ជីវិតកម្សាន្ដ

តាមពិតតួកាច Ice កាន់កាប់មុខជំនួញនៅ ថៃដល់ទៅ ៦ កន្លែងឯណោះ

បានផុស

១ year មុន

នៅ

ថ្ងៃព្រហស្បតិ៍ ១២ មករា ២០២៣

ដោយ

តួឆ្នាស Ice Apisada Kruekongka គឺតារាសម្តែង បង្ហាញម៉ូដ និងជាពិធីការិនី នាងទទួលបានភាពល្បីល្បាញខ្លាំងនៅពេលក្លាយជាតារាបង្ហាញម៉ូដឲ្យទស្សនាវដ្តី និងអ៊ីនធឺណិត នាងក៏ជា Net Idol ម្នាក់ផងដែរ។ Ice ក៏មានឈ្មោះសម្តែងក្នុងខ្សែភាពយន្ត និងតួនាទីជាច្រើនក្នុងរឿងភាគល្បីៗរបស់ប្រទេសថៃដូចជា Ka Khong Kon,Dok Som See Thong, Wake Up Ladies: The Series និងរឿង Ruen Mai Majurat។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីការងារក្នុងវិស័យសិល្បៈ តួកាចរូបនេះក៏ជាពាណិជ្ជករមួយរូប ខណៈនាងមានមុខជំនួញជាច្រើនក្នុងដៃកំពុងតែកាន់កាប់សព្វថ្ងៃ រួមទាំងភាគហ៊ុននៅក្នុងក្រុមហ៊ុនជាច្រើន ដែលអាចរកចំណូលបានយ៉ាងក្រាស់ក្រែលអស់រយៈពេលជាច្រើនឆ្នាំជាប់ៗគ្នា។

ក្រុមហ៊ុន Ice-Apsada Co., Ltd. បានចុះបញ្ជីនៅថ្ងៃទី ០៦ ខែកញ្ញា ឆ្នាំ ២០១១ ដោយលោកស្រី Apisada Kruekongka ជាក្រុមប្រឹក្សាភិបាលម្នាក់ កាន់កាប់ភាគហ៊ុន ៤០% នៃភាគហ៊ុនរបស់ក្រុមហ៊ុន ឬ ៤ពាន់ភាគហ៊ុនក្នុងតម្លៃភាគហ៊ុន៨លានបាត។ ក្រុមហ៊ុននេះគឺជាក្រុមហ៊ុនផ្សព្វផ្សាយផលិតផលអាជីវកម្មគ្រប់ប្រភេទ បច្ចុប្បន្នដើមទុនដែលបានចុះបញ្ជីគឺ ១ លានបាត ។

ក្រុមហ៊ុន KKK Innovation Group Co., Ltd. បានចុះបញ្ជីនៅថ្ងៃទី ០៩ ខែកញ្ញា ឆ្នាំ ២០១៤ ជាមួយលោកស្រី Apisada Kruekongka ជាក្រុមប្រឹក្សាភិបាលម្នាក់ កាន់កាប់ភាគហ៊ុន ១៥% នៃភាគហ៊ុនរបស់ក្រុមហ៊ុន ឬ ១,៥០០ ភាគហ៊ុនក្នុងតម្លៃភាគហ៊ុន ២៣១,៩៨៨ បាត ជាក្រុមហ៊ុនផលិតផលផលិតផលសម្រស់ បច្ចុប្បន្ននេះដើមទុនដែលបានចុះបញ្ជីគឺ១ លានបាត ។

លើសពីនេះ គេបានរកឃើញថា Ice មានតួនាទីជានាយកក្រុមហ៊ុនចំនួន៤ គឺក្រុមហ៊ុន Twenty Four Lab Company Limited ដែលបានចុះបញ្ជីនៅថ្ងៃទី១០ ខែឧសភា ឆ្នាំ២០១៦ ប្រកបអាជីវកម្មលក់ដុំទំនិញទូទៅដោយទទួលបានសំណង ឬតាមកិច្ចសន្យាការងារ ដើមទុនចុះបញ្ជីចំនួន១លាន។

ក្រុមហ៊ុន Twenty Four Lab Co., Ltd បានចុះបញ្ជីនៅថ្ងៃទី២៧ ខែកុម្ភៈ ឆ្នាំ ២០១៧ ដោយធ្វើអាជីវកម្មលក់រាយតាមប្រព័ន្ធអ៊ីនធឺណិត ដោយមានដើមទុនចុះបញ្ជីចំនួន ១ លានបាត។

ក្រុមហ៊ុន Mikka Co., Ltd បានចុះបញ្ជីនៅថ្ងៃទី ១៧ខែមិថុនា ឆ្នាំ ២០១៥ ដោយប្រតិបត្តិការអាជីវកម្មលក់អាហារស្ងួត ដែលមានដើមទុនចុះបញ្ជីចំនួន ១ លានបាត។

ក្រុមហ៊ុន Ice TV Co., Ltd ត្រូវបានចុះបញ្ជីនៅថ្ងៃទី ១១ ខែមិថុនា ឆ្នាំ ២០០៤ ដំណើរការអាជីវកម្មលើការថតកុន ភាពយន្តឯកសារ វីដេអូចម្រៀង រៀបចំការប្រគំតន្ត្រី ដើមទុនចុះបញ្ជី ១លានបាត។