Connect with us

ជីវិតកម្សាន្ដ

ស្វាមី ម៉ារីម៉ា មានប្រវត្តិមិនធម្មតា មុនក្លាយជាតារាល្បីលំដាប់ប្រទេស

បានផុស

នៅ

Jose Sixto Raphael Gonzalez Dantes កើតថ្ងៃទី ០២ ខែសីហា ឆ្នាំ ១៩៨០ និងមានឈ្មោះក្នុងវិស័យសិល្បៈ Dingdong Dantes ហើយប្រជាជាជន​កម្ពុជា​ស្គាល់​ច្បាស់​ថា លោកគឺជាតួឯកប្រុសឈ្មោះ Sergio នៅក្នុងរឿង ម៉ារីម៉ា។ Dantes គឺ​ជា​តារា​សម្ដែងហ្វីលីពីន​ ​អ្នក​ធ្វើ​បទបង្ហាញ​ក្នុងទូរទស្សន៍ អ្នករាំ ម៉ូដែលពាណិជ្ជកម្ម និងផលិតករភាពយន្ត ដែល​បច្ចុប្បន្ន​កំពុង​ធ្វើការ​ផ្ដាច់មុខ​នៃ​បណ្តាញ GMA ។ លោក​ក៏​ជា​ប្រធាន​ស្ថាបនិក​នៃ YesPinoy Foundation និង​គ្រប់គ្រង​ស្ទូឌីយោ​ភាពយន្ត​ផ្ទាល់ខ្លួន​ ដែល​មាន​ឈ្មោះ​ថា AgostoDos Pictures ផង​ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជីវិត និង​អាជីព

Dantes កើតនៅទីក្រុង Quezon ប្រទេស​ហ្វីលីពីន។ លោក​បាន​ចាប់ផ្ដើម​អាជីព​ជា​តារាម៉ូដែល​ តាំង​​ពី​កុមារ​​ នៅ​អាយុ ២ ឆ្នាំ ដោយបានបង្ហាញខ្លួន​នៅក្នុងការ​ផ្សាយ​ពាណិជ្ជកម្ម​តាម​ទូរទស្សន៍​ លើផលិតផល​ទឹកដោះគោ Carnation ។ ការ​ផ្សាយពាណិជ្ជកម្ម​ជាច្រើន​ផ្សេង​ទៀត ​បាន​កើតឡើង មុន​ពេល​ដែល​លោក​បាន​ចូលរួម​ជាមួយ​ក្រុម​រាំ​ប្រុស ​ដែល​មាន​ឈ្មោះថា Abztract Dancers ជាមួយ​មិត្ត​របស់​លោក គឺ​តារា​សម្ដែង Nathan Dados និង​បងប្អូន​ជីដូន​មួយ​លោក​គឺ​តារា​សម្ដែង Arthur Solinap ។

យ៉ាងណាមិញ ក្នុង​នាម​ជា​តារា​សម្ដែង ការ​បង្ហាញ​ខ្លួន​ក្នុង​ភាពយន្ត​ដំបូង​របស់លោក ​គឺ​ក្នុង​រឿង Shake, Rattle និង Roll V រឿង “Anino”។ បន្ទាប់ពីបីឆ្នាំ លោកបានបង្ហាញខ្លួនជាលើកដំបូង​ នៅលើបណ្តាញ​យុវជន​របស់ GMA Network T.G.I.S. នៅពេលលោក​មានអាយុ ១៧ ឆ្នាំ ក្រោមឈ្មោះ Raphael Dantes ដោយដើរតួ​ជា Iñaki ហើយពេលនោះលោកក៏មានទំនាក់ទំនងស្នេហាជាមួយតារាសម្ដែង Antoinette Taus និងក្លាយជាគូដំបូង នៅ​ក្នុង​ឧស្សាហកម្ម​កម្សាន្ត​ហ្វីលីពីន ជាពិសេសនៅក្នុងទសវត្សរ៍ទី ៩០ ។

លោក​ក៏​បានបង្ហាញ​ខ្លួននៅក្នុងខ្សែភាពយន្តជាច្រើនដូចជា Honey My Love So Sweet, Kiss Mo Ko និង I’m Sorry My Love និង​កម្មវិធី​ទូរទស្សន៍​រួមទាំង Anna Karenina និងបានធ្វើជា​ភ្ញៀវកិត្តិយស​មួយ​ចំនួន​នៅ​លើកម្មវិធី ABS-CBN ដូចជា F.L.A.M.E.S. វគ្គដែល​ជា​រឿង​បែប​មនោសញ្ចេតនា​បែប​យុវវ័យ ដែល​មាន​ក្រុម​ស្នេហា​ផ្សេងគ្នា និង​រឿង​ដែល​ចាក់ផ្សាយ​ពីឆ្នាំ ១៩៩៦ ដល់ឆ្នាំ ២០០០។

ក្នុងឆ្នាំ ២០០៧ លោក​បានបង្ហាញខ្លួនជា​តួឯកឈ្មោះ Sergio ជាមួយ​ប្រពន្ធ​លោកគឺ Marian ដោយ​សម្ដែង​តួអង្គ​នាង ម៉ារីម៉ា ។ ក្នុងឆ្នាំ​ដដែល​នោះ លោក​ត្រូវបានគេ​ដាក់ឈ្មោះថា ជាតារាលេខ ១ ដោយ​ទស្សនាវដ្ដី Cosmopolitan (ហ្វីលីពីន)។ លោក​បាន​ឈ្នះ​ពានរង្វាន់ USTV Students Choice Award ជាតារា​សម្ដែង​ដែល​មានប្រជាប្រិយបំផុតនៅក្នុងរឿងភាគធំៗ។

ជីវិត​ឯកជន

Dantes បានជួបជាមួយ Marian Rivera ក្នុងកម្មវិធីរាំ នៅថ្ងៃទី ០៩ ខែសីហា ឆ្នាំ ២០១៤។ បន្ទាប់មក​នៅឆ្នាំ ២០១៧ អ្នកទាំងពីរបានសម្ដែងភាពយន្តជាមួយគ្នា គឺរឿង “Marimar”។ ក្រោយមក​នៅថ្ងៃទី ៣០ ខែធ្នូ ឆ្នាំ ២០១៤ ​ Dantes បាន​រៀបការ​ជាមួយ Rivera នៅ​ក្នុងព្រះវិហារ Immaculate Conception Cathedral។ ទាំង Dantes និង Marian គឺជា​សិល្បករ​ផ្ដាច់មុខនៃ​បណ្ដាញ GMA ។ បន្ទាប់ពីការខិតខំប្រឹងប្រែងជាច្រើនឆ្នាំ និងបង្ហាញ​ឲ្យ​ឃើញនូវភាពជោគជ័យ​ នៃ​គម្រោង​ទូរទស្សន៍​របស់​ពួកគេ ទាំងបុគ្គល ឬរួមគ្នា GMA បានផ្តល់ឲ្យ​​ពួកគេនូវកិត្តិយសនៃងារ​ជា​ស្តេច និង​មហាក្សត្រី​នៃ​បណ្តាញរបស់ពួកគេ។ ដូច្នេះ ពិធី​មង្គលការ​របស់​ពួកគេ​ ត្រូវ​បាន​គេ​ដាក់​ឈ្មោះថា “The Royal Wedding”។ បច្ចុប្បន្ន​នេះ ​អ្នក​ទាំងពីរ​មានកូន ២ នាក់ហើយ៕

ប្រែសម្រួល៖ សាង ស្រីល័ក្ខ

ចុចអាន៖មកដឹងតួឯកស្រី ហ្វីលីពីន សម្ដែងក្នុងរឿង “វីរនារីដាណា” សុទ្ធតែល្បីៗ ជាពិសេសនាង ម៉ារីម៉ា

ចុចអាន៖តារាហ្វីលីពីនទាំង ១០ រូបនេះ ជាប់ងារជាស្រីស្អាត និងសិចស៊ីបំផុតប្រចាំប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

លោកទេសរដ្ឋមន្ត្រី​ លី ធុជ ប្ដេជ្ញាអនុវត្ត​ប្រែក្លាយឆ្នាំ២០២៥ទៅជាឆ្នាំគ្មានមនុស្សស្លាប់ និងរបួស ដោយសារមីន

វប្បធម៌ ជំនឿ៤ ម៉ោង មុន

យល់សប្ដិឃើញ “យមទូត” ជាប្រផ្នូលនៃសេចក្ដីស្លាប់ឬ?

ព័ត៌មានជាតិ៥ ម៉ោង មុន

ព្រឹកស្អែក សម្តេច​តេ​ជោ ហ៊ុន សែន នឹង​អញ្ជើញ​ជា​អធិបតី​ក្នុង​ពិធី​បើក​វេទិកា​អភិបាលក្រុង​អាស៊ាន​

ជីវិតកម្សាន្ដ៥ ម៉ោង មុន

ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម

ព័ត៌មានជាតិ៥ ម៉ោង មុន

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អនុញ្ញាត​ឱ្យ​សេនានុព័ន្ធ​អង់គ្លេស​ចូល​ជួប​ណែនាំ​ខ្លួន និង​ពិភាក្សា​ការងារ

Sokha Hotels

ព័ត៌មានពេញនិយម