ព័ត៌មានអន្ដរជាតិ

វិមានក្រឹមឡាំងប្រាប់ថា ខ្លួននឹងគាំទ្រលោក ត្រាំ សម្រាប់រង្វាន់ណូបែលសន្តិភាព

បានផុស

៨ ខែ មុន

នៅ

ថ្ងៃសុក្រ ១០ តុលា ២០២៥

ដោយ

Chheang

ជំនួយការរបស់វិមានក្រឹមឡាំង លោក Yuri Ushakov បាននិយាយនាថ្ងៃសុក្រទី១០ខែតុលានេះថា ប្រទេសរុស្ស៊ីនឹងគាំទ្រការតែងតាំងប្រធានាធិបតីអាមេរិកលោក ដូណាល់ ត្រាំ សម្រាប់រង្វាន់ណូបែលសន្តិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ushakov បានប្រាប់អ្នកយកព័ត៌មានរដ្ឋរុស្ស៊ី TASS ថា «វិមានក្រឹមឡាំងនឹងគាំទ្របេក្ខភាពរបស់លោក ត្រាំ» ដោយកត់សម្គាល់ពីការកោតសរសើររបស់ទីក្រុងមូស្គូចំពោះកិច្ចខិតខំប្រឹងប្រែងដែលកំពុងបន្តរបស់លោក ដើម្បីបញ្ចប់សង្គ្រាមនៅអ៊ុយក្រែន។

អ្នកឈ្នះរង្វាន់ណូបែលសន្តិភាពសម្រាប់ឆ្នាំ២០២៥ នឹងត្រូវបានប្រកាសនាថ្ងៃសុក្រនេះ ទោះបីជាអ្នកវិភាគនិយាយថា លោក ត្រាំ ទំនងជាមិនអាចទទួលបានពានរង្វាន់នេះនៅឡើយទេ។

រុស្ស៊ីបានសម្តែងការដឹងគុណម្តងហើយម្តងទៀតចំពោះការប៉ុនប៉ងរបស់លោក ត្រាំ ក្នុងការបង្កើតបទឈប់បាញ់នៅអ៊ុយក្រែន។ ការប្រកាសការគាំទ្ររបស់រុស្ស៊ី ធ្វើឡើងមួយថ្ងៃបន្ទាប់ពីប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានលើកឡើងថា ក្រុងកៀវ នឹងតែងតាំងលោក ត្រាំ សម្រាប់ពានរង្វាន់ណូបែលសន្តិភាព បើគាត់ទទួលបានជោគជ័យក្នុងការបញ្ឈប់សកម្មភាពយោធារបស់រុស្ស៊ី។

ទោះជាយ៉ាងណាក៏ដោយ លោក Ushakov បានថ្កោលទោសការប៉ុនប៉ងរបស់លោក ហ្សេលេនស្គី ក្នុងការភ្ជាប់ការតែងតាំងទៅនឹងការផ្តល់មីស៊ីល Tomahawk របស់អាមេរិកដល់ទីក្រុងកៀវ។ លោក Ushakov បានហៅគំនិតនេះថា «អាក្រក់ក្រៃលែង» និង «ឆោតល្ងង់»។ លោកបាននិយាយថា «រង្វាន់សន្តិភាពសម្រាប់ការផ្គត់ផ្គង់សព្វាវុធ នោះជាគំនិតដ៏ចម្លែកបំផុត»៕