ពិតទេ Angelina Jolie និង The Weeknd មានទំនាក់ទំនងស្នេហាលួចលាក់?

ថ្មីៗនេះ ពាក្យចចាមអារ៉ាមស្នេហារវាងតារាហូលីវូដ Angelina Jolie និងតារាចម្រៀងកាណាដា The Weeknd កាន់តែមានហ្វេនជជែកគ្នាច្រើនឡើងៗលើអ៊ីនធឺណិត ក្រោយអ្នកគាំទ្រចាប់បានរូបភាពរបស់អ្នកទាំងពីរណាត់ជួបគ្នានៅភោជនីយដ្ឋានពីរបីលើករួចមក។

ជាក់ស្ដែង កាលពីខែកញ្ញា ឆ្នាំ ២០២១កន្លងទៅ អ្នកទាំងពីរបានណាត់ជួបគ្នានៅភោជនីយដ្ឋានអ៊ីតាលីមួយក្នុងទីក្រុង Santa Monica រដ្ឋកាលីហ្វ័រញ៉ា បន្ទាប់មក Angelina បានឡើងឡានទៅផ្ទះរបស់ The Weeknd ទៀតផង។

មិនតែប៉ុណ្ណោះ ប៉ុន្មានថ្ងៃមុនេះ The Weeknd បានទម្លាក់ចម្រៀងថ្មីមួយបទ ដែលត្រូវបានគេសង្ស័យថា បទនោះចង់សម្ដៅដល់ Angelina Jolie ដែលជាគូស្នេហ៍សម្ងាត់របស់ខ្លួន។ ឃ្លាមួយនៃបទចម្រៀងបានរៀបរាប់ថា «My New Girl, She’s a Movie Star»​ (នារីថ្មីរបស់ខ្ញុំ នាងជាតារាភាពយន្ក)។

ក្រោយលេចចេញនូវតម្រុយជាច្រើនមក មហាជនកាន់តែសង្ស័យថា Angelina Jolie និង The Weeknd ច្បាស់ជាមានទំនាក់ទំនងស្នេហាជាសម្ងាត់ពិតប្រាកដមែន។

យ៉ាងណាមិញ ទោះបីពេលនេះ ពាក្យចចាអារ៉ាម កាន់តែផ្ទុះឡើងខ្លាំងក៏ដោយ ប៉ុន្តែតារាទាំងពីរដួង នៅមិនទាន់មាននរណាម្នាក់ចេញមុខមកបកស្រាយអ្វីនោះទេ​ ខណៈប្រភពខ្លះបានឱ្យដឹងថា The Weeknd ពិតជាមានចិត្តទៅលើ Angelina ហើយអ្នកទាំងពីរពិតជាចុះសម្រុងនឹងគ្នាណាស់៕

ប្រែសម្រួល៖ សន្យា

ចុចអាន៖ បង្ហាញជីវប្រវត្តិមុនល្បីល្បាញ ពីម្ចាស់បទ “Attention “ និងទ្រព្យសុទ្ធក្នុងឆ្នាំ ២០២២

ចុចអាន៖ ៥ សន្លឹករូបភាពស្រាតននលគករបស់តារាស្រីតៃវ៉ាន់ Shu Qi ពីមុន