លោក​ឧ​ត្ត​ម​សេនីយ៍​ត្រី​ទឹម សុភា នាយប៉ុស្តិ៍​ច្រកទ្វារ​អន្តរជាតិ​សៀមរាប បាន​មានប្រសាសន៍​ឲ្យ​ដឹង​នៅ​រសៀល​ថ្ងៃទី​២២​ខែកុម្ភៈ​នេះ​ថា ពិតប្រាកដ​ណាស់ គ្រួសារ​របស់​តារា​ហូលីវូដ​លោក Angelina Jolie បាន​ចុះ​ពី​ព្រលានយន្តហោះ​ខេត្តសៀមរាប កាលពី​ចុង​សប្តាហ៍​មុន​ដោយ​មក​ជា​លក្ខណៈ​គ្រួសារ និង​បានមក​ទេសចរណ៍​នៅ​តំបន់​អង្គរ ផងដែរ​។

ចំណែក​លោក​ឧ​ត្ត​ម​សេនីយ៍​ត្រី តេង ច័ន្ទ​ណាត ស្នងការ​នគរបាល​ខេត្តសៀមរាប ក៏បាន​មានប្រសាសន៍​ស្រដៀង​គ្នា​ដែរ​ថា គ្រួសារ​របស់​តារា​ហូលីវូដ​លោក Angelina Jolie បានមក​កម្សាន្ត​នៅ​ខេត្តសៀមរាប ក្នុង​គោលបំណង​មក​កម្សាន្ត ជា​លក្ខណៈ​ធម្មតា​របស់​គាត់​។ ​លោក​បន្តថា ជាទូទៅ​កម្លាំង​សមត្ថកិច្ច​នៅតែ​បន្ត​ប្រឹងប្រែង​រក្សា​សន្តិសុខ​សុវត្ថិភាព​ជូន​ភ្ញៀវ​ទេសចរណ៍​ជាតិ​និង​អន្តរជាតិ ដោយ​ធ្វើ​យ៉ាង​ឲ្យ​មាន​កំណើន​ភ្ញៀវ​ទេសចរណ៍​ឡើងវិញ​។

សូម​រម្លឹក​ផងដែរ​ថា កំពូល​តារា​ហូលីវូដ Angelina Jolie ទទួល​បាន​សញ្ជាតិ​ខ្មែរ​កាលពី​ឆ្នាំ​២០០៥ និង​មាន​ផ្ទះ​មួយ​ក្នុងស្រុក​សំឡូត នៃ​ខេត្តបាត់ដំបង​៕

ដោយ ៖ កុសល

The post លម្អិត ! ជុំវិញ​វត្តមាន​តារាហូលីវូដ Angelina Jolie មក​ម្សាន្ត​នៅតំបន់​រមណីយដ្ឋាន​អង្គរ ជា​មួយ​គ្រួសារ appeared first on Kampuchea Thmey Daily.

ក្នុងពាក្យបណ្តឹងដាក់ទៅតុលាការក្រុង Los Angeles សហរដ្ឋអាមេរិកកាលពីថ្ងៃព្រហស្បតិ៍ លោក Pitt បាននិយាយថា Jolie បានបំពានកិច្ចព្រមព្រៀងរបស់ពួកគេដែលថា មិនត្រូវលក់ភាគហ៊ុន Château Miraval ដោយគ្មានការយល់ព្រមពីភាគីពាក់ព័ន្ធ ប៉ុន្តែបានលក់ភាគហ៊ុនទៅឲ្យ Stoli Group។

គូស្វាមីភរិយាម្ចាស់ពានរង្វាន់ Oscar នេះកាលពីឆ្នាំ២០០៨បានទិញក្រុមហ៊ុនស្រាទំពាំងបាយជូរ Miraval ក្នុងភូមិ Correns ភាគខាងត្បូងប្រទេសបារាំង។ ពួកគេបានរៀបការនៅទីនោះកាលពីឆ្នាំ២០១៤។

លោក Pitt អាយុ៥៨ឆ្នាំបាននិយាយថា លោកចំណាយប្រាក់ និងកម្លាំងញើសឈាមដើម្បីធ្វើឲ្យ Miraval ក្លាយជាស្រាទំពាំងបាយជូរដែលទទួលស្គាល់កម្រិតខ្ពស់ទូទាំងពិភពលោកជាមួយនឹងប្រាក់ចំណូលប្រចាំឆ្នាំជាង៥០លានដុល្លារអាមេរិក។

លោកស្រី Jolie បានប្រាប់ Pitt ក្នុងខែមករា ឆ្នាំ២០២១ ថា លោកស្រីបានឈានដល់ការសម្រេចចិត្តដ៏ឈឺចាប់ក្នុងការលក់ភាគហ៊ុនរបស់លោកស្រីនៅ Miraval និងលែងក្លាយជាម្ចាស់អាជីវកម្មគ្រឿងស្រវឹងនេះទៀតហើយ ដោយសារបញ្ហាផ្ទាល់ខ្លួន។

ក្រុមហ៊ុន Tenute del Mondo ដែលជាម្ចាស់ Stoli បានប្រកាសពីការទិញភាគហ៊ុនពីលោកស្រី Jolie កាលពីខែតុលា។

សូមបញ្ជាក់ថា លោកស្រី Jolie បានដាក់ពាក្យលែងលះជាមួយ Pitt ក្នុងឆ្នាំ២០១៦ និងបានលែងលះដាច់ស្រេចក្នុងឆ្នាំ២០១៩។ អ្នកទាំងពីរមានកូន៦នាក់៕

ប្រែសម្រួល៖ វីរបុត្រ
ប្រភព៖ theguardian

The post Brad Pitt ប្តឹង​អតីត​ភរិយា Angelina Jolie រឿង​លក់​ភាគ​ហ៊ុន​ស្រា​ទំពាំង​បាយ​ជូរ appeared first on Kampuchea Thmey Daily.

ជាក់ស្ដែង កាលពីខែកញ្ញា ឆ្នាំ ២០២១កន្លងទៅ អ្នកទាំងពីរបានណាត់ជួបគ្នានៅភោជនីយដ្ឋានអ៊ីតាលីមួយក្នុងទីក្រុង Santa Monica រដ្ឋកាលីហ្វ័រញ៉ា បន្ទាប់មក Angelina បានឡើងឡានទៅផ្ទះរបស់ The Weeknd ទៀតផង។

មិនតែប៉ុណ្ណោះ ប៉ុន្មានថ្ងៃមុនេះ The Weeknd បានទម្លាក់ចម្រៀងថ្មីមួយបទ ដែលត្រូវបានគេសង្ស័យថា បទនោះចង់សម្ដៅដល់ Angelina Jolie ដែលជាគូស្នេហ៍សម្ងាត់របស់ខ្លួន។ ឃ្លាមួយនៃបទចម្រៀងបានរៀបរាប់ថា «My New Girl, She’s a Movie Star»​ (នារីថ្មីរបស់ខ្ញុំ នាងជាតារាភាពយន្ក)។

ក្រោយលេចចេញនូវតម្រុយជាច្រើនមក មហាជនកាន់តែសង្ស័យថា Angelina Jolie និង The Weeknd ច្បាស់ជាមានទំនាក់ទំនងស្នេហាជាសម្ងាត់ពិតប្រាកដមែន។

យ៉ាងណាមិញ ទោះបីពេលនេះ ពាក្យចចាអារ៉ាម កាន់តែផ្ទុះឡើងខ្លាំងក៏ដោយ ប៉ុន្តែតារាទាំងពីរដួង នៅមិនទាន់មាននរណាម្នាក់ចេញមុខមកបកស្រាយអ្វីនោះទេ​ ខណៈប្រភពខ្លះបានឱ្យដឹងថា The Weeknd ពិតជាមានចិត្តទៅលើ Angelina ហើយអ្នកទាំងពីរពិតជាចុះសម្រុងនឹងគ្នាណាស់៕

ប្រែសម្រួល៖ សន្យា

ចុចអាន៖ បង្ហាញជីវប្រវត្តិមុនល្បីល្បាញ ពីម្ចាស់បទ “Attention “ និងទ្រព្យសុទ្ធក្នុងឆ្នាំ ២០២២

ចុចអាន៖ ៥ សន្លឹករូបភាពស្រាតននលគករបស់តារាស្រីតៃវ៉ាន់ Shu Qi ពីមុន

The post ពិតទេ Angelina Jolie និង The Weeknd មានទំនាក់ទំនងស្នេហាលួចលាក់? appeared first on Kampuchea Thmey Daily.

នេះ​ជា​អ្វី​ដែល​ធ្វើឲ្យ​អ្នកម្ដាយរូបនេះ​ប្លែក​ពី​គេ សមត្ថភាព​របស់​នាង ​ក្នុង​ការ​ប្រើ​កិត្តិនាម​ដើម្បី​ផ្តល់​អំណាច​ដល់​អ្នក​ដទៃ ជា​ពិសេស​អ្នក​ដែល​មិន​មាន​គ្រប់​គ្រាន់។

១ ជាឯកអគ្គរដ្ឋទូត UNHCR (ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន)

ចាប់តាំងពីឆ្នាំ ២០០១ Angelina Jolie បានធ្វើការយ៉ាងជិតស្និទ្ធជាមួយ UNHCR ដែល​ជា​ទីភ្នាក់ងារ​លេចធ្លោ​បំផុត​ក្នុងការជួយសង្គ្រោះជនភៀសខ្លួននៅទូទាំងពិភពលោក។ កាល​នោះ​នាង​បាន​បរិច្ចាគ​ប្រាក់​ចំនួន ១ លាន​ដុល្លារ​ដើម្បី​ជួយ។ ចាប់តាំងពីពេលនោះមក លោកស្រី​បាន​ទៅ​ទស្សនា​ប្រទេសជាង ៣០ ហើយបានក្លាយជាឯកអគ្គរដ្ឋទូតសុច្ឆន្ទៈរបស់ UNHCR នៅក្នុង​ដំណើរការ​នេះ។ គួរ​ឲ្យ​ចាប់អារម្មណ៍ នាង​បាន​ក្លាយ​ជាផ្នែកនៃបេសកកម្មជាង ៤០ ។ ក្នុង​ឆ្នាំ ២០១២ នាង​បាន​ក្លាយ​ជា​បេសកជន​ពិសេស។

២ នាងមកកម្ពុជានៅក្នុងអំឡុងថតរឿង Tomb Raider ទទួល​បាន​សញ្ជាតិ

អំឡុង​ពេល​ថតរឿង Tomb Raider ដំបូង​របស់​នាង Angelina បានឃើញ​ស្ថានភាព​ពិត​នៃ​ជន​ភៀសខ្លួន​នៅ​កម្ពុជា។ នាង​បាន​លង់​ស្រលាញ់​ប្រជាជន​កម្ពុជា ហើយ​មាន​អារម្មណ៍​ឈឺចាប់ដូច​ពួកគេ។ នាង​បាន​ត្រឡប់​មក​កម្ពុជា​វិញ​ដើម្បី​ជួយ​តាម​រយៈ UNHCR។ ដោយ​សារ​ទង្វើ​របស់​នាង ​Angelina ទទួល​បាន​សញ្ជាតិ​ខ្មែរ។ កូនច្បង​របស់​នាង​ឈ្មោះ Maddox ​ក៏​ជា​ជនជាតិ​ខ្មែរ​ដែរ។

៣ នាង​​តែងតែជួយជនភៀសខ្លួន

Angelina Jolie តែង​តែ​ជា​សកម្មជន​សម្រាប់​អ្នក​ដែល​មិន​អាច​និយាយ​ ដើម្បី​សិទ្ធិ​របស់​ខ្លួន។ នាង​ឈរ​ជាមួយ​ជនភៀស​ខ្លួន និង​បាន​ទៅ​លេង​ប្រទេសជាច្រើនរាប់មិនអស់ រួមទាំងប៉ាគីស្ថាន ស៊ីរី អាហ្វហ្គានីស្ថាន តង់ហ្សានី ស៊ូដង់ សៀរ៉ាឡេអូន ដើម្បីដាក់ឈ្មោះមួយចំនួន។ ក្នុងនាមជាមនុស្សដ៏​អស្ចារ្យ នាងបានជួយសង្គ្រោះជីវិតរាប់មិនអស់ ដោយការបរិច្ចាគយ៉ាងសកម្ម និង​ចូលរួម​ក្នុងកម្មវិធីជំនួយនៅជុំវិញ​ពិភពលោក។ នេះ​ធ្វើ​ឲ្យ​​នាង​ក្លាយ​ជា​វីរនារី​ក្នុង​ក្រសែភ្នែក​យើង​! សង្គ្រោះ​ជីវិត​តែមួយ គឺ​សង្គ្រោះ​មនុស្ស​ជាតិ​ទាំងអស់។

៤ Angelina Jolie ធ្វើការ​គឺ​ដើម្បី​កុមារ

ពេញមួយជីវិតរបស់នាង Angelina បានធ្វើការដើម្បីអនាគតនៃកូនៗ របស់​ពិភពលោក។ នាង​និយាយ​សម្រាប់​អ្នក​ដែល​មិន​ដឹងថាការអប់រំមានន័យយ៉ាងណា នាង​ធ្វើការ​នៅក្នុងតំបន់​ដែល​ការ​អប់រំ​មិន​មាន។ កាលនៅស្រុកខ្មែរ នាងបានបើកសាលាជាង ១០។ ក្នុងឆ្នាំ ២០១០ នាងបាន​បើក​សាលាបឋម​សិក្សា​ចំនួន​ពីរ​ សម្រាប់​ក្មេងស្រីនៅ Tangi និង Qalai Gudar ក្នុង​ប្រទេស​អាហ្វហ្គានីស្ថាន។ នាង​ក៏​បាន​បើក​មជ្ឈមណ្ឌល​កុមារ Zahara ក្នុង​ប្រទេស​អេត្យូពី​ផង​ដែរ។

៥ នាងបានគាំទ្រជនភៀសខ្លួន Rhoyinga

Angelina បានទៅ​បង់ក្លាដេស​ ហើយ​ថ្លែងទៅ​កាន់​សារព័ត៌មាន Reuters ថា “ខ្ញុំ​ជំរុញ​ឲ្យ​អាជ្ញាធរ​មីយ៉ាន់ម៉ា​បង្ហាញ​ការប្តេជ្ញាចិត្តពិតប្រាកដ ​ដែលត្រូវការដើម្បី​បញ្ចប់វដ្តនៃ​អំពើហិង្សា ការ​ផ្លាស់ទី​លំនៅ និង​កែលំអ​លក្ខខណ្ឌ​សម្រាប់​សហគមន៍​ទាំងអស់​នៅក្នុងរដ្ឋរ៉ាឃីន រួមទាំងជនជាតិ​រ៉ូហ៊ីងយ៉ា​ផងដែរ។”

៦ នាងបានជួយសង្គ្រោះសត្វ និង​ធម្មជាតិ

Angelina បានទិញដីជាង ៦០,០០០ ហិកតានៅក្នុងប្រទេស​កម្ពុជា ដើម្បីការពារវា​ពីអ្នក​ប្រមាញ់​ដែល​ហៅ​ថាគម្រោង Maddox Jolie ។ នាងបានប្រែក្លាយតំបន់ទាំងមូលទៅជាជម្រក​សត្វព្រៃ។ បន្ទាប់​ពីរៀបការជាមួយ Brad Pitt មូលនិធិនេះ ត្រូវបានប្តូរឈ្មោះទៅជាមូលនិធិ Maddox Jolie-Pitt ។

៧ នាងតែងលើកទឹកចិត្តកូនៗ និងជាថាមពលដល់ពួកគេ

កូនស្រីម្នាក់របស់ Angelina គឺ Zahara Jolie-Pitt បានរៀនច្រើនពីម្តាយជាទីស្រលាញ់របស់នាង។ សហគ្រិនវ័យក្មេងរូបនេះ បានបើកដំណើរការម៉ាកគ្រឿងអលង្ការមួយដែលមានឈ្មោះថា The Zahara Collection។ ការដើរតាមគន្លងរបស់ម្តាយនាង ប្រាក់ចំណូលទាំងអស់បានទៅផ្ទះរបស់ Ruth Shelters ។

៨ នាង​បាន​គាំទ្រជនភៀសខ្លួនវេណេស៊ុយអេឡា

នៅឆ្នាំ ២០១៩ នាងបានទៅប្រទេសកូឡុំប៊ី ដើម្បីជួបជនភៀសខ្លួនវេណេស៊ុយអេឡា។ យោងតាម ​​UNHCR លោកស្រីបាននិយាយទៅកាន់អ្នកសារព័ត៌មាន​អំពីស្ថានភាពនេះថា “វា​មិន​អាច​ទៅ​រួចទេ ​ក្នុង​ការ​ដាក់​តម្លៃ​លើ​ការ​គាំទ្រ​ដែល​ប្រទេសកូឡុំប៊ី និងប៉េរូ និងអេក្វាឌ័រ​ កំពុង​ផ្តល់​ដល់​ប្រជាជន​វេណេហ្ស៊ុយអេឡា ព្រោះ​វា​ជា​ស្នូល​នៃ​អ្វី​ ដែល​នេះគឺ​ជា​មនុស្ស។”

៩ នាងគឺជា Super Vocal អំពីខ្លួននាងផ្ទាល់

Angelina Jolie បាន​និយាយ​យ៉ាង​ខ្ជាប់ខ្ជួន​ អំពី​ខ្លួន​នាង​ដោយ​មិន​គិត​ពី​អ្វី​ដែល​ពិភពលោក​គិត​នោះ​ទេ។ នាងមិនដែលគេចចេញពីបញ្ហាសុខភាពទេ សូម្បីតែការពិភាក្សាអំពី​រោគវិនិច្ឆ័យរបស់ Bell’s Palsy កាលពីឆ្នាំ ២០១៣។ នាងមានភាពក្លាហាន ក្នុងការនិយាយអំពីសុខភាពយ៉ាងបើកចំហ នៅចំពោះមុខពិភពលោក ហើយយើងកោតសរសើរចំពោះភាពក្លាហានរបស់នាង។

១០ នាង​រក្សា​ជំហរ​ខ្ពស់

ជីវិត​ពោរពេញដោយភាពលំបាក។ អ្វី​ដែល​ធ្វើឲ្យ​យើង​ខ្លាំង ឬ​ខ្សោយ​គឺ​របៀប​ដែល​យើង​មាន​ប្រតិកម្ម​ចំពោះ​ការ​លំបាក។ យើង​កោតសរសើរ Angelina Jolie ដែលបានក្លាយជា​មនុស្សស្រីនៃ​ភាព​រឹងមាំ ​សម្រាប់​ស្ត្រី​ទូទាំង​ពិភពលោក។ នាង​បាន​ឆ្លង​កាត់​របួស​នៃ​ការ​លែង​លះ​ជា​ច្រើន​ដង។ នោះ​ហើយ​ជាអ្វី​ ដែល​ធ្វើ​ឲ្យ​នាង​លេចធ្លោ​ក្នុង​ចំណោមអ្នកផ្សេងទៀត។​ដែលជាពិសេសនោះគឺ នាងជានិមិត្តរូបបេះដូង​មនុស្សធម៌​ របស់ប្រជាជន កម្ពុជា៕

ប្រែសម្រួល៖ សាង ស្រីល័ក្ខ

ចុចអាន៖សម្ពោធរឿង Marvel ម្សិលមិញ Angelina ដឹកដៃកូនស្រីទាំង ២ ដើរលើកម្រាល​ព្រំ​ក្រហម មើលសឹងមិនស្គាល់

ចុចអាន៖សត្វ​ឃ្មុំ ៦ម៉ឺនក្បាលទុំជុំវិញ Angelina Jolie ក្នុង​គម្រោង​ផ្ដួចផ្ដើម Women for Bees

The post ចំណុចនេះហើយ ដែលធ្វើឲ្យ Angelina Jolie ក្លាយជាមនុស្សអស្ចារ្យ និងលេចធ្លោខ្លាំង ​ ជាពិសេសចំពោះ កម្ពុជា appeared first on Kampuchea Thmey Daily.

យ៉ាងណាមិញ អ្នកទាំងបី​បាន​បង្ហាញ​រូបរាង​ដ៏​ស្រស់​ឆើតឆាយ​ នៅ​លើ​កម្រាល​ព្រំ​ក្រហម ដោយ Angelina Jolie ស្លៀករ៉ូបប្រាក់ Atelier Versace គ្មានខ្សែ ផលិត​ពី​សំណាញ់​ដែក​ ខណៈ​ Zahara ស្លៀករ៉ូប​ស អម​ជាមួយ​នឹង​ខ្សែ​ក្រវាត់មាស។ ចំណែក Shiloh ស្លៀករ៉ូបពណ៌ខ្មៅវាលក្លៀក ជាមួយ​ស្បែក​ជើង​ប៉ាតា​ដែល​មាន​ពណ៌លឿង និង​ខ្មៅ។

ទស្សនិកជន​ក៏​មាន​ការ​ភ្ញាក់ផ្អើល​មិន​ស្ទើរ ​ក្រោយ​ឃើញ​វត្តមាន​​កូនស្រី​ទាំងពីរ​របស់​តារា​សម្ដែង​ស្រី​រូប​នេះ ​នៅ​លើ​កម្រាល​ព្រំ​ពណ៌​ក្រហម​កាល​ពី​ម្សិល។ ជាពិសេស​គឺ​រូបរាង​ខុស​ប្លែក​ពី​មុន​ ដោយសារ​តែ​វិបត្តិ​ជំងឺ​កូវីដ ១៩ បាន​ធ្វើឲ្យ Angelina ខកខាន​បណ្ដើរ​កូនៗ​របស់​នាង ​តាមកម្មវិធី អស់​ពេល​ជា​យូរ​មក​ហើយ៕

ប្រែសម្រួល៖ សាង ស្រីល័ក្ខ

ចុចអាន៖ថ្ងៃកំណើត Kim ឆ្នាំនេះ វេបសាយល្បីៗ ធៀបរូបឈុតប៊ីគីនីពីមុននិងឥលូវ នៅតែសិចស៊ីកប់ដដែល

ចុចអាន៖CL ចូលទ្រនំថ្មី ជាមួយតារាល្បីៗដូចជា Dua Lipa

ចុចអាន៖កម្រាលព្រំក្រហម Met Gala ឆ្នាំ ២០២១ មិនត្រឹមតែការស្លៀកពាក់ប្លែក សូម្បីម៉ូដសក់​ ក៏ប្រសិទ្ធិនាមថា ” សាហាវ “

The post សម្ពោធរឿង Marvel ម្សិលមិញ Angelina ដឹកដៃកូនស្រីទាំង ២ ដើរលើកម្រាល​ព្រំ​ក្រហម មើលសឹងមិនស្គាល់ appeared first on Kampuchea Thmey Daily.

ដើម្បី​ជា​ការ​ផ្សព្វផ្សាយ​ឲ្យ​កាន់​តែទូលំទូលាយ លើ​គម្រោង​ថ្មី​នេះ Angelina Jolie ប្រថុយ​ថតរូប​ជាមួយ​សត្វ​ឃ្មុំប្រមាណ ៦ម៉ឺនក្បាល នៅ​ទំ​ពី​លើ​ខ្លួន​របស់នាង ដោយ​មិន​មាន​អារម្មណ៍​ភ័យ​ខ្លាច​នោះ​ទេ។ ក្នុង​នោះ ជាង​ថត​រូប​ដ៏​ល្បី លោក Dan បាន​បញ្ជាក់​ថា Angelina ពេលនោះ មិន​បាន​ពាក់​សំលៀកបំពាក់​ការពារ​ឃ្មុំ ឬ​ថ្នាំ​ការពារ​សត្វឈ្មុំទិចនោះទេ។ ក្រុម​ការងារ​ទាំងអស់​ពេញចិត្ត​ជាមួយ​ភាពក្លាហាន និង​សមត្ថភាព ក្នុង​ការ​ថតម៉ូដ​បានយ៉ាងជំនាញ ថែម​ទាំង​រហ័យ​ផងដែរ។

