Marian ត្រូវផលិតករស្នើថតរឿងថ្មីជាមួយតារាកូរ៉េ តែនាងបដិសេធ ព្រោះមូលហេតុនេះ

កំពូលតារាស្រីហ្វីលីពីន Marian Rivera ត្រូវបានផលិតករទាក់ទងឱ្យថតខ្សែភាពយន្តបែប​កូរ៉េ​-ហ្វីលីពីន ថ្មីមួយ ជាមួយតារាប្រុសកូរ៉េ Kim Seon Ho ​ប៉ុន្តែនាងច្រាលចោលសំណើរភ្លាមៗ ដោយសារជាប់មើលថែកូនៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែភាពយន្ត “Sad Tropics” ជាខ្សែភាពយន្តដែលអ្នកដឹកនាំរឿង​គម្រោងចង់ឱ្យអតីតតួ ម៉ារីម៉ា អ្នកនាង Marian Rivera-Dantes និង​លោក Kim Seon Ho សម្ដែងរួមគ្នា​ តែក៏ត្រូវ​តួស្រីបដិសេធ។ ​

តាមរយៈបទសម្ភាសន៍ជាមួយអ្នកសារព័ត៌មាន Marian បានទម្លាយថា នាងត្រូវបានគេស្នើសុំឱ្យចូលរួមសម្ដែងក្នុងរឿងថ្មីមួយ របស់ប្រទេសកូរ៉េខាងត្បូង​។ ឆ្លើយតបទៅនឹងសំណើរនេះ នាងបានបដិសេធ មូលហេតុដោយសារជាប់រវល់មើលថែកូនៗ និងគ្រួសារ។ តារាស្រីវ័យ ៣៧ឆ្នាំរូបនេះ និយាយថា នាងមិនអាចទៅស្នាក់នៅប្រទេសកូរ៉េរហូតដល់ទៅ ៣ខែ ហើយទុកកូនៗចោលនោះទេ។

គួររំលឹកថា កាលពីឆ្នាំមុន ព័ត៌មានចចាមរ៉ាមមួយនិយាយថា​ Marian នឹងចូលរួមសម្ដែងជាមួយតារាប្រុស​ Kim Seon Ho ក្នុងរឿងកូរ៉េដែលមានចំណងជើងថា​ “Sad Tropics” ខណៈពេលនេះព័ត៌មានផ្លូវការបានឱ្យដឹងថា Marian ពុំមានវត្តមានក្នុងភាពយន្តថ្មីនេះឡើយ៕

ប្រែសម្រួល៖ សន្យា

ប្រភព៖ The Inquirer

ចុចអាន៖ នាង ម៉ារីម៉ា ប្រកាសក្ដែងៗនឹងធ្វើរឿងនេះ ទោះបីលំបាកចំពោះស្ត្រី

ចុចអាន៖ ក្រោយស្ងប់ស្ងាត់រឿងអាស្រូវ Seo Ye Ji ត្រឡប់មកវិញ កាន់តែកាចជាងមុន