​

ប្រទេសធំៗចំនួន៧ រួមមានអារ៉ាប៊ីសាអ៊ូឌីត រុស្ស៊ី អ៊ីរ៉ាក់ គុយវ៉ែត កាហ្សាក់ស្ថាន អាល់ហ្សេរីយ៉ា និងអូម៉ង់ បាននិយាយក្នុងសេចក្ដីថ្លែងការណ៍ថា ការសម្រេចចិត្តបង្កើនកូតា បង្ហាញពីការប្ដេជ្ញាចិត្តរបស់ពួកគេដើម្បីធ្វើឱ្យទីផ្សារប្រេងមានស្ថេរភាព។ ប្លុកដដែលនឹងជួបគ្នាលើកក្រោយនៅដើមខែកក្កដា ដើម្បីពិភាគ្សាអំពីកម្រិតផលិតកម្មនៅខែសីហា។ ​

តាមការចុះផ្សាយរបស់បណ្ដាញព័ត៌មាន​ ​​CNBC តួលេខប្រចាំខែកក្កដា គឺមានទំហំដូចគ្នានឹងការដំឡើងកូតា​នៅខែមិថុនា ដែល​ត្រូវបាន​បន្ទាបពី​ ២០៦ ០០០ បារ៉ែល/ថ្ងៃ នៅក្នុងខែមេសា និងឧសភា ដើម្បីកែ​សម្រួលតាមការចាកចេញពីប្លុក OPEC របស់អារ៉ាប់រួម។​

ទោះបីជាយ៉ាងណាក៏ដោយ អ្នកជំនាញមើលឃើញថា ការសម្រេចដំឡើងកូតាផលិតកម្មរបស់ OPEC+ មិនជះឥទ្ធិពលអ្វីធំដុំដល់ទីផ្សារប្រេងសកល ដែលកំពុងជួបវិបត្តិ​នោះទេ ពីព្រោះប្រទេសផលិតប្រេងធំៗនៅតំបន់ឈូងសមុទ្រពែរ្សមិនអាចបង្កើនផលិតកម្មតាមកូតា ដោយសារតែការបិទច្រកហ័រមូហ្សដែល​ប៉ះពាល់ដល់ការនាំចេញរបស់ពួកគេ។

ទិន្នន័យរបស់ OPEC បាន​បង្ហាញថា ​ផលិតប្រេងរបស់ប្លុកបានធ្លាក់ចុះពី ៤២,៧៧ លានបារ៉ែល/ថ្ងៃ នៅ​ខែកុម្ភៈ មកត្រឹម ៣៣,១៩ លានបារ៉ែល/ថ្ងៃ ក្នុងខែមេសា ដោយសារតែជម្លោះអ៊ីស្រាអែល សហរដ្ឋអាមេរិក និងអ៊ីរ៉ង់៕

The post OPEC+ សម្រេចបង្កើនកូតាផលិតកម្មប្រេងនៅខែកក្កដា ចំពេលវិបត្តិថាមពលសកលបន្ត appeared first on Kampuchea Thmey Daily.

ជម្លោះបាន​បង្កការបិទខ្ទប់ច្រកសមុទ្រហ័រមូហ្ស ដែលជាផ្លូវប្រេងដ៏សំខាន់បំផុតមួយរបស់ពិភព​លោក​ រាប់តាំងពីចុងខែកុម្ភៈមក ហើយកាត់បន្ថយការនាំចេញប្រេងរបស់សមាជិក OPEC នៅមជ្ឈិមបូព៌ា រួមមាន​អារ៉ាប៊ីសាអូឌីត អារ៉ាប់រួម ​គុយវ៉ែត និងអ៊ីរ៉ាក់។

ក្នុងសេចក្តីថ្លែងការណ៍កាលពីថ្ងៃអាទិត្យ សមាជិក OPEC+ ចំនួន ៨ រួមមានអារ៉ាប៊ីសាអូឌីត រុស្ស៊ី អ៊ីរ៉ាក់ អារ៉ាប់រួម គុយវ៉ែត កាហ្សាក់ស្ថាន អាល់ហ្សេរី និងអូម៉ង់ បានយល់ព្រមបង្កើនកូតាផលិតកម្មខែឧសភា ក្នុងអំឡុងពេលកិច្ចប្រជុំតាម​អនឡាញ។ ​