នៅឆ្នាំ២០២៥ ខាង​ក្រុម​ការងារ​របស់​អភិរក្ស​សត្វឃ្មុំ មានគោលដៅសង់សំបុកឃ្មុំចំនួន ២៥០០សំបុក និង​ចិញ្ចឹម​ឃ្មុំ​ឲ្យ​បាន​ចំនួន ១២៥ លាន​ក្បាល។ ខណៈ​ពេល​នេះ មាន​អ្នក​កំពុង​បណ្ដុះបណ្ដាល និង​គាំទ្រ​ដល់​អ្នក​ចិញ្ចឹម​ឃ្មុំ​ចំនួន ៥០នាក់រួចហើយ៕

អត្ថបទផ្ដល់ដោយ៖Poraman

ចុចអាន៖តារា​សម្ដែង Shin Se Kyung សម្រេច​ដើរ​ចេញ​ពី​ទី​ភ្នាក់ងារ​ខ្លួន​ដែល​ធ្លាប់​ធ្វើការ​អស់ ១៩ឆ្នាំ

ចុចអាន៖បាត់​មួយ​រយៈ​ធំ! តាម​ពិត​តារា​ជើង​ចាស់ថៃ Mekwinai កំពុងប្រឈម​នឹង​ជំងឺ​សើស្បែក​យ៉ាង​ធ្ងន់ធ្ងរ

The post សត្វ​ឃ្មុំ ៦ម៉ឺនក្បាលទុំជុំវិញ Angelina Jolie ក្នុង​គម្រោង​ផ្ដួចផ្ដើម Women for Bees appeared first on Kampuchea Thmey Daily.

គិតត្រឹមដើមឆ្នាំ ២០២១ ទ្រព្យសម្បត្តិសុទ្ធរបស់តួសម្ដែងវ័យ ៤៥ ឆ្នាំ មានប្រមាណ ១០០ លានដុល្លារ។

ក្រៅពីជីវិតជោគជ័យក្នុងឧស្សាហកម្មភាពយន្ត តារាសម្ដែង Angelina Jolie បានបន្សល់ទុកមេរៀនបំផុសគំនិតក្នុងការរស់នៅមួយចំនួនដែលយើងអាចរៀនសូត្រតាមផងដែរ។

១. ជីវិតពោរពេញទៅដោយការប្រកួតប្រជែងច្រើនណាស់

មនុស្សម្នាក់ៗមិនគួរបំភ័យខ្លួនឯង ដោយមិនហ៊ានប្រឈមនឹងអ្នកជុំវិញឡើយ។ យើងត្រូវចាំថា មានការប្រកួតប្រជែងច្រើនណាស់ក្នុងជីវិតនេះ ហើយការប្រកួតប្រជែងនោះនឹងធ្វើឲ្យយើងក្លាយជាមនុស្សម្នាក់ទៀតដែលមិននឹកស្មានដល់។

២. ជីវិតរមែងនាំមកនូវឧបសគ្គនិងបញ្ហា

បញ្ហាកាន់តែច្រើន ឧបសគ្គកាន់តែខ្លាំង ធ្វើឱ្យជីវិតកាន់តែមានន័យ ហើយវាក៏នឹងធ្វើឲ្យយើងមានការលើកទឹកចិត្តខ្លួនឯងកាន់តែពុះពោរថែមទៀត។ យើងមិនត្រូវភ្លេចនោះទេថា បញ្ហាមិនអាចបញ្ឈប់យើងឲ្យនៅទ្រឹងទេ ជាពិសេសយើងម្នាក់ៗសុទ្ធតែអាចគ្រប់គ្រងនិងដោះស្រាយវាបាន។

៣. អតីតកាលមិនមែនជាអ្នកកំណត់បច្ចុប្បន្នឡើយ

អតីតកាលជារឿងពីមុនសុទ្ធសាធ ដូច្នេះត្រូវទុកវានៅកន្លែងនោះហើយ តើគួររំឭកមកដើម្បីអ្វី? ត្រូវទុកការចងពីអតីតកាលរបស់ខ្លួនឲ្យរសាត់ទៅតាមពេលវេលា ហើយត្រូវឆ្លងកាត់វាឲ្យលឿនឆ្ពោះទៅរកបច្ចុប្បន្ន៕

ប្រែសម្រួល៖ សន្យា

ប្រភព៖ Wealthy Gorilla

ចុចអាន៖ ព្រះនាង ៦ អង្គក្នុងភាពយន្ត​របស់​ Disney ​បានបង្រៀនរឿង ៦ យ៉ាងដល់អ្នកទស្សនា

ចុចអាន៖ សម្រង់​បំផុស​គំនិត​របស់​បុគ្គល​ល្បីល្បាញ​ចំនួន ៩ លើ​ការ​ច្នៃ​ប្រឌិត

The post ៣ មេរៀនបំផុសគំនិតដ៏មានតម្លៃពីតារាសប្បុរស Angelina Jolie appeared first on Kampuchea Thmey Daily.

តើតារាសម្ដែងវ័យ ៤៥ ឆ្នាំរូបនេះបានធ្វើអ្វីខ្លះ?

