ខ្លឹមសារដែលតួថៃរូបនេះបង្ហោះមានដូចតទៅ «ជីវិតនីមួយៗមានតម្លៃណាស់ អំពើហិង្សាមិនគួរកើតឡើងចំពោះអ្នកណាម្នាក់ទេ ខ្ញុំសូមផ្ញើការលើកទឹកចិត្តរបស់ខ្ញុំ ទៅកាន់អ្នកដែលមានផលប៉ះពាល់»។

ទោះជាយ៉ាងណាក៏ដោយ តារាស្រីវ័យ៣៥ឆ្នាំរូបនេះមិនបានទទួលការសរសើរតបមកវិញឡើយ ប៉ុន្តែមតិតបស់នាងបែរជាបង្កនូវព្យុះកំហឹង ពីសំណាក់​ប្រជាពលរដ្ឋ​ថៃដែលចូលមក​បញ្ចេញមតិ និង​រិះគន់ច្រើនហួសប្រមាណ ដល់ថ្នាក Bella បានសម្រេចចិត្តបិទការ Comment លើការបង្ហោះភ្លាមៗតែម្ដង។

បើទោះបីជារូបនាងបានបិទការបញ្ចេញមតិពីមហាជនខ្លួនឯងក៏ពិតមែន តែជនជាតិថៃនេះហាក់មិនថមថយកំហឹងឡើយ ពួកគេបានសម្រុកចូលទៅបញ្ចេញមតិលើរូបភាពចាស់ៗរបស់នាងផ្សេងទៀត ក្នុងន័យជេរអំពីសារដែលនាងបានបង្ហោះនាពេលកន្លងមក។ អ្នកខ្លះថែមទាំងបង្ហាញនូវសម្ដីមើលងាយ ស្អប់ខ្ពើម និងខកចិត្តចំពោះនាងដែលអាងថាជាតារាមានទ្រនំល្អ មិនគិតពីពលរដ្ធតាមច្រកព្រំដែន។

ព្រមជាមួយគ្នានោះទៀត អ្នកផ្សេងៗបានប្រៀបធៀបតារាស្រីថា បើអ្នកស្លាប់ជាសាច់ញាតិរបស់នាង ឬត្រូវចេញទៅប្រយុទ្ធការពារជាតិ ពួកគេជឿថានាងនឹងមិនបង្ហោះបែបនេះទេ។ មានវិធីជាច្រើនដើម្បីបង្ហោះលើកទឹកចិត្ត ប៉ុន្តែក្នុងករណីនេះ ពេលខ្លះវាប្រសើរជាងកុំបង្ហោះ។ យ៉ាងណា ក៏នៅមានអ្នកលេងអ៊ីនធឺណិតមួយក្រុមទៀត បានបញ្ចេញមតិលើការបង្ហោះរបស់ Bella ថា នាងគ្រាន់តែនៅចំកណ្ដាលរវាងជម្លោះព្រំដែនកម្ពុជានិងថៃប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖ទឹកចិត្ត Miss Cosmo អាមេនី ជួយអំពាវនាវជនភៀសសឹក កម្ពុជា ក្លាយជាកម្លាំងចលករដ៏មហិមាពុំកាត់ថ្លៃបាន

The post នាង Bella ត្រូវជនជាតិថៃគ្នាឯងព្រួត​រិះគន់​ និងប្រមាថមើលងាយ appeared first on Kampuchea Thmey Daily.

បន្ទាប់ពីផ្ទុះនូវរូបភាពច្រើនសន្លឹករបស់អ្នកទាំងពីរ​ ក្នុងរូបដូចជាគូស្នេហ៍ថ្មីថ្មោង កាលពីថ្ងៃទី ២៤​ ខែមករា ឆ្នាំ២០២៤ Bella Ranee បានចេញមុខមកបកស្រាយកុំឲ្យទស្សនិកជនមានការយល់ច្រឡំធំលើនាងនិង Bright ថា ពួកគេគ្រាន់​តែ​ជា​មិត្ត​រួម​ការងារ ហើយ​គ្មានអ្វីលើសពីមិត្តភក្តិនោះទេ។ ជា​ការ​ពិត នាពេលនេះនាងនៅ​លីវ​ទាំង​ស្រុង គ្មានគូគាប់ទ្រនាប់ចិត្ត ដូចដែលបណ្ដាញអ៉ិនធើណេតផ្សាយព្រោងព្រាតឡើយ។