សេចក្តីថ្លែងការណ៍​​បាន​សរសេរ​ថា៖ «ប្រទេស​ទាំង ៨ ​នឹង​បន្ត​តាមដាន​យ៉ាង​ដិតដល់ និង​វាយតម្លៃ​ស្ថានភាព​ទីផ្សារ ​​ក្នុង​កិច្ចខិតខំប្រឹងប្រែង​ជាបន្តបន្ទាប់​​​ដើម្បី​គាំទ្រ​ស្ថិរភាព​ទីផ្សារ»។

​​សេចក្ដីថ្លែងការណ៍បាន​​បន្តថា៖ «ប្រទេស​ទាំង ៨ ក៏​បាន​សម្តែង​ការព្រួយបារម្ភ​ទាក់ទង​នឹង​ការវាយប្រហារ​លើ​ហេដ្ឋារចនាសម្ព័ន្ធ​ថាមពល ដោយ​កត់សម្គាល់ថា ការស្ដារ​ឡើងវិញ​នូវ​ទ្រព្យសម្បត្តិ​ថាមពល​ដែល​ខូចខាត​ឱ្យ​មាន​សមត្ថភាព​ពេញលេញ​គឺ​ចំណាយ​ច្រើន និង​ចំណាយពេល​យូរ ដោយហេតុនេះ​ប៉ះពាល់​ដល់​​ការផ្គត់ផ្គង់​ទាំងមូល»។

ខណៈ​ការបង្កើន​កូតា​តំណាងឱ្យ​តិចជាង​ ២% នៃ​ការផ្គត់ផ្គង់​ដែល​​រំខាន​ដោយសារ​ការបិទ​ច្រកសមុទ្រហ័រមូហ្ស ប្រភព​ពី OPEC+ បាន​ប្រាប់​ទីភ្នាក់ងារ​សារព័ត៌មាន Reuters ថា ការ​ព្រមព្រៀងគ្នានេះ​បាន​បង្ហាញ​ពី​ការត្រៀមខ្លួន​ក្នុង​ការបង្កើន​​ផលិតកម្ម​​នៅពេល​ច្រកហ័រមូហ្សបើកឡើងវិញ។

គួរគូសបញ្ជាក់ថា ការព្រមព្រៀងបង្កើនផលិតកម្មរបស់ OPEC+ ធ្វើឡើងខណៈការផ្គត់ផ្គង់ប្រេងចុះខ្សោយ ហើយតម្លៃឡើងកប់ពពក លើស ១១០ ដុល្លារ/បារ៉ែល គិតត្រឹមថ្ងៃអង្គារ (៧ មេសា)។ ​កាលពី​ថ្ងៃព្រហស្បតិ៍ ធនាគារ​ JPMorgan ​បាន​ព្យាករថា តម្លៃ​ប្រេង​អាច​កើនឡើង​លើសពី ១៥០ ដុល្លារ/បារ៉ែល ដែលជា​កម្រិតខ្ពស់​បំផុត​គ្រប់ពេល ប្រសិនបើ​លំ​ហូរ​ប្រេងកាត់តាម​​ច្រកសមុទ្រហ័រមូហ្សបន្តរាំងស្ទះរហូតដល់ពាក់កណ្ដាលខែឧសភា៕ ​

The post OPEC​+ ​គ្រោងបង្កើនផលិតកម្មខែក្រោយ ខណៈការផ្គត់ផ្គង់មជ្ឈិមបូព៌ារងការរំខាន appeared first on Kampuchea Thmey Daily.

តម្លៃប្រេងឆៅ ម៉ាក ​Brent បានកើនឡើង ៣៤ សេន ឬ ០,៥​ ភាគរយ ដោយជួញដូរនៅតម្លៃ ៦៥,៨៤ ដុល្លារ/បារ៉ែល គិតត្រឹមម៉ោង 0.5% ដល់ 65.84 ដុល្លារក្នុងមួយបារ៉ែល ត្រឹមម៉ោងជិត ៩ ព្រឹក នៅទីក្រុង​ហុងកុង​។ ចំណែកឯតម្លៃប្រេងអាមេរិក ម៉ាក ​West Texas Intermediate (WTI) វិញ បាន​កើនឡើង ៣០ សេន ឬ ០,៥ ភាគរយ ដល់ ៦២,១៧ ដុល្លារ/បារ៉ែល។ ​

តម្លៃប្រេងទាំង២ បាន​ធ្លាក់ចុះប្រមាណ ២ ភាគរយ ពេលបិទការជួញដូរ​កាលពីថ្ងៃសុក្រ ដោយសារតែកម្សោយ​ទិន្នន័យការងារនៅសហរដ្ឋអាមេរិក ដែល​បង្កក្ដីបារម្ភផ្នែកតម្រូវការ។ នោះធ្វើឱ្យការធ្លាក់ចុះប្រចាំសប្ដាហ៍សរុបប្រមាណ ៣ ភាគរយ​។ ​

កំណើនមកវិញបន្តិចបន្តួចនៅថ្ងៃចន្ទនេះ កើតឡើងក្រោយ​ OPEC+ ជួបប្រជុំគ្នាកាលពីថ្ងៃអាទិត្យ ហើយ​​បាន​ព្រមព្រៀងថានឹង​បង្កើនផលិតកម្មប្រេងបន្ថែមទៀតចាប់ពីខែតុលា ​ប៉ុន្តែក្នុងទំហំតិចជាង​ខែមុនៗ។ សមាជិកចំនួន ៨ នៃ OPEC+ នឹងបង្កើនផលិតកម្មចាប់ពីខែតុលា​ដល់ ១៣៧ ០០០ បារ៉ែល/ថ្ងៃ ដែលទាបជាង​កំណើនប្រហែល ៥៥៥ ០០០ បារ៉ែល/ថ្ងៃនៅខែកញ្ញា និងសីហា និង ៤១១ ០០០ បារ៉ែល/ថ្ងៃ សម្រាប់ខែកក្កដា និងមិថុនា។ ​

កំណើនដដែល ក៏ជំរុញផងដែរ​ដោយភាពកាន់តែតានតឹងជាថ្មីនៃសង្រ្គាម​ឈ្លានពានអ៊ុយក្រែនរបស់​រុស្ស៊ី​។​ មន្ត្រី​អ៊ុយក្រែនបាននិយាយកាលពីថ្ងៃអាទិត្យថា ប្រទេសរុស្ស៊ីបានបើកការវាយប្រហារតាមផ្លូវអាកាសដ៏​ធំបំផុតរបស់ខ្លួនក្នុងសង្គ្រាមលើអ៊ុយក្រែន​កាលពីយប់ថ្ងៃសៅរ៍ទូទាំងប្រទេសអ៊ុយក្រែន ដោយបាន​ដុត​បំផ្លាញអគាររដ្ឋាភិបាលដ៏សំខាន់នៅកណ្តាលទីក្រុងកៀវ និងសម្លាប់មនុស្សយ៉ាងហោចណាស់ ៤ នាក់ រួមទាំងកូនង៉ែតម្នាក់ក្នុងនោះផងដែរ៕ ​

The post តម្លៃប្រេងកើនឡើងបន្តិច ជុំវិញការសម្រេចចិត្ត​របស់ OPEC+ appeared first on Kampuchea Thmey Daily.

តម្លៃប្រេងអាមេរិក West Texas Intermediate (WTI) បានធ្លាក់ចុះ ៤.៦ ភាគរយ មកលក់ក្នុងតម្លៃត្រឹមតែ ៧៤.២១ ដុល្លារក្នុងមួយបារ៉ែល ។ សម្រាប់ប្រេងឆៅ​ម៉ាក Brent បានធ្លាក់ចុះ ៤.៣​ ភាគរយ​ ដោយដាក់លក់ក្នុងតម្លៃ​ ៧៨.៨៨ ដុល្លារក្នុងមួយបារ៉ែល ។

ក្រុមប្រទេសផលិតប្រេង OPEC+ នឹងពន្យារពេលកិច្ចប្រជុំគោលនយោបាយរបស់ខ្លួនក្នុងរយៈពេល ៤ ថ្ងៃរហូតដល់ថ្ងៃទី ៣០ ខែវិច្ឆិកាវិញ ខណៈចំពោះមូលហេតុវិញ OPEC+ មិនបានបញ្ជាក់នោះឡើយ ។

ទោះយ៉ាងណា បើយោងតាមការចុះផ្សាយរបស់សារព័ត៌មាន Reuters បានបញ្ជាក់ថា ការពន្យារពេលកិច្ចប្រជុំរបស់ OPEC+ គឺដោយសារតែការមិនចុះសម្រុងគ្នាជុំវិញកម្រិតផលិតកម្មបច្ចុប្បន្នរបស់សមាជិកមួយចំនួន ។

ដូចគ្នានេះដែរ សារព័ត៌មាន Bloomberg ក៏បានរាយការណ៍កាលពីថ្ងៃពុធអំពីភាពមិនសប្បាយចិត្តពីសំណាក់មន្រ្តីអារ៉ាប៊ីសាអូឌីតទាក់ទិននឹងកម្រិតទិន្នផលរបស់សមាជិក OPEC មួយចំនួនផងដែរ ៕

ប្រែសម្រួល៖ នាង រតនៈ

ប្រភព៖ Bangkok Post

The post តម្លៃប្រេងពិភពលោកបន្តធ្លាក់ចុះ បន្ទាប់ពី OPEC+ លើកពេលប្រជុំ​ appeared first on Kampuchea Thmey Daily.

រដ្ឋមន្ត្រីមកពីអង្គការនៃប្រទេសនាំចេញប្រេង និងសម្ព័ន្ធមិត្តដែលគេស្គាល់ថាជា OPEC+ រួមទាំងប្រទេសកំពូល​ផលិតប្រេងរបស់ពិភពលោកដូចជា អារ៉ាប៊ីសាអូឌីត និងរុស្ស៊ី គ្រោងនឹងបើកកិច្ចប្រជុំប្រចាំឆ្នាំនៅថ្ងៃសៅរ៍ និងថ្ងៃអាទិត្យសប្តាហ៍នេះ ។

អ្នកនាំពាក្យរបស់សារព័ត៌មាន Bloomberg បាននិយាយកាលពីថ្ងៃពុធថា OPEC មិនបានអញ្ជើញទីភ្នាក់ងារ Bloomberg ឲ្យគ្រប់ដណ្តប់ការផ្សាយអំពី​កិច្ចប្រជុំនៅថ្ងៃចុងសប្តាហ៍នេះឡើយ​ ខណៈអ្នកសារពត៌មាន​ ២ នាក់មកពីកាសែត The Wall Street Journal ដែលតែងតែរាយការណ៍ពីអង្គការ OPEC ក៏មិនបានទទួលការអញ្ជើញដូចគ្នា ។

ដោយឡែក សារពត៌មាន​ Reuters វិញ នៅមិនទាន់ទទួលបានការឆ្លើយ​តបពី OPEC វិញនៅឡើយទេ ពីមូលហេតុ​ដែលមិនបានទទួលលិខិត​អញ្ជើញចូល​រួមកិច្ចប្រជុំនេះ ខណៈសារពត៌មានធំៗផ្សេងដូចជា​ Financial Times, CNBC, Argus, Platts ​បញ្ជាក់ថា សុទ្ធតែទទួល​បានលិខិតអញ្ជើញចូលរួម ។

គួរបញ្ជាក់ថា អ្នកសារព័ត៌មានមកពីអង្គភាពណាដែលមិនទទួលបានការអញ្ជើញពីអង្គការ OPEC នោះ នឹងមិនមានសិទ្ធិចូលរួមក្នុងការិយាល័យកិច្ចប្រជុំរបស់រដ្ឋមន្ត្រី ឬចូលរួមសន្និសីទសារព័ត៌មាននៅចុងបញ្ចប់នៃព្រឹត្តិការណ៍នេះឡើយ ៕

ប្រែសម្រួល ៖ នាង រតនៈ

ប្រភព៖​ CNN

The post OPEC មិនអញ្ជើញ Reuter និង Bloomberg ឲ្យទៅយកព័ត៌មានក្នុងកិច្ចប្រជុំ​គោលនយោបាយប្រេងឡើយ appeared first on Kampuchea Thmey Daily.

ទន្ទឹមនឹងនេះ ក្នុងសញ្ញាវិជ្ជមានសម្រាប់តម្រូវការប្រេងឥន្ធនៈ, ទីក្រុងជាច្រើនរបស់ប្រទេសចិនបានបន្ធូរបន្ថយវិធានការរឹតត្បិតកូវីដ កាលពីចុងក្រោយកន្លងទៅ។

ប្រេងឆៅម៉ាក Brent បានកើនឡើង៣៩សេន ឬ ០,៥ភាគរយដល់ ៨៥.៩៦ដុល្លារក្នុងមួយបារ៉ែល ខណៈប្រេងឆៅម៉ាក WTI បានកើនឡើង៣៧សេន ឬ០,៥ភាគរយ ដល់៨០.៣៥ដុល្លារក្នុងមួយបារ៉ែល។

អង្គការនៃប្រទេសនាំចេញប្រេង និងសម្ព័ន្ធមិត្តរួមទាំងរុស្ស៊ី ហៅកាត់ថា OPEC+ បានយល់ព្រមកាលពីថ្ងៃអាទិត្យទី០៤ខែធ្នូ ដើម្បីប្រកាន់ខ្ជាប់នូវផែនការខែតុលារបស់ពួកគេ ក្នុងការកាត់បន្ថយទិន្នផលចំនួន២លានបារ៉ែលក្នុងមួយថ្ងៃ ចាប់ពីខែវិច្ឆិកាដល់ឆ្នាំ២០២៣។

អ្នកវិភាគនិយាយថា ការសម្រេចចិត្តរបស់ OPEC+ ត្រូវបានគេរំពឹងទុក ខណៈអ្នកផលិតធំៗ កំពុងរង់ចាំមើលអំពីផលប៉ះពាល់នៃបម្រាមនាំចូលរបស់សហភាពអឺរ៉ុប និង ការកំណត់តម្លៃ ៦០ដុល្លារក្នុងមួយបារ៉ែលលើប្រេងរបស់រុស្ស៊ី ដោយក្រុមប្រទេស G7៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ តម្លៃប្រេងសកលនឹង ហក់ឡើង ចាប់ពីខែក្រោយទៅ បន្ទាប់ពីសេចក្តីសម្រេចរបស់ OPEC+ 

The post ហេតុផល ធ្វើឲ្យតម្លៃប្រេង កើនឡើងសាជាថ្មី (មានវីដេអូ) appeared first on Kampuchea Thmey Daily.

សមាជិកអង្គការ OPec+ ដែលជាក្រុមមួយរួមបញ្ចូលទាំងអារ៉ាប៊ីសាអូឌីត និងរុស្ស៊ីផងដែរនោះ បាននិយាយថា ពួកគេនឹងកាត់បន្ថយ​ទិន្នផល​ ចំនួន២លានបារ៉ែលក្នុងមួយថ្ងៃ។

ក្រុមនេះនិយាយថា ខ្លួនចង់រក្សាតម្លៃឲ្យមានស្ថិរភាព បន្ទាប់ពីធ្លាក់ចុះក្នុងរយៈពេលប៉ុន្មានខែថ្មីៗនេះ ដោយសារកំណើនសេដ្ឋកិច្ចពិភពលោកយឺតយ៉ាវ ប៉ុន្តែសេចក្តីសម្រេចនេះ បានបង្កឲ្យមានការព្រួយបារម្ភអំពីតម្លៃហក់ឡើង។

ការគិតទុកជាមុនដែលថា ប្រទេសនានាគ្រោងនឹងបូមប្រេងតិចជាងមុន បានជំរុញឲ្យតម្លៃប្រេងឡើងខ្ពស់រួចទៅហើយក្នុងសប្តាហ៍នេះ។ តម្លៃ​ប្រេងឆៅម៉ាក Brent មួយបារ៉ែល​បាន​ហក់​ឡើង​ជិត ២% ទៀត ពោលគឺឡើង​ដល់​ ៩៣ ដុល្លារ​ក្នុង​មួយ​បារ៉ែល គិតត្រឹម​ថ្ងៃ​ពុធទី០៥ខែតុលា។

សេចក្តីប្រកាសនេះ ក៏បានកើតឡើងផងដែរ បើទោះបីជាមានការអង្វរករពីសហរដ្ឋអាមេរិក និងប្រទេសផ្សេងទៀត ឲ្យបូមប្រេងបន្ថែមទៀតក៏ដោយ បន្ទាប់ពីតម្លៃប្រេងបានកើនឡើងក្នុងនិទាឃរដូវ នៅពេលសង្រ្គាមរុស្ស៊ី-អ៊ុយក្រែនបានរំខានដល់ការផ្គត់ផ្គង់។

នៅក្នុងសេចក្តីថ្លែងការណ៍មួយ សេតវិមានបាននិយាយថា ប្រធានាធិបតីអាមេរិកលោក Joe Biden ខកចិត្តយ៉ាងខ្លាំងចំពោះការសម្រេចចិត្តមិនបានគិតវែងឆ្ងាយនេះ។

គួរបញ្ជាក់ថា ការកាត់បន្ថយ ដែលប្រកាសដោយអង្គការនៃប្រទេសនាំចេញប្រេង (Opec) និងសម្ព័ន្ធមិត្ត គឺជាការកាត់បន្ថយធំបំផុតដោយក្រុមនេះ ចាប់តាំងពីវិបត្តិជំងឺរាតត្បាតក្នុងឆ្នាំ២០២០មក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ហេតុផលតែមួយគត់ ដែលនឹងធ្វើឲ្យតម្លៃប្រេងសកល ហក់ឡើង ចាប់ពីខែក្រោយទៅ

The post តម្លៃប្រេងសកលនឹង ហក់ឡើង ចាប់ពីខែក្រោយទៅ បន្ទាប់ពីសេចក្តីសម្រេចរបស់ OPEC+ (មានវីដេអូ) appeared first on Kampuchea Thmey Daily.

ក្នុងប៉ុន្មានសប្តាហ៍ថ្មីៗនេះ តម្លៃប្រេងបាននិងកំពុងឡើងជិតដល់កម្រិតខ្ពស់មិនធ្លាប់មានក្នុងរយៈពេលជាច្រើនឆ្នាំ ដែលជំរុញដោយភាពតានតឹងភូមិសាស្ត្រនយោបាយនៅអឺរ៉ុបខាងកើត និងមជ្ឈិមបូព៌ា ។

ទន្ទឹមនោះក្រុមហ៊ុនប្រេងឆៅ West Texas Intermediate (WTI) និងក្រុមហ៊ុន Brent ទាំងពីរក៏កំពុងជួញដូរប្រេងលើសពី ៨៨ ដុល្លារអាមេរិកក្នុងមួយបារ៉ែលផងដែរ មុនពេលកិច្ចប្រជុំរបស់ OPEC+ នៅថ្ងៃពុធ ទី២ ខែមីនា ហើយកាលពីសប្តាហ៍មុនឃើញថា ការជួញដូរប្រេងរបស់ក្រុមហ៊ុនទាំងពីរបានឈានដល់តម្លៃខ្ពស់បំផុត ចាប់តាំងពីខែតុលា ២០១៤ ។

នៅខែកក្កដាឆ្នាំ ២០២១ ប្រទេស OPEC+ បានយល់ព្រមបង្កើនទិន្នផលប្រេងចំនួន ៤០ ម៉ឺនបារ៉ែលក្នុងមួយថ្ងៃជារៀងរាល់ខែ ដើម្បីផ្គត់ផ្គង់តម្រូវការពិភពលោក បន្ទាប់ពីការកាត់បន្ថយការផលិត អំឡុងជំងឺរាតត្បាតកូវីដ ១៩ ក្នុងឆ្នាំ ២០២០ ។

ចាប់តាំងពីពេលនោះមក ក្រុមហ៊ុនជួញដូរប្រេងបានប្រកាន់ខ្ជាប់នូវផែនការនេះ បើទោះបីជាមានការដាក់សម្ពាធពីប្រទេសប្រើប្រាស់ប្រេងធំៗ រួមទាំងសហរដ្ឋអាមេរិកក៏ដោយ ដើម្បីជំរុញការផ្គត់ផ្គង់បន្ថែមទៀត សម្រាប់ទប់ទល់នឹងការកើនឡើងនៃតម្លៃប្រេង ។

ស្របពេលជាមួយគ្នានេះ ប្រទេសសមាជិកមួយចំនួនរបស់អង្គការ OPEC បានព្យាយាមបូមប្រេងបន្ថែមទៀតស្របតាមកូតារបស់ពួកគេ ដោយសារការវិនិយោគមិនគ្រប់គ្រាន់ក្នុងរយៈពេលប៉ុន្មានឆ្នាំចុងក្រោយនេះ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ មកដឹង ប្រាក់ខែគ្រូបង្រៀនប្រទេសទាំង ១០ នៅ អាស៊ាន

The post ក្រុមប្រទេស OPEC នៅតែប្រកាន់ជំហរផលិតប្រេង ៤០ ម៉ឺនបារ៉ែល ក្នុងមួយថ្ងៃ ដើម្បីជួយពិភពលោក appeared first on Kampuchea Thmey Daily.