ចាប់ផ្តើមដំបូងកាលពីសម្ដែងជាតួ Lara Croft

កាលពីឆ្នាំ ២០០០ Angelina Jolie បានមកប្រទេសកម្ពុជាដើម្បីថតខ្សែភាពយន្ត Lara Croft: Tomb Raider ។ ទីនេះហើយដែលនាងចាប់ផ្តើមធ្វើការសិក្សាស្រាវជ្រាវផ្ទាល់ខ្លួនពីកន្លែងដែលមានបញ្ហានៅជុំវិញពិភពលោកនិងជនភៀសខ្លួន។ ក្រោយមកលោកស្រីបានធ្វើទស្សនកិច្ចទៅជាង ៣០ ប្រទេសដោយផ្តល់ជំនួយមនុស្សធម៌ដល់ប្រជាជនដែលកំពុងខ្វះខាត និងបានបរិច្ចាគថវិកាទៅជួួយពួកគេ។ Angelina ថែមទាំងត្រូវបានគេតែងតាំងជាឯកអគ្គរដ្ឋទូតសុឆន្ទៈនៃការអង្គការសហប្រជាជាតិ (UNHCR) ទៀតផង។

ការស្រឡាញ់ធម្មជាតិ និងមនុស្សជាតិ

លោកស្រីយកកូនចិញ្ចឹមដំបូងចេញពីមណ្ឌលកុមារកំព្រាកម្ពុជាគឺ Maddox។ ដោយសារចង់រក្សាទំនាក់ទំនងរវាងកូនចិញ្ចឹមជាមួយប្រទេសកំណើតគេ លោកស្រីបានទិញផ្ទះមួយនៅកម្ពុជា ដែលស្ថិតនៅជាប់ឧទ្យានជាតិសំឡូត។  ឧទ្យាននេះមានទំហំ ៦ ម៉ឺនហិកតា ដោយបង្កើជាសួនអភិរក្សសត្វព្រៃដែលជិតផុតពូជ។ ដំបូងឡើយវាមានឈ្មោះថា Maddox Jolie Project ប៉ុន្តែបច្ចុប្បន្នត្រូវបានហៅថា មូលនិធិ  Maddox Jolie-Pitt ។

ការជួយជនភៀសខ្លួន

ចាប់តាំងពី Angelina ចូលរួមក្នុងអង្គការ UNHCR នាឆ្នាំ ២០០១ លោកស្រីបានធ្វើការមនុស្សធម៌ជាបន្តបន្ទាប់ ដើម្បីជួយជនរងគ្រោះនានា។ លោកស្រីបានផ្ដល់ជំនួយដល់ជនភៀសខ្លួន ដោយសាងសង់សាលារៀន មណ្ឌលសុខភាព និងជំរុំសម្រាប់ពួកគេផងដែរ។

ជាក់ស្ដែងក្នុងឆ្នាំ ២០១០ Angelina បានបរិច្ចាគប្រាក់ ៧៥.០០០ ដុល្លារ និងបានបើកសាលាបឋមសិក្សាមួយសម្រាប់ក្មេងស្រីៗនៅ Tangi ប្រទេសអាហ្វហ្គានីស្ថាន។ យ៉ាងណាក្ដី សាលានេះមិនមែនជាសាលាតែមួយដែលនាងបានបើកនៅក្នុងប្រទេសនេះទេ។

ការបង្កើតមូលនិធិផ្សេងៗ

Angelina តស៊ូមិននឿយហត់ដើម្បីជីវិតរបស់មនុស្សជាតិរស់នៅកាន់តែប្រសើរ។ មិនត្រឹមតែជួយជាជនភៀសខ្លួនប៉ុណ្ណោះទេ ប៉ុន្តែនាងក៏ផ្តោតលើការរៃអង្គាសថវិកាដើម្បីយុទ្ធនាការប្រយុទ្ធប្រឆាំងនឹងជំងឺមហារីក និងកម្មវិធីលុបបំបាត់ភាពក្រីក្រ។ លោកស្រីគាំទ្រដល់កុមារនិងក្មេងកំព្រាដែលងាយរងគ្រោះដោយផ្តល់ឲ្យពួកគេនូវសេវាកម្មចាំបាច់ដូចជាសុខភាព ការអប់រំ និងការគាំទ្រផ្នែកចិត្តសង្គម។

សរុបមក Angelina បានចូលរួមមូលនិធិនិងអង្គការនានាចំនួន ២៩ ផ្សេងៗគ្នាក្នុងគោលបំណងផ្តល់សន្តិភាព ការអប់រំ និងការគាំទ្រសុខភាពនៅជុំវិញពិភពលោក។

ការតស៊ូដើម្បីសិទ្ធិរបស់ស្ត្រី

មិនត្រឹមតែជួយប្រជាជនភៀសខ្លួនប៉ុណ្ណោះទេ តារាហូលីវូដលំដាប់កំពូលរូបនេះ ថែមទាំងបានថែទាំស្ត្រីដែលរងគ្រោះដោយអំពើហឹង្សាផ្លូវភេទនៅក្នុងតំបន់សង្គ្រាមផងដែរ។ លោកស្រីយល់ថា សកម្មភាពរបស់ខ្លួនមានសារៈសំខាន់ណាស់ក្នុងការលុបបំបាត់បញ្ហានេះ ពីព្រោះការបំពានស្ត្រីក្នុងគ្រួសារនិងសហគមន៍មិនសូវមានមនុស្សយកចិត្តទុកដាក់ឡើយ។ Angelina ចាប់គំនិតផ្តួចផ្តើមទប់ស្កាត់អំពើហឹង្សាផ្លូវភេទក្នុងគោលបំណងស៊ើបអង្កេតអំពើហឹង្សាផ្លូវភេទ និងចាត់វិធានការប្រឆាំងនឹងវា។

ការអប់រំស្ត្រីឱ្យថែរក្សាសុខភាព

តារាសម្តែងរូបនេះ បានបាត់បង់ម្តាយនិងអ្នកមីងដោយជំងឺមហារីកសុដន់ ហើយសូម្បីលោកស្រីផ្ទាល់ក៏មានឱកាសខ្ពស់ក្នុងការវិវត្តទៅជារកជំងឺនេះដែរ។ ស្រ្តីសប្បុរសរូបនេះ បានសម្រេចចិត្តទទួលការវះកាត់ទ្វេរដងទៅលើជំងឺរបស់ខ្លួន រហូតជោគជ័យ។

លោកស្រីមិនចង់ឲ្យកូនៗ ជួបការឈឺចាប់ពីការបាត់បង់ម្តាយ ដោយសារតែជំងឺដូចខ្លួននោះទេ។ ហេតុនេះទើបលោកស្រីបានចែករំលែកដោយបើកចំហអំពីការវះកាត់ និងបទពិសោធន៍របស់ខ្លួន ហើយព្យាយាមលើកទឹកចិត្តស្ត្រីឱ្យធ្វើតេស្តឱ្យបានទាន់ពេលវេលា។

ការជួយសង្គ្រោះគ្រោះមហន្តរាយ

ក្នុងឆ្នាំ ២០១១ ព្យុះកំបុតត្បូងដ៏សាហាវបានបំផ្លាញផ្ទះចំនួន ៨០០០ ខ្នងនិងអាជីវកម្មចំនួន ៤០០ នៅរដ្ឋ Missouri សហរដ្ឋអាមេរិក។ Angelina រួមជាមួយអតីតស្វាមី Brad Pitt បានបរិច្ចាគថវិកាចំនួន ៥០ ម៉ឺនដុល្លារពីមូលនិធិ Maddox Jolie-Pitt ដើម្បីជួយកសាងទីក្រុងឡើងវិញ។

ក្នុងឆ្នាំ ២០១០ ប្រទេសហៃទីបានជួបគ្រោះរញ្ជួយដីដ៏សាហាវមួយដែលបានឆក់យកជីវិតមនុស្សជាច្រើន ហើយប្តីប្រពន្ធមួយគូនេះបានបរិច្ចាគប្រាក់ចំនួន ១ លានដុល្លារដើម្បីផ្តល់ជំនួយដល់ជនរងគ្រោះទាំងនោះ។

ការលើកទឹកចិត្តកូនៗ

តារាស្រីដែលលំដាប់ពិភពលោករូបនេះ បានធ្វើជាគំរូដល់កូនៗគ្រប់គ្នា តាមរយៈសកម្មភាពសប្បុរសធម៌របស់ខ្លួន។

កូនស្រី Zahara Jolie-Pitt បានរចនាគ្រឿងអលង្ការផ្ទាល់ខ្លួន រួមគ្នាជាមួយគ្រឿងអលង្ការដ៏ល្បីល្បាញ Robert Procop – The Zahara ដើម្បីរកចំណូល។ នាងបានផ្ទេរប្រាក់ទាំងអស់ដែលរកបានទៅឲ្យលំនៅបណ្ដោះអាសន្ន Ruth Shelters នៅរដ្ឋ Los Angeles សម្រាប់ជួយស្ត្រីនិងកុមារដែលរងអំពើហិង្សា៕

ប្រែសម្រួល៖ សន្យា

ប្រភព៖ Bright Side

ចុចអាន៖ ជីវិតពិត​ Angelina Jolie ក្លាយ​ជា​មាតា​សប្បុរសក៏ព្រោះ​ប្រទេស​កម្ពុជា

ចុចអាន៖ ៤ យ៉ាង​ពី​ម្ចាស់ក្សត្រី SUTHIDA មហេសី​ព្រះរាជា​ថៃ​បច្ចុប្បន្ន

The post សកម្មភាពទាំងនេះហើយដែលបញ្ជាក់ច្បាស់ៗថា ​ Angelina Jolie មានបេះដូងស្រោបដោយមាស appeared first on Kampuchea Thmey Daily.