បុរសម្នាក់ស្លាប់នៅនឹងកន្លែងនិងនារីម្នាក់ទៀតរងរបួសធ្ងន់ ​ក្នុងហេតុការណ៍គ្រោះថ្នាក់បើកម៉ូតូបុករថយន្តកំពុងឆ្លងផ្លូវ

បុរសម្នាក់បានបោកក្បាលស្លាប់ភ្លាមៗនៅនឹងកន្លែងកើតហេតុ និងនារីម្នាក់ដែលរួមដំណើរជាមួយបានរងរបួសធ្ងន់ ក្នុងហេតុការណ៍គ្រោះថ្នាក់ចរាចរបើកម៉ូតូបុករថយន្តព្រុស កំពុងឆ្លងកាត់ផ្លូវបែកជា ៤ ហើយរថយន្តព្យាយាម បើករត់គេច តែត្រូវសមត្ថកិច្ចចាប់បាន។

ហេតុការណ៍គ្រោះថ្នាក់បានកើតឡើងនៅវេលាម៉ោង០២និង៤០នាទី រំលងអធ្រាត ថ្ងៃសុក្រទី៣ ខែកញ្ញា ឆ្នាំ២០២១ នៅចំណុចមហាវិថីព្រះនរោត្តម កែងផ្លូវ២១៤ សង្កាត់ជ័យជំនះ ខណ្ឌដូនពេញរាជធានីភ្នំពេញ។

សមត្ថកិច្ចបានឲ្យដឹងថារថយន្តបង្កម៉ាក Prius អ្នកបើកបរឈ្មោះ តាំង ចំរើន ភេទប្រុស អាយុ២៩ឆ្នាំ មុខរបរបើកបរ ស្នាក់នៅផ្ទះជួល សង្កាត់ជ្រោយចង្វារ ខណជ្រោយចង្វា មកដល់ត្រង់ភ្លើងស្តប់កន្លែងកើតហេតុក៏ម៉ូតូស្កូពី ដែលអ្នកបើកបរឈ្មោះ ប៉ែន សំណាង ភេទប្រុស អាយុ២៤ឆ្នាំ មុខរបរលក់ដូរ ស្នាក់នៅភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ បានស្លាប់នៅកន្លែងកើតហេតុនិងនារីម្នាក់ទៀតដែលធ្វើដំណើរជាមួយរងតបួសធ្ងន់មិនស្គាល់អត្តសញ្ញាណត្រូវឡានពេទ្យឯកជន(សុង កាណ៍)មកដឹកយកទៅសង្រ្គោះ។

បច្ចុប្បន្នសពបានប្រគល់ជូនសាច់ញាតិ ដឹកយកទៅធ្វើបុណ្យនៅវត្តសំបួរមាស។ចំណែកម៉ូតូនិងរថយន្តត្រូវបានកម្លាំងជំនាញចរាចរកផ្លូវគោករាជធានីចុះមកវាស់វែងយកទៅរក្សាទុក៕

អត្ថបទៈ រស្មី