ព័ត៌មានជាតិ

លម្អិត ! ជុំវិញវត្តមានតារាហូលីវូដ Angelina Jolie មកម្សាន្តនៅតំបន់រមណីយដ្ឋានអង្គរ ជាមួយគ្រួសារ

បានផុស

៤ years មុន

នៅ

ថ្ងៃអង្គារ ២២ កុម្ភៈ ២០២២

ដោយ

សៀមរាប ៖ តារាហូលីវូដ Angelina Jolie កាលពីចុងសប្តាហ៍កន្លងទៅនេះ បានមកកម្សាន្តនៅតំបន់រមណីយដ្ឋានអង្គរ ជាមួយគ្រួសាររបស់គាត់ ព្រមទាំងថតរូបបង្ហោះក្នុងផេកផ្លូវការរបស់លោកស្រី Angelina Jolie គឺបានបង្ហោះរូបភាពជាច្រើនសន្លឹកដោយសរសេរថា «Angelina Jolie in Angkor Wat, Cambodia» ប្រែមកថា «Angelina Jolie នៅតំបន់អង្គរវត្ត ប្រទេសកម្ពុជា»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រីទឹម សុភា នាយប៉ុស្តិ៍ច្រកទ្វារអន្តរជាតិសៀមរាប បានមានប្រសាសន៍ឲ្យដឹងនៅរសៀលថ្ងៃទី២២ខែកុម្ភៈនេះថា ពិតប្រាកដណាស់ គ្រួសាររបស់តារាហូលីវូដលោក Angelina Jolie បានចុះពីព្រលានយន្តហោះខេត្តសៀមរាប កាលពីចុងសប្តាហ៍មុនដោយមកជាលក្ខណៈគ្រួសារ និងបានមកទេសចរណ៍នៅតំបន់អង្គរ ផងដែរ។

ចំណែកលោកឧត្តមសេនីយ៍ត្រី តេង ច័ន្ទណាត ស្នងការនគរបាលខេត្តសៀមរាប ក៏បានមានប្រសាសន៍ស្រដៀងគ្នាដែរថា គ្រួសាររបស់តារាហូលីវូដលោក Angelina Jolie បានមកកម្សាន្តនៅខេត្តសៀមរាប ក្នុងគោលបំណងមកកម្សាន្ត ជាលក្ខណៈធម្មតារបស់គាត់។ លោកបន្តថា ជាទូទៅកម្លាំងសមត្ថកិច្ចនៅតែបន្តប្រឹងប្រែងរក្សាសន្តិសុខសុវត្ថិភាពជូនភ្ញៀវទេសចរណ៍ជាតិនិងអន្តរជាតិ ដោយធ្វើយ៉ាងឲ្យមានកំណើនភ្ញៀវទេសចរណ៍ឡើងវិញ។