Connect with us

KPT+

អ្នកនិពន្ធទាត់ចោលគំនិតថា ប្រលោមលោកមិនបានការ ស្មើសៀវភៅជោគជ័យ

បានផុស

នៅ

អ្នកនិពន្ធម៉ីសន សុធារី ដែលនឹង​ទៅដល់ខេត្តកំពង់ស្ពឺ ក្នុងជំនួបជាលើកដំបូងជាមួយអ្នកគាំទ្រនៃដែនដីម្លិះលាច្បារមន​ចុងសប្ដាហ៍នេះ បានលើកឡើងថា ពេលនិពន្ធឡើង​នូវ​សៀវភៅ​ថ្មីចំណងជើង «ថ្ងៃណាមួយ» ឧបសគ្គ​និង​ប្រស្នា​ធំ​ដែល​អ្នកស្រី​បាន​ដាក់​មក​ភ្នាល់​លើ​ការងារ​នេះ គឺ​សួរខ្លួនឯង​ថា មនុស្ស​វ័យ​សែប្លាយ នឹង​អាច​សរសេរ​រឿងរ៉ាវ​វ័យជំទង់​បាន​ក្នុង​កម្រិត​ណា?

ប្រលោមលោក BL ថ្ងៃណាមួយ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនិពន្ធ​ដែល​បាន​ជោគជ័យ​គួរ​ឱ្យ​កត់សម្គាល់​លើ​ប្រលោមលោក​ ស្រទន់មន្តស្នេហ៍ កម្រង​ស៊ើបអង្កេត​ចាក់ស្រេះ​នៃ​សំណុំ​ក្ដី​ព្រហ្មទណ្ឌ​ល្បី​កក្រើក​បួន​ខ្សែ«ស្ទូឌីយោលេខ​៧»«ម៉ោង១២អាធ្រាតនៅ​សង្កាត់លេខ១» «សំណុំឯកសារz22» «គម្រោងការសម្ងាត់២០៣៥» ក៏ដូចម្ចាស់សៀវភៅ​ទស្សនៈ «ពេលវេលា»លក់ដាច់បំផុតនៅគ្រឹះស្ថានតម្រា ពេលនេះបាន​ដាក់​ចេញ​កម្រង​សៀវភៅប្រលោមលោក BL ដំបូងដែលធ្វើឱ្យអ្នកគាំទ្រគ្រាំគ្រាចិត្ត​ស្រក់ទឹកភ្នែក​អាណិត​តួអង្គប្រុស«ជេមស៍»។ នៅ​មុន​ប៉ុន្មាន​ថ្ងៃ​នៃកម្មវិធីជួបហ្វេន​នៅ​បណ្ណាល័យ​ខេត្តកំពង់ស្ពឺ អ្នកនិពន្ធបាន​បង្ហោះ​ឡើង​ថា «ខ្ញុំ​ចង់​ដឹង​ថា ខ្ញុំជាអ្នកនិពន្ធដែលអាច​បង្កើត​រូបរាងក្មេងប្រុស​មាន​បញ្ហា​ម្នាក់ និងអាច​ចូល​ដើរ​លើ​ស្បែកជើង​របស់គេ​ក្នុងនាមមនុស្ស​ស្រលាញ់ភេទដូចគ្នា​ ហើយ​ដោះស្រាយ​ឌីប្រេស្សិន​របស់​គេបាន​សម​ទំនង​កម្រិត​ណា?»

អ្នកស្រីបរិយាបន្ថែមទៀតផងដែរថា ក្នុងនាមជាអ្នកនិពន្ធម្នាក់ អ្នកស្រីម៉ីសនសុធារី បានសួរ​ខ្លួនឯង ខ្ញុំ​អាច​បង្ហាញ​ភាព​ល្អបរិសុទ្ធ មានតម្លៃ និង​ការ​តស៊ូ​ទាមទារ​សិទ្ធិ​របស់​ក្រុម​មនុស្ស​ភាគតិច​មួយ​ក្រុមដែលកំពុង​ប្រឈម​នឹង​ការ​រើសអើង​ដោយវិធីណា? តើអ្នកអានរបស់ខ្ញុំ​នៅតែ​ជឿជាក់​លើ​ទឹក​ដៃ​របស់​ខ្ញុំ​ដែលឬទេ?

អ្នកនិពន្ធម៉ីសន សុធារី និងអ្នកគាំទ្រ

សំណួរ​ទាំងនេះ​បញ្ជាក់​ជា​ស្រេច​ថា អ្នកស្រី​ជាអ្នកនិពន្ធម្នាក់ដែល​បារម្ភ​និងទទួលខុសត្រួវ ​ចំពោះ​ការ​ចំណាយប្រាក់​របស់អ្នកអាន​ជាយុវវ័យ​ដែល​មិន​មាន​ចំណូល ចាយលុយ​ប៉ាម៉ាក់ តើការ​ចំណាយ​លើ​សៀវភៅ​មួយ​នេះ​ខ្ជះខ្ជាយ​ឬ​មានតម្លៃ។

«ខ្ញុំតែង​យល់​ថា ខ្ញុំត្រូវព្យាយាមអស់ពីលទ្ធភាពលើទិដ្ឋភាពធំបី គឺស្នាដៃមាន​ភាពទទួលខុសត្រូវ ទាត់ចោល​គំនិតរាក់ៗដែលចោទថាប្រលោមលោក​មិនបានការ វាយបកទៅនឹង​ការវាយតម្លៃ​បន្ទោស​បង្អាប់ថាស្នាដៃអ្នកនិពន្ធខ្មែរ​ដដែលៗដូចរឿងភាគ​ដណ្ដើម​ស្នេហា​។ល។»

ថ្មីៗនេះ​អ្នកស្រី​ទើបតែបាន​បញ្ចេញ​នូវប្រលោមលោក ស្រលាញ់បងជ្រៅជាងសមុទ្រ​ដែលជាកម្រង​មនោសញ្ចេតនា​ដ៏​ស៊ីវិល័យ រៀបរាប់អំពី​ឧក្រិដ្ឋកម្ម​លើដែនកោះមួយនៃ​ទាយាទ​ក្រុមត្រីកោណមាស ព្រមទាំងការប៉ះទង្គិច​ស្នេហា​រវាងកូនស្រីគ្រួសារ​ប៉ូលិស និងកូនប្រុស​នៃ​ត្រកូល​អ្នក​ជំនួញដែនកោះ។ ប្រលោមលោក​មួយនេះ​ត្រូវបាន​ឈរមាំលើ​ចំណាត់ថ្នាក់​កំពូល​តារាង​ប្រចាំខែ​ដែ​លមាន​អ្នក​អាន​បង់ប្រាក់ចុចអាន​ច្រើនលើសលប់ពីចំណងជើងផ្សេងៗ​។

ស្រលាញ់បងជ្រៅជាងសមុទ្រ

«ខ្ញុំអាចសរសេរ​សៀវភៅ​សឹងថាគ្រប់ប្រភេទ ចុះហេតុអ្វីខ្ញុំនៅសរសេរប្រលោមលោក ព្រោះខ្ញុំឱ្យ​តម្លៃ​ការងារ​នេះ ។ ​ប្រលោមលោក​មិន​ត្រឹមត្រូវការ​ទេពកោសល្យ ត្រូវការ​ជំនាញ​សិល្បៈ​លួងលោម សាច់រឿង​ប្រទាក់​ក្រឡា និងការស្រាវជ្រាវ​ត្រឹមត្រូវ​ម៉ត់ចត់ ថែម​ទាំង​ជា​ផ្នត់គំនិត​នៃ​គិត​វិជ្ជមាន​ មាន​សុភមង្គល »អ្នកស្រី​បន្ថែម។​

អ្នកស្រីម៉ីសន សុធារី ជាអ្នកនិពន្ធខ្មែរ អ្នកគ្រប់គ្រងផ្នែកសារព័ត៌មាន ជាគ្រូបង្ហាត់ជំនាញ​ដឹកនាំ និងបទតែងនិពន្ធគ្រប់ប្រភេទ ថែមទាំង​ជាស្ថាបនិក​នៃវេបសាយឌីជីថល meysansotheary.com ផងដែរ៕

ចុចអាន៖ប្រលោមលោកដ៏ល្បីល្បាញ “ស្រទន់មន្តស្នេហ៍” នឹងចេញលក់ផ្លូវការ ក្នុងថ្ងៃពិព័រណ៍សៀវភៅកម្ពុជា

ចុចអានប្រលោមលោករន្ធត់ “អណ្ដូងខាងលិច” ចេញលក់ផ្លូវការ ត្រៀមអបអរពិព័រណ៍សៀវភៅកម្ពុជា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៤ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៤ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៧ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម