ព័ត៌មានអន្ដរជាតិ

ត្រាំដាក់ផែនការបង្កើនថវិកាវិស័យការពាជាតិកើនជិតទ្វេដងនៅឆ្នាំ២០២៧

បានផុស

៥ ខែ មុន

នៅ

ថ្ងៃព្រហស្បតិ៍ ៨ មករា ២០២៦

ដោយ

ប្រធានាធិបតីសហរដ្ឋអាមេរិក លោក ដូ ណាល់ត្រាំ គ្រោងចាយលុយ ១.៥ទ្រីលានដុល្លាម្រាប់វិស័យការពារជាតិនៅឆ្នាំ២០២៧ ដែលកើនឡើងជិតទ្វេដងធៀបឆ្នាំ២០២៦នេះដែលថវិកាចំណាយបានអនុម័តរួចហើយ ដោយ លោក ត្រាំ លើកឡើងបញ្ហានានា និងគ្រោះថ្នាក់ដែលមិនអាចមើលឃើញនាពេលអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន CTV News ឱ្យដឹងថា លោក ត្រាំ បានអំពាវនាវឱ្យមានការគាំទ្រពីអ្នកក្រោមឱវាទក្នុងការចំណាយលើវិស័យយោធា បន្ទាប់ពីលោកបានបញ្ជាឱ្យប្រតិបត្តិការយោធារបស់សហរដ្ឋអាមេរិកចាប់ខ្លួនមេដឹកនាំវ៉េណេស៊ុយអេឡា លោក នីកូឡាស ម៉ាឌូរ៉ូ ដោយចោទប្រកាន់ពីបទជួញដូរគ្រឿងញៀន។

យោងតាមសេចក្តីរាយការណ៍នោះ សហរដ្ឋអាមេរិកបានចំណាយលុយចំនួន ៩០១ប៊ីលានដុល្លា លើវិស័យយោធានៅឆ្នាំ ២០២៦។

លោក ត្រាំ បានអំពាវនាវក្នុងរយៈពេលប៉ុន្មានថ្ងៃថ្មីៗនេះថា ការកាន់កាប់ទឹកដី Greenland របស់ដាណឺម៉ាក គឺដើម្បីសន្តិសុខជាតិប៉ុណ្ណោះ ហើយលោកនិយាយដោយចំហថា នឹងមានការអនុវត្តប្រតិបត្តិការយោធាក្នុងប្រទេសកូឡុំប៊ីទៀតផង។

ចំណែក រដ្ឋមន្ត្រីការបរទេសសហរដ្ឋអាមេរិក លោក Marco Rubio បានព្រមានយ៉ាងហិង្សាថា៖«បច្ចាមិត្តគុយបាមានបញ្ហាជាមួយយើងយូរមកហើយ»។

លោក ត្រាំ បាននិយាយនៅក្នុងប្រពន្ធ័សង្គម Truth Social របស់លោក ដោយប្រកាសពីសំណើខ្លួនថា៖«ផែនការនេះនឹងអនុញ្ញាតឱ្យយើងបង្កើតកម្លាំងយោធាក្នុងក្តីស្រមៃ «Dream Military» ដែលយើងមានសិទ្ធិទទួលបានជាយូរមកហើយ។ សំខាន់ជាងនេះទៅទៀត នោះវានឹងធ្វើឱ្យយើងមានសុវត្ថិភាព និងពុំមានអារម្មណ៍ថាភ័យខ្លាចពីសត្រូវគ្រប់ទិសទី»។

យោងតាមមជ្ឈមណ្ឌលគោលនយោបាយទ្វេបក្ស (Bipartisan) រដ្ឋបាលសហរដ្ឋអាមេរិកបានប្រមូលប្រាក់ពីចំណូលពន្ធគយ សរុបចំនួន ២៨៨.៥ទ្រីលានដុល្លារ កាលពីឆ្នាំមុន និងពន្ធគយផ្សេងទៀត កើនឡើងពី ៩៨.៣ទ្រីលានដុល្លារ ក្នុងឆ្នាំ២០២៤។

មិនត្រឹមតែប៉ុណ្ណោះ ទាំងនេះជាការកើនឡើងយ៉ាងច្រើននៃប្រាក់ចំណូលពីការយកពន្ធលើការនាំចូល។ ប៉ុន្តែវាមិនគ្រប់គ្រាន់ទេ ក្នុងការគ្របដណ្តប់លើការសន្យាផ្សេងៗទៀត ដែលលោកបានសន្យាទាំងស្រុងនោះទេ។ លោកបាននិយាយថាពន្ធគយក៏អាចគ្របដណ្តប់លើភាគលាភដល់អ្នកជាប់ពន្ធ បង់បំណុលជូនជាតិ ហើយឥឡូវនេះគ្របដណ្តប់លើការចំណាយក្នុងវិស័យយោធាមួយផ្នែកធំទៀត។

លោក ត្រាំ នៅពេលប៉ុន្មានខែថ្មីៗនេះ បានត្អូញត្អែរម្តងហើយម្តងទៀតថា ក្រុមហ៊ុនក្នុងវិស័យការពារជាតិមានវិបត្តិនៅពីក្រោយការចែកចាយសព្វាវុធសំខាន់ៗ ប៉ុន្តែនៅតែបន្តផ្តល់ភាគលាភ និងការទិញភាគហ៊ុនមកវិញដល់វិនិយោគិន ជាពិសេសផ្តល់ប្រាក់បៀវត្សរ៍ដល់នាយកប្រតិបត្តិកំពូលទៀតផង៕

ប្រែសម្រួល៖ ណឺ មិនា

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា