ចរាចរណ៍
រថយន្តធុនធំបុកហ្វូងគោកំពុងឆ្លងផ្លូវងាប់ ៧ ក្បាល និងបាក់ជើង២ក្បាល
សត្វគោ៧ក្បាលបានងាប់ និង២ក្បាលបាក់ជើងក្រោយទាំង២ ដោយសាររថយន្តធុន១គ្រឿងបុក និងកិនពិលើ។ ហេតុការនេះបានកើតឡើងនៅវេលាម៉ោង៨និង១៥នាទីព្រឹក ថ្ងៃទី០៣ ខែកញ្ញា ឆ្នាំ២០២២ លើផ្លូវជាតិលេខ៥ ចំណុចមុខក្លោងទ្វារចូលវត្តធម្មវ័ន ក្នុងភូមិត្រពាំងអញ្ចាញ ឃុំក្រាំងដីមាស ស្រុករលាប្អៀរ ខេត្តកំពង់ឆ្នាំង ។
សមត្ថកិច្ចនគរបាលចរាចរណ៍ស្រុករលាប្អៀរ នៅកន្លែងកើតហេតុបានឲ្យដឹងថា រថយន្តបង្កខាងលើនេះម៉ាក់ហ៊ីយ៉ាន់ដាយភ្លៅ៥ ពាក់ស្លាកលេខភ្នំពេញ 3C-0474 បើកបរក្នុងទិសដៅពីត្បូងទៅជើង ក្នុងល្បឿនលឿនមកដល់ចំណុចនេះក៏បានបុកចំហ្វូងគោដែលកំពុងឆ្លងកាត់ផ្លូវតែម្ដង បណ្ដាលឱ្យគោ៧ក្បាលបានងាប់នៅកន្លែងកើតហេតុ និង១ក្បាលទៀតរបួសធ្ងន់បាក់ជើងក្រោយទាំង២ ។
ក្រោយពេលកើតហេតុសមត្ថកិច្ចបានឃាត់ខ្លួនអ្នកបើកបររថយន្តបង្កគ្រោះថ្នាក់នេះយកមកកាន់អធិការដ្ឋាននគរបាលស្រុករលាយផ្អៀរដើម្បីកសាងសំណុំរឿងចាត់ការតាមនីតិវិធី។ ដោយឡែកនៅកន្លែងកើតហេតុសមត្ថកិច្ចបានសម្រួលចរាចរណ៍ និងធ្វើកំណត់ហេតុប្រគល់សត្វគោងាប់ជូនប្រជាពលរដ្ឋជាម្ចាស់គោវិញ និងណែនាំឲ្យម្ចាស់គោប្រមាណ៣ឬ៤នាក់ដាក់ពាក្យបណ្ដឹងតាមផ្លូវច្បាប់ ។
ប្រជាពលរដ្ឋនៅកន្លែងកើតហេតុបានបញ្ជាក់ថា មុនពេលកើតហេតុពួកគាត់បានកាន់ទង់ក្រហម គ្រវីជាសញ្ញាសុំឲ្យរថយន្តបើកបរលើផ្លូវជាតិបន្ថយល្បឿនឬឈប់សុំឲ្យគោឆ្លងកាត់ ។ ប៉ុន្តែក្នុងពេលនោះរថយន្តបង្កហេតុខាងលើមិនបានបង្អង់ល្បឿន ឬឈប់នោះទេ គឺបានបើកក្នុងល្បឿនលឿនវ៉ារថយន្តតូច១គ្រឿងនៅពីមុខ ហើយក៏បានបុកហ្វូងគោដែលកំពុងឆ្លងផ្លូវជាតិបណ្ដាលឲ្យមានគ្រោះថ្នាក់តែម្ដង គឺគោ៣ក្បាលបានងាប់នៅក្រោមកង់រថយន្តខាងមុខ និង៤ក្បាលទៀតបានងាប់នៅក្រោមរថយន្តផ្នែកខាងក្រោយ និង២ក្បាលទៀតរបួសបាក់ជើងក្រោយទាំង២ ។
ករណីខាងលើនេះប្រជាពលរដ្ឋសំណូមពរដល់មន្ទីរសាធារណៈការខេត្ត សុំមេត្តាដាក់ផ្លាកសញ្ញាគោឆ្លងកាត់ផ្លូវ ចំណុចនេះឡើងវិញផង ព្រោះថាពីមុននៅចំណុចខាងលើនេះមានផ្លាកសញ្ញាគោឆ្លងផ្លូវចំនួន២ផ្ទាំង ប៉ុន្តែថ្មីៗនេះត្រូវបានគេដក ចេញពេលជួសជុលផ្លូវជាតិ។ ការដាក់ផ្លាកសញ្ញានេះឡើងវិញដើម្បីជាដំណឹងដល់អ្នកបើកបរយន្តគ្រប់ប្រភេទ សុំឲ្យប្រុងប្រយ័ត្ននិងបន្ថយល្បឿន កន្លែងសត្វគោឆ្លងកាត់ ទើបអាចកាត់បន្ថយហានិភ័យនៃគ្រោះ ថ្នាក់ចរាចរណ៍នៅចំណុចនេះបាន៕
អត្ថបទ៖ ឈៀងថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