ចរាចរណ៍

អេឡិច ចាន់ត្រា បកស្រាយករណីគ្រោះថ្នាក់ចរាចរណ៍ ដែលគេថាមកពីស្រវឹងស្រា

បានផុស

៥ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

មហាជនបានដឹងហើយថា តារាចម្រៀង អេឡិច ចាន់ត្រា កាលពីវេលាម៉ោង២និង ៣០ នាទី រំល ងអធ្រាត្រឈានចូលថ្ងៃទី៣១ ខែតុលា ឆ្នាំ២០២១ បានបើករថយន្តស៊េរីទំនើបBMWលឿនមិនប្រយ័ត្ន ជ្រុលទៅបុករថយន្តដឹកប្រេងឥន្ធនៈTotalពីក្រោយយ៉ាងពេញទំហឹង បណ្ដាលឱ្យរងការខូចខាតយ៉ាងដំណំតែសំណាងមិនមានរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងនៅត្រង់ចំណុចមុខធនាគារABA តាមបណ្ដោយផ្លូវជាតិលេខ ១ ក្នុងសង្កាត់ច្បារអំពៅ១ ខណ្ឌច្បារអំពៅ ខណៈមហាជនមួយចំនួនសង្ស័យថា គ្រោះថ្នាក់នេះអាចបណ្តាលមកពីលោក អេឡិច ចាន់ត្រា ស្រវឹង។ ប៉ុន្តែដំណឹងនេះ ត្រូវបានសាមីខ្លួនច្រានចោលនិងបកស្រាយប្រាប់ពីហេតុផលនៃគ្រោះថ្នាក់នេះ។

តារាចម្រៀងលោក អេឡិច ចាន់ត្រា បានធ្វើការបញ្ជាក់ប្រាប់បែបនេះថា គ្រោះថ្នាក់ខាងលើនោះកើតឡើងអំឡុងពេលលោកចេញដំណើរត្រឡប់មកពីទឹកដីខេត្តសៀមរាប ព្រោះទៅលេងផ្ទះនៅទីនោះ១កន្លែងទៀត ក្នុងក្រុងសៀមរាប។ លោកបន្តថា ដោយសារតែប្រញាប់មកភ្នំពេញវិញ ព្រោះត្រូវរៀបចំកម្មវិធីមួយឲ្យគេនៅផ្សារទំនើបអ៊ីអន២ ហើយកម្មវិធីដែលរៀបចំក្រោមការងាររបស់លោកដែរ ដោយតម្រូវចាប់ផ្តើមធ្វើពីម៉ោង៩ព្រឹកដល់៩យប់ ទើបត្រូវមកឲ្យទាន់។ លោកថា លុះធ្វើដំណើរមកដល់ចំណុចស្ពានច្បារអំពៅ គឺរៀងងងុយដេកមួយភាំង ក៏បង្កឲ្យជួបគ្រោះថ្នាក់តែម្តងតែសំណាងមិនមានរងរបួស ពោលគឺគ្រាន់តែខូចខាតឡានអស់មួយផ្នែកធំ។

លោក អេឡិច ចាន់ត្រា បន្ថែមថា ខ្លួនលោកមិនបានបើកបរដោយមានសារធាតុស្រវឹងនោះទេ ពោលអស់កម្លាំងមកផ្លូវឆ្ងាយទើបល្វើយខ្លួន បណ្តាលឲ្យជួបគ្រោះថ្នាក់ចរាចរណ៍ខាងលើតែម្តង៕

អត្ថបទ៖ ចាន់រ៉ា

Related Topics:គ្រោះថ្នាក់ចរាចរណ៍អេឡិច ចាន់ត្រា

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា