ក្មេងស្រីបីនាក់ បើកម៉ូតូលឿនជាន់ហ្វ្រាំងមិនទាន់ទៅបុកត្រាក់ទ័រកំពុងបត់ របួសធ្ងន់ទាំងបី

គ្រោះថ្នាក់ចរាចរណ៍រវាងម៉ូតូ និងត្រាក់ទ័រ បណ្តាលឲ្យក្មេងស្រីបីនាក់អាយុក្រោម ១៥ ឆ្នាំ រងរបួសធ្ងន់ទាំងពុំមានពាក់មួកសុវត្ថិភាព។ ហេ​តុការណ៍​គ្រោះ​ថា្នក់ចរាចរណ៍​នេះ​កើតឡើង​នៅវេលា​ម៉ោង​ ១២ ​និង ៥៥ នាទី ​ថ្ងៃទី​ ២១​ ខែមេសា​ ឆ្នាំ ២០២២ ឃុំ​ថ្មពួក ស្រុក​ថ្មពួក ខេត្តបន្ទាយមានជ័យ។​

​ករណីគ្រោះថ្នាក់ចរាចរណ៍រវាង​ម៉ូតូ​បុក​ត្រាក់ទ័រ ក្នុងទិសដៅ​ច្រាស​ទិស​គ្នា បើកបរ​ក្នុង​ល្បឿន​លឿន​ផ្ទុយគ្នា​ពី​ត្បូង​ទៅ​ជើង ដោយ​ឃើញ​ត្រាក់ទ័រ​បទ​ឆ្វេង ជាន់​ហ្វ្រាំង​មិនទាន់​បណ្តាលឲ្យ​គ្រោះថ្នាក់​។អ្នកបើត្រាក់ទ័រឈ្មោះ ​ចាន់ ចង ភេទ​ប្រុស​ អាយុ​ ៤៣ ឆ្នាំ ​រស់នៅ​ភូមិ​ថ្មពួក ឃុំថ្មពួក ស្រុកថ្មពួក​ខេត្តបន្ទាយមានជ័យ។ ​ចំណែក​ម៉ូតូ​ម៉ាក​ហុងដា ​១២៥ ពាក់​ស្លាក​លេខ​បន្ទាយមានជ័យ 1R-7544 បើកបរ ឈ្មោះ ហ៊ាន វិច្ឆិកា ភេទ​ស្រី អាយុ​ ១៣ ​ឆ្នាំ រស់នៅភូមិ​ព្រៃវែង ឃុំ​គំរូ ស្រុក​ថ្មពួក​ ខេត្តបន្ទាយមានជ័យ អ្នករួម​ដំណើរពីរ​នាក់ឈ្មោះ​ ទី១. ហ៊ីន ស្រី​ណា​ម ភេទ​ស្រី អាយុ ១៤ នៅ​ភូមិ​/​ឃុំ​ជាមួយគ្នា ទី១. អេស ស្រី​ធី​ង ភេទ​ស្រី​អាយុ ១៥ ឆ្នាំ​ រស់នៅ​ភូមិ​កណ្ដោល​ឃុំ​គោក​រមៀត ​ស្រុក​ថ្មពួក​។​

ក្នុងករណីនេះ​បណ្តាលឲ្យ​រងរបួស​ក្មេងស្រី ៣ ​នាក់​របួសធ្ងន់​ ២ នាក់​ ស្រាល​ ១នាក់ និង​ធ្វើឲ្យ​ខូច​សម្ភា​រ ម៉ូតូ​ខូច​ធ្ងន់មួយ​គ្រឿង។ យោងតាម​សមត្ថកិច្ច​ចរាចរ​នៃ​អធិការ​ស្រុក​ថ្មពួក​មូលហេតុ​ដែលនាំឲ្យមាន​គ្រោះថ្នាក់​កើតឡើង​ដោយសារ​ត្រាក់ទ័រ​ប្ដូរ​គន្លង​បត់​ឆ្វេង និង​ម៉ូតូ​បើក​ក្នុង​ល្បឿន​លឿន​៕

អត្ថបទ៖ ​ពៅ​