លើសពីនេះទៀតដែរ តួឯកស្រីកំពុងល្បីល្បាញខ្លាំងក្នុងរឿងភាគបុរាណថៃ “បុព្វេសន្និវាស” បានបញ្ចាក់ម្ដងហើយម្ដងទៀត​ ពីដៃគូដ៏សក្តិសម Bright Vachirawi ថ្វីបើកន្លងមក អ្នកគាំទ្របានផ្គូផ្គងនាងនិងតួប្រុសវ័យក្មេងរូបនេះញយដងក្ដី ប៉ុន្តែ Bella ថា នាងចាត់ទុកគេជាមិត្តរួមការងារ ឬជាប្អូនប្រុសតែប៉ុណ្ណោះ។

ក្នុងនោះផងដែរ តារា​ស្រីកូនកាត់ពីរសាសន៍​ថែមទាំងផ្ដល់បទសម្ភាសន៍ទៀតថា បន្ទាប់​ពី​អ្នក​ទាំង​ពីរ​មាន​ឱកាស​ចាប់​ដៃ​គូសម្ដែងភាពយន្តជាមួយគ្នា និង​ឧស្សាហ៍​បញ្ចេញ​នូវ​ពេល​វេលា​សប្បាយ​ៗ​ ជាពិសេសរូបភាពជាគូក្នុងដំណើរកម្សាន្តទៅកាន់ប្រទេសជប៉ុន ​ដែលពួកគេថតជាមួយគ្នា។​ចៃដន្យនាពេលនោះ​ ទិស​ដែលអ្នកទាំងពីរ​ឈរ​មាន​ខ្យល់​បក់​កាត់មុខ រហូតធ្វើឲ្យពួកគេត្រូវព្យាយាមជួយគ្នាទៅវិញទៅមក។

ជាចុងក្រោយ Bella បានបង្ហើបថា ស្ថានភាពបេះដូងខ្លួនឯងនៅពេលនេះថា នាងនៅតែគ្មានអ្នកណាទាំងអស់​ ប៉ុន្តែមានមនុស្សប្រុសតាមចែចង់ឥតខ្វះនោះទេ តែពុំទាន់ចង់គិតគូតែប៉ុណ្ណោះ។ ក្នុងអំឡុងពេលនេះ ការងាររបស់នាងក៏រវល់ខ្លាំង ហើយបើជួបគូពិតមែន ត្រូវតែជាមនុស្សដែលត្រូវគ្នា, មាន​មតិ​ដូច​គ្នា​ រឹតតែពិសេសនោះគឺចំណូលចិត្តស្រដៀងគ្នា ទើ​បអាចរស់នៅចុះសម្រុងគ្នាបាន៕

អត្ថបទ៖ សាង ស្រីល័ក្ខ

ចុចអាន៖បាត់មុខ២ឆ្នាំ តួប្រុសរឿង “ពូម៉ូតូឌុបបះសក់” ថា អាជីពសម្ដែងមិនមែនជាសម័យកាលលោកទេ

The post លេចរូបភាពផ្អែមល្ហែម រវាង Bella ​និង Bright  នៅជប៉ុន​ ខណៈអ្នកគាំទ្រត្រេកអរខ្លាំង appeared first on Kampuchea Thmey Daily.

យោងតាមប្រភពពីសារព័ត៌មាន Sanook បានចេញរបាយការណ៍ថា រូបក្រមួនរបស់ Bella ត្រូវបានបង្កើតឡើងក្នុងរូបរាងរបស់តួអង្គនាង ភូតាន់ ក្នុងរឿងភាគថៃដ៏ល្បីល្បាញ ​“បុព្វេសន្និវាស”​ ដែលកំពុងទទួលបានការគាំទ្រយ៉ាងគគ្រឹកគគ្រេង ក្នុងប្រទេសនិងក្រៅប្រទេសផងដែរ។

ទោះយ៉ាងណាក៏ដោយ ងាកមកកាន់ម្ចាស់ខ្លួន Bella ក៏​បាន​ទម្លាយអារម្មណ៍ពិតរបស់នាងថា តាមពិតនាង​ចង់បានរូបក្រមួនបែបនេះយូរមកហើយ។ ក្រោយបានឃើញពិតៗនៅនឹងភ្នែក នាងពិតមានអារម្មណ៍ល្អ ជាពិសេសពេលនេះមានរូបក្រមួនផ្ទាល់ខ្លួននឹងគេ ក្រោយតែងសញ្ចឹងគិតមកជាយូរ។

