KPT+

ប្រលោមលោកដ៏ល្បីល្បាញ “ស្រទន់មន្តស្នេហ៍” នឹងចេញលក់ផ្លូវការ ក្នុងថ្ងៃពិព័រណ៍សៀវភៅកម្ពុជា

បានផុស

២ years មុន

នៅ

ថ្ងៃចន្ទ ៥ ធ្នូ ២០២២

ដោយ

ប្រលោមលោកដ៏ល្បីល្បាញ “ស្រទន់មន្តស្នេហ៍” ពេលនេះនឹងចេញលក់ផ្លូវការនៅឯថ្ងៃពិព័រណ៍សៀវភៅកម្ពុជាលើកទី៩ នៅបណ្ណាល័យជាតិ ក្រោមការផលិតពីក្រុមហ៊ុន IPML Servic។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែរប្រលោមលោកមួយនេះទទួលបានការគាំទ្រយ៉ាងភ្ល្លូកទឹកភ្លូកដីកាលពីឆ្នាំ២០១៧ ដោយកាលណោះ “ស្រទន់មន្តស្នេហ៍” បានចេញផ្សាយលើវេបសាយសប្បាយដំបូង។ ជាពិសេសដោយសារតែមានការជំរុញពីបណ្ដាអ្នកស្នេហាប្រលោមលោក “ស្រទន់មន្តស្នេហ៍” ទើបអ្នកនិពន្ធម៉ីសន សុធារី បានសម្រេចបោះពុម្ពជាផ្លូវការចូលរួមសហការជាមួយលោកស្រី ទីវ ចាន់ដេត នាយិកាក្រុមហ៊ុន IPML Service ដែលជាក្រុមហ៊ុនបោះពុម្ពសៀវភៅធំមួយនៅក្នុងប្រទេសកម្ពុជា ។

លើសពីនេះ ភាគនិទានស្នេហាដ៏អន្លង់អន្លោចស្រទន់ ធ្លាប់បានសម្រាយជាភាពយន្តល្អឯកលើកញ្ចក់ទូរទស្សន៍CNT កាលពីឆ្នាំ២០១៨ និងថែមទាំងមានអ្នកទស្សនាជាច្រើនថែមទៀត។

សូមរម្លឹកដែរថា ប្រលោមលោក “ស្រទន់មន្តស្នេហ៍” គឺជាសាច់រឿងដែលនិយាយពីតួអង្គស្រទន់ជាក្មេងស្រីស្ថិតក្នុងមណ្ឌកុមារកំព្រា តែត្រូវបាន ដេត ភូមិន្ទ ដែលជានាយកដ៏សង្ហា និងពូកែខាងកូតទ្របានយ៉ាងពីរោះ បែរជាយកនាង មកធ្វើជាមេពិធីការក្នុងក្រុមហ៊ុន ទាំងដែលនាងគ្មានបទពិសោធន៍ ឬចំណេះដឹងខាងការងារនេះទាល់តែសោះ។ រឿងមិនទំនងនេះ បានធ្វើឲ្យបុគ្គលិកនៅក្នុងក្រុមហ៊ុនខ្សឹបខ្សៀវគ្នាពីមាត់មួយទៅមាត់ ផ្កាភ្លើងក៏ចាប់ឆេះឡើង ហើយបញ្ហាកាច់កុងខ្វែងគំនិត និងជម្លោះប្រជែងគ្នាបានរីកដុះដាលឡើង។

**ក្រុមអ្នកស្រលាញ់ប្រលោមលោក “ស្រទន់មន្តស្នេហ៍”**

ប្រសិនបើមិត្តអ្នកអានចង់ជាវប្រលោមលោក “ស្រទន់មន្តស្នេហ៍” សូមធ្វើការកក់តាមរយៈផេក ម៉ីសន សុធារីអ្នកនិពន្ធ ឬអាចជាវនៅថ្ងៃពិព័រណ៍សៀវភៅកម្ពុជា ក្នុងបណ្ដាល័យជាតិ ដែលនឹងប្រព្រឹត្តទៅថ្ងៃទី៩,១០,១១ ខាងមុខនេះ ក្នុងស្តង់លេខ៣៤និង៣៥៕

ចុចអាន៖ប្រលោមលោករន្ធត់ “អណ្ដូងខាងលិច” ចេញលក់ផ្លូវការ ត្រៀមអបអរពិព័រណ៍សៀវភៅកម្ពុជា

ចុចអាន៖តម្រាបញ្ចេញប្រលោមលោក BL “ថ្ងៃណាមួយ” ក្រោយសន្ទុះការគាំទ្រពីអ្នកអានកាន់តែច្រើន (មានវីដេអូ)