិញរបស់តម្រា!»

លោក លី សូផាត អ្នកពិនិត្យ​គុណភាពសាច់រឿង និងជា​ក្រុមការងារតម្រា​លើកឡើងថា នេះជាប្រលោមលោក​ជីវិត​ដ៏ពិសេសមួយ​ដែលយុវវ័យគួរបានអាន ហើយមាតាបិតាទាំងឡាយ​ផង។

រឿង​”ថ្ងៃណាមួយ” បានសរសេរឡើងនៅឆ្នាំ២០២១ ជាពេល​ដែលអ្នកនិពន្ធបានឆ្លើយតបទៅនឹងសំណូមពររបស់អ្នកអាន​ជាភេទទីបី ​និងភេទផ្សេងៗទៀត។ សាចរឿងបរិយាយពីតួអង្គ​ភក្ត្រា មានឈ្មោះហៅក្រៅថាជេមស៍ ជាក្មេងមាន​ចរិយាមារយាទល្អ មាន​មានចិត្ត​ទូលំទូលាយ ស្គាល់ខុសត្រូវ ឯបេះដូងគេ​ ស្រលាញ់បុរសដូចគ្នា។ នៅក្នុងវ័យជំទង់ ជេមស៍បានប្រឈម​នឹងស្នេហាបោកប្រាស់ ប្រឈមទៅនឹងវិបត្តិនៃការបាក់បែកក្នុងគ្រួសារ ប្រឈមនឹងការវាយប្រហារបន្ទោសបង្អាប់រើសអើង តើភក្ត្រាឬជេមស៍និងដោះស្រាយបញ្ហាទាំងអស់ដែលគេត្រូវប្រឈមមុខដោយវិធីយ៉ាងណា ?

អ្នកនិពន្ធក៏បានបញ្ចាក់ដែរថា នៅក្នុងសៀវភៅនេះមិត្តអ្នកអាននឹងទទួលបាននូវពុទ្ធិជាច្រើន ដែលជាព័ត៌មានថ្មីៗជុំវិញ ឥរិយាបថរស់នៅរបស់យុវជនក្នុងសម័យកាលទំនើប ក៏ដូចជាក្រុមយុវជនដែលប្រឈមទៅនឹងការបាក់បែកនៅក្នុងរង្វង់គ្រួសារ ឪពុកម្ដាយលែងលះគ្នា ក៏ដូចជាយុវជនដែលត្រូវបានដួលច្រើនសាដោយសារតែវិបត្តិស្នេហា ការធ្លាក់ទឹកចិត្ត ការធ្លាក់គុណភាពសិក្សានិងឧបសគ្គ​ផ្សេងៗច្រើនទៀត។

សួមជម្រាបថា ​អ្នកនិពន្ធ ម៉ីសនសុធារី នឹងចុះហត្ថលេខាលើសៀវភៅដំបូង ចំនួន១០០ច្បាប់ សម្រាប់​អ្នកគាំទ្រ​ដែលមកជាវផ្ទាល់នៅ​ស្តង់​តម្រា លេខ​៣៤និង៣៥ ពីថ្ងៃទី០៩ ដល់ថ្ងៃទី១១ខែ​ធ្នូនេះ ទីតាំងបណ្ណាល័យជាតិរាជធានីភ្នំពេញ៕

ចុចអាន៖ប្រលោមលោក «ស្រឡាញ់បងជ្រៅជាងសមុទ្រ» នឹងចេញផ្សាយយប់នេះ ក្រោយអ្នកគាំទ្ររង់ចាំជិត ២ ឆ្នាំ

The post តម្រាបញ្ចេញប្រលោមលោក BL “ថ្ងៃណាមួយ” ក្រោយសន្ទុះការគាំទ្រពីអ្នកអានកាន់តែច្រើន (មានវីដេអូ) appeared first on Kampuchea Thmey Daily.