ព័ត៌មានអន្ដរជាតិ
គណបក្សរបស់លោកស្រី ស៊ូជី ស្នើពិភពលោកកុំទទួលស្គាល់របបយោធាមីយ៉ាន់ម៉ា
អតីតគណបក្សកាន់អំណាចមីយ៉ាន់ម៉ាកាលពីថ្ងៃអាទិត្យបានអំពាវនាវដល់ UN និងសហគមន៍អន្តរជាតិកុំឲ្យទទួលស្គាល់ក្រុមប្រឹក្សារដ្ឋបាលរថ្មីដែលត្រូវបានបង្កើតឡើងបន្ទាប់ពីរដ្ឋប្រហារយោធានៅក្នុងប្រទេស ។
ដោយត្រូវបានបង្កើតឡើងនៅថ្ងៃទី ២ ខែកុម្ភៈ បន្ទាប់ពីមានការឃុំខ្លួនមន្ត្រីរដ្ឋាភិបាលជាច្រើន ក្រុមប្រឹក្សាដែលដឹកនាំដោយមេបញ្ជាការនៃកងកម្លាំងប្រដាប់អាវុធគឺជាស្ថាប័នប្រតិបត្តិដែលកំពុងគ្រប់គ្រងប្រទេស ។
គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ដឹកនាំដោយទីប្រឹក្សារដ្ឋដែលត្រូវបានបណ្តេញចេញគឺលោកស្រី អ៊ុងសាន ស៊ូជី ដែលស្ថិតក្នុងចំណោមអ្នកដែលត្រូវបានចាប់ឃុំខ្លួនក្នុងអំឡុងពេលធ្វើរដ្ឋប្រហារនោះបានចេញសេចក្តីថ្លែងការណ៍មួយកាលពីថ្ងៃអាទិត្យដើម្បីអំពាវនាវដល់អង្គការសហប្រជាជាតិ និងសហគមន៍អន្តរជាតិកុំឲ្យទទួលស្គាល់រដ្ឋាភិបាលយោធា ។
ដោយលើកឡើងពីការកាន់កាប់អំណាចដោយខុសច្បាប់ និងដោយយោធា គណបក្ស NLD បានជំរុញឲ្យស្ថានទូតនានាមិនធ្វើការជាមួយរដ្ឋាភិបាលយោធា ។
លោក Aung Kyi Nyint សមាជិកគណៈកម្មាធិការប្រតិបត្តិកណ្តាលគណបក្ស NLD បាននិយាយថា ពួកគេបានដឹងអំពីអ្នកការទូតបរទេសមួយចំនួនដែលត្រៀមចាប់ផ្តើមធ្វើការជាមួយក្រុមប្រឹក្សានេះ ប៉ុន្តែមិនផ្តល់ព័ត៌មានលម្អិតនោះទេ ។
លោកបានប្រាប់ទីភ្នាក់ងារ Anadolu តាមទូរស័ព្ទកាលពីថ្ងៃអាទិត្យថា រដ្ឋប្រហារនេះមិនស្របតាមរដ្ឋធម្មនុញ្ញទេ ហើយរដ្ឋាភិបាលដឹកនាំដោយប្រធានាធិបតី Win Myint ដែលកំពុងជាប់ឃុំឃាំងនៅតែជារដ្ឋាភិបាលស្របច្បាប់ ។ គ្មានប្រទេសណាគួរទទួលស្គាល់របបយោធាទេ ប្រសិនបើពួកគេគោរពបទដ្ឋានប្រជាធិបតេយ្យ” ។
គួរបញ្ជាក់ថា រដ្ឋប្រហារនេះបានបង្កឲ្យមានការតវ៉ាយ៉ាងខ្លាំងនៅទូទាំងប្រទេស ខណៈដែលមន្រ្តីរាជការជាពិសេសបុគ្គលិកសុខាភិបាលបាននៅជួរមុខនៃការធ្វើបាតុកម្មអហិង្សានេះ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ មនុស្សរាប់ម៉ឺននាក់ធ្វើបាតុកម្មទូទាំងប្រទេស មីយ៉ាន់ម៉ា ខណៈការតវ៉ាកាន់តែធំឡើងៗ
ចុចអាន ៖ ធ្លាយវីដេអូ ប៉ូលិសបាញ់លើក្រុមបាតុករប្រឆាំងរដ្ឋប្រហារនៅមីយ៉ាន់ម៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត