កាលពីពេលថ្មីៗនេះ Marian Rivera ទទួលបានការចាប់អារម្មណ៍ពីមហាជន នៅពេលដែលនាងចូលរួមក្នុងពិធីសម្ពោធ-ផ្សព្វផ្សាយម៉ាកគ្រឿងអលង្ការ​ ដោយក្នុងព្រឹត្តិការណ៍រាជិនីដ៏ស្រស់ស្អាតបំផុតនៅក្នុងប្រទេសហ្វីលីពីនរូបនេះបានជ្រើសរើសការរចនាសម្រាប់ខ្លួននាងជាមួយនឹងឈុតរលោងរឹបរាងពណ៌ផ្កាឈូកស្រាល និងរំលេចខ្សែរ៉ូបតូចលើស្មាដ៏ទាក់ទាញនិងសិចស៊ី។

ជំនួសឲ្យការទំលាក់សក់បាំងស្មា តារាស្រីរូបនេះបានចងសក់លើកទៅក្រោយអស់ៗ ដើម្បីជួយបង្ហាញយ៉ាងពេញលេញនូវភាពស្រស់ស្អាត ក៏ដូចជាឈុតគ្រឿងអលង្ការដែលនាងពាក់លម្អខ្លួនផងដែរ។ លើសពីនេះ ការតុបតែងមុខបែបធម្មជាតិ ជាមួយនឹងបបូរមាត់រលោង ក៏រួមចំណែកក្នុងការលើកកំពស់រូបរាងស្រស់ស្រាយ និងសម្រស់ស្អាតបំផុតប្រចាំហ្វីលីពីន។

ទោះយ៉ាងនេះក្ដី បើក្រឡេកមើលរូបភាពរបស់តារាចម្រៀងស្រីក្នុងជីវិតពិត មហាជនជាច្រើនស្ទើរតែមិនជឿថានាងមានអាយុជិត ៤០ឆ្នាំទៅហើយ។ ពេលមានវត្តមានក្នុងពិធីនោះ Marian តែងតែញញឹមបង្ហាញថាមពលវិជ្ជមាន និងឆ្លើយសំណួរយ៉ាងសាទរជាមួយមនុស្សគ្រប់គ្នា។

អ្នកលេងអ៊ីនធឺណិតជាច្រើនបានសម្តែងការភ្ញាក់ផ្អើលចំពោះសម្រស់ពិតរបស់តួម៉ារីម៉ាតាមរយៈកញ្ចក់កាមេរ៉ាធម្មតា។ មតិជាច្រើនបាននិយាយថា នាងតែងតែស្វែងរកភាពស្រស់ស្អាតពីធម្មជាតិ និងភាពសាមញ្ញក្នុងការរស់នៅប្រចាំថ្ងៃ ដូច្នេះហើយទើបនាងចូលចិត្តបង្ហាញរូបរាងសាមញ្ញ។ ជាមួយគ្នានេះ នាងក៏បានចូលរួមពិធីបុណ្យកីឡារបស់កុមារក្នុងនាមជាឪពុកម្តាយ សម្រស់របស់នាងនៅតែលេចធ្លោខ្លាំង ទោះមិនតុបតែងខ្លួនឆើតឆាយ។

សូមបញ្ចាក់បន្ថែមទៀតថា Marian Rivera ឬម៉ារីម៉ា កើតនៅឆ្នាំ ១៩៨៤ នាងត្រូវបានគេស្គាល់ថាជាតារាម៉ូដែល និងជាតារាសម្តែងកំពូលនៅក្នុងឧស្សាហកម្មកម្សាន្តហ្វីលីពីន​។ បន្ទាប់ពីប្រឡូកក្នុងវិថីសិល្បៈជិតពីរទសវត្សរ៍មក មិនត្រឹមតែធ្វើឲ្យមានអនុស្សាវរីយ៍ជាមួយនឹងសម្រស់ចម្រុះរបស់នាងប៉ុណ្ណោះទេ តារាស្រីក៏បានបន្សល់ទុកនូវភាពទាក់ទាញក្នុងដួងចិត្តទស្សនិកជន តាមរយៈស្នាដៃល្បីៗជាច្រើនដែលធ្លាប់ចាក់បញ្ចាំងក្នុងប្រទេសកម្ពុជាកាលកន្លងមក។

