ឧក្រិដ្ឋជនមួយក្រុម បើកបណ្តាញ Scam នៅបាងកក, ខែដំបូងបោកលុយបាន ជាង ៣០ម៉ឺនដុល្លារ

ជនជាតិចិនមួយក្រុមមានគ្នា៣នាក់ បានជួលផ្ទះក្នុងទីក្រុងបាងកក ដើម្បីបើកបណ្តាញឧក្រិដ្ឋកម្មតាមអនឡាញ (Scam) បោកជនបរទេស ខណៈពួកគេចាប់ផ្តើមធ្វើប្រតិបត្តិការតាំងពីឆ្នាំ២០២៤មកម្ល៉េះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Amarin កាលពីថ្ងៃព្រហស្បតិ៍ទី២៣ខែតុលាឆ្នាំ២០២៥, ជនជាតិចិនទាំង៣នាក់មានឈ្មោះ Zhang Hailong អាយុ៣៨ឆ្នាំ, Liu Shunyin អាយុ២៩ឆ្នាំ និង Wu Zhiqiang អាយុ៣២ឆ្នាំ។

ប៉ូលិសបានឲ្យដឹងថា ជនជាតិចិនទាំងនេះ ចូលមកប្រទេសថៃក្នុងនាមជាអ្នកទេសចរ ប៉ុន្តែក៏បើកប្រតិបត្តិការ Scam កំណត់គោលដៅលើជនជាតិចិនគ្នាឯង ព្រមទាំងជនបរទេសដូចជា អេស្ប៉ាញនិងអង់គ្លេស ដោយគ្រាន់តែមួយខែដំបូង ពួកគេបោកបានប្រាក់ជាង ៣០ម៉ឺនដុល្លារអាមេរិក។

ក្នុងប្រតិបត្តិការបង្ក្រាបនិងវាយឆ្មក់ផ្ទះក្នុងខ័ណ្ឌ Lat Phrao, ប៉ូលិសបានឃើញពួកគេកំពុងអង្គុយមុខកំព្យូទ័រ ធ្វើសកម្មភាពឆបោកផ្ទាល់ៗ។

ក្នុងនោះ ប៉ូលិសក៏រឹបអូសបានផងដែរនូវទូរស័ព្ទដៃចំនួន២៩គ្រឿង, ដុំ Router ៥គ្រឿង, ដុំ WiFi ​ចល័ត ១គ្រឿង និងឧបករណ៍ផ្សេងៗទៀតដូចជា Keyboard និងគ្រឿងអគ្គិសនី -ល-៕ 

អត្ថបទ៖ សុខ សុវណ្ណ

ចុចអាន៖ ការចាប់ជំរិតជនបរទេសជាបន្តបន្ទាប់នៅថៃ បង្ហាញយ៉ាងច្បាស់ថា ប្រទេសនេះជាសម្បុក Scam