ព័ត៌មានជាតិ

រដ្ឋមន្ត្រីបញ្ជាឱ្យមន្ត្រីពង្រឹងការពារវិស័យទេសចរណ៍ពីព័ត៌មានក្លែងក្លាយ និងអវិជ្ជមាន

បានផុស

១ ខែ មុន

នៅ

ថ្ងៃសៅរ៍ ២៥ មេសា ២០២៦

ដោយ

រដ្ឋមន្ត្រីទេសចរណ៍លោក ហួត ហាក់ បានដឹកនាំកិច្ចប្រជុំមួយកាលពីថ្ងៃទី២២ ខែមេសា ឆ្នាំ២០២៦ដើម្បីពង្រឹងការងារទំនាក់ទំនងសាធារណៈ និងព័ត៌មាន ដើម្បីឆ្លើយតបនឹងព័ត៌មានក្លែងក្លាយ និងអវិជ្ជមានពីកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការកត់សម្គាល់កិច្ចប្រជុំនេះគឺធ្វើឡើងបន្ទាប់ពីសារព័ត៌មានសហរដ្ឋអាមេរិក Wall Street Journal បានចុះផ្សាយអត្ថបទស៊ើបអង្កេតពីឧក្រិដ្ឋកម្មឆបោកអនឡាញនៅកម្ពុជា ដោយក្នុងនោះបានហៅកម្ពុជាថា Scambodia ថែមទៀត។

ក្នុងកិច្ចប្រជុំនោះលោករដ្ឋមន្ត្រី ហួត ហាក់ បានបញ្ជាឱ្យមន្ត្រីយកចិត្តទុកដាក់តាមដាន និងឆ្លើយតបចំពោះការលាបពណ៌ពីការផ្សព្វផ្សាយព័ត៌មានក្លែងក្លាយ និងអវិជ្ជមានដែលប៉ះពាល់ដល់កិត្តិនាមកម្ពុជា រួមទាំងអត្ថបទមួយចំនួនដែលពាក្យ «Scambodia» ផងដែរ។

លោក ហួត ហាក់ ថា៖ «ការងារទំនាក់ទំនងសាធារណៈនិងព័ត៌មាន គឺត្រូវតែពង្រឹងឱ្យមានភាពប្រទាក់ក្រឡាជាប្រព័ន្ធតែមួយ និងមានកិច្ចសហការឱ្យបានគ្រប់ជ្រុងជ្រោយ ជាពិសេសការត្រៀមខ្លួនរួចជាស្រេចជាលក្ខណៈបុរេសកម្ម សកម្ម និងជាប់ជាប្រចាំនៅក្នុងសមរភូមិព័ត៌មានទេសចរណ៍ ដោយ «ចាក់ទឹកថ្លា ក្នុងទឹកល្អក់»។

លោករដ្ឋមន្ត្រីបានជំរុញការយកចិត្តទុកដាក់ផ្សព្វផ្សាយពីសក្ដានុពលទេសចរណ៍នៅតាមទីផ្សារគោលដៅ ពង្រីកការផ្សព្វផ្សាយអំពីកិត្តិនាមកម្ពុជា និងព័ត៌មានវិជ្ជមានឱ្យកាន់តែខ្លាំងបន្ថែមទៀត ព្រមទាំងការឆ្លើយតបនិងវាយបក ឱ្យបានទាន់ពេលវេលា ប្រកបដោយភាពច្នៃប្រឌិត និងប្រសិទ្ធិភាពខ្ពស់។

គួរឱ្យដឹងដែរថាកិច្ចប្រជុំនេះលោករដ្ឋមន្ត្រី ហួត ហាក់ បានដឹកនាំប្រជុំក្រុមការងារចំនួន ៤ មានក្រុមអ្នកនាំពាក្យ, ក្រុមការងារ influencers, ក្រុមការងារ Media, ក្រុមការងារបរិវត្តកម្មឌីជីថល,(២) ពង្រឹងសង្គតិភាពនិងសុខដុមនីយកម្មនៃក្រុមការងារ និង (៣) ពង្រឹងប្រសិទ្ធភាពការងារជាលក្ខណៈជវភាពជាប្រព័ន្ធតែមួយដែលមានទាំងមន្ត្រីសរុបទាំងអស់ចំនួន៤០នាក់៕

អត្ថបទដោយ ហ៊ុន សិរីវឌ្ឍន៍