ចរាចរណ៍
នាយកដ្ឋានសុវត្ថិភាពចរាចរណ៍ផ្លូវគោកពន្យល់ច្បាស់ៗ ក្រោយផ្ទុះការវែកញែករឿងឡានធំនិងតូចកៀបគ្នាលើស្ពានតូចចង្អៀត
ភ្នំពេញ ៖ ផ្ទុះការចាប់អារម្មណ៍មួយបន្ទាប់ពីមានការបង្ហោះចែករំលែកនូវករណីគ្រោះថ្នាក់ចរាចរណ៍ដែលបានកើតឡើងរវាងរថយន្តធុនធំនិងតូច២គ្រឿងកៀបគ្នានៅលើស្ពានបណ្តាលឲ្យរងការខូចខាតជាដំណំ។
ផ្អែកតាមរយៈរូបភាពប៉ុន្មានសន្លឹកដែលត្រូវបានគេ បង្ហោះចែកចាយនៅលើបណ្ដាញសង្គមហ្វេសប៊ុក នេះហើយទើបធ្វើឲ្យមហាជននិងលេងបណ្តាញសង្គមហ្វេសប៊ុកផ្ទុះការវិភាគវែកញែក ខណៈមតិខ្លះថា ឡានធំជាអ្នកខុសឯខ្លះទៀតថា ឡានតូចជាអ្នកខុសព្រោះឃើញឡានធំមកហើយនៅខំរុលទៅទៀតមិនព្រមឈប់សិន។
យ៉ាងណាមិញ ក្រោយពេលផ្ទុះការវែកញែកពាក់ព័ន្ធករណីនេះ ក៏ស្រាប់តែនាយកដ្ឋានសុវត្ថិភាពចរាចរណ៍ផ្លូវគោកបានបង្ហោះនៅលើទំព័រហ្វសប៊ុកផ្លូវ នារសៀលទី១៥ខែកក្កដាឆ្នាំ២០២១នេះដោយ ធ្វើការពន្យល់ច្បាស់ៗជុំវិញបញ្ហានេះ។
ខ្លឹមសារដែលបង្ហោះនោះលើកឡើងដូច្នេះថា យោងមាត្រា២០ចំណុចទី៧នៃច្បាប់ស្តីពីចរាចរណ៍ផ្លូវ គោកគឺនៅលើស្ពានចង្អៀតដែលបើកបរបានតែរថយន្តមួយគ្រឿងយានយន្តធុនធំត្រូវទុកសិទ្ធិឱ្យយានយន្តធុនស្រាលទៅមុន។ តែបើក្នុងករណីរថយន្តធុនធំបានទៅដល់លើស្ពានមុនរថយន្តធុនស្រាលត្រូវឈប់សិន រង់ចាំទាល់តែរថយន្តធុនធំឆ្លងផុតស្ពានមុនសិន។
បញ្ជាក់ការផុសនេះ មិនមែនរកខុសត្រូវទេគ្រាន់តែចែករំលែកច្បាប់ចរាចរណ៍ដល់បងប្អូនប្រជាពលរដ្ឋដែលជាអ្នកប្រើប្រាស់ផ្លូវ។ ”បើកបរដោយការប្រុង ប្រយ័ត្នយោគយល់អធ្យាស្រ័យនិងគោរពច្បាប់ចរាចរណ៍”។
សូមបញ្ជាក់ថា កាលពីថ្ងៃទី១៤ខែកក្កដាឆ្នាំ២០២១ នេះ មានហេតុការណ៍ប៉ះទង្គិចគ្នារវាងរថយន្តធុនធ្ងន់មួយគ្រឿងនិងរថយន្តToyota Pruisលើស្ពាន ដែកមួយកន្លែងស្ថិតនៅភូមិឫស្សីមួយគុម្ពឃុំត្រពាំងគ្រញូង ស្រុកត្រាំកក់ ខេត្តតាកែវ៕
ដោយ ៖ ចាន់រ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង