ថៃ​​ បន្តរកឃើញអ្នកឆ្លងកូវីដថ្មី ១,៣៩០ករណី និងស្លាប់៣នាក់ នៅថ្ងៃចន្ទនេះ

នៅថ្ងៃចន្ទទី១៨ខែមេសានេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បានរាយការណ៍អំពីការឆ្លងថ្មីចំនួន១,៣៩០ករណីនិងអ្នកស្លាប់៣នាក់។

ក្នុងចំណោមករណីទាំងអស់ ករណីច្រើនបំផុតពោលគឺ២៩៣ករណីត្រូវបានរកឃើញនៅទីក្រុងបាងកក បន្ទាប់មកគឺឈៀងម៉ៃមាន១៩៧ករណី, ឈុនបុរី ៩៨ករណីនិងសាមុតប្រាកាន ៨២ករណី។

ស្របពេលជាមួយគ្នានោះ មានការនាំចូលពីបរទេសចំនួន៦ករណី ដោយ៥នាក់គឺជាជនជាតិថៃដែលធ្វើដំណើរមកពីប្រទេសអារ៉ាប់រួម (ម្នាក់) មកពីបារ៉ែន២នាក់និងមកពីម៉ាឡេស៊ី២នាក់។ ករណីទី៦ គឺជាជនជាតិឥណ្ឌូណេស៊ីដែលធ្វើដំណើរមកពីប្រទេសឥណ្ឌា។

ទន្ទឹមនោះ អ្នកជំងឺចំនួន១០៤នាក់បានជាសះស្បើយ។

គួរបញ្ជាក់ថា គិតត្រឹមថ្ងៃចន្ទទី១៩ខែមេសានេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់៤៣,៧៤២ករណី។ មនុស្សចំនួន ២៨,៧៨៧នាក់បានជាសះស្បើយ ហើយអ្នកស្លាប់កើនដល់១០៤នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ថ្ងៃអាទិត្យនេះ ថៃរកឃើញអ្នកឆ្លងជំងឺកូវីដ-១៩ ក្នុងកម្រិតខ្ពស់បំផុតមិនធ្លាប់មាន