ព័ត៌មានអន្ដរជាតិ
ធនាគារទូទាំងពិភពលោកសុទ្ធតែត្រូវបាន Hack
យោងតាមក្រុមហ៊ុនសន្តិសុខរុស្ស៊ី Kaspersky Lab បានឲ្យដឹងថា ពួក Hacker បានធ្វើសកម្មភាពយ៉ាងជាច្រើនចាប់តាំងពីចុងឆ្នាំ ២០១៣ មក ហើយបានជ្រៀតចូលធនាគារជាង ១០០ នៅក្នុងប្រទេសចំនួន ៣០ ហើយបានលួចលុយរហូតដល់ទៅ ១ ពាន់លានដុល្លារពីធនាគារជុំវិញពិភពលោក ។
ក្រុមហ៊ុនបាននិយាយថា បន្ទាប់ពីទទួលបានការប្រើប្រាស់កុំព្យូទ័ររបស់ធនាគារតាមរយៈគ្រោងការណ៍ ការវាយប្រហារបោកបញ្ឆោតតាមអ៊ីនធឺណិត (Phishing) និងវិធីសាស្រ្តផ្សេងទៀត ពួកគេសំងំរាប់ខែដើម្បីសិក្សាពីប្រព័ន្ធរបស់ធនាគារ ការ screen shot និងតាមរយៈវីដេអូរបស់បុគ្គលិកដែលប្រើប្រាស់កុំព្យូទ័ររបស់ពួកគេ ។
នៅពេលដែលពួក Hacker ស្គាល់ប្រតិបត្តិការរបស់ធនាគារ ពួកគេប្រើប្រាស់ចំណេះដឹងនោះដើម្បីលួចលុយដោយមិនសង្ស័យ សរសេរកម្មវិធី ATM ដើម្បីចែកចាយលុយ ឬបង្កើតគណនីក្លែងក្លាយ និងផ្ទេរប្រាក់ទៅឲ្យពួកគេ ។
ក្រុមហ៊ុន Kaspersky និយាយថា គោលដៅភាគច្រើនគឺនៅក្នុងប្រទេសរុស្ស៊ី សហរដ្ឋអាមេរិក អាល្លឺម៉ង់ ចិន និងអ៊ុយក្រែន ទោះបីជាអ្នកវាយប្រហារកំពុងពង្រីកនៅទូទាំងអាស៊ី មជ្ឈិមបូព៌ា អាហ្វ្រិក និងអឺរ៉ុបក៏ដោយ ។ ក្នុងករណីមួយ ធនាគារមួយបានបាត់បង់ប្រាក់ចំនួន ៧.៣ លានដុល្លារតាមរយៈការបន្លំនៅម៉ាស៊ីន ATM ។ នៅក្នុងករណីមួយទៀត ស្ថាប័នហិរញ្ញវត្ថុមួយបានបាត់បង់ ១០ លានដុល្លារ ដោយសារតែអ្នកវាយប្រហារកេងប្រវ័ញ្ចលើវេទិកាធនាគារអនឡាញរបស់ខ្លួន ។
គួរបញ្ជាក់ថា ក្រុមហ៊ុន Kaspersky មិនបានកំណត់អត្តសញ្ញាណធនាគារទាំងនោះទេ ហើយនៅតែធ្វើការជាមួយភ្នាក់ងារអនុវត្តច្បាប់ដើម្បីស៊ើបអង្កេតការវាយប្រហារដែលក្រុមហ៊ុននិយាយថាកំពុងបន្ត ៕
ប្រែសម្រួលដោយ ៖ ជីវ័ន្ត
ប្រភព ៖ CBS News
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