ចរាចរណ៍

ម៉ូតូ២គ្រឿង បុកគ្នាលាន់ដូចរន្ទះបណ្តាលឲ្យមនុស្សរបួសធ្ងន់ស្រាល២នាក់

បានផុស

៤ years មុន

នៅ

ថ្ងៃសុក្រ ៤ មិថុនា ២០២១

ដោយ

បន្ទាយមានជ័យ ៖ មានម៉ូតូ២គ្រឿងបុកគ្នាលាន់ដូចរន្ទះ បណ្តាលឲ្យមនុស្សរបួសធ្ងន់ស្រាល២នាក់នៅវេលាម៉ោង១១និង២៥នាទីព្រឹក ថ្ងៃទី៤ ខែមិថុនា ឆ្នាំ២០២១ នៅលើកំណាត់ផ្លូវជាតិលេខ៥៦Aចំណុចផ្លូវបំបែកជាបី ចូលទៅឃុំតាផូ ស្ថិតក្នុងភូមិស្ទឹង ឃុំរលួស ស្រុកស្វាយចេក ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលស្រុកស្វាយចេកបានឲ្យដឹងថា មុនពេលកើតហេតុនោះម៉ូតូម៉ាកSuzuki ពាក់ស្លាកលេខ រដ្ឋ1.561អ្នកបើកឈ្មោះ សាន់ចរណៃភេទស្រី អាយុ ២៤ ឆ្នាំ មានទីលំនៅ ភូមិកោកកី ឃុំតាផូ ស្រុកស្វាយចេក ខេត្តបន្ទាយមានជ័យ អ្នករួមដំណើរ ឈ្មោះ រិន ស្រីវីន ភេទស្រី អាយុ២៤ឆ្នាំ ធ្វើដំណើរស្របគ្នាពីជើងទៅត្បូងលុះជិះមកដល់កន្លែងកើតហេតុមានម៉ូតូ១ទៀតម៉ាកហុងដាឌ្រីម ពណ៌ខ្មៅស៊េរីឆ្នាំ២០២០ ពាក់ស្លាកលេខប.មានជ័យ1V.0982 អ្នកបើកឈ្មោះ អួន វ៉ាន់ដេត ភេទប្រុស អាយុ ២៥ ឆ្នាំ រស់នៅភូមិរការថ្មី ឃុំរលួស ស្រុកស្វាយចេក ខេត្តបន្ទាយមានជ័យ ម៉ូតូម៉ាកSuzuki បានបត់ឆ្វេងមិនបានប្រយ័ត្ន ត្រូវបានម៉ូតូម៉ាកហុងដាទ្រីមបុកពេញទំហឹងបណ្តាលឲ្យអ្នកបើកម៉ូតូម៉ាកហុងដាទ្រីមរងរបួសក្បាលធ្ងន់ដោយមិនបានពាក់មួកសុវត្ថិភាពផង។

ក្រោយពីកើតហេតុហើយសមត្ថកិច្ច បញ្ជូនទៅមន្ទីរពេទ្យបង្អែក ស្រុកស្វាយចេក រួចបន្តទៅមន្ទីរពេទ្យខេត្តបាត់ដំបង។ ម៉ូតូទាំង២គ្រឿងនគរបាលចរាចរណ៍យកមករក្សាទុកនគរបាលស្រុកស្វាយចេក រង់ចាំធ្វើការដោះស្រាយនៅពេលក្រោយ៕

ដោយ ៖ វ៉ាន ណាង