ចរាចរណ៍

លោកតាវ័យ ៧៨ ឆ្នាំម្នាក់ ស្លាប់នៅនឹងកន្លែង ខណៈជិះម៉ូតូឆ្លងផ្លូវត្រូវឡានបុក

បានផុស

៤ years មុន

នៅ

ថ្ងៃព្រហស្បតិ៍ ២៤ មីនា ២០២២

ដោយ

រថយន្ដម៉ាក HUMMER បោះពួយក្នុងល្បឿនលឿនទៅមុកម៉ូតូលោកតាម្នាក់ ដែលបើកឆ្លងផ្លូវដោយខ្វះការប្រុងប្រយ័ត្ន បណ្តាលឲ្យស្លាប់នៅនឹងកន្លែង ចំណែកអ្នកបើកបររថយន្តបានចុះរត់គេចខ្លួនបាត់។ ហេតុការណ៍នេះកើតឡើងនៅ វេលាម៉ោង ១៧ និង ៣០ នាទី កាលពីថ្ងៃទី ២៣ ខែមីនា ឆ្នាំ ២០២២ ក្នុងភូមិលលៃឃុំបាគង ស្រុកប្រាសាទបាគង ខេត្ដសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក លឹម សម្បត្ដិ អធិការនគរបាលស្រុកប្រាសាទបាគង បានឲ្យដឹងថា មានករណីគ្រោះថ្នាក់ចរាចររវាងរថយន្ដមួយគ្រឿងម៉ាក HUMMER ពណ៌ខ្មៅ ពាក់ស្លាកលេខ ភ្នំពេញ 2 J.3939 បើកបរដោយឈ្មោះ មិនស្គាល់អត្តសញ្ញាណបើកបរមានទិសដៅពីលិចទៅកើត ទៅបុកនឹងម៉ូតូមួយគ្រឿងម៉ាកហុងដាសេ ១២៥ សេរី ២០១៨ ពណ៌ខ្មៅពាក់ស្លាកលេខសៀមរាប 1AC 82 48 បើកបរដោយឈ្មោះ សាប់ ហឿង ភេទប្រុស អាយុ ៧៨ ឆ្នាំ ដែលមានទីលំភូមិលលៃ ឃុំបាគង ស្រុកប្រាសាទបាគង ខេត្ដសៀមរាប បើកបរឆ្លងផ្លូវពីជើងទៅត្បូង។

លោកបញ្ជាក់ថា ក្រោយពេលកើតហេតុរួចអ្នករថយន្ដចុះរត់គេចខ្លួនបាត់ទៅ។ ករណីនេះបណ្ដាលឲ្យស្លាប់មនុស្សម្នាក់ អ្នកបើកបរម៉ូតូ។ មូលហេតុអ្នកបើកបរម៉ូតូបើកបរឆ្លងផ្លូវខ្វះការប្រុងប្រយ័ត្ន។បច្ចុប្បន្នម៉ូតូនិងរថយន្ដខូចខាតធ្ងន់ បានអូសយកមករក្សាទុកនៅអធិការដ្ឋាននគរបាលស្រុកដើម្បីបង្កសំណុំរឿងចាតការតាមនីតិវិធី៕

អត្ថបទ៖ កុសល

Related Topics:គ្រោះថ្នាក់ចរាចរណ៍

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា