មកដឹង ប្រាក់ខែគ្រូបង្រៀនប្រទេសទាំង ១០ នៅ អាស៊ាន

គ្រូបង្រៀនជាបុគ្គលសំខាន់បំផុតដែលដើរតួនាទីជាអ្នកលុបបំបាត់បញ្ហាអនក្ខរកម្ម និងលើកកម្ពស់គុណភាពអប់រំនៅក្នុងសង្គម ។ គ្រូបង្រៀនជាអ្នកបង្ហាញផ្លូវ និងចែករំលែកចំណេះដឹងជាច្រើនដល់សិស្សនុសិស្ស ឬយុវជនជំនាន់ក្រោយឲ្យមានគុណភាពជីវិតកាន់ប្រសើរឡើង ។

ទន្ទឹមនោះ គ្រូបង្រៀនក៏មានប្រាក់ខែដែលអាចចាត់ទុកថាសមល្មមក្នុងកម្រិតមួយ ហើយនេះជាប្រាក់ខែជាមធ្យមក្នុងមួយខែរបស់គ្រូបង្រៀនប្រទេស ១០ នៅតំបន់អាស៊ីអាគ្នេយ៍ (អាស៊ាន) ៖

១. មីយ៉ាន់ម៉ា ៖ គ្រូបង្រៀនទទួលបានប្រាក់ខែជាមធ្យម ១៥៥ ដុល្លារ (៦២ ម៉ឺនរៀល) ក្នុងមួយខែ

២. ឡាវ ៖ ប្រាក់ខែជាមធ្យមរបស់គ្រូបង្រៀនប្រមាណ ២០៣ ដុល្លារ (៨១២,០០០ រៀល) ក្នុងមួយខែ

៣. កម្ពុជា ៖ ប្រាក់ខែជាមធ្យមរបស់គ្រូបង្រៀនប្រមាណ ២៨០ ដុល្លារ (១,១២០,០០០ រៀល) ក្នុងមួយខែ

៤. វៀតណាម ៖ ជាមធ្យមគ្រូបង្រៀនបានប្រាក់ខែជិត ៣៩០ ដុល្លារ (១,៥៦០,០០០ រៀល) ក្នុងមួយខែ

៥. ឥណ្ឌូណេស៊ី ៖ ប្រាក់ខែគ្រូបង្រៀនជាមធ្យមប្រមាណ ៤៣០ ដុល្លារ (១,៧២០,០០០ រៀល) ក្នុងមួយខែ

៦. ហ្វីលីពីន ៖ ប្រាក់ខែគ្រូបង្រៀនជាមធ្យមគឺ ៤៤៤ ដុល្លារ (១,៧៧៦,០០០ រៀល) ក្នុងមួយខែ

៧. ម៉ាឡេស៊ី ៖ ប្រាក់ខែគ្រូបង្រៀនជាមធ្យមគឺប្រមាណ ៨០០ ដុល្លារ (៣,២០០,០០០ រៀល) ក្នុងមួយខែ

៨. ព្រុយណេ ៖ ប្រាក់ខែគ្រូបង្រៀនជាមធ្យមប្រមាណ ១,២០០ ដុល្លារ (៤,៨០០,០០០ រៀល) ក្នុងមួយខែ

៩. ថៃ ៖ គ្រូបង្រៀនទទួលបានប្រាក់ខែជាមធ្យមជិត ១,៥០០ ដុល្លារ (៦ លានរៀល) ក្នុងមួយខែ

១០. សិង្ហបុរី ៖ ជាមធ្យមគ្រូបង្រៀនបានប្រាក់ខែប្រមាណ ២,៣៧០ ដុល្លារ (៩,៤៨០,០០០ រៀល) ក្នុងមួយខែ ។

គួរបញ្ជាក់ថា ប្រទេសដែលគ្រូបង្រៀនមានប្រាក់ខែតិចជាងគេនៅតំបន់អាស៊ានគឺមីយ៉ាន់ម៉ា ពោលទទួលបាន ១៥៥ ដុល្លារក្នុងមួយខែ ខណៈគ្រូបង្រៀននៅសិង្ហបុរីមានប្រាក់ខែច្រើនជាងគេគឺទទួលបាន ២,៣៧០ ដុល្លារក្នុងមួយខែ ៕

ប្រែសម្រួលដោយ ៖ ជីវ័ន្ត

ប្រភព ៖ Salary Explorer

ចុចអាន ៖ ប្រេងសាំងនៅ កម្ពុជា ឡើងថ្លៃ ៤៥០០ រៀល ចុះប្រទេស អាស៊ាន ផ្សេងទៀតយ៉ាងណាដែរ