អំណោយនេះ ត្រូវបានប្រគល់នៅថ្ងៃអង្គារក្នុងអំឡុងដំណើរទស្សនកិច្ចរយៈពេល២ថ្ងៃរបស់លោក ទៅកាន់ទីក្រុងហាណូយសម្រាប់ការពិគ្រោះយោបល់សន្តិសុខ រុស្ស៊ី-វៀតណាម។

លោក Dang Viet Hung ប្រធាននាយកដ្ឋានកិច្ចសហប្រតិបត្តិការអន្តរជាតិ នៅក្រោមក្រសួងសុខាភិបាលបាននិយាយថា កេសត្រូវបានផ្ទេរទៅកាន់កន្លែងស្តុកដ៏ត្រជាក់នៅ វិទ្យាស្ថានជាតិអនាម័យនិងរោគរាតត្បាតដើម្បីរក្សាទុក។

មន្ត្រីក្រសួងដែលសុំមិនបញ្ចេញឈ្មោះបាននិយាយថា កេសនេះមានវ៉ាក់សាំងចំនួន១,០០០ដូសដែលផលិតដោយក្រុមហ៊ុន Generium JSC។

វ៉ាក់សាំងនេះ ត្រូវចាក់ពីរដងក្នុងរយៈពេលបីសប្តាហ៍ដាច់ពីគ្នា ហើយត្រូវរក្សាទុកនៅសីតុណ្ហភាពដក១៨អង្សាសេឬទាបជាងនេះនិងមានសុពលភាព៦ខែ។ យោងតាមទស្សនាវដ្តីវេជ្ជសាស្ត្រ The Lancet បានឲ្យដឹងថា វ៉ាក់សាំងនេះមានប្រសិទ្ធភាព៩១,៦ភាគរយ។

កាលពីខែមុន ប្រទេសវៀតណាមបានអនុម័តវ៉ាក់សាំងកូវីដ Sputnik V របស់រុស្ស៊ីសម្រាប់ការប្រើប្រាស់ជាបន្ទាន់។

កាលពីឆ្នាំមុន អនុរដ្ឋមន្រ្តីក្រសួងសុខាភិបាលលោក Tran Van Thuan បាននិយាយថា ប្រទេសវៀតណាមបានបញ្ជាទិញវ៉ាក់សាំង Sputnik V ពីប្រទេសរុស្ស៊ីប៉ុន្តែលោកមិនបានបង្ហាញពីតួលេខជាក់លាក់នោះទេ៕

ប្រែសម្រួលដោយ៖ Vann Vann

ប្រភព៖ VN Express

ចុចអាន៖ អឺរ៉ុប ងាកទៅរកវ៉ាក់សាំង Sputnik V របស់រុស្ស៊ី ចោល AstraZeneca ខណៈកូវីដរលកទី៣ផ្ទុះឡើង

ចុចអាន៖ រុស្ស៊ីអះអាងថា វ៉ាក់សាំង Sputnik V មានប្រសិទ្ធភាពប្រឆាំងវីរុសបំប្លែងខ្លួនអង់គ្លេស

The post រុស្ស៊ី ជូនអំណោយវ៉ាក់សាំងកូវីដ Sputnik V ដល់ វៀតណាម appeared first on Kampuchea Thmey Daily.

រឿងនេះបានកើតឡើងថ្វីបើនិយតករអឺរ៉ុប​ អង្គការសុខភាពពិភពលោកនិងក្រុមហ៊ុន AstraZeneca និយាយថា វាមានសុវត្ថិភាពក៏ដោយ។

អៀរឡង់ បានក្លាយជាប្រទេសចុងក្រោយបង្អស់ដែលផ្អាកការចាក់វ៉ាក់សាំង AstraZeneca កាលពីម្សិលមិញ បន្ទាប់ពីហូឡង់ ដាណឺម៉ាក ន័រវែស អ៊ីស្លង់និងប៊ុលហ្គារីធ្វើបែបនេះ។

រោងចក្រអ៊ឺរ៉ុបកំពុងត្រៀមផលិតវ៉ាក់សាំងកូវីដរបស់រុស្ស៊ី នៅពេលដែលនិយតករកាន់តែខិតជិតទៅរកការអនុម័តថ្នាំបង្ការនេះ ក្នុងក្តីសង្ឃឹមពន្លឿនកម្មវិធីចាក់វ៉ាក់សាំងរបស់ទ្វីបនេះ។

លោក Kirill Dmitriev ប្រធានមូលនិធិវិនិយោគផ្ទាល់របស់រុស្ស៊ីដែលផ្តល់ហិរញ្ញប្បទានផលិតវ៉ាក់សាំង Sputnik V បាននិយាយកាលពីថ្ងៃចន្ទថា លោកបានឈានដល់កិច្ចព្រមព្រៀងជាមួយប្រទេសអ៊ីតាលី​ អេស្ប៉ាញ បារាំងនិងអាឡឺម៉ង់ដើម្បីចាប់ផ្តើមធ្វើវា។

លោក Dmitriev និយាយថា រោងចក្រទាំងនេះនឹងត្រូវបានប្រើ ដើម្បីផ្គត់ផ្គង់វ៉ាក់សាំង Sputnik V ទៅឲ្យអឺរ៉ុប នៅពេលមានការយល់ព្រមពីទីភ្នាក់ងារថ្នាំអឺរ៉ុប។

ប្រទេសអ៊ីតាលីដែលផ្អាកការប្រើប្រាស់វ៉ាក់សាំង Astra នឹងចាប់ផ្តើមវិធានការបិទសាជាថ្មីនៅថ្ងៃនេះ ខណៈទីក្រុងប៉ារីសកំពុងប្រឈមមុខនឹងវិធានការកាន់តែតឹងរ៉ឹងព្រោះមន្ទីរពេទ្យជាច្រើនកំពុងផ្ទុកអ្នកជំងឺហួសប្រមាណ ហើយវេជ្ជបណ្ឌិត ICU របស់អាឡឺម៉ង់បានព្រមានថា ចាំបាច់ត្រូវវិលត្រឡប់ទៅរកការរឹតត្បិតវិញជាបន្ទាន់។

ករណីជំងឺកូវីដ១៩ក៏កំពុងកើនឡើងយ៉ាងខ្លាំងផងដែរ នៅក្នុងប្រទេសមួយចំនួនដូចជា ស៊ុយអែត ប៉ូឡូញ ហុងគ្រី សាធារណរដ្ឋឆែកនិងប្រទេសមិនមែនជាសមាជិក EU គឺស៊ែប៊ី ខណៈអ្នកជំនាញព្រមានថា រលកទីបីបានចាប់ផ្តើមរួចទៅហើយ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ រដ្ឋមន្រ្តីក្រសួងអប់រំប្រាប់ឱ្យរៀបចំស្ថិតិគ្រូបង្រៀននៅភ្នំពេញដើម្បីត្រៀមចាក់វ៉ាក់សាំងការពារជំងឺកូវីដ១៩

ចុចអាន៖ ក្រុមហ៊ុន AstraZeneca បញ្ជាក់ច្បាស់ៗអំពីសុវត្ថិភាពវ៉ាក់សាំង ចំពេលមានការព្រួយបារម្ភ

The post អឺរ៉ុប ងាកទៅរកវ៉ាក់សាំង Sputnik V របស់រុស្ស៊ី ចោល AstraZeneca ខណៈកូវីដរលកទី៣ផ្ទុះឡើង appeared first on Kampuchea Thmey Daily.

លោកនិយាយថា “អ្នកជំនាញរបស់យើង បានស្រាវជ្រាវពីសកម្មភាពបន្សាបទឹកនៅក្នុងឈាមរបស់អ្នកស្ម័គ្រចិត្តដែលបានចាក់វ៉ាក់សាំង Sputnik V ប្រឆាំងនឹងវីរុស SARS-CoV-2 បំប្លែងខ្លួនរបស់អង់គ្លេស។ ការស្រាវជ្រាវបានបញ្ជាក់ថា កម្រិតនៃការបន្សាបអង់ទីគ័រទៅនឹងវីរុសបំប្លែងខ្លួនអង់គ្លេសមិនខុសគ្នាពីកម្រិតនៃការបន្សាបអង់ទីគ័រទៅនឹងវីរុសដើម SARS-CoV-2 ឡើយ”។

លោកនិយាយថា “ដូច្នេះ វ៉ាក់សាំង Sputnik V អាចការពារប្រឆាំងនឹងវីរុសបំប្លែងខ្លួនអង់គ្លេសជាមួយប្រសិទ្ធភាពមិនខុសពីវីរុសបំប្លែងខ្លួនធម្មតានោះទេ”។

វ៉ាក់សាំង Sputnik V ត្រូវបានបង្កើតឡើងដោយមជ្ឈមណ្ឌលស្រាវជ្រាវរោគរាតត្បាតនិងមីក្រូជីវសាស្រ្តសហព័ន្ធ Gamaleya។

វ៉ាក់សាំងនេះត្រូវបានចុះបញ្ជីនៅក្នុងប្រទេសរុស្ស៊ីកាលពីថ្ងៃទី១១ខែសីហាឆ្នាំ២០២០ ដោយបានក្លាយជាវ៉ាក់សាំងការពារជំងឺកូវីដ១៩ ដែលត្រូវបានអនុម័តដំបូងគេនៅលើពិភពលោក៕

ប្រែសម្រួលដោយ៖ Vann Vann

ប្រភព៖ Tass

ចុចអាន៖ មីយ៉ាន់ម៉ាអនុម័តវ៉ាក់សាំង Sputnik V របស់រុស្ស៊ី ទោះមានវិបត្តិនយោបាយក្រោយរដ្ឋប្រហារ

ចុចអាន៖ ក្រុមហ៊ុន Sputnik V បញ្ចុះបញ្ចូលឲ្យក្រុមហ៊ុន AstraZeneca រួមវ៉ាក់សាំងកូវីដជាមួយគ្នា

The post រុស្ស៊ីអះអាងថា វ៉ាក់សាំង Sputnik V មានប្រសិទ្ធភាពប្រឆាំងវីរុសបំប្លែងខ្លួនអង់គ្លេស appeared first on Kampuchea Thmey Daily.

មូលនិធិវិនិយោគផ្ទាល់របស់រុស្ស៊ី (RDIF) បាននិយាយនៅក្នុងសេចក្តីថ្លែងការណ៍មួយថា ប្រទេសមីយ៉ាន់ម៉ាបានក្លាយជារដ្ឋបរទេសទី ២០ និងជាប្រទេសទីមួយនៅអាស៊ីអាគ្នេយ៍ដែលបានផ្ដល់ភ្លើងខៀវចាក់វ៉ាក់សាំងរុស្ស៊ី ។ មីយ៉ាន់ម៉ាបានយល់ព្រមលើការប្រើប្រាស់វ៉ាក់សាំងបន្ទាន់នេះដោយស្នើសុំការសាកល្បងព្យាបាលបន្ថែមនៅក្នុងប្រទេស ។

ការចុះបញ្ជីនេះបានកើតឡើង ទោះបីមានអស្ថិរភាពនយោបាយក៏ដោយ ខណៈមានមនុស្សរាប់ពាន់នាក់បានធ្វើដំណើរតាមដងផ្លូវនៅទូទាំងប្រទេស បន្ទាប់ពីរដ្ឋប្រហារយោធាកាលពីដើមសប្តាហ៍នេះ ។ កាលពីថ្ងៃទី ១ ខែកុម្ភៈកងកម្លាំងប្រដាប់អាវុធរបស់មីយ៉ាន់ម៉ាបានចាប់ឃុំខ្លួនមន្រ្តីរដ្ឋាភិបាលសំខាន់ៗរួមមានទាំងទីប្រឹក្សារដ្ឋ និងអ្នកឈ្នះរង្វាន់ណូបែលសន្តិភាពលោកស្រី អ៊ុងសាន ស៊ូជី ក៏ដូចជាប្រធានាធិបតី Win Myint ផងដែរ ។ យោធាបានចោទប្រកាន់លោកស្រី ស៊ូជី និងគណបក្សរបស់លោកស្រីដែលបានឈ្នះការបោះឆ្នោតទូទៅនៅខែវិច្ឆិកា ឆ្នាំ ២០២០ ពីបទបន្លំសន្លឹកឆ្នោត ប៉ុន្តែក៏ត្រូវបានបដិសេធដោយអាជ្ញាធរបោះឆ្នោតកំពូលរបស់ប្រទេសផងដែរ ។

អាជ្ញាធរសុខាភិបាលមីយ៉ាន់ម៉ាបានផ្លាស់ប្តូរការអនុម័តលើការចាក់វ៉ាក់សាំងរបស់រុស្ស៊ី បន្ទាប់ពីទស្សនាវដ្តីវេជ្ជសាស្រ្ត Lancet បានចេញផ្សាយលទ្ធផលនៃការសាកល្បងព្យាបាលដំណាក់កាលទី ៣ របស់វ៉ាក់សាំង Sputnik V ដែលធ្វើឲ្យមានការចាប់អារម្មណ៍យ៉ាងខ្លាំងនៅជុំវិញពិភពលោក ។ ទិន្នន័យដែលបានចេញផ្សាយពីអ្នកស្ម័គ្រចិត្តជិត ២០,០០០ នាក់បានបង្ហាញថា វ៉ាក់សាំង Sputnik V មានប្រសិទ្ធភាព ៩១.៦ ភាគរយប្រឆាំងនឹងវីរុសកូរ៉ូណា ។ វាក៏ត្រូវបានគេបង្ហាញផងដែរថាមានប្រសិទ្ធភាព ១០០ ភាគរយក្នុងការការពារករណីជំងឺកូវីដ ១៩ ធ្ងន់ធ្ងរ ។

នាយកប្រតិបត្តិ RDIF លោក Kirill Dmitriev បាននិយាយថា លោកសង្ឃឹមថាប្រទេសបរទេសដទៃទៀតក៏នឹងសហការជាមួយក្រុមហ៊ុនអភិវឌ្ឍន៍វ៉ាក់សាំងរុស្ស៊ីក្នុងការប្រយុទ្ធប្រឆាំងនឹងជំងឺកូវីដ ១៩ ។ លោកបាននិយាយនៅក្នុងសេចក្តីថ្លែងការណ៍មួយថា “បណ្តាប្រទេសជាច្រើនទៀតនៅក្នុងតំបន់នឹងចូលរួមជាមួយប្រទេសមីយ៉ាន់ម៉ានៅពេលដែលយើងឃើញពីតម្រូវការកើនឡើងនៃវ៉ាក់សាំង ហើយត្រៀមខ្លួនជួយដៃគូរបស់យើងក្នុងការការពារសុខភាពប្រជាជន” ។

ទន្ទឹមនោះវ៉ាក់សាំងរុស្ស៊ីក៏ត្រូវបានអនុម័តឲ្យប្រើប្រាស់ជាបន្ទាន់នៅប្រទេសម៉ិកស៊ិក នីការ៉ាហ្គា និងលីបង់ ផងដែរកាលពីដើមសប្តាហ៍នេះ ។ កាលពីមុនវ៉ាក់សាំងនេះក៏បានទទួលការយល់ព្រមពីប្រទេសបេឡារុស បូលីវី ប៉ាឡេស្ទីន វ៉េណេស៊ុយអេឡា ប៉ារ៉ាហ្គាយ ហុងគ្រី និងអារ៉ាប់រួម ខណៈដែលប្រទេសដទៃទៀតដូចជា អាហ្សង់ទីន អាល់ហ្សេរី និងស៊ែប៊ី បានប្រើប្រាស់រួចទៅហើយនៅក្នុងយុទ្ធនាការចាក់វ៉ាក់សាំងទ្រង់ទ្រាយធំ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ គណបក្សរបស់លោកស្រី ស៊ូជី ស្នើពិភពលោកកុំទទួលស្គាល់របបយោធាមីយ៉ាន់ម៉ា

ចុចអាន ៖ មនុស្សរាប់ម៉ឺននាក់ធ្វើបាតុកម្មទូទាំងប្រទេស មីយ៉ាន់ម៉ា ខណៈការតវ៉ាកាន់តែធំឡើងៗ

The post មីយ៉ាន់ម៉ាអនុម័តវ៉ាក់សាំង Sputnik V របស់រុស្ស៊ី ទោះមានវិបត្តិនយោបាយក្រោយរដ្ឋប្រហារ appeared first on Kampuchea Thmey Daily.

ការលើកឡើងបែបនេះរបស់ក្រុមហ៊ុនរុស្ស៊ីកើតឡើង បន្ទាប់ពីប្រធានក្រុមហ៊ុនផលិតថ្នាំអង់គ្លេស AstraZeneca បាននិយាយថា ការស្រាវជ្រាវបន្ថែមលើវ៉ាក់សាំងកូវីដរបស់ខ្លួនគឺត្រូវការជាចាំបាច់ បន្ទាប់ពីមានសំណួរអំពីប្រសិទ្ធភាព ប៉ុន្តែការធ្វើតេស្តបន្ថែមនេះទំនងជាមិនប៉ះពាល់ដល់ការអនុម័តបទប្បញ្ញត្តិនៅអឺរ៉ុបទេ ។

ប្រទេសរុស្ស៊ីបាននិយាយថា វ៉ាក់សាំង Sputnik V របស់ខ្លួនមានប្រសិទ្ធភាព ៩២ ភាគរយក្នុងការការពារមនុស្សពីជំងឺកូវីដ ១៩ ។ នេះបើយោងតាមលទ្ធផលនៃការសាកល្បងបណ្តោះអាសន្ន ខណៈដែលក្រុមហ៊ុន AstraZeneca បាននិយាយថា វ៉ាក់សាំងកូវីដ ១៩ របស់ខ្លួនមានប្រសិទ្ធភាពជាមធ្យម ៧០ ភាគរយក្នុងការសាកល្បង ហើយអាចមានប្រសិទ្ធភាពរហូតដល់ ៩០ ភាគរយ ។

ក្រុមហ៊ុនផលិតវ៉ាក់សាំងរុស្ស៊ីបាននិយាយនៅលើគណនី Twitter ថា “ប្រសិនបើពួកគេចាប់ផ្ដើមសម្រាប់ការសាកល្បងព្យាបាលសាជាថ្មី យើងស្នើឲ្យព្យាយាមរួមបញ្ចូលគ្នារវាងការចាក់វ៉ាក់សាំង AstraZeneca ជាមួយវ៉ាក់សាំង Sputnik V លើមនុស្សដើម្បីបង្កើនប្រសិទ្ធភាព ។ ការបញ្ចូលគ្នារវាងវ៉ាក់សាំងអាចមានសារសំខាន់សម្រាប់ប្រសិទ្ធភាពថ្មី” ។

ក្រុមហ៊ុន AstraZeneca បាននិយាយថា ខ្លួននឹងមានវ៉ាក់សាំងចំនួន ២០០ លានដូសនៅចុងឆ្នាំ ២០២០ ។ វ៉ាក់សាំងដែលត្រូវបានបង្កើតឡើងនៅចក្រភពអង់គ្លេសត្រូវបានគេមើលឃើញថាជាក្តីសង្ឃឹមដ៏ល្អបំផុតមួយសម្រាប់ប្រទេសកំពុងអភិវឌ្ឍន៍ជាច្រើនដោយសារតែតម្លៃថោក និងសមត្ថភាពរបស់វាត្រូវបានដឹកជញ្ជូននៅសីតុណ្ហភាពទូរទឹកកកធម្មតា ។

គួរបញ្ជាក់ថា គិតត្រឹមពេលនេះអង់គ្លេសមានករណីឆ្លងជំងឺកូវីដ ១៩ ចំនួន ១.៣៤ លានករណី និងមានអ្នកស្លាប់ ៤៩,៥៤៥ នាក់ ខណៈប្រទេសរុស្ស៊ីមានករណីឆ្លងចំនួន ២,១៨៧,៩៩០ នាក់ និងមានអ្នកស្លាប់ចំនួន ៣៨,០៦២ នាក់ ហើយជាប្រទេសមានករណីឆ្លងធំជាងគេទីបួននៅលើពិភពលោកនៅពីក្រោយសហរដ្ឋអាមេរិក ឥណ្ឌា និងប្រេស៊ីល ៕

ប្រែសម្រួលដោយ ៖ ជីវ័ន្ត

ប្រភព ៖ The Straits Times

The post ក្រុមហ៊ុន Sputnik V បញ្ចុះបញ្ចូលឲ្យក្រុមហ៊ុន AstraZeneca រួមវ៉ាក់សាំងកូវីដជាមួយគ្នា appeared first on Kampuchea Thmey Daily.