តារាសម្ដែងស្រីពេញដោយ​ទេព​កោសល្យ​ និងសំបូរពហុជំនាញក្នុងខ្លួនរូបនេះ បាននិយាយទាំងទឹកមុខរំភើបថា​ “ដំបូង​ឡើយ​ពេល​ឃើញ​តែ​រូប​ខ្ញុំ​ស្រឡាំងកាំង។ ពេល​ឃើញ​របស់​ពិត ខ្ញុំ​អាច​និយាយ​បាន​ថា ​វា​ស្រដៀង​នឹង​ខ្លួន​ខ្ញុំ​ខ្លាំងណាស់។​ ​ជា​រឿង​អស្ចារ្យ​ណាស់​ក្នុង​ជីវិត​ដែល​មាន​រូប​ក្រមួន។ ខ្ញុំមិនគិតថាខ្ញុំនឹងឈរនៅថ្ងៃនេះទេពិតជារំភើបខ្លាំង”។

យ៉ាងណាមិញ ​តារាថៃដែលទទួលបានកិត្តិយស និងត្រូវបានឆ្លាក់ជារូបក្រមួននៅក្នុងសារមន្ទីរ Madame មិនមានច្រើននោះទេ ដែលអ្នកកន្លងមករួមមាន Tata Young, Phumpuang Duangchan, Yodrak Salakjai, Mitchai Bancha, Petchara Chaowarat, Pancake Khemmanit Jamikorn, Theeradej Wongpuapan និង Ann Thongprasom ហើយថ្មីៗនេះគឺជាតារាស្រី Bella Ranee ជាអ្នកចុងក្រោយ៕

អត្ថបទ៖ សាង ស្រីល័ក្ខ

ចុចអាន៖​អ្នកចាត់ការផ្ទាល់ខ្លួន Klao លះបង់មុខមាត់ដើម្បីកែសម្ផស្សឲ្យដូច Mai Davika

The post Bella រំភើបចង់ហោះ ក្រោយឃើញរូបក្រមួនក្នុងសារមន្ទីរ ដូចបេះដាក់នឹងនាង appeared first on Kampuchea Thmey Daily.

ទោះយ៉ាងណា អ្នកទាំងពីរពេលនេះក្លាយជាតារាស្រី​កំពុង​ក្លាយ​និន្នាការ​គាំទ្រ​គ្នាទៅវិញ​ទៅមក​ ជាពិសេសនោះគឺ​ពួកគេ​ជា​តារា​សម្តែង​លំដាប់​កំពូល​ដូចគ្នាក្នុង​​វិស័យ​សិល្បៈ​ ដែលមហាជនដឹងឮថាមិនទាន់មានគូទ្រនាប់ចិត្តរៀងៗខ្លួន ខណៈ​ទាំង ​Bella Ranee និង Min Peachya មាន​សម្រស់​ស្រស់​ស្អាត និង​ទេពកោសល្យ​ព្រមៗគ្នា​ ហើយថែមទាំងជាម្ចាស់​អាជីវកម្ម​វាល់​លាន​ក្នុង​ប្រទេសថៃ​ថែមទៀតផង។

ដោយសារតែមានទស្សនិកជន​និយាយ​ពី Bella ច្រើន​ ទើប​នាង​បាន​មក​ផ្ដល់​បទសម្ភាសន៍​ជាមួយ​ក្រុម​អ្នកសារព័ត៌មានថា នាងសុំមិនប្រកួតប្រជែងជាមួយ Min Peachya ដែលមុននេះ Min បាន​បង្ហោះ​ថា កើត​មក​ជា​មនុស្ស​ស្រី អ្នក​មិន​ត្រូវ​ឈប់​ស្អាត ហើយ​មិន​ត្រូវ​ឈប់​រក​លុយ​ឡើយ។ ព្រោះ​បើ​យើង​មាន​លុយ​ក៏​អាច​រក​មនុស្ស​ប្រុស​បាន​គ្រប់​ពេលវេលា។ Bella និយាយថា យើងមិនអាចប្រកួតប្រជែងជាមួយគាត់បានទេ ព្រោះ​គាត់​ជា​ម្ចាស់​សំណេរ​ដ៏​ទាក់ទាញ​នោះ ខ្ញុំ​សរសើរ Min ក្នុង​ផ្នែក​នេះ ហើយ Min ឈ្នះ​ទាំង​ស្រុង។ សុំ​មិន​ប្រជែងទេ!

តារាសម្ដែងស្រីទាំងពីរដួងនេះ ត្បិតថានៅទ្រនំខុសគ្នាក្ដី ប៉ុន្តែបើងាកទៅលើបណ្ដាញសង្គមឯណោះវិញ មហាជនជាច្រើនកំពុងតែចាប់អារម្មណ៍និងបញ្ចេញមតិស្របគ្នាថា ​Bella Ranee និង Min Peachya ​មិនត្រឹមជាតារាជួរមុខ ប៉ុន្តែអ្នកទាំងពីរពូកែរកលុយដូចគ្នា និងមានគំនិតប្រហាក់ប្រហែលគ្នាពេលគិតដល់រឿងគូស្រករ៕

ប្រែសម្រួល៖ សាង ស្រីល័ក្ខ

ចុចអាន៖Pu Praya សារភាពថា ធុញទ្រាន់នឹងអាជីពសម្ដែងខ្លាំង រហូតលែងចង់បន្តទៅមុខ

ចុចអាន៖ចុចអាន៖តាមពិតតួកាច Ice កាន់កាប់មុខ​ជំនួញនៅ ថៃដល់ទៅ ៦ កន្លែងឯណោះ

The post Bella ថា ដាច់ខាតនាងមិនប្រជែងជាមួយ Min Peachya ឡើយ appeared first on Kampuchea Thmey Daily.

តាមរយៈរូបភាពថតជាមួយម្ដាយនិងសំណេរដ៏កក់ក្ដៅ Bella Ranee​ បាននិយាយថា “ថ្ងៃកំណើតកាលពីមុនគឺសាមញ្ញ។ ពួលយើងបានទៅធ្វើបុណ្យទាំងអស់គ្នាជាមួយអ្នកគាំទ្រ មានឡានដឹកម្ហូបទៅចូលរួមហូបបាយជុំគ្នា។ សម្រាប់​ថ្ងៃ​ខួប​កំណើត​ឆ្នាំ​នេះ ខ្ញុំ​មិន​បាន​ទិញ​កាដូ​អ្វី​ឲ្យ​ខ្លួន​ឯង​ទេ។ កាល​នោះ​ការ​ធ្វើ​ដំណើរ​ទៅ​ប្រទេស​ជប៉ុន​ត្រូវ​បាន​គេ​ចាត់​ទុក​ថា​ជា​អំណោយ​មួយ​គឺ​បាន​នាំ​ម្តាយ​ខ្ញុំ​ធ្វើ​ដំណើរ។ អំណោយពីម្តាយរបស់ខ្ញុំគឺជាដី​នៅ​ខេត្ត​ណាក់ខន ផាន់ ទើបតែ​ទិញ​នៅ​ដើម​ខែ។ អាចថាភ្ញាក់ផ្អើល ប៉ុន្តែ Belle ដឹងមុន ព្រោះ​ម៉ាក់បានសុំឲ្យ​ខ្ញុំ​ចុះ​ហត្ថលេខា​លើ​ឯកសារ”។

តារាសម្ដែងរូបនេះក៏និយាយបន្ថែមទៀតថា ដី​ហ្នឹង​ជា​កន្លែង​ដែលនាងបានទៅ​មើល​វា​ជាមួយ​ម្តាយ​។ វានៅមាត់ទន្លេមេគង្គ មិនធំពេក មិនតូចពេក។ ចំណែកតម្លៃ​នៃការទិញដីនោះនាងក៏អត់​ដឹង​ដែរ ព្រោះ​ម្ដាយនាងជា​អ្នក​រៀបចំសឹងតែទាំងអស់។
ម៉្យាងទៀត Bella មាន​បំណង​ទិញ​ដីនោះ​ទុក​ជា​កាដូ​ជូន​ម្ដាយ។ ប៉ុន្តែ​បែរគាត់មក​ប្រកួតប្រជែង​ទិញ​វា​ឲ្យ​នាងមុន​ទៅវិញ។

ដោយឡែក កាលពីប៉ុន្មានថ្ងៃមុន Bella បានទិញផ្ទះស្កឹមស្កៃមួយខ្នងជូនម្ដាយ និងបាន Surprise អ្នកមានគុណនៅថ្ងៃខួបកំណើតកាលពីប៉ុន្មានខែមុន ហើយពេលនេះ ផ្ទះថ្មីបានរួចរាល់ជាស្ថាពរ និងបានធ្វើពិធីឡើងគេហដ្ឋាន កាលពីថ្ងៃទី៩ ខែមករា ឆ្នាំ២០២៣៕

ប្រែសម្រួល៖ សាង ស្រីល័ក្ខ

ចុចអាន៖Patricia ថា នាងមិនបានដឹងរឿងអតីតសង្សារហៃសូ Aum បែកគ្នាមុនគេឡើយ

ចុចអាន៖តាមពិតតួកាច Ice កាន់កាប់មុខ​ជំនួញនៅ ថៃដល់ទៅ ៦ កន្លែងឯណោះ

The post ម្ដាយ Bella បង្កភាពភ្ញាក់ផ្អើល ទិញកាដូដែលកូនស្រីសំណព្វចង់បានមកជាយូរ appeared first on Kampuchea Thmey Daily.

ជាមួយគ្នានេះដែរ​ តារាសម្ដែងស្រី Bella Ranee បានស្លៀក​សំលៀក​បំពាក់​ពណ៌​ស​ម៉ូដពីទីក្រុង​ប៉ារីស ដោយមាន​មួក ស្រោមដៃ និង​កាបូប​តូច​គួរ​ឲ្យ​ស្រលាញ់។ យ៉ាងណាមិញ​ការ​ស្លៀក​សំលៀកបំពាក់​​​​​​​​​​​​​​​​​​​​បែប​នេះ​ គឺ​​​​​​​​​​​​​​​​​​​​​​​​​​​​​​​​​​ដើម្បី​អបអរសាទរ​ខួបកំណើត​គម្រប់អាយុ ៣៣ឆ្នាំ ជាពិសេស​​គឺ​ការ​ជួបជុំ​អ្នកគាំទ្រ ទាំង​អ្នកគាំទ្រ​ជាតិ និង​អន្តរជាតិ​តែម្ដង។

លើសពីនេះ សម្រស់របស់ Bella កាន់តែលេចធ្លោថែមមួយកម្រិតទៀត ព្រោះទស្សនិកជនកម្រឃើញតារាស្រីប្រចាំប៉ុស្តិ៍​លេខ៣​ថៃ​រូបនេះ​ ស្លៀកពាក់​របៀប​នេះ​បង្ហាញ​ជា​សាធារណៈ​ណាស់៕

ប្រែសម្រួល៖ សាង ស្រីល័ក្ខ

ចុចអាន៖មហាជនលាន់មាត់សរសើរសម្រស់តួស្រីរឿង “បុព្វេសន្និវាស” ស្អាតខ្លាំង ទោះមិនផាត់មុខ

The post Bella Ranee រំលេចខ្លួនក្នុងឈុតបារាំង អបអរថ្ងៃកំណើត ជាមួយអ្នកគាំទ្រ appeared first on Kampuchea Thmey Daily.

និន្នាការ​នេះ​ បាន​សាយភាយ​យ៉ាង​ខ្លាំង បន្ទាប់ពី​អ្នក​ប្រើប្រាស់ TikTok ម្នាក់​បាន​បង្ហោះ​ឃ្លិប​របស់ Bella ពេល​កំពុង​រង់ចាំ​ឡើង​យន្តហោះ​នៅ​អាកាសយានដ្ឋាន​យ៉ាង​ស្ងៀមស្ងាត់ ខណៈ​នាង​មក​ក្នុង​រូបរាង​ធម្មតា​ ពាក់​អាវយឺត​ពណ៌​ខ្មៅ ខោ​ពណ៌​ខ្មៅ ពាក់​មួក និង​ម៉ាស​បិទមុខ​ ហាក់បីដូចជា​ Bella មិន​ចង់​ឲ្យ​នរណា​ម្នាក់​ស្គាល់នាងថាជានរណាឡើយ។

បន្ទាប់​ពី​ឃ្លិប​ព្រលាន​យន្តហោះ​ត្រូវ​បាន​ផ្សព្វផ្សាយ​ជា​សាធារណៈ អ្នក​និយម​លេង​អ៊ីនធឺណិត​បាន​ចូល​ទៅ​បញ្ចេញ​មតិ​រិះគន់​អ្នកដែលបង្ហោះនោះវិញភ្លាមៗ។ ភាគច្រើនហ្វេនរបស់ Bella ​បាន​បន្ទោស​ទង្វើ​ទាំងនោះ​ថា ​បាន​រំលោភបំពាន​លើ​ឯកជនភាព​របស់ Bella ខ្លាំងពេក។ ក្នុងនោះអ្នកខ្លះបាននិយាយថា ស្រលាញ់ Idol មិនខុសទេតែ កុំរំលោភបំពានលើសិទ្ធឯកជនគេពេក។

ទោះយ៉ាងណា នេះមិនមែនជាលើកទី១ឡើយ សម្រាប់តារាសម្ដែង​ Bella ពីករណីដែលត្រូវគេរិះគន់សាធារណៈបែបនេះ។ ជាក់ស្ដែងកាលពីលើកមុន ក្នុងពេលដែលនាងទៅធ្វើបុណ្យកឋិន នាងក៏ទទួលរងការរិះគន់យ៉ាងចាស់ដៃពីរបៀបសំពះអ្នកគាំទ្រ ពេលជួបនៅខាងក្រៅដែរ៕

ប្រែសម្រួល៖ សាង ស្រីល័ក្ខ

ចុចអាន៖រូបកាលពីកុមារភាពរបស់ Matt Peranee ស្រស់ស្អាតខ្លាំងតាំងពីវ័យក្មេង

ចុចអាន៖កាន់តែផ្អែមល្ហែម Taew ទម្លាក់រូបភាពអាហារពេលល្ងាចជាមួយសង្សារហៃសូ

The post អ្នកគាំទ្រក្ដៅស្លឹកត្រចៀក និងចេញមុខការពារ Bella ថា បើមិនដឹង កុំវិនិច្ឆ័យ appeared first on Kampuchea Thmey Daily.

ជាក់ស្ដែង​ កាលពីពេលថ្មីៗនេះ ​តារាស្រី​ជួរមុខ​​ក្នុង​ប្រទេសថៃ Bella Ranee បាន​ទៅ​ធ្វើ​បុណ្យ​កឋិន ក្រោយ​មក​ក៏​មាន​ឃ្លិប​មួយ​ដែល​អ្នក​និយម​លេង​បណ្ដាញ​សង្គម​ ​ថត​បង្ហាញ​ពី​សម្រស់ Bella។ ប៉ុន្តែ​​នាង​ត្រូវ​គេ​ចាប់​កំហុស​ ដោយ​ធ្វើការ​ប្រៀបធៀប​ជាមួយ​រៀម​ច្បង Nune Woranuch ទៅ​​ធ្វើ​បុណ្យ​នៅ​វត្ត​មួយ ដោយ​នាង​លើក​ដៃ​គោរព​អ្នក​ភូមិ​តាម​ផ្លូវ។

ឃ្លិប​របស់​តារា​សម្ដែង​ពីរ​រូប​នេះ ​ធ្វើឲ្យ​អ្នក​លេង​អ៊ីនធឺណិត​មួយ​ចំនួន​​រិះគន់​ Bella ថា​មិន​ចង់​លើកដៃ​សំពះ​មហាជន​ដូច Nun ឡើយ។ ភ្លាមៗ​និន្នាការ​នោះ​ក៏​បាន​ធ្វើឲ្យ​មហាជន​ខ្លះ​យល់ស្រប​ ខណៈ​អ្នក​ខ្លះ​មិន​យល់​ស្រប​ និង​បាន​តបត​វិញ​ ដោយ​បង្ហាញ​​ឃ្លិប​មួយ​ចំនួន​ទៀត​​ពេល Bella លើក​ដៃ​សំពះ​អ្នក​រាល់​គ្នាវិញដែរ៕

ប្រែសម្រួល៖ សាង ស្រីល័ក្ខ

ចុចអាន៖គូស្នេហ៍ Nadech -Yaya ផ្អែមល្ហែមញយដងពេក ឥលូវហ្វេនៗនាំគ្នាច្រណែន

ចុចអាន៖ប្ដីប្រពន្ធហៃសូ Sririta ឈ្នះពានរង្វាន់គ្រួសារកក់ក្ដៅបំផុតប្រចាំឆ្នាំ

The post Bella រងការរិះគន់រឿងសុជីវធម៌ ក្រោយបណ្ដាញអ៊ីនធឺណិតបៀបធៀបនឹងរៀមច្បង Nune Woranuch appeared first on Kampuchea Thmey Daily.