សេដ្ឋកិច្ច

កម្ពុជាស្វាគមន៍ភ្ញៀវទេសចរអន្តរជាតិជាង ៥ លាននាក់ ធ្លាក់ចុះជាង ១៣% ត្រឹមរយៈពេល ១១ ខែ

បានផុស

៥ ខែ មុន

នៅ

ថ្ងៃព្រហស្បតិ៍ ២៥ ធ្នូ ២០២៥

ដោយ

កម្ពុជាបានស្វាគមន៍ភ្ញៀវទេសចរអន្តរជាតិជាង ៥ លាននាក់ (៥១៧២៨៤១) នៅក្នុងរយៈពេល ១១ ខែ ២០២៥ ធ្លាក់ចុះ ១៣,៨% ធៀបនឹងរយៈពេលដូចគ្នានៅឆ្នាំ ២០២៤ ដោយសារបញ្ហាប្រឈមភូមិសាស្ត្រនយោបាយ និងភាពតានតឹងព្រំដែនកម្ពុជា-ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងទេសចរណ៍ ក្នុងចំណោមភ្ញៀវទេសចរអន្តរជាតិជាង ៥,១ លាននាក់ ទេសចរណ៍វៀតណាមឈរនៅលំដាប់លេខរៀងទី១ ចំនួនជាង ១,១ លាននាក់ ធ្លាក់ចុះ ៧,៣% ចិន ១,១ លាននាក់ កើនឡើង ៤៣,៥% ថៃ ១ លាននាក់ ធ្លាក់ចុះ ៤៧% អាមេរិកជាង ១៨ ម៉ឺននាក់ ធ្លាក់ចុះ ២,៧% កូរ៉េជាង ១៤ ម៉ឺននាក់ ធ្លាក់ចុះ ១៦%។

លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកកម្ពុជា (PATA) មានប្រសាសន៍ថា ពិភពលោកកំពុងប្រឈមនឹងបញ្ហាភូមិសាស្ត្រនយោបាយ សេដ្ឋកិច្ចសកល និងជំងឺឆ្លង។

លោក ធួន ស៊ីណាន យល់ឃើញថា៖ «យើងអាចរក្សាលំនឹងប៉ុណ្ណឹង ជារឿងកត់សម្គាល់មួយ ចំណុចដែលធ្លាក់ចុះដែលយើងមើលឃើញគឺនៅពេលដែលបិទព្រំដែនកម្ពុជា-ថៃភ្ញៀវដែលបាត់បង់គឺភ្ញៀវដែលមកលេងកាស៊ីណូតាមព្រំដែន ហ្នឹងឯង ភ្ញៀវទាំងអស់នោះ មិននាំប្រយោជន៍ច្រើនដល់ប្រជាជនកម្ពុជានោះទេ គឺបានតែមួយផ្នែកទៅលើម្ចាស់កាស៊ីណូ ដែលជាជនជាតិថៃ ចិន និងពន្ធដារមករដ្ឋាភិបាល និងកំណើនការងារក្នុងការស៊ីណូ ប៉ុន្តែមិនទូលំទូលាយដូចទេសចរមកលេងស្រុកយើងទេ»។