ព័ត៌មានអន្ដរជាតិ

យន្តហោះម៉ាក«doomsday plane»របស់អាមេរិកចុះចតនៅ LA បង្កក្តីបារម្ភខ្លាំងក្នុងរឿងសន្តិសុខ

បានផុស

៦ ខែ មុន

នៅ

ថ្ងៃអាទិត្យ ១១ មករា ២០២៦

ដោយ

យន្តហោះដែលត្រូវបានគេដាក់ឈ្មោះថា «Doomsday» ឬយន្តហោះនៃថ្ងៃវិនាស ដ៏គួរឱ្យភ័យខ្លាចរបស់ដែលដឹករដ្ឋមន្ត្រីការពារជាតិអាមេរិក លោក Pete Hegseth ត្រូវបានគេប្រទះឃើញនៅក្នុងអាកាសយានដ្ឋាន Los Angeles (LAX) កាលពីថ្ងៃព្រហស្បតិ៍ ខណៈដែលភាពតានតឹងជាសកលបានកើនឡើងយ៉ាងខ្លាំង។ ការប្រទះឃើញនេះ បានធ្វើឱ្យមនុស្សជាច្រើនងឿងឆ្ងល់ថា «ហេតុអ្វីបានជាយន្តហោះ ត្រូវបានប្រើប្រាស់នៅពេលនេះ?»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរឱ្យដឹងថា គេបានឃើញវីដេអូពីបណ្តាញសង្គម X របស់ក្រុមហ៊ុនអាកាសចរណ៍ បានបង្ហោះវីដេអូនៃយន្តហោះម៉ាកនេះ មកដល់ព្រលាន LAX នៅព្រឹកថ្ងៃព្រហស្បតិ៍។

យោងតាមសារព័ត៌មាន MSN News បានឱ្យដឹងថា គណនី X នោះបានបង្ហោះខ្លឹមសារថា៖ «អ្វីដែលគេជឿថា ជាការបង្ហាញខ្លួនលើកដំបូងក្នុងប្រវត្តិសាស្ត្រជើងហោះហើររយៈពេល ៥១ឆ្នាំរបស់យន្តហោះម៉ាក Boeing ៧៤៧ E-៤B Nightwatch ដែលត្រូវបានគេស្គាល់ថា «Doomsday Plane» ។ យន្តហោះនេះបានបង្ហាញខ្លួននៅព្រលាន LAX អំឡុងពេលការផ្សាយបន្តផ្ទាល់វីដេអូរបស់ក្រុមហ៊ុនអាកាសចរណ៍ ហើយទំនងជានឹងក្លាយជាចំណុចលេចធ្លោ នៃឆ្នាំ២០២៦»។

លើសពីនេះ យន្តហោះម៉ាក Boeing E-៤B Nightwatch គឺជាមជ្ឈមណ្ឌលបញ្ជាពេញលេញ ដែលត្រូវបានរចនាឡើង ដើម្បីការពារសហរដ្ឋអាមេរិកពីការវាយប្រហារដោយមហន្តរាយ ហើយថែមទាំងអាចទប់ទល់នឹងឥទ្ធិពលនៃការផ្ទុះនុយក្លេអ៊ែរ។ មិនតែប៉ុណ្ណោះ វាគឺជាផ្នែកមួយនៃយុទ្ធសាស្ត្ររបស់ប្រទេស ក្នុងការរក្សាសណ្តាប់ធ្នាប់នៃសង្គ្រាមនុយក្លេអ៊ែរជាយថាហេតុ។

គួរឱ្យដឹងផងដែរថាការរចនាឡើងជាប៉ុស្តិ៍បញ្ជាការជាតិនៅលើអាកាសរបស់យោធាសហរដ្ឋអាមេរិក E-៤B ត្រូវបានសាងសង់ឡើងដើម្បីផ្លាស់ប្តូរទីតាំងរវាងទីតាំងនានាតាមតម្រូវការ ដោយរក្សាបាននូវភាពការបញ្ជា និងការត្រៀមប្រតិបត្តិការនៅក្នុងស្ថានភាពផ្សេងៗគ្នា។៕

ប្រែសម្រួល៖ ណឺ មិនា