ចរាចរណ៍

រថយន្តដឹកកៅស៊ូខ្មៅ ក្រឡាប់ ធ្លាក់ផ្លូវទាំងព្រឹក សំណាងល្អគ្មានអ្នករងរបួស

បានផុស

៣ years មុន

នៅ

ថ្ងៃពុធ ២៩ ធ្នូ ២០២១

ដោយ

រថយន្ត HINO ដឹកកៅស៊ូខ្មៅសម្រាប់ចាក់ក្រាលផ្លូវ ១ គ្រឿង បានធ្លាក់ផ្លូវក្រឡាប់នៅសង្កាត់គងនយ ប៉ុន្តែសំណាងល្អណស់ គ្មាននរណាម្នាក់របួសឡើយ។ ហេតុការណ៍គ្រោះថ្នាក់ចរាចរណ៍ដោយខ្លួនឯងនេះ កើតឡើង កាលពីព្រលឹមស្រាងៗ ព្រឹកថ្ងៃទី ២៩ ខែធ្នូ ឆ្នាំ ២០២១ នៅតាមបណ្តោយផ្លូវលេខ១០៤ ឬ ផ្លូវលេខ២០A សង្កាត់គងនយ ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋប្រាប់ថា រថយន្តដែលរងគ្រោះថ្នាក់ដោយខ្លួនឯងនោះ គឺរថយន្ត យីឌុប ម៉ាក HINO ពាក់ស្លាកលេខ ព្រះសីហនុ 3A.8362 ។

សាក្សីប្រាប់ឲ្យដឹងថា រថយន្ត យីឌុប ម៉ាក HINO ពាក់ស្លាកលេខ ព្រះសីហនុ 3A.8362 ដឹកកៅស៊ូខ្មៅសម្រាប់ចាក់ក្រាលផ្លូវនេះ បើកបរតាមបណ្តោយផ្លូវលេខ១០៤ ឬ ផ្លូវលេខ២០A សង្កាត់គងនយ ខណ្ឌដង្កោ ក្នុងទិសដៅពីលិចទៅកើត ដោយឃើញមានឧបសគ្គនៅខាងមុខ អ្នកបើកបរក៏បង្ខំកាច់ចង្កូតរថយន្តមកខាងស្តាំដៃ ធ្លាក់ផ្លូវក្រឡាប់បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចមូលដ្ឋានចុះទៅដល់ចំណុចកើតហេតុជួយអន្តរាគមន៍ផងដែរ ។

ប្រភពពីពលរដ្ឋប្រាប់បន្តឲ្យដឹងថា ដោយពិនិត្យឃើញថា រថយន្តដែលក្រឡាប់នោះមិនប៉ះពាល់ទៅដល់ទ្រព្យសម្បត្តិសាធារណៈ ក៏ដូចជា ទ្រព្យសម្បត្តិប្រជាពលរដ្ឋ ទើបសមត្ថកិច្ចយល់ព្រមអនុញ្ញាតឲ្យស្ទូចយករថយន្តទៅធ្វើការជួសជុលដោយខ្លួនឯង ៕

អត្ថបទ៖ រ៉ាវុទ្ធ

Related Topics:គ្រោះថ្នាក់ចរាចរណ៍