ចរាចរណ៍
របូតកង់រថយន្ដបុកស្ត្រីម្នាក់កំពុងឈរទិញបន្លែស្លាប់ពេលបញ្ជូនដល់មន្ទីរពេទ្យ
រថយន្តមួយគ្រឿងកំពុងធ្វើចរាចរណ៍នៅលើដងផ្លូវជាតិ ស្រាប់តែរបូតកង់ក្រោយរមៀលទៅបុកស្ត្រីម្នាក់បណ្តាលឲ្យរបួសធ្ងន់ និងបានស្លាប់ពេលបញ្ជូនដល់មណ្ឌលសុខភាពស្រុកកូនមុំ។
ហេតុការណ៍គ្រោះថ្នាក់ចរាចរណ៍មិននឹកស្មានមិនដល់នេះបានកើតឡើងនៅព្រឹកថ្ងៃទី២៩ ខែកញ្ញា ឆ្នាំ២០២២ នៅតាមបណ្តោយផ្លូវជាតិលេខ៧៨ ស្ថិតនៅក្នុងភូមិ១ ឃុំត្រពាំងច្រេស ស្រុកកូនមុំ ខេត្តរតនគីរី។
យោងតាមរបាយការណ៍របស់អធិការនគរបាលស្រុកកូនមុំបានឲ្យដឹងថា ជនរងគ្រោះឈ្មោះ មុី ភា ភេទស្រីអាយុ៣២ឆ្នាំ ជនជាតិខ្មែរ មុខរបរកសិកមានទីលំនៅភូមិ-ឃុំកើតហេតុខាងលើក្រោយពេលដឹកបញ្ជូនទៅដល់មណ្ឌលសុខភាពស្រុកកូនមុំក៏បានស្លាប់តែម្តង ខណៈជនរងគ្រោះកំពុងឈរទិញបន្លែនៅក្បែរផ្ទះរបស់ខ្លួន ស្លាប់ចោលប្តីនិងកូននៅតូចៗគ្មានម្តាយថែទាំតទៅទៀតនោះ។
របាយការណ៍បានបញ្ជាក់ថា រថយន្ត១គ្រឿងដែលបង្កឲ្យមានមនុស្សស្លាប់នោះម៉ាក SCANIA ប្រភេទវេអង ពាក់ស្លាកលេខខាងមុខ រតនគិរី3A-8866 និងកន្ទុយរ៉ឺម៉កកំពង់ស្ពឺ4A-0255 ក្រោយពេលកើតហេតុរថយន្តបង្កបានព្យាយាមបើករត់គេចចេញពីកន្លែងកើតហេតុ ប៉ុន្តែត្រូវបានកម្លាំងសមត្ថកិច្វជំនាញបានដេញតាមទាន់នៅត្រង់ចំណុចភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី ចំណែកអ្នបើកបរមិនត្រូវបានស្គាល់អត្តសញ្ញាណនោះទេ បន្សល់ទុករថយន្តនៅតាមផ្លូវហើយរត់គេចខ្លួនបាត់ស្រមោល។
របាយការណ៍បានបញ្ជាក់ថា រថយន្តវេអងបើកបរក្នុងទិសដៅពីកើតទៅលិច ចេញពីខេត្តរតនគិរីឆ្ពោះទៅអូរពងខេត្តស្ទឹងត្រែង មកដល់ចំណុចកើតហេតុក៏ស្រាប់តែរបូតកង់ខាងក្រោយផ្នែកខាងស្តាំ ទៅបុកស្ត្រីម្នាក់កំពុងឈរទិញបន្លែដើម្បីយកមកធ្វើម្ហូបឲ្យប្តីនិងកូនហូប ជាអកុសល យមរាជបានផ្ដាច់ជីវិតស្ត្រីម្នាក់ ចោលប្ដីនិងកូនឲ្យនៅអាឡោះអាល័យបំផុត។
បច្ចុប្បន្ន វត្ថុតាងត្រូវបានកម្លាំងអធិការដ្ឋាននគរបាលស្រុកកូនមុំ រឹបអូសយកមករក្សាទុកនៅអធិការនគរបាលស្រុកកូនមុំ ដើម្បីបន្តនីតិវិធីតាមផ្លូវច្បាប់។ ចំណែកសពជនរងគ្រោះកម្លាំងជំនាញបានធ្វើកំណត់ហេតុប្រគល់ជូនទៅឲ្យក្រុមគ្រួសារសាច់ញ្ញាតិ ដើម្បីយកទៅធ្វើបុណ្យតាមប្រពៃណី៕
អត្ថបទ៖ វុទ្ធឦសាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)