មីយ៉ាន់ម៉ាអនុម័តវ៉ាក់សាំង Sputnik V របស់រុស្ស៊ី ទោះមានវិបត្តិនយោបាយក្រោយរដ្ឋប្រហារ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មីយ៉ាន់ម៉ាអនុម័តវ៉ាក់សាំង Sputnik V របស់រុស្ស៊ី ទោះមានវិបត្តិនយោបាយក្រោយរដ្ឋប្រហារ

Published

on

ប្រទេសមីយ៉ាន់ម៉ាបានចុះបញ្ជីវ៉ាក់សាំងប្រឆាំងជំងឺកូវីដ ១៩ Sputnik V របស់រុស្ស៊ី ខណៈដែលកិច្ចប្រឹងប្រែងដើម្បីទប់ស្កាត់ជំងឺនេះនៅតែបន្ត ទោះបីជាមានវិបត្តិនយោបាយកើតឡើង បន្ទាប់ពីរដ្ឋប្រហារក៏ដោយ ។

មូលនិធិវិនិយោគផ្ទាល់របស់រុស្ស៊ី (RDIF) បាននិយាយនៅក្នុងសេចក្តីថ្លែងការណ៍មួយថា ប្រទេសមីយ៉ាន់ម៉ាបានក្លាយជារដ្ឋបរទេសទី ២០ និងជាប្រទេសទីមួយនៅអាស៊ីអាគ្នេយ៍ដែលបានផ្ដល់ភ្លើងខៀវចាក់វ៉ាក់សាំងរុស្ស៊ី ។ មីយ៉ាន់ម៉ាបានយល់ព្រមលើការប្រើប្រាស់វ៉ាក់សាំងបន្ទាន់នេះដោយស្នើសុំការសាកល្បងព្យាបាលបន្ថែមនៅក្នុងប្រទេស ។

ការចុះបញ្ជីនេះបានកើតឡើង ទោះបីមានអស្ថិរភាពនយោបាយក៏ដោយ ខណៈមានមនុស្សរាប់ពាន់នាក់បានធ្វើដំណើរតាមដងផ្លូវនៅទូទាំងប្រទេស បន្ទាប់ពីរដ្ឋប្រហារយោធាកាលពីដើមសប្តាហ៍នេះ ។ កាលពីថ្ងៃទី ១ ខែកុម្ភៈកងកម្លាំងប្រដាប់អាវុធរបស់មីយ៉ាន់ម៉ាបានចាប់ឃុំខ្លួនមន្រ្តីរដ្ឋាភិបាលសំខាន់ៗរួមមានទាំងទីប្រឹក្សារដ្ឋ និងអ្នកឈ្នះរង្វាន់ណូបែលសន្តិភាពលោកស្រី អ៊ុងសាន ស៊ូជី ក៏ដូចជាប្រធានាធិបតី Win Myint ផងដែរ ។ យោធាបានចោទប្រកាន់លោកស្រី ស៊ូជី និងគណបក្សរបស់លោកស្រីដែលបានឈ្នះការបោះឆ្នោតទូទៅនៅខែវិច្ឆិកា ឆ្នាំ ២០២០ ពីបទបន្លំសន្លឹកឆ្នោត ប៉ុន្តែក៏ត្រូវបានបដិសេធដោយអាជ្ញាធរបោះឆ្នោតកំពូលរបស់ប្រទេសផងដែរ ។

