ចរាចរណ៍
អ្នកបើករថយន្ដដឹកឈើម្នាក់កៀបជាប់ស្លាប់ក្នុងរថយន្ដ ខណៈមន្ត្រីនគរបាលម្នាក់របួសធ្ងន់ដែលគេសង្ស័យថា ជាករណីប្រដេញគ្នា
បុរសជាអ្នកបើកបររថយន្តម្នាក់បានស្លាប់កៀបជាប់ក្នុងរថយន្ត និងម្នាក់ទៀតបានរងរបួសធ្ងន់ ក្នុងហេតុការណ៍រថយន្តពីរគ្រឿងបុកគ្នា កាលពីវេលាម៉ោង១៩និង០៥នាទីយប់ ថ្ងៃទី២៨ ខែតុលា ឆ្នាំ២០២២ ត្រង់ចំណុចគីឡូម៉ែត្រ៥៣-៥៤ ស្ថិតនៅក្នុងភូមិត្រពាំងផ្អេរ ឃុំស្រែខ្ទុម ស្រុកកែវសីមា។
សមត្ថកិច្ចបានបញ្ជាក់ថា ជនរងគ្រោះដែលស្លាប់ឈ្មោះ ណាង ស៊ីណាត ភេទប្រុស អាយុ៣៥ឆ្នាំ មុខរបរជាកសិករ មានទីកន្លែងកំណើតភូមិដាលិច ឃុំដា ស្រុកមេមត់ ខេត្តកំពង់ចាម បច្ចុប្បន្នរស់នៅភូមិឡាប៉ាខេ ឃុំស្រែខ្ទុម ស្រុកកែវសីមា បានបើករថយន្តម៉ាកកាមេរីពណ៌ក្រហម មិនមានស្លាកលេខ បើកបរក្នុងទិសដៅពីកើតទៅលិច ក្នុងល្បឿនលឿន បានមកបុកចំពីមុខពេញទំហឹងជាមួយរថយន្តមួយគ្រឿងទៀត ម៉ាក់ toyota prius ពណ៌ទឹកមាសពាក់ស្លាកលេខ មណ្ឌលគិរី 2B-3564 បើកបរដោយឈ្មោះ សៀង ចំរ៉ុង ភេទប្រុស អាយុ៣៧ឆ្នាំ មុខរបរជានគរបាល បណ្ដាលឲ្យរងរបួសធ្ងន់ មានទីលំនៅក្នុងភូមិអូរអាម ឃុំស្រែខ្ទុម ស្រុកកែវសីមា ហើយត្រូវបានបញ្ជូនសង្គ្រោះនៅឯមន្ទីរពេទ្យ នៃប្រទេសវៀតណាម។
ប្រភពពីប្រជាពលរដ្ឋនៅជិតកន្លែងកើតហេតុបានបង្ហើបថា មុនកើតហេតុគេឃើញរថយន្តម៉ាកកាមរីពណ៌ក្រហម មានដឹកឈើពីខាងក្នុង បើកបរក្នុងល្បឿនលឿន ដោយមានរថយន្តប្រភេទពីរបាំងពណ៌ខ្មៅ ដែលគេសង្ស័យថា ជារថយន្តសមត្ថកិច្ចដេញចាប់រថយន្តដឹកឈើនេះ។ គ្រានោះរថយន្តព្រូស បើកបរក្នុងទិសដៅបញ្ច្រាសទិសមកជាមួយក៏បានបុកខ្ទុបគ្នាចំពីខាងមុខ។
ក្រោយកើតហេតុរថយន្តដែលដេញរថយន្តដឹកឈើបានគេចខ្លួនបាត់។ ករណីនេះគេសង្ស័យថា ជាករណីប្រដេញគ្នារវាងរថយន្តដឹកឈើ និងរថយន្តឆ្មាំចាំដកតុងតាមដងផ្លូវដូចករណីកន្លងមក៕
អត្ថបទ៖ វុទ្ធឦសាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)