កីឡា
ក្រុម អឹមអូអាយ កំពង់ដេវ៉ា ឡើងឈរ Top 6 លីគកំពូលកម្ពុជា ក្រោយឈ្នះ វិសាខា
ក្រុមបាល់ទាត់ អឹមអូអាយ កំពង់ដេវ៉ា ធ្វើបានល្អគួរសមនៅក្នុងលីគបាល់ទាត់កំពូលកម្ពុជា រដូវកាលនេះ ដោយបានឡើងឈរចំណាត់ថ្នាក់លេខ ៦ ក្នុងតារាងពិន្ទុ បន្ទាប់ពីពួកគេបានយកឈ្នះ វិសាខា ដោយលទ្ធផល ១-០ កាលពីថ្ងៃទី២៨ ខែធ្នូ ឆ្នាំ ២០២៥។
គិតត្រឹមសប្តាហ៍ទី១៣ ក្រុម អឹមអូអាយ កំពង់ដេវ៉ា ទទួលបានជ័យជម្នះ ៤ លើក ស្មើ ៥ លើក និងចាញ់ ៤ រកបាន ១៧ ពិន្ទុ។ ពួកគេបានចាញ់ អង្គរថាយហ្គឺរ ភ្នំពេញក្រោន បឹងកេត និង ព្រះខ័នរាជស្វាយរៀង។ សម្រាប់ការប្រកួតជាមួយ ព្រះខ័នរាជស្វាយរៀង បានបញ្ចប់ដោយលទ្ធផលស្មើគ្នា ២-២ ប៉ុន្តែដោយសារពួកគេខុសលក្ខន្តិកៈក្នុងការដាក់កីឡាករបរទេសលើសចំនួនកំណត់នៅលើទីលាន ទើបត្រូវបានកាត់សេចក្តីឲ្យចាញ់ ០-៣។
ផ្អែកតាមលទ្ធផល ១៣ ប្រកួតកន្លងឃើញថា ក្រុម អឹមអូអាយ កំពង់ដេវ៉ា មានទម្រង់ការពាររឹងមាំ។ ពួកគេអាចមានឱកាសស្ថិតនៅក្នុងចំណោមក្រុមលំដាប់កំពូលទាំង ៦ ដើម្បីឡើងទៅជុំទី៣។
ដៃគូនៅសល់ក្នុងជើងទី២ ពួកគេត្រូវជួប ណាហ្គាវើលដ៍ (ថ្ងៃទី៣ មករា) ជួប ភ្នំពេញក្រោន (១១ មករា) ជួប បឹងកេត (១៨ មករា) ជួប កងយោធពលខេមរភូមិន្ទ (២៤ មករា) ជួប ព្រះខ័នរាជស្វាយរៀង (១៥ កុម្ភៈ) ជួប អាយអេសអាយ ដង្កោសែនជ័យ (២២ កុម្ភៈ) និង ជួប ឡាយហ្វ ខេត្តព្រះសីហនុ (១ មីនា) ឆ្នាំ ២០២៦។
លទ្ធផល ១៣ ប្រកួតកន្លងមក
- ចាញ់ អង្គរថាយហ្គឺរ ៣-៦ (ជើងទី១)
- ឈ្នះ គិរីវង់សុខសែនជ័យ ២-៤ (ជើងទី១)
- ស្មើ វិសាខា ១-១ (ជើងទី១)
- ឈ្នះ ណាហ្គាវើលដ៍ ២-១ (ជើងទី១)
- ចាញ់ ភ្នំពេញក្រោន ០-១ (ជើងទី១)
- ចាញ់ បឹងកេត ០-២ (ជើងទី១)
- ស្មើ កងយោធពលខេមរភូមិន្ទ ០-០ (ជើងទី១)
- ស្មើ ឡាយហ្វ ខេត្តព្រះសីហនុ ០-០ (ជើងទី១)
- ស្មើ អាយអេសអាយ ដង្កោសែនជ័យ ០-០ (ជើងទី១)
- ចាញ់ ព្រះខ័នរាជស្វាយរៀង ០-៣ (ជើងទី១)
- ស្មើ អង្គរថាយហ្គឺរ ១-១ (ជើងទី២)
- ឈ្នះ គិរីវង់សុខសែនជ័យ ៥-៣ (ជើងទី២)
- ឈ្នះ វិសាខា ១-០ (ជើងទី២)
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