ក្រៅពីឈុតឆាកស្នេហាផ្អែមល្ហែមតាមរយៈកញ្ចក់ទូរទស្សន៍ ម៉ារីម៉ាក៏ធ្វើឲ្យអ្នកគាំទ្រជាច្រើនជាពិសេសស្រីៗមានភាពច្រណែននឹងនាង ក្រោយតារាស្រីរូបនេះប្រកាសរៀបការជាមួយតារាប្រុសសង្ហា Dingdong Dantes និង​រួមរស់​ជាមួយ​គ្នា​បាន​៩​ឆ្នាំ ព្រមទាំងកូនប្រុសមួយស្រីមួយមកដល់សព្វថ្ងៃ៕

ប្រែសម្រួល៖ សាង ស្រីល័ក្ខ

ប្រភព៖saostar

ចុចអាន៖Taylor Swift ត្រូវគេវែកញែករឿងសម្រស់ធ្លាក់ចុះខ្លាំង ក្រោយបង្ហាញខ្លួនក្នុងព្រឹត្តិការណ៍ Beyonce

The post ​ទស្សនិកជននៅតែចាត់ទុកតួ ម៉ារីម៉ា ជាស្រីស្អាត​បំផុត​នៅ​ហ្វីលីពីន ទោះមានវ័យកៀក ៤០ ឆ្នាំក្ដី appeared first on Kampuchea Thmey Daily.

តាមរយៈការបង្ហោះរបស់ ម៉ារីម៉ា នៅលើផេកផ្ទាល់ខ្លួន គ្រួសាររបស់នាងពិតជាមានភាពផ្អែមល្ហែមនឹងគ្នាខ្លាំង មិនថាឪពុកម្ដាយចំពោះកូនៗ ឬស្វាមីចំពោះភរិយាឡើយ ពោលគឺ Dingdong Dantes បានបង្ហាញការ​យក​ចិត្ត​ទុក​ដាក់​លើភរិយា និងកូនទាំងពីរខ្លាំងណាស់។

តាមពិតទៅ រូបភាពបែបនេះ ​ទស្សនិកមិនមែនទើបតែឃើញលើកទីមួយនោះទេ ព្រោះកន្លងមកស្វាមី ម៉ារីម៉ា ក៏តែងតែបង្ហាញភាពផ្អែមល្ហែម និងការយកចិត្តទុកចំពោះគ្រួសារផងដែរ ទាំងនៅលើបណ្ដាញសង្គម និងនៅក្រៅឆាក ហើយអ្នកស្គាល់ពួកគេស្និទ្ធ សុទ្ធតែដឹងរឿងនេះច្បាស់។

ថ្វីត្បិតតែមានការងារមមាញឹកយ៉ាងណាក្តី Dingdong Dantes ក៏មិនភ្លេចជួយបង្រៀន និងមើលថែកូនទាំងពីរជាមួយភរិយាដែរ ពួកគេតែងតែចំណាយ​ពេល​ទំនេរ​តាមដាន​ការ​លូត​លាស់​របស់​កូនៗជានិច្ច។ បន្ថែមពីលើនោះ តារាសម្ដែងវ័យ ៤២ឆ្នាំរូបនេះ តែងទុកអទិភាពភរិយាជាទីមួយ ដោយលោកធ្លាប់ចែករំលែកថា លោកព្រមធ្វើគ្រប់យ៉ាងដើម្បីថែទាំប្រពន្ធ និងអាចសូម្បី​លះបង់​អាជីព​សិល្បៈសម្រាប់​គ្រួសារ​តូចរបស់លោក​។

ដោយសារទង្វើដ៏កក់ក្ដៅទាំងនេះហើយ ទើប Dingdong Dantes ទទួលបានពាក្យសរសើរពីទស្សនិកជនគ្រប់មជ្ឈដ្ឋាន ​ជាពិសេស​ភាព​ជា​ឪពុក​របស់លោក ​ពិតជាសក្តិសមឱ្យមហាជនយកត្រាប់តាម៕

ប្រែសម្រួល៖ សន្យា

ចុចអាន៖ តួនាង ម៉ារីម៉ា ប្រកាសក្ដែងៗនឹងធ្វើរឿងនេះ ទោះបីលំបាកចំពោះស្ត្រី

ចុចអាន៖ ស្វាមី ម៉ារីម៉ា មានប្រវត្តិមិនធម្មតា មុនក្លាយជាតារាល្បីលំដាប់ប្រទេស

The post ទស្សនិកជនសរសើរស្វាមី ម៉ារីម៉ា ពូកែថ្នាក់ថ្នមប្រពន្ធ និងមើលថែកូនៗ សក្តិសមជាមេគ្រួសារ appeared first on Kampuchea Thmey Daily.

កាលពីពេលថ្មីៗនេះ Marian Rivera បានប្រារព្ធពិធីខួបកំណើតឈានចូលវ័យ ៣៨ឆ្នាំ ជាផ្លូវការ ដោយបានបញ្ចេញរូបថតស្អាតៗជាច្រើនសន្លឹក បង្អួតរាងស្លីម​សិចស៊ី និងសម្រស់ដ៏ក្មេងជាងវ័យ ធ្វើឱ្យអ្នកគាំទ្រលាន់មាត់សរសើរ និងពោលច្រណែននាងសឹងគ្រប់គ្នា។

គេអាច​មើល​ឃើញ​ថា ​ថ្ងៃ​ខួប​កំណើត​ឆ្នាំនេះ រាជិនីសម្រស់​ហ្វីលីពីន​បាន​ស្លៀក​សម្លៀក​បំពាក់​ពណ៌​ខ្មៅ បញ្ចេញសាច់ខ្នងយ៉ាងសិចស៊ី ពិតជាបង្កើតភាពទាក់ទាញមិនស្ទើរ បើទោះបីជានាងជាស្ត្រីមានស្វាមី និងកូន ២ហើយក្ដី។

ជាមួយគ្នានេះ មហាជនបានចូលទៅខមមិនជូនពរតារាស្រីរូបនេះជាច្រើនអន្លើ នៅក្នុងថ្ងៃកំណើតរបស់នាង ​ជាពិសេសពួកគេជូនពរឱ្យនាង និងគ្រួសារជួបនូវសុភមង្គលឱ្យបានយូរផងដែរ។

សូមទស្សនារូបភាពខាងក្រោម!

រូបភាពផ្សេងទៀត!

ប្រែសម្រួល៖ សន្យា

ចុចអាន៖ មួយឈុតរបស់ ម៉ារីម៉ា ក្នុងកម្មវិធី GMA មានតម្លៃរាប់ម៉ឺនដុល្លារ

ចុចអាន៖ Marian ត្រូវផលិតករស្នើថតរឿងថ្មីជាមួយតារាកូរ៉េ តែនាងបដិសេធ ព្រោះមូលហេតុនេះ

The post អតីតតួ ម៉ារីម៉ា បង្អួតរាងសិចស៊ីម៉ាកប់ អបអរខួបកំណើត ៣៨ឆ្នាំ appeared first on Kampuchea Thmey Daily.

ខាងក្រោមនេះ យើងខ្ញុំនឹងទម្លាយតម្លៃសម្លៀកបំពាក់ និងគ្រឿងអលង្ការ របស់តារាហ្វីលីពីនដែលបានចូលរួមកម្មវីធី “GMA Gala Night”។

១ ប្រភេទរ៉ូប Tulle Silk Gown មកពីម៉ាកយីហោ Ralph and Russo មានតម្លៃ ២១,៩៤៣ ដុល្លារ នេះ បើយោងតាមគេហទំព័ editorialist.com បានបញ្ចាក់។

២ ខ្សែក Rose Dior Bagatelle Necklace មានតម្លៃ ២៥,៥០០ដុល្លារ និងក្រវិល Rose Dior Bagatelle Earrings មានតម្លៃ ២២,៣០០ ដុល្លារ នេះបើយោងតាមគេហទំព័រផ្លូវការ Dior បានបញ្ចាក់។

៣ កងដៃពេជ្រមកពីម៉ាកយីហោ Chaumet Pris មានតម្លៃ ២២,២៩០ អ៊ីរ៉ូ ឫប្រហែលជាង ២២,៨៦៦ ដុល្លារ ។

យ៉ាងណាមិញ​ ​មួយ​ឈុត​នេះ​ធ្វើឲ្យ​សម្រស់​អ្នកនាង Marian Rivera មាន​ភាព​លេចធ្លោ​ខ្លាំង​ ជាង​តារា​កិត្តិយស​ផ្សេងៗ ជា​ពិសេស​ជាមួយ​ឈុត​ពណ៌ខ្មៅ ដែល​លំអ​ជាមួយ​គ្រឿងអលង្ការ​ដាំ​ដោយ​ពេជ្រ ៕

ប្រែសម្រួល៖ នាងតូច

ចុចអាន៖តារាហូលីវូដ ៧ ដួង សុទ្ធសឹងមានឈាមជ័រ ជាជនជាតិខ្មែរ

ចុចអាន៖Kimberly បង្ហោះរូបលើកទឹកចិត្ត Anne ក្រោយត្រូវមនុស្សជិតស្និទ្ធ លួចលុយ ៥៥ ម៉ឺនដុល្លារ

The post មួយឈុតរបស់ ម៉ារីម៉ា ក្នុងកម្មវិធី GMA មានតម្លៃរាប់ម៉ឺនដុល្លារ appeared first on Kampuchea Thmey Daily.

ខ្សែភាពយន្ត “Sad Tropics” ជាខ្សែភាពយន្តដែលអ្នកដឹកនាំរឿង​គម្រោងចង់ឱ្យអតីតតួ ម៉ារីម៉ា អ្នកនាង Marian Rivera-Dantes និង​លោក Kim Seon Ho សម្ដែងរួមគ្នា​ តែក៏ត្រូវ​តួស្រីបដិសេធ។ ​

តាមរយៈបទសម្ភាសន៍ជាមួយអ្នកសារព័ត៌មាន Marian បានទម្លាយថា នាងត្រូវបានគេស្នើសុំឱ្យចូលរួមសម្ដែងក្នុងរឿងថ្មីមួយ របស់ប្រទេសកូរ៉េខាងត្បូង​។ ឆ្លើយតបទៅនឹងសំណើរនេះ នាងបានបដិសេធ មូលហេតុដោយសារជាប់រវល់មើលថែកូនៗ និងគ្រួសារ។ តារាស្រីវ័យ ៣៧ឆ្នាំរូបនេះ និយាយថា នាងមិនអាចទៅស្នាក់នៅប្រទេសកូរ៉េរហូតដល់ទៅ ៣ខែ ហើយទុកកូនៗចោលនោះទេ។

គួររំលឹកថា កាលពីឆ្នាំមុន ព័ត៌មានចចាមរ៉ាមមួយនិយាយថា​ Marian នឹងចូលរួមសម្ដែងជាមួយតារាប្រុស​ Kim Seon Ho ក្នុងរឿងកូរ៉េដែលមានចំណងជើងថា​ “Sad Tropics” ខណៈពេលនេះព័ត៌មានផ្លូវការបានឱ្យដឹងថា Marian ពុំមានវត្តមានក្នុងភាពយន្តថ្មីនេះឡើយ៕

ប្រែសម្រួល៖ សន្យា

ប្រភព៖ The Inquirer

ចុចអាន៖ នាង ម៉ារីម៉ា ប្រកាសក្ដែងៗនឹងធ្វើរឿងនេះ ទោះបីលំបាកចំពោះស្ត្រី

ចុចអាន៖ ក្រោយស្ងប់ស្ងាត់រឿងអាស្រូវ Seo Ye Ji ត្រឡប់មកវិញ កាន់តែកាចជាងមុន

The post Marian ត្រូវផលិតករស្នើថតរឿងថ្មីជាមួយតារាកូរ៉េ តែនាងបដិសេធ ព្រោះមូលហេតុនេះ appeared first on Kampuchea Thmey Daily.

ថ្មីៗនេះដែរ មានពាក្យចចាមអារ៉ាមជាច្រើននិយាយពីការមានផ្ទៃពោះកូនទី៣របស់ Marian Rivera ស្រាប់តែសាមីខ្លួនចេញមុខមកប្រកាសក្ដែងៗថា នាងនឹងយកកូនបន្ថែម ប្រសិនបើនាងមានឱកាស។

Marian Rivera បានចែករំលែកជាមួយប្រព័ន្ធផ្សព្វផ្សាយអំពីផែនការរបស់នាង ក្នុងវ័យ ៣៨ឆ្នាំនេះថា នាងនិងស្វាមីបានត្រៀមខ្លួនជាស្រេចដើម្បីទទួលយកសមាជិកបន្ថែមម្នាក់ទៀត សម្រាប់គ្រួសារតូចរបស់ពួកនាង។ ថ្វីត្បិតការសម្រាលកូនច្រើនមិនមែនជារឿងងាយស្រួលចំពោះស្ត្រីគ្រប់រូប ប៉ុន្តែ Marian ប្រាប់ថា ខ្លួនចង់មានកូនច្រើន ហើយនាងកំពុងរង់ចាំឱកាសនេះយ៉ាងអន្ទះសារ។

គួររំលឹកថា Marian Rivera និងតារាសម្តែង Dingdong Dantes បានរួមរស់ជាមួយគ្នាអស់រយៈពេល ៨ឆ្នាំមកហើយ។ គូស្នេហ៍មួយគូនេះ បានរៀបចំពិធីមង្គលការ កាលពីឆ្នាំ ២០១៤ ហើយបច្ចុប្ប​ន្នពួកគេមានកូនប្រុសម្នាក់ និងកូនស្រីម្នាក់៕

ប្រែសម្រួល៖ សន្យា

ចុចអាន៖ ស្វាមី ម៉ារីម៉ា មានប្រវត្តិមិនធម្មតា មុនក្លាយជាតារាល្បីលំដាប់ប្រទេស

ចុចអាន៖ មកដឹងតួឯកស្រី ហ្វីលីពីន សម្ដែងក្នុងរឿង “វីរនារីដាណា” សុទ្ធតែល្បីៗ ជាពិសេសនាង ម៉ារីម៉ា

The post តួនាង ម៉ារីម៉ា ប្រកាសក្ដែងៗនឹងធ្វើរឿងនេះ ទោះបីលំបាកចំពោះស្ត្រី appeared first on Kampuchea Thmey Daily.

ការប្រឡងប្រជែងរាជិនីកំពូលសម្រស់ បវរកញ្ញាចក្រវាលលើកទី ៧០ នឹងប្រារព្ធវគ្គផ្តាច់ព្រ័ត្ររបស់ខ្លួន នៅអ៊ីស្រាអែល នៅថ្ងៃទី ១២ ខែធ្នូ ខាងមុខ ខណៈ ម៉ារីម៉ា គឺជាគណៈកម្មការវិនិច្ឆ័យមួយរូបផងដែរ។ តារាស្រីរូបនេះ មានឱកាសឡើងលើឆាកអន្តរជាតិ ព្រោះតែនាងជាទូតសុឆន្ទៈនៃអង្គការមិនរកប្រាក់ចំណេញ Smile Train និងជាតារាដែលជាប់ឈ្មោះជាស្ត្រីមានមុខមាត់ស្រស់ស្អាតបំផុតប្រចាំប្រទេសហ្វីលីពីន។

គួរបញ្ជាក់ថា នេះមិនមែនជាលើកទី១ទេ ដែលតារាហ្វីលីពីន ក្លាយជាចៅក្រមក្នុងកម្មវិធីប្រកួតលំដាប់អន្តរជាតិមួយនេះ ខណៈបវរកញ្ញាចក្រវាលឆ្នាំ ២០១៥ នាង Pia Wurtzbach ធ្លាប់បានជ្រើសរើសជាចៅក្រម កាលពីឆ្នាំ ២០១៧ ហើយតារាស្រី Lea Salonga ក៏ធ្លាប់ក្រុមចៅក្រមក្នុងកម្មវិធីបវរកញ្ញាចក្រវាល ២០១១ ផងដែរ៕

ប្រែសម្រួល៖ សន្យា

ចុចអាន៖ Mai Davika ស្លៀក​រ៉ូប​បញ្ចេញ​ក្បាល​ពោះ​សិច​ស៊ី ​រហូតដល់ហ្វេនលាន់មាត់ថាបែបនេះ

ចុចអាន៖ “Squid Game” របស់ MrBeast ធ្វើឲ្យអ្នកគាំទ្រ និងអ្នករិះគន់ ជជែកគ្នាបែកផ្សែង

The post ម៉ារីម៉ា ​ក្លាយជាគណៈកម្មការ ក្នុងកម្មវិធីប្រកួតបវរកញ្ញាចក្រវាល ឆ្នាំ២០២១ appeared first on Kampuchea Thmey Daily.