កីឡា

មិនសូវល្បីដូចក្លឹបគេ ប៉ុន្តែសិស្សគុនក្លឹបសៅយ៉ាន់នាគា ២នាក់នឹងប្រកួតផ្ដាច់ព្រ័ត្រខ្សែក្រវាត់ ២ខ្សែឆាប់ៗនេះ

បានផុស

៧ ខែ មុន

នៅ

ថ្ងៃសុក្រ ៣១ តុលា ២០២៥

ដោយ

ក្លឹបប្រដាល់សៅយ៉ាន់នាគា បើទោះជាមិនសូវមានកេរ្តិ័ឈ្មោះដូចក្លឹបដទៃ ប៉ុន្តែក្លឹបមួយនេះក៏មានកីឡាករមានសមត្ថភាព និងកំពុងមានកីឡាករ ២រូបដែលនឹងត្រូវប្រកួតវគ្គផ្ដាច់ព្រ័ត្រដណ្ដើមខ្សែក្រវាត់ដូចជា ឃួន ឡាំងកូស៊ីន និង សៅ យ៉ាន់វិសាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឃួន ឡាំងកូស៊ីន និងដៃគូវគ្គផ្ដាច់ព្រ័ត្រ

បើតាមការឲ្យដឹងពីលោក សាន់ សៅយ៉ាន់ ដែលជាគ្រូបង្វឹកក្លឹងខាងលើនេះបានឲ្យដឹងថា បន្ទាប់ពីបញ្ចប់ភារកិច្ចនៅប្រទេសបារ៉ែនរួចមកកីឡាករ ឆុង វិសាល ឬ សៅយ៉ាន់ វិសាល នឹងត្រូវប្រកួតវគ្គផ្ដាច់ព្រ័ត្រនៅសង្វៀនថោនជាមួយកីឡាករ ធន់ បុរី ។ ការប្រកួតនោះនឹងត្រូវធ្វើឡើងនៅថ្ងៃទី១៦ ខែវិច្ឆិកា ឆ្នាំ២០២៥ ដណ្ដើមខ្សែក្រវាត់ MAS FIGHT ទម្ងន់ ៥៤គីឡូក្រាមអមដោយប្រាក់រង្វាន់លើកទឹកចិត្ត ៦,០០០ដុល្លារ។

សៅយ៉ាន់ វិសាល

ចំណែកកីឡាករមួយរូបទៀតគឺ ឃួន ឡាំងកូស៊ីន នឹងត្រូវប្រកួតវគ្គផ្ដាច់ព្រ័ត្រនៅសង្វៀនថោនដូចគ្នាដោយប៉ះកីឡាករ ប៉ែនកាក់ អេរ៉ាវ៉ាន់។ ការប្រកួតនេះធ្វើឡើងនៅថ្ងៃទី១៥ ខែវិច្ឆិកា ឆ្នាំ២០២៥ ដណ្ដើមខ្សែក្រវាត់ WURKZ ទម្ងន់ ៥៧គីឡូក្រាមអមដោយប្រាក់រង្វាន់ ១២,០០០ដុល្លារ។

ធន់ បុរី ដៃគូ វិសាល

បញ្ជាក់ដែរថា កីឡាករ ឃួន ឡាំងកូស៊ីន និង សៅយ៉ាន់ វិសាល ជាសិស្សគុននៃក្លឹបប្រដាល់សៅយ៉ាន់នាគាដែលមានលោក សាន់ សៅយ៉ាន់ និងលោក ជា នាគា ជាគ្រូបង្វឹក។ ក្លឹបនេះជាក្លឹបចាស់មួយដែលបង្កើតយូរដែរហើយ និងមានទីតាំងនៅឯខេត្តបន្ទាយមានជ័យ។ រង់ចាំមើលកីឡាករទាំងពីរអាចយកខ្សែក្រវាត់ចូលក្លឹបរបស់ខ្លួនបានទេក្នុងវគ្គផ្ដាច់ព្រ័ត្រខាងលើនេះ៕

លោក សាន់ សៅយ៉ាន់ និងលោក ជា នាគា ជាមួយសិស្ស

អត្ថបទដោយ៖ នួន ស៊ីណា

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា