កីឡា

មកដឹងលំអិតពីម្ចាស់ពានទាំងអស់ លីគកំពូលកម្ពុជា រដូវកាល ២០២៥-២៦

បានផុស

២ ខែ មុន

នៅ

ថ្ងៃចន្ទ ១៨ ឧសភា ២០២៦

ដោយ

ព្រឹត្តិការណ៍បាល់ទាត់ជម្រើសជើងឯកជាតិ«ខេមបូឌានព្រីមៀរលីគ» រដូវកាល ២០២៥-២៦ បានបិទបញ្ចប់នៅយប់ថ្ងៃទី១៧ ខែឧសភា ឆ្នាំ ២០២៦ បន្ទាប់ពីដំណើរការប្រកួតតាំងពីខែសីហា ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតសរុបចំនួន ៨៣ លើក និងកើតមានគ្រាប់បាល់ចំនួន ២៧៦ គ្រាប់ ដោយមានអ្នកគាំទ្រចូលទស្សនាផ្ទាល់ចំនួន ១០៥,១៧១នាក់។ ជាលទ្ធផល ក្រុម ព្រះខ័នរាជស្វាយរៀង បានឈ្នះជើងឯក និងបានក្លាយជាក្រុមទី១ដែលបានឈ្នះជើងឯកលីគកំពូលកម្ពុជា ៣ រដូវកាលជាប់គ្នា។ ចំណាត់ថ្នាក់លេខ ២ បានទៅ ភ្នំពេញក្រោន និងលេខ ៣ បានទៅ អង្គរថាយហ្គឺរ។

សម្រាប់ពានរង្វាន់ឯកត្តជន គឺ ខ្សែប្រយុទ្ធសញ្ជាតិហ្គាណា Kwame Peprah របស់ ព្រះខ័នរាជស្វាយរៀង បានក្លាយជាកីឡាករល្អបំផុតប្រចាំរដូវកាល និងជាម្ចាស់ស្បែកជើងមាស សម្រាប់ការរកបានគ្រាប់បាល់ច្រើនជាងគេគឺចំនួន ២៤ គ្រាប់ ហើយរូបគេក៏ជាប់ក្នុងជម្រើស ១១ នាក់ដំបូងល្អបំផុត។

អ្នកចាំទី វិរះ ដារ៉ា របស់ ព្រះខ័នរាជស្វាយរៀង បានឈ្នះពានរង្វាន់ ២ គឺពានស្រោមដៃមាសក្នុងនាមជាអ្នកចាំទីល្អបំផុត និងពានគ្រាប់បាល់ល្អជាងគេបំផុត ប៉ុន្តែមិនបានជាប់ក្នុងជម្រើស ១១នាក់ល្អបំផុតប្រចាំរដូវកាលឡើយ។ ចំណែកពានគ្រូបង្វឹកល្អជាងគេបំផុតបានទៅលោក Mattew McConkey របស់ក្លិបព្រះខ័នរាជស្វាយរៀង។

ពាន ៣ ទៀតគឺកីឡដ្ឋានស្អាតជាងគេបំផុតបានទៅ ក្លិបបាល់ទាត់វិសាខា ពានរៀបចំធ្វើម្ចាស់ផ្ទះល្អជាងគេបំផុតបានទៅ ព្រះខ័នរាជស្វាយរៀង និងពានអ្នកគាំទ្រច្រើនជាងគេបំផុតបានទៅ បឹងកេត។

ចំពោះកីឡាករជម្រើស ១១ នាក់ល្អបំផុតប្រចាំរដូវកាលគឺ អ្នកចាំទី៖ កយ សាលីម (បឹងកេត), ខ្សែការពារ៖ សារ៉េត គ្រីយ៉ា (ព្រះខ័នរាជស្វាយរៀង) Raul Feher (ភ្នំពេញក្រោន) និង Barbosa (កំពង់ដេវ៉ា) និង Yusuokaa Takuto (អង្គរថាយហ្គឺរ)។ ខ្សែបម្រើប្រយុទ្ធ៖ Patrick ស្លាបឆ្វេង (ព្រះខ័នរាជស្វាយរៀង) ម៉ាត់ នូរ៉ុន កណ្តាល (បឹងកេត) ស៊ីន កក្កដា កណ្តាល (វិសាខា) និង Mark Kurita ស្លាបស្តាំ (អង្គរថាយហ្គឺរ) ហើយខ្សែប្រយុទ្ធជួរមុខគឺ Kwame Peprah (ព្រះខ័នរាជស្វាយរៀង) និង Yusuke Minagawa (ណាហ្គាវើលដ៏)៕

ចំណាត់ថ្នាក់

ជើងឯក៖ ព្រះខ័នរាជស្វាយរៀង
លេខ ២៖ ភ្នំពេញក្រោន
លេខ ៣៖ អង្គរថាយហ្គឺរ

ពានរង្វាន់ឯកត្តជន

ពានកីឡាករល្អបំផុត៖ Kwame Peprah (ព្រះខ័នរាជស្វាយរៀង)
ពានម្ចាស់ស្បែកជើងមាស៖ Kwame Peprah (ព្រះខ័នរាជស្វាយរៀង)
ពានអ្នកចាំទីល្អបំផុត៖ វិរះ ដារ៉ា (ព្រះខ័នរាជស្វាយរៀង)
ពានគ្រាប់បាល់ល្អបំផុត៖ វិរៈ ដារ៉ា (ព្រះខ័នរាជស្វាយរៀង)
ពានគ្រូបង្វឹកល្អបំផុត៖ Mattew McConkey (ព្រះខ័នរាជស្វាយរៀង)
ពានម្ចាស់ផ្ទះល្អបំផុត៖ ព្រះខ័នរាជស្វាយរៀង
ពានកីឡដ្ឋានស្អាតបំផុត៖ វិសាខា
ពានអ្នកគាំទ្រច្រើនបំផុត៖ បឹងកេត

ពានកីឡដ្ឋានស្អាតបំផុត និងពានអ្នកគាំទ្រច្រើនបំផុត

ជម្រើស ១១ នាក់ល្អបំផុតប្រចាំរដូវកាល

អ្នកចាំទី៖ កយ សាលីម (បឹងកេត)
ខ្សែការពារ៖ សារ៉េត គ្រីយ៉ា (ព្រះខ័នរាជស្វាយរៀង) Raul Feher (ភ្នំពេញក្រោន)
Barbosa (កំពង់ដេវ៉ា) និង Yusuokaa Takuto (អង្គរថាយហ្គឺរ)
ខ្សែបម្រើ៖ Patrick (ព្រះខ័នរាជស្វាយរៀង) ម៉ាត់ នូរ៉ុន (បឹងកេត) ស៊ីន កក្កដា (វិសាខា) និង Mark Kurita (អង្គរថាយហ្គឺរ)
ខ្សែប្រយុទ្ធ៖ Kwame Peprah (ព្រះខ័នរាជស្វាយរៀង) និង Yusuke Minagawa (ណាហ្គាវើលដ៏)