អាជ្ញាធរសុខាភិបាលមីយ៉ាន់ម៉ាបានផ្លាស់ប្តូរការអនុម័តលើការចាក់វ៉ាក់សាំងរបស់រុស្ស៊ី បន្ទាប់ពីទស្សនាវដ្តីវេជ្ជសាស្រ្ត Lancet បានចេញផ្សាយលទ្ធផលនៃការសាកល្បងព្យាបាលដំណាក់កាលទី ៣ របស់វ៉ាក់សាំង Sputnik V ដែលធ្វើឲ្យមានការចាប់អារម្មណ៍យ៉ាងខ្លាំងនៅជុំវិញពិភពលោក ។ ទិន្នន័យដែលបានចេញផ្សាយពីអ្នកស្ម័គ្រចិត្តជិត ២០,០០០ នាក់បានបង្ហាញថា វ៉ាក់សាំង Sputnik V មានប្រសិទ្ធភាព ៩១.៦ ភាគរយប្រឆាំងនឹងវីរុសកូរ៉ូណា ។ វាក៏ត្រូវបានគេបង្ហាញផងដែរថាមានប្រសិទ្ធភាព ១០០ ភាគរយក្នុងការការពារករណីជំងឺកូវីដ ១៩ ធ្ងន់ធ្ងរ ។

នាយកប្រតិបត្តិ RDIF លោក Kirill Dmitriev បាននិយាយថា លោកសង្ឃឹមថាប្រទេសបរទេសដទៃទៀតក៏នឹងសហការជាមួយក្រុមហ៊ុនអភិវឌ្ឍន៍វ៉ាក់សាំងរុស្ស៊ីក្នុងការប្រយុទ្ធប្រឆាំងនឹងជំងឺកូវីដ ១៩ ។ លោកបាននិយាយនៅក្នុងសេចក្តីថ្លែងការណ៍មួយថា “បណ្តាប្រទេសជាច្រើនទៀតនៅក្នុងតំបន់នឹងចូលរួមជាមួយប្រទេសមីយ៉ាន់ម៉ានៅពេលដែលយើងឃើញពីតម្រូវការកើនឡើងនៃវ៉ាក់សាំង ហើយត្រៀមខ្លួនជួយដៃគូរបស់យើងក្នុងការការពារសុខភាពប្រជាជន” ។

ទន្ទឹមនោះវ៉ាក់សាំងរុស្ស៊ីក៏ត្រូវបានអនុម័តឲ្យប្រើប្រាស់ជាបន្ទាន់នៅប្រទេសម៉ិកស៊ិក នីការ៉ាហ្គា និងលីបង់ ផងដែរកាលពីដើមសប្តាហ៍នេះ ។ កាលពីមុនវ៉ាក់សាំងនេះក៏បានទទួលការយល់ព្រមពីប្រទេសបេឡារុស បូលីវី ប៉ាឡេស្ទីន វ៉េណេស៊ុយអេឡា ប៉ារ៉ាហ្គាយ ហុងគ្រី និងអារ៉ាប់រួម ខណៈដែលប្រទេសដទៃទៀតដូចជា អាហ្សង់ទីន អាល់ហ្សេរី និងស៊ែប៊ី បានប្រើប្រាស់រួចទៅហើយនៅក្នុងយុទ្ធនាការចាក់វ៉ាក់សាំងទ្រង់ទ្រាយធំ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ គណបក្សរបស់លោកស្រី ស៊ូជី ស្នើពិភពលោកកុំទទួលស្គាល់របបយោធាមីយ៉ាន់ម៉ា

ចុចអាន ៖ មនុស្សរាប់ម៉ឺននាក់ធ្វើបាតុកម្មទូទាំងប្រទេស មីយ៉ាន់ម៉ា ខណៈការតវ៉ាកាន់តែធំឡើងៗ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 hours ago

ថ្ងៃនេះ​រក​ឃើញ​អ្នក​ពាក់ព័ន្ធ​៤០០នាក់ ជាមួយ​ជនជាតិចិន​ដែល​ឆ្លង​កូ​វីដ​១៩​នៅ​ខេត្តកោះកុង​

ព័ត៌មានជាតិ3 hours ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ4 hours ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ4 hours ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

ព័ត៌មានជាតិ4 hours ago

អ្នកជំនាញ​អះអាង​ថា តម្លៃ​ដំឡូង​មី​នៅ​ឆ្នាំនេះ​ខ្ពស់​ជាង​ឆ្នាំមុន

Sokha Hotels

ព័ត៌មានពេញនិយម

Helistar Cambodia - Helicopter Charter Services