ចរាចរណ៍

រថយន្តពីរគ្រឿងព្រលះគ្នា ប៉ះម៉ូតូមួយគ្រឿងទៀតធ្លាក់ទឹក តែមិនមានអ្នកគ្រោះថ្នាក់ដល់ជីវិត

បានផុស

៥ years មុន

នៅ

ថ្ងៃសុក្រ ៥ វិច្ឆិកា ២០២១

ដោយ

គ្រោះថ្នាក់ចរាចរមួយកើតឡើង ដែលបង្កដោយរថយន្តពីរគ្រឿងបើកបរ ក្នុងទិសដៅផ្ទុយគ្នា ក្នុងស្ថានភាពល្បឿនលឿន និងខ្វះការប្រុងប្រយ័ត្ន សំណាងល្អមិនមានអ្នកគ្រោះថ្នាក់ដល់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ កើតឡើងនៅម៉ោង១៦និង១០នាទីល្ងាចកាលពីថ្ងៃទី០៤ ខែវិច្ឆិកា ឆ្នាំ២០២១ នៅលើផ្លូវខេត្តលេខ២២ ចន្លោះគីឡូម៉ែត្រ ៦-៧ ស្ថិតក្នុងភូមិត្រពាំងគូរ ឃុំលាយបូរ ស្រុកត្រាំកក់ ខេត្តតាកែវ ដែលបង្កឡើងដោយរថយន្តមួយគ្រឿងម៉ាកតូយូតាហាយឡែនឌឺពណ៌ទឹកប្រាក់ ប៉ះជាមួយរថយន្តម៉ាកព្រូស និងមានម៉ូតូហុងដាឌ្រីមមួយគ្រឿងទៀត ដែលបានរងគ្រោះផងដែរ បណ្ដាលឲ្យមានការខូចខាតនិងរងរបួសធ្ងន់។ សាក្សីនៅក្បែរកន្លែងកើតហេតុបញ្ជាក់ថា មុនពេលកើតហេតុមានរថយន្តតូយូតាហាយឡែនឌឺ បើកបរពីលិចទៅកើត ដោយខ្វះការប្រុងប្រយ័ត្ននិងមានល្បឿនលឿនផងនោះ បានទៅប៉ះជាមួយរថយន្តម៉ាកព្រូសកៀរទៅប៉ះម៉ូតូមួយគ្រឿងទៀត ដែលកំពុងធ្វើដំណើរបញ្ច្រាសទិសគ្នា ទើបបណ្ដាលឲ្យមានគ្រោះយ៉ាងធ្ងន់ធ្ងរបែបនេះ។

ប៉ូលីសប៉ុស្តិ៍នគរបាលរដ្ឋបាលលាយបូរបានឲ្យដឹងថា អ្នកបើករថយន្តព្រូសឈ្មោះ បុត សុធារិទ្ធ ភេទប្រុសអាយុ២៧ឆ្នាំ រស់នៅភូមិស្វាយទង ឃុំខ្វាវ ស្រុកសំរោង ខេត្តតាកែវ មុខរបរបុគ្គលិកក្រុមហ៊ុន (គ្មានរបួស) បើកបរពីទិសខាងកើតទៅលិច។ ចំណែកអ្នកបើកបររថយន្តហាយឡែនឌឺឈ្មោះ ហែម យ៉ាន ភេទប្រុស អាយុ៦៣ឆ្នាំ រស់នៅភូមិស្ដៅ ឃុំស្ដៅ ស្រុករតនៈមណ្ឌល ខេត្តបាត់ដំបង គ្មានរបួស ទិសដៅពីលិចទៅកើត។ ដោយឡែកអ្នកបើកបរម៉ូតូឈ្មោះ ផាន ចន្ថា ភេទប្រុស អាយុ២៧ឆ្នាំ និងអ្នករួមដំណើរជាប្រពន្ធ ឈ្មោះ ហ៊ី សុបិន អាយុ២៩ឆ្នាំ រស់នៅភូមិត្នោតជុំ ឃុំសំបួរ ស្រុកទ្រាំង ខេត្តតាកែវ រងរបួសធ្ងន់។

ក្រោយកើតហេតុលោកមេប៉ុស្តិ៍នគរបាលឃុំលាយបូរ បានដឹកនាំកម្លាំងជួយសង្គ្រោះជនរងគ្រោះបញ្ជូនទៅមន្ទីរពេទ្យ និងជួយវាយកញ្ចក់រថយន្តដែលធ្លាក់ក្នុងប្រឡាយយកមនុស្សចេញពីក្នុងរថយន្តបានទាន់ពេលវេលា មិនបង្កឲ្យមានគ្រោះថ្នាក់ដល់អាយុជីវិតនោះទេ៕

អត្ថបទ៖ វីរៈ

Related Topics:គ្រោះថ្នាក់ចរាចរណ៍