ព័ត៌មានជាតិ

ឯកឧត្ដម ឌី វិជ្ជា និងលោកជំទាវ ហ៊ុន ម៉ាណា ផ្ដល់អំណោយដល់ក្មួយៗ ២ នាក់បងប្អូន ដែលខ្វះខាតជីវភាព និងសម្រេចសង់ផ្ទះទេវតាជូន ១ ខ្នង

បានផុស

៣ years មុន

នៅ

ថ្ងៃអាទិត្យ ២០ សីហា ២០២៣

ដោយ

កាលពីព្រឹកថ្ងៃទី ២០ ខែសីហា ឆ្នាំ ២០២៣ នេះ ឯកឧត្ដម ឌី វិជ្ជា និងលោកជំទាវ ហ៊ុន ម៉ាណា បានចាត់ឲ្យក្រុមការងារសប្បុរសធម៌ នាំយកអំណោយជាសម្ភារៈប្រើប្រាស់ គ្រឿងឧបភោគបរិភោគ និងថវិកាមួយចំនួន ជូនដល់ក្មួយៗ ពីរនាក់បងប្អូនដែលខ្វះខាតក្នុងជីវភាពរស់នៅភូមិព្រៃបុស ឃុំកោះរការ ស្រុកកំពង់សៀម ខេត្តកំពង់ចាម និងសម្រេចសាងសង់ផ្ទះទេវតា ១ ខ្នង ជូនផងដែរ នាពេលឆាប់ៗ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបថា ស្ថានភាពជាក់ស្ដែង ក្មួយស្រីឈ្មោះ លី ហ្សា អាយុ ១២ ឆ្នាំ កំពុងរៀនថ្នាក់ទី ៤ និងប្អូនប្រុសឈ្មោះ ម៉ា តូ អាយុ ១០ ឆ្នាំ រៀនថ្នាក់ទី ១ ជាកូនកំព្រា ដែលឪពុកម្ដាយបានលែងលះគ្នា និងមានប្ដីប្រពន្ធរៀងៗខ្លួន ទៅរស់នៅរកការងារធ្វើនៅប្រទេសថៃ មិនដែលផ្ដល់ដំណឹងមកគ្រួសារតាំងតែពីក្មួយប្រុសមានអាយុបាន ៦ ខែ។

ក្មួយកំព្រាទាំងពីរនាក់បងប្អូននេះ រស់នៅជាមួយយាយបង្កើតឈ្មោះ សាយ ញ៉ អាយុ ៥២ ឆ្នាំ ជាស្ត្រីមេម៉ាយ មានកូនរហូតដល់ទៅ ៦ នាក់ (ប្រុស ២ នាក់) កូនទាំងអស់មានប្តីប្រពន្ធបែកចេញទៅរស់នៅផ្សេងៗគ្នា។

ស្ត្រីឈ្មោះ សាយ ញ៉ រស់នៅចិញ្ចឹមចៅកំព្រាទាំង ២ ដោយប្រកបរបរដើរស៊ីឈ្នួលគេ តែគ្រួសារនេះមានដីលំនៅឋាន ផ្ទះសម្បែងអាចរស់នៅបាន ហើយអាជ្ញាធរដែនដីតែងជួយទំនុកបម្រុងផ្ដល់ស្បៀងអាហារជាប្រចាំ៕