Connect with us

កីឡា

កម្ពុជា ឡើង ១ លេខ ខណៈ ឥណ្ឌូណេស៊ី ធ្លាក់ ៣ លេខ ក្នុងចំណាត់ថ្នាក់បាល់ទាត់ពិភព​លោក

បានផុស

នៅ

សហព័ន្ធកីឡាបាល់ទាត់អន្តរជាតិ (FIFA) បានធ្វើបច្ចុប្បន្នភាពតារាងចំណាត់ថ្នាក់បាល់ទាត់ពិភពលោកសម្រាប់ខែ តុលា ឆ្នាំ ២០២៥ ក្នុងនោះនៅតំបន់ អាស៊ាន មានជម្រើសជាតិចំនួន ៦ បានឡើងចំណាត់ ខណៈក្រុមជម្រើសជាតិចំនួន ៥ បានធ្លាក់ចំណាត់ថ្នាក់។

ក្រុមជម្រើសជាតិ កម្ពុជា
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមជម្រើសជាតិ កម្ពុជា បានស្ថិតនៅក្នុងចំណោមក្រុមជម្រើសជាតិក្នុងតំបន់ អាស៊ាន ទាំង ៦ ដែលបានឡើងចំណាត់ថ្នាក់ក្នុងតារាងបាល់ទាត់ពិភពលោក បើធៀបនឹងខែ កញ្ញា។ កម្ពុជា បានឡើង ១ ចំណាត់ថ្នាក់ ពីចំណាត់ថ្នាក់លេខ ១៨០ មក ១៧៩។ យ៉ាងណា ការឡើងចំណាត់ថ្នាក់របស់ កម្ពុជា ហាក់ភ្ញាក់ផ្អើលបន្តិចដែរ ព្រោះថានៅខែ តុលា នេះ ក្រុមរហស្សនាមគោព្រៃមិនមានសកម្មភាពការប្រកួតណាមួយសោះឡើយ។

ចំណែកក្រុម ៥ ទៀត ដែលបានឡើងចំណាត់ថ្នាក់ផងដែរ ក្នុងនោះ ថៃ បានឡើង ៥ ចំណាត់ថ្នាក់ពីលេខ ១០១ មកលេខ ៩៦, វៀតណាម ឡើងពីលេខ ១១៤ មកលេខ ១១១, ម៉ាឡេស៊ី ឡើងពីលេខ ១២៣ មកលេខ ១១៨, ហ្វីលីពីន ឡើងពីលេខ ១៤៣ មកលេខ ១៤១ និង សិង្ហបុរី ឡើងពីលេខ ១៥៨ មកលេខ ១៥៥។

តារាងចំណាត់ថ្នាក់បាល់ទាត់ពិភពលោកសម្រាប់ខែ តុលា

ក្រឡេកមកមើលក្រុម ដែលធ្លាក់ចំណាត់ថ្នាក់វិញ ក្នុងនោះមាន ឥណ្ឌូណេស៊ី បានធ្លាក់ ៣ ចំណាត់ថ្នាក់ ពីលេខ ១១៩ ទៅលេខ ១២២, មីយ៉ាន់ម៉ា ធ្លាក់ពីលេខ ១៦០ ទៅលេខ ១៦៣, ប្រ៊ុយណេ ធ្លាក់ពីលេខ ១៨៣ ទៅលេខ ១៨៥, ឡាវ ធ្លាក់ពីលេខ ១៨៥ ទៅលេខ ១៨៨ និង ទីម័រខាង​កើត ធ្លាក់ពីលេខ ១៩៤ ទៅលេខ ១៩៧។

ចាប់អារម្មណ៍ជាមួយចំណាត់ថ្នាក់លំដាប់កំពូលទាំង ៥ ក្នុងពិភពលោកវិញ គឺមិនមានអ្វីប្រែប្រួលច្រើននោះទេ ក្នុងនោះ អេស្ប៉ាញ បន្តឈរនៅចំណាត់ថ្នាក់ទី ១ ដដែល។ ចំណែក អាហ្សង់ទីន ឈរនៅលេខ ២, បារាំង ឈរនៅលេខ ៣, អង់គ្លេស ឈរនៅលេខ ៤ និង ព័រទុយហ្គាល់ ឈរនៅលេខ ៥៕

តារាងចំណាត់ថ្នាក់ក្រុមលំដាប់កំពូលទាំង ៥

អត្ថបទ៖ សេម កុសល

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម