Connect with us

ចរាចរណ៍

រថយន្ដបែនដឹកដីបុកម៉ូតូមន្ត្រីនគរបាលម្នាក់ ខណៈកំពុងដឹកកូនចេញពីសាលាស្លាប់ទាំង២នាក់

បានផុស

នៅ

បុរសម្នាក់ដែលគេស្គាល់ថាជាមន្ត្រីនគរបាលខេត្តព្រះសីហនុ រួមជាមួយកូនប្រុសអាយុ៧ឆ្នាំម្នាក់ត្រូវបានរថយន្ដ​បែនដឹកដីបុកស្លាប់ភ្លាមៗនៅកន្លែងកើតហេតុ ខណៈកំពុងឌុបកូនចេញសាលារៀន ក្នុងទិសដៅផ្ទុយគ្នា។

ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១១និង០០នាទីព្រឹក ថ្ងៃទី២៩ ខែសីហា ឆ្នាំ២០២២ នៅចំណុចផ្លូវចំណោទមហោស្របថ្មី ស្ថិតនៅភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគ្រោះថ្នាក់ចរាចរណ៍នេះ បង្កឡើងដោយរថយន្តបែនដឹកដីម៉ាក HYUNDAI ពណ៌ស ពាក់ផ្លាកលេខ កំពង់ស្ពឺ 3A-4500 បើកបរដោយឈ្មោះ សួន ខា ភេទប្រុស អាយុ៣០ឆ្នាំ ជនជាតិខ្មែរ បច្ចុប្បន្នស្នាក់នៅ ភូមិបឹងតាព្រហ្ម ឃុំបឹងតាព្រហ្ម ស្រកព្រៃនប់ ខេត្តព្រះសីហនុ។

ជនរងគ្រោះមានឈ្មោះ ប៊ូ រតនា ភេទប្រុស អាយុ៣៣ឆ្នាំ មុខរបរមន្ត្រីនគរបាលខេត្តព្រះសីហនុ រួមដំណើរជាមួយកូនឈ្មោះ ធី រតនាឧត្តម ភេទប្រុស អាយុ៧ឆ្នាំ មុខរបរសិស្ស បច្ចុប្បន្នស្នាក់នៅភូមិ១ សង្កាត់លេខ១  ក្រុង -ខេត្តព្រះសីហនុ ជិះម៉ូតូម៉ាក HONDA ZOOMER ពណ៌ទឹកក្រូច-ស ពាក់ផ្លាកលេខ ព្រះសីហនុ 1G-7537។

សាកសពជនរគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ចំណែកអ្នកបើកបររថយន្តត្រូវបានសមត្ថកិច្ចយកនាំខ្លួនមកកាន់ការិយាល័យនគរបាលចរាចរណ៍ផ្លូវគោក នៃស្នងការខេត្ត រួមទាំងវត្ថុតាង រថយន្តនិងម៉ូតូ ដើម្បីបន្តតាមនីតិវិធី៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម