ជីវិតកម្សាន្ដ
Brad Pitt ប្តឹងអតីតភរិយា Angelina Jolie រឿងលក់ភាគហ៊ុនស្រាទំពាំងបាយជូរ
តារាសម្តែងហូលីវីដ លោក Brad Pitt បានដាក់ពាក្យប្តឹងអតីតភរិយារបស់ខ្លួនគឺលោកស្រី Angelina Jolie រឿងលក់ភាគហ៊ុនរបស់លោកស្រីនៅក្នុងក្រុមហ៊ុនស្រាទំពាំងបាយជូរនៅប្រទេសបារាំងដែលអ្នកទាំងពីរបានទិញរួមគ្នា និងជាកន្លែងដែលពួកគេរៀបការ ទៅឲ្យអ្នកជំនួញជនជាតិរុស្ស៊ីម្នាក់។
ក្នុងពាក្យបណ្តឹងដាក់ទៅតុលាការក្រុង Los Angeles សហរដ្ឋអាមេរិកកាលពីថ្ងៃព្រហស្បតិ៍ លោក Pitt បាននិយាយថា Jolie បានបំពានកិច្ចព្រមព្រៀងរបស់ពួកគេដែលថា មិនត្រូវលក់ភាគហ៊ុន Château Miraval ដោយគ្មានការយល់ព្រមពីភាគីពាក់ព័ន្ធ ប៉ុន្តែបានលក់ភាគហ៊ុនទៅឲ្យ Stoli Group។
គូស្វាមីភរិយាម្ចាស់ពានរង្វាន់ Oscar នេះកាលពីឆ្នាំ២០០៨បានទិញក្រុមហ៊ុនស្រាទំពាំងបាយជូរ Miraval ក្នុងភូមិ Correns ភាគខាងត្បូងប្រទេសបារាំង។ ពួកគេបានរៀបការនៅទីនោះកាលពីឆ្នាំ២០១៤។
លោក Pitt អាយុ៥៨ឆ្នាំបាននិយាយថា លោកចំណាយប្រាក់ និងកម្លាំងញើសឈាមដើម្បីធ្វើឲ្យ Miraval ក្លាយជាស្រាទំពាំងបាយជូរដែលទទួលស្គាល់កម្រិតខ្ពស់ទូទាំងពិភពលោកជាមួយនឹងប្រាក់ចំណូលប្រចាំឆ្នាំជាង៥០លានដុល្លារអាមេរិក។
លោកស្រី Jolie បានប្រាប់ Pitt ក្នុងខែមករា ឆ្នាំ២០២១ ថា លោកស្រីបានឈានដល់ការសម្រេចចិត្តដ៏ឈឺចាប់ក្នុងការលក់ភាគហ៊ុនរបស់លោកស្រីនៅ Miraval និងលែងក្លាយជាម្ចាស់អាជីវកម្មគ្រឿងស្រវឹងនេះទៀតហើយ ដោយសារបញ្ហាផ្ទាល់ខ្លួន។
ក្រុមហ៊ុន Tenute del Mondo ដែលជាម្ចាស់ Stoli បានប្រកាសពីការទិញភាគហ៊ុនពីលោកស្រី Jolie កាលពីខែតុលា។
សូមបញ្ជាក់ថា លោកស្រី Jolie បានដាក់ពាក្យលែងលះជាមួយ Pitt ក្នុងឆ្នាំ២០១៦ និងបានលែងលះដាច់ស្រេចក្នុងឆ្នាំ២០១៩។ អ្នកទាំងពីរមានកូន៦នាក់៕
ប្រែសម្រួល៖ វីរបុត្រ
ប្រភព៖ theguardian
